Central Prison Peshawar

Central Prison Peshawar Central Prison Peshawar is rehabilitation and correctional center
'Hate for crime but not criminals'

23/03/2026

سنٹرل جیل پشاور میں "احساسِ شجر" پروگرام کے تحت شجرکاری تقریب کا انعقاد
انسپکٹر جنرل جیل خانہ جات خیبر پختونخوا، ریحان گل خان خٹک نے خصوصی شرکت کی، 23 مارچ یوم پاکستان کا کیک بھی کاٹا گیا اور اپنے ہاتھوں سے پودا لگا کر قومی مہم کا باقاعدہ افتتاح کیا۔

23/03/2026

آج بروز 23 مارچ 2026، سنٹرل جیل پشاور میں حکومت خیبر پختونخوا کے "احساسِ شجر" پروگرام کے تحت ایک پروقار شجرکاری تقریب کا انعقاد کیا گیا، جو وزیر اعلیٰ خیبر پختونخوا جناب سہیل خان آفریدی کی خصوصی ہدایات کی روشنی میں منعقد ہوئی۔ اس مہم کا مقصد ایک ہی دن میں دس لاکھ درخت لگانے کے حکومتی ہدف میں بھرپور حصہ ڈالنا تھا۔

اس موقع پر انسپکٹر جنرل جیل خانہ جات خیبر پختونخوا، جناب ریحان گل خان خٹک نے خصوصی شرکت کی 23 مارچ یوم پاکستان کا کیک بھی کاٹا گیا اور اپنے ہاتھوں سے پودا لگا کر اس قومی مہم کا باقاعدہ افتتاح کیا۔
یہ مہم صرف سنٹرل جیل پشاور تک محدود نہیں ہے بلکہ پورے صوبے کے تمام جیلوں میں ایک مربوط اور منظم انداز میں جاری ہے ۔اسی سلسلے میں محکمہ جیل خانہ جات خیبر پختونخوا کے زیر اہتمام صوبہ بھر کی تمام جیلوں اور دفاتر میں شجرکاری مہم کا باقاعدہ آغاز کر دیا گیا، جس میں تمام افسران اور عملے نے بھرپور شرکت کی۔ اس اجتماعی کاوش نے محکمہ جیل خانہ جات کی جانب سے ماحولیاتی تحفظ اور حکومتی وژن پر مکمل عملدرآمد کا واضح اور مثبت پیغام دیا۔
تقریب کے دوران یومِ پاکستان کی مناسبت سے کیک بھی کاٹا گیا، جس میں جیل عملہ نے بھرپور شرکت کی۔ اس موقع پر وطنِ عزیز کی سلامتی، ترقی اور خوشحالی کے لیے خصوصی دعائیں بھی کی گئیں۔

انسپیکٹر جنرل جیل خانہ جات نے کہا کہ اس وقت ہمارے ملک کو درپیش سب سے بڑے چیلنجز میں ماحولیاتی تبدیلی (Climate Change) اور بڑھتی ہوئی ابادی (Overpopulation) کا مسئلہ ہے اور اس پر قابو پانے کی اشد ضرورت ہے

انہوں نے مزید کہا کہ چترال سے لے کر پاڑاچنار تک اور مانسہرہ سے لے کر ڈی ائی خان تک ہمارے جتنے بھی جیل ہیں آن میں شجرکاری مہم بھرپور انداز سے چلایا گیا

انسپیکٹر جنرل جیل خانہ جات نے سیکرٹری جنگلات و ماحولیات جنید خان اور ان کی ٹیم کا بھی شکریہ ادا کیا جنہوں نے بروقت پودے مہیا کر کے اس مہم کو کامیاب بنانے میں بہت اہم کردار ادا کیا اسی طرح انہوں نے تمام سپرڈنٹ جیل کی کاوشوں کو سراہا جنہوں نے بہت شارٹ نوٹس پر پوری تیاری کر کے اس مہم کو کامیاب بنایا

تقریب کے اختتام پر اس عہد کا اظہار کیا گیا کہ شجرکاری مہم کو مستقل بنیادوں پر جاری رکھا جائے گا تاکہ ایک صاف، سرسبز اور محفوظ پاکستان کی بنیاد رکھی جا سکے۔

