https://www.facebook.com/100555348247748/

Sanaullah Jattak PPP, Quetta (2026)

23/01/2026

لندن:
بلوچستان کے ایک اعلیٰ سطحی پارلیمانی وفد نے اسپیکر بلوچستان اسمبلی عبدالخالق اچکزئی کی قیادت میں برطانیہ کا سرکاری دورہ کیا۔ وفد میں رکنِ صوبائی اسمبلی میر عبیداللہ گورگیج، پارلیمانی سیکریٹری برائے بہبودِ آبادی پرنس آغا عمر احمدزئی، صوبائی وزیر مواصلات و تعمیرات (سی اینڈ ڈبلیو) سلیم کھوسہ، پارلیمانی سیکریٹری برائے قانون، اور سیکریٹری صوبائی اسمبلی بلوچستان شامل تھے۔
دورے کے دوران وفد نے برطانوی پارلیمنٹ کے دونوں ایوانوں — ہاؤس آف کامنز اور ہاؤس آف لارڈز — کا دورہ کیا اور برطانوی اراکینِ پارلیمنٹ سے ملاقاتیں کیں۔ ملاقاتوں میں پاکستان اور برطانیہ کے درمیان پارلیمانی روابط کے فروغ، جمہوری اداروں کے استحکام اور باہمی دلچسپی کے مختلف امور پر تفصیلی تبادلۂ خیال کیا گیا۔

19/01/2026

پاکستان پیپلز پارٹی کے سینئر رہنما سابق ڈپٹی جنرل سیکرٹری میر ثناءاللہ جتک نے وزیراعلیٰ بلوچستان میر سرفراز بگٹی کو زبردست خراجِ تحسین پیش کرتے ہوئے کہا ہے کہ بلوچستان کی تاریخ میں پہلی مرتبہ ان کی مدبر اور باصلاحیت قیادت میں محکمہ خزانہ کی 111 سرکاری آسامیوں پر مکمل شفافیت، غیر جانبداری اور میرٹ کی بنیاد پر بھرتی ایک انقلابی اور قابلِ تقلید اقدام ہے۔
انہوں نے کہا کہ اس تاریخی اور شفاف عمل کے نتیجے میں صوبے کے باصلاحیت نوجوانوں کو باعزت روزگار کے مساوی مواقع فراہم ہوئے ہیں، جس سے نہ صرف نوجوانوں کے مستقبل کو نئی سمت ملی ہے بلکہ عوام کا ریاستی اداروں اور سرکاری نظام پر اعتماد بھی ایک بار پھر مضبوط ہوا ہے۔
میر ثناءاللہ جتک نے مزید کہا کہ ایک ہی دن میں تحریری امتحان، نتائج کے اعلان اور تقرریوں کا منظم، تیز اور شفاف عمل بلوچستان کی انتظامی تاریخ میں ایک روشن مثال ہے، جو اس امر کا واضح ثبوت ہے کہ پاکستان پیپلز پارٹی کی حکومت صرف دعووں پر نہیں بلکہ عملی کارکردگی، شفاف طرزِ حکمرانی اور حقیقی میرٹ پر یقین رکھتی ہے۔
انہوں نے کہا کہ وزیراعلیٰ بلوچستان میر سرفراز بگٹی کی اصلاحاتی، عوام دوست اور نوجوانوں کو بااختیار بنانے والی پالیسیوں نے صوبے کو ترقی، انصاف اور پائیدار خوشحالی کے راستے پر گامزن کر دیا ہے، جو آنے والے وقت میں بلوچستان کی تقدیر بدلنے کا پیش خیمہ ثابت ہوں گی۔ میر ثناءاللہ جتک نے اس عزم کا اظہار کیا کہ پاکستان پیپلز پارٹی وزیراعلیٰ میر سرفراز بگٹی کی قیادت میں شروع کی گئی ان تاریخی اصلاحات کو مزید وسعت دینے، مضبوط بنانے اور عوامی توقعات پر پورا اترنے کے لیے ہر سطح پر ان کے شانہ بشانہ کھڑی رہے گی اور صوبے کی تعمیر و ترقی کا یہ سفر بھرپور انداز میں جاری رکھے گی۔

