02/08/2026
چیئرمین عمران خان کے فلاحی اور ترقی یافتہ ریاست کے وژن اور وزیراعلیٰ خیبرپختونخوا محمد سہیل خان آفریدی کی قیادت میں پشاور ریوائٹلائزیشن اینڈ اربن ٹرانسفارمیشن پروگرام کے تحت پشاور کی ترقی، بحالی اور جدید شہری مستقبل کی جانب ایک اور تاریخی پیش رفت!
پشاور کو ایک جدید، منظم، سرسبز، صاف ستھرا اور عوام دوست شہر بنانے کے لیے اربوں روپے کے نئے ترقیاتی منصوبوں کی منظوری دے دی گئی ہے۔ یہ منصوبے صرف انفراسٹرکچر کی تعمیر تک محدود نہیں بلکہ شہریوں کو بہتر طرزِ زندگی، معیاری شہری سہولیات، مؤثر نکاسیٔ آب، صاف ماحول، جدید ویسٹ مینجمنٹ اور پائیدار شہری ترقی کی فراہمی کی جانب ایک جامع حکمتِ عملی کا حصہ ہیں۔
پشاور ریوائٹلائزیشن پلان کے تحت منظور شدہ اہم منصوبے:
⬅️ 7,000 ملین روپے — سینٹ میری اسکول سے رنگ روڈ تک ورسک روڈ کی کشادگی کے لیے فزیبلٹی اسٹڈی اور ڈیزائن
⬅️ 3,270.95 ملین روپے — ڈبلیو ایس ایس پی (WSSP) کے دائرۂ اختیار میں صفائی کی خدمات بہتر بنانے کے لیے اضافی سروس گاڑیوں کی خریداری
⬅️ 2,297.12 ملین روپے — موجودہ لینڈ فل سائٹ اور ویسٹ ٹرانسفر اسٹیشنز کی اپ گریڈیشن
⬅️ 372.52 ملین روپے — جدید برقی روڈ کلینرز (Electric Road Sweepers) کی خریداری
⬅️ 2,855.94 ملین روپے — واٹر سپلائی سسٹم (WSSP) کی بہتری اور استعداد میں اضافہ
⬅️ 1,409.18 ملین روپے — شہری سیلاب سے متاثرہ ہاٹ اسپاٹس کی بہتری اور نکاسیٔ آب کے نظام کی مضبوطی
⬅️ 11,096 ملین روپے — نالوں اور سیوریج نظام کی بحالی، بہتری اور توسیع
⬅️ 17,520 ملین روپے — فقیر کلے سیوریج ٹریٹمنٹ پلانٹ کی تعمیر
یہ منصوبے پشاور کی بدلتی ہوئی شناخت اور جدید شہری ترقی کے وژن کی عکاسی کرتے ہیں۔ ان کی تکمیل سے شہر میں صفائی اور ویسٹ مینجمنٹ کے نظام میں نمایاں بہتری آئے گی، نکاسیٔ آب کے دیرینہ مسائل کم ہوں گے، شہری سیلاب کے خطرات میں کمی آئے گی، صاف پانی اور بہتر شہری سہولیات کی فراہمی ممکن ہوگی، جبکہ ٹریفک، ماحول اور کاروباری سرگرمیوں پر بھی مثبت اثرات مرتب ہوں گے۔ یہ اقدامات پشاور کو ایک صاف، محفوظ، پائیدار اور مستقبل کے تقاضوں سے ہم آہنگ شہر بنانے میں اہم کردار ادا کریں گے۔
حکومتِ خیبرپختونخوا، وزیراعلیٰ محمد سہیل خان آفریدی کی قیادت میں، عوامی خدمت، پائیدار شہری ترقی اور خوشحال خیبرپختونخوا کے وژن کو عملی جامہ پہنانے کے لیے بھرپور اقدامات کر رہی ہے۔ ہر ترقیاتی منصوبہ ایک بہتر پشاور، مضبوط شہری انفراسٹرکچر اور روشن مستقبل کی جانب ایک اور اہم قدم ہے۔