عید کے اس بابرکت موقع پر اللہ تعالیٰ سے دعا ہے کہ آپ سب کو صحت، خوشحالی اور بے شمار نعمتوں سے نوازے۔آپ کو اور آپ کے اہل ...
20/03/2026

عید کے اس بابرکت موقع پر اللہ تعالیٰ سے دعا ہے کہ آپ سب کو صحت، خوشحالی اور بے شمار نعمتوں سے نوازے۔
آپ کو اور آپ کے اہل خانہ کو دلی عید مبارک! ❤️

06/03/2026

سنٹرل جیل پشاور میں قیدیوں کی تعلیم، تربیت اور ڈیجیٹل مہارتوں کے فروغ کے لیے قائم کی گئی جدید کمپیوٹر لیب کی افتتاحی تقریب منعقد ہوئی۔ یہ کمپیوٹر لیب CECOS یونیورسٹی اور ریحمان میڈیکل انسٹیٹیوٹ (RMI) کے اشتراک سے قائم کی گئی ہے جس کا مقصد قیدیوں کو جدید دور کے تقاضوں کے مطابق انفارمیشن ٹیکنالوجی اور ڈیجیٹل مہارتوں سے آراستہ کرنا ہے۔

تقریب کے مہمان خصوصی صوبائی وزیر قانون، پارلیمانی امور و انسانی حقوق خیبر پختونخوا جناب آفتاب عالم خان تھے جبکہ اس موقع پر انسپکٹر جنرل جیل خانہ جات خیبر پختونخوا جناب ریحان گل خٹک، سابق ایم پی اے عائشہ بانو صاحبہ، ڈی آئی جی پشاور ریجن بیت اللہ خان، سی ای او RMI ڈاکٹر شفیق خان، وائس چانسلر CECOS یونیورسٹی ڈاکٹر محسن علی خان سمیت دیگر معزز مہمانان، افسران نے شرکت کی۔

سپرنٹنڈنٹ سنٹرل جیل پشاور وسیم خان نے مہمانوں کا استقبال کیا۔

سنٹرل جیل پشاور میں قائم اس کمپیوٹر لیب میں 30 جدید کمپیوٹرز اور ملٹی میڈیا پروجیکٹرز نصب کیے گئے ہیں جن کے ذریعے قیدیوں کو کمپیوٹر کی بنیادی تعلیم، ڈیجیٹل لٹریسی اور جدید ٹیکنالوجی سے متعلق مہارتیں فراہم کی جائیں گی تاکہ وہ رہائی کے بعد معاشرے میں باعزت اور مثبت کردار ادا کر سکیں۔
تقریب سے خطاب کرتے ہوئے انسپکٹر جنرل جیل خانہ جات خیبر پختونخوا ریحان گل خٹک نے جیلوں میں جاری مختلف اصلاحی، تعلیمی اور تربیتی سرگرمیوں پر تفصیلی بریفنگ دی اور کہا کہ محکمہ جیل خانہ جات جیلوں کو حقیقی معنوں میں اصلاح اور بحالی کے مراکز بنانے کے لیے عملی اقدامات کر رہا ہے۔ انہوں نے RMi اور CECOS یونیورسٹی کا بھی شکریہ ادا کیا۔

محترمہ عائشہ بانو، سابقہ رکن صوبائی اسمبلی نے بھی قیدیوں کی تعلیم اور ہنر مندی کی اہمیت پر زور دیتے ہوئے کہا کہ اس نوعیت کے اقدامات قیدیوں کی اصلاح اور بحالی میں اہم کردار ادا کرتے ہیں۔

اپنے خطاب میں مہمان خصوصی صوبائی وزیر قانون و انسانی حقوق آفتاب عالم خان نے اس اقدام کو سراہتے ہوئے کہا کہ موجودہ دور میں تعلیم اور انفارمیشن ٹیکنالوجی کی اہمیت بہت زیادہ ہے اور قیدیوں کو جدید مہارتوں سے آراستہ کرنا ان کی بحالی اور معاشرے میں مثبت واپسی کے لیے انتہائی ضروری ہے اور صوبائی حکومت کی جانب سے ہر قسم کی تعاون کی یقین دہانی کرائی۔