30/12/2025

کوئٹہ: پاکستان پیپلز پارٹی کے مرکزی رہنما اور آفس انچارج سینیٹر روزی خان کاکڑ سے پاکستان پیپلز پارٹی کے صوبائی رہنماؤں، بلوچستان کے مختلف اضلاع سے تعلق رکھنے والے جیالے ورکرز، کوئٹہ سٹی، ڈویژن اور ڈسٹرکٹ کوئٹہ کے جیالوں اور سینئر ساتھیوں نے پی پی پی سیکریٹریٹ آفس میں ملاقات کی۔

ملاقات کے موقع پر سینیٹر روزی خان کاکڑ نے پارٹی جیالوں کے مسائل بغور سنے اور ان کے فوری اور مؤثر حل کے لیے متعلقہ حکام سے رابطے اور عملی اقدامات کی یقین دہانی کرائی۔

اس موقع پر گفتگو کرتے ہوئے پاکستان پیپلز پارٹی کے مرکزی رہنما سینیٹر روزی خان کاکڑ نے کہا کہ پارٹی ورکرز ہی پیپلز پارٹی کا اصل سرمایہ ہیں اور ان کے مسائل کا حل پارٹی قیادت کی اولین ترجیح ہے۔ انہوں نے کہا کہ پیپلز پارٹی ہمیشہ اپنے جیالوں کے ساتھ کھڑی رہی ہے اور آئندہ بھی ان کے حقوق کے تحفظ اور مسائل کے حل کے لیے ہر ممکن کردار ادا کرتی رہے گی۔

سینیٹر روزی خان کاکڑ نے وزیر اعلیٰ بلوچستان میر سرفراز بگٹی کا شکریہ ادا کرتے ہوئے کہا کہ وزیر اعلیٰ بلوچستان پارٹی ورکرز کے مسائل کے حل کے لیے سنجیدگی، خلوص اور عملی اقدامات کے ساتھ کام کر رہے ہیں، جس سے جیالوں میں اعتماد اور حوصلہ پیدا ہوا ہے۔

انہوں نے مزید کہا کہ پیپلز پارٹی عوامی جماعت ہے اور عوامی مسائل کا حل ہی ہماری سیاست کا محور ہے۔ پارٹی قیادت، کارکنان اور عوام کے درمیان رابطے کو مزید مضبوط بنایا جائے گا تاکہ بلوچستان میں ترقی، استحکام اور عوامی خوشحالی کو یقینی بنایا جا سکے۔

اور انہوں نے کہا کہ پیپلز پارٹی واحد سیاسی جماعت ہے جو کارکنوں کو صرف انتخابات کے وقت نہیں بلکہ ہر مشکل گھڑی میں ساتھ لے کر چلتی ہے۔ جیالوں کی عزت، ان کی آواز اور ان کے مسائل کا حل ہماری قیادت کی اولین ترجیح ہے۔ پارٹی کارکنوں کی قربانیاں کبھی رائیگاں نہیں جائیں گی اور انہیں ان کا جائز حق دلانا ہماری مشترکہ ذمہ داری ہے۔

*میڈیا سیل پی پی پی سیکریٹریٹ آفس*

21/10/2025

میر عبیداللہ گورگیج کا حلقہ پی بی-44 کا ہنگامی دورہ، ترقیاتی منصوبوں کا معائنہ

رکن صوبائی اسمبلی میر عبیداللہ گورگیج نے حلقہ پی بی-44 کے مختلف علاقوں کا ہنگامی بنیادوں پر دورہ کرتے ہوئے جاری ترقیاتی منصوبوں کا معائنہ کیا۔ اس موقع پر انہوں نے کلی لوہڑ کاریز میں 100 کے وی بجلی ٹرانسفارمر کا افتتاح کیا۔
علاقے کے عوام نے خوشی اور اطمینان کا اظہار کرتے ہوئے کہا کہ 1990 کے بعد یہ پہلا موقع ہے کہ کسی عوامی نمائندے نے عملی خدمت اور عوام دوستی کا ثبوت دیا ہے۔ لوگوں نے کہا کہ “سابق نمائندے دن کے اُجالے میں بھی عوام سے غائب رہتے تھے، لیکن میر عبیداللہ گورگیج دن ہو یا رات، ہر وقت عوام کے درمیان موجود رہتے ہیں۔”
عوام نے مزید کہا کہ “رات کی اس تاریکی میں بھی میر صاحب کا عوامی علاقوں کا دورہ کرنا ان کی خدمت اور عزم کی روشن مثال ہے۔”
اس موقع پر پاکستان پیپلز پارٹی کے صوبائی رہنما میر ثناءاللہ جتک، میر ابرار جعفر میر، میر خدائے نظر کبدانی، میر طارق۔ میر صوبدار جتک ۔ سرپرہ، میر ہاشم محمد شہی، میر بائے رشید جتک اور میر نبیل جتک بھی موجود تھے۔

20/10/2025

سریاب میں ترقی و خوشحالی کا نیا دور — میر عبیداللہ گورگیج کی قیادت میں خدمت کا سفر جاری

رکن صوبائی اسمبلی، خادمِ سریاب میر عبیداللہ گورگیج کی خصوصی ہدایت اور عوامی خدمت کے عزم کے تحت حلقہ پی بی-44 میں ترقیاتی کاموں کا سلسلہ تیزی سے جاری ہے۔ لوہڑ کاریز، محمد شہی اسٹریٹ، کلی لہڑی، غوث آباد شاہوانی اسٹریٹ، کلی ابراہیم زئی اور عسئی نگری سمیت مختلف علاقوں میں ٹف ٹائل، نالیوں اور سیوریج لائنوں کی تعمیر کا کام دن رات جاری ہے۔
یہ منصوبے عوامی فلاح و بہبود، بنیادی سہولیات کی فراہمی اور علاقے کی دیرینہ محرومیوں کے ازالے کے لیے سنگِ میل ثابت ہو رہے ہیں۔
اس موقع پر پاکستان پیپلز پارٹی بلوچستان کے صوبائی رہنما میر ثناءاللہ جتک نے میڈیا سے گفتگو کرتے ہوئے کہاآج وہ لوگ جو ماضی میں ووٹ لے کر غائب ہو جاتے تھے، خادمِ سریاب میر عبیداللہ گورگیج کی خدمت دیکھ کر پریشان ہیں۔ سیاسی مخالفین کی نیندیں حرام ہو چکی ہیں کیونکہ اب سریاب کے عوام کو وہ قیادت میسر آچکی ہے جو وعدے نہیں، عملی کاموں پر یقین رکھتی ہے۔”

میر ثناءاللہ جتک نے مزید کہا کہ عوام دہائیوں سے بنیادی سہولیات سے محروم تھے، مگر آج میر عبیداللہ گورگیج کی عوام دوست قیادت کی بدولت گلی کوچے ترقی کی نئی راہوں پر گامزن ہیں۔ انہوں نے کہا کہ پیپلز پارٹی عوام کی جماعت ہے اور اس کے رہنما خدمت کو عبادت سمجھتے ہیں۔
دورے کے دوران میر ابرار جعفر، میر طارق سرپرہ، میر شیر احمد بنگلزئی، میر امیر بخش لہڑی اور میر امین بنگلزئی نے بھی مختلف جاری منصوبوں کا معائنہ کیا اور عوام سے ملاقاتیں کیں۔ رہنماؤں نے اطمینان کا اظہار کرتے ہوئے کہا کہ یہ تمام ترقیاتی کام میر عبیداللہ گورگیج کے وژن اور عوامی خدمت کے جذبے کا عملی ثبوت ہیں۔
رہنماؤں کا کہنا تھا:

خادمِ سریاب میر عبیداللہ گورگیج کے ترقیاتی اقدامات کی بدولت سریاب میں خوشحالی کا نیا دور شروع ہو رہا ہے۔ عوامی مسائل کے حل کے لیے عملی اقدامات جاری رہیں گے، اور پیپلز پارٹی اپنے منشور کے مطابق عوام کے درمیان رہ کر خدمت کا تسلسل برقرار رکھے گی۔

14/10/2025

رکن صوبائی اسمبلی میر عبیداللہ گورگیج کے ترقیاتی کاموں کا سلسلہ جاری
شاہ ٹاؤن اور جی ٹی کالونی میں ترقیاتی کاموں کا جال بچھایا جا رہا ہے۔ سڑکوں، نالیوں، سیوریج اور ٹف ٹائل کے منصوبوں پر تیزی سے کام جاری ہے۔
اس موقع پر پاکستان پیپلز پارٹی بلوچستان کے رہنما میر ثناءاللہ جتک، میر ابرار جعفر، میر طارق سرپرہ، اور میر شیر احمد بنگلزئی نے ترقیاتی کاموں کا معائنہ کیا۔
علاقے کے عوام نے ترقیاتی منصوبوں کے آغاز پر رکن صوبائی اسمبلی میر عبیداللہ گورگیج کا شکریہ ادا کرتے ہوئے کہا کہ ان کے اقدامات سے علاقے کی دیرینہ مشکلات حل ہو رہی ہیں۔