اس موقع پر اس عزم کا اعادہ کیا گیا کہ محکمہ جیل خانہ جات خیبر پختونخوا مستقبل میں بھی تعلیمی اداروں اور دیگر شراکت داروں کے تعاون سے ایسے اقدامات جاری رکھے گا تاکہ قیدیوں کو جدید تعلیم اور ہنر فراہم کر کے انہیں معاشرے کا مفید اور باوقار شہری بنایا جا سکے۔

26/02/2026

انسپکٹر جنرل جیل خانہ جات کے پی صرف ایک کال کی دوری پر

حکومت خیبر پختونخوا کی خصوصی ہدایات پر انسپکٹر جنرل جیل خانہ جات جناب ریحان گل خٹک 2 مارچ بروز پیر 1:30pm پر آن لائن کھلی کچہری کا انعقاد کرینگے آپ اپنی تجاویز و شکایات کیلئے دئے گئے نمبروں پر کال یا واٹس ایپ کر سکتے ہیں۔

PMRU Khyber Pakhtunkhwa
Government of Khyber Pakhtunkhwa
Chief Minister Khyber Pakhtunkhwa
Chief Secretary Khyber Pakhtunkhwa
Directorate General Information & PRs, KP
Home & Tribal Affairs Department Khyber Pakhtunkhwa

20/02/2026

محترم انسپکٹر جنرل جیل خانہ جات جناب ریحان گل خٹک کی ہدایات کے مطابق، قیدیوں کی بحالی اور اصلاحی اقدامات کے تسلسل میں، جامعہ تعلیم القرآن ٹرسٹ، خیبر پختونخوا کی جانب سے جیل کے اندر مذہبی امتحانات کا انعقاد کیا گیا۔
امتحانات کی تکمیل کے بعد مورخہ 18-02-2026 کو کامیاب قیدی طلبہ کی حوصلہ افزائی اور ترغیب کے لیے تقسیمِ اسناد کی تقریب منعقد کی گئی۔ اس تقریب میں معروف علمائے کرام نے شرکت کی اور کامیاب ہونے والے قیدیوں میں اسناد تقسیم کی گئیں۔
مجموعی طور پر 77 قیدیوں نے ناظرہ قرآن، 21 قیدیوں نے ترجمہ قرآن جبکہ 01 قیدی نے حفظ القرآن مکمل کیا۔
اس موقع پر ایک اصلاحی و تربیتی بیان بھی کیا گیا جس میں اخلاقی بہتری، خود احتسابی، توبہ، صبر اور رہائی کے بعد قانون پسند اور ذمہ دارانہ زندگی گزارنے پر زور دیا گیا۔
بیان میں اس بات پر خصوصی تاکید کی گئی کہ قرآنی تعلیمات انسانی کردار میں مثبت تبدیلی لانے اور قیدیوں کی اصلاح میں بنیادی کردار ادا کرتی ہیں۔

15/02/2026

سنٹرل جیل پشاور سٹاف کی جانب سے سیار خان اسسٹنٹ سپرنٹنڈنٹ جیل کے ریٹائرمنٹ کے موقع پر پروقار تقریب کا اہتمام کیا گیا۔
تقریب میں ڈی آئی جی پشاور ریجن جانب نعیم خان نے بھی خصوصی شرکت کی۔
وسیم خان سپرنٹنڈنٹ جیل پشاور نے اس موقع پر سیار خان کیلئے نیک خواہشات کا اظہار کیا اور کہا کہ محکمہ جیل خانہ جات کیلئے سیار خان کی 39 سالہ خدمات کو ہمیشہ اچھے الفاظ میں یاد کیا جائے گا۔

5 فروری یوم یکجہتی کشمیر
05/02/2026

5 فروری یوم یکجہتی کشمیر

Address

Peshawar

Website

Alerts

Be the first to know and let us send you an email when Central Prison Peshawar posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Central Prison Peshawar:

Shortcuts

Share

Category