02/09/2025

ین پی مینگل کے جلسے پر خودکش حملہ

میر عبیداللہ گورگیج کی ٹراما سینٹر کوئٹہ آمد، زخمی کارکنوں کی عیادت

کوئٹہ (رپورٹ):
بلوچستان نیشنل پارٹی مینگل کے حالیہ جلسے پر خودکش حملے میں زخمی ہونے والے کارکنوں کی عیادت کے لیے رکن صوبائی اسمبلی میر عبیداللہ گورگیج ٹراما سینٹر کوئٹہ پہنچے۔ اس موقع پر انہوں نے مختلف وارڈز کا دورہ کیا اور زخمیوں کی خیریت دریافت کی۔
زخمیوں میں سابق رکن اسمبلی احمد نواز بلوچ بھی شامل تھے جن کی طبی حالت کے بارے میں ڈاکٹروں نے میر عبیداللہ گورگیج کو تفصیلات فراہم کیں۔ اسپتال انتظامیہ نے انہیں بتایا کہ زخمی مریضوں کو بہترین طبی سہولتیں فراہم کی جا رہی ہیں۔

میر عبیداللہ گورگیج کا اظہار یکجہتی

سابق رکن صوبائی اسمبلی ثناء بلوچ سے گفتگو کرتے ہوئے میر عبیداللہ گورگیج نے کہا:
"یہ مشکل گھڑی صرف بی این پی مینگل کے کارکنوں کی نہیں بلکہ ہم سب کی ہے۔ ہم دکھ اور تکلیف کی اس گھڑی میں آپ لوگوں کے ساتھ ہیں۔ زخمیوں کے علاج معالجے میں کسی قسم کی غفلت یا کوتاہی ہرگز برداشت نہیں کی جائے گی۔"

پیپلز پارٹی کی نمائندگی

اس موقع پر پیپلز پارٹی بلوچستان کے رہنما میر ثناءاللہ جتک۔ ٹکری میر عظیم لہڑی ۔ بھی ان کے ہمراہ موجود تھے۔ انہوں نے زخمی کارکنوں اور ان کے اہلخانہ سے ہمدردی کا اظہار کرتے ہوئے کہا کہ پیپلز پارٹی ہر مشکل وقت میں عوام اور سیاسی کارکنوں کے شانہ بشانہ کھڑی ہے۔

اسپتال انتظامیہ کو ہدایات

میر عبیداللہ گورگیج نے ٹراما سینٹر کے حکام کو ہدایت دی کہ زخمیوں کی علاج و معالجے کی تمام تر ضروریات کو اولین ترجیح دی جائے اور ان کے اہل خانہ کو ہر ممکن سہولت فراہم کی جائے
اس موقع پر زخمیوں اور شہید ہونے والے کے لیے خصوص دعا کی گی ۔۔

26/07/2025

ایم پی اے میر عبیداللہ گورگیج کے حلقہ انتخاب پی بی 44 کے علاقے چالوں باوڑی وائس اسٹریٹ میں جاری ترقیاتی کاموں سے متعلق سوشل میڈیا پر وائرل ہونے والی ویڈیو پر ایکسین بی اینڈ آر محمد انور اور متعلقہ محکمے کے دیگر زمہ داران نے نوٹس لیتے ہوئے موقع پر پہنچ کر کام کا معائنہ کیا۔
اس موقع پر ایکسین محمد انور نے میڈیا سے گفتگو کرتے ہوئے کہا کہ عوامی مفاد میں جاری تمام ترقیاتی منصوبے حکومت بلوچستان اور منتخب نمائندے میر عبیداللہ گورگیج کی خصوصی ہدایات پر شفافیت کے ساتھ مکمل
کیے جا رہے ہیں۔ انہوں نے مزید کہا کہ کام کے معیار پرکوئی سمجھوتہ نہیں کیا جائے گا۔

اہلیان علاقہ نے بھی میڈیا سے بات کرتے ہوئے کہا کہ

ترقیاتی منصوبے برسوں سے نظر انداز کیے گئے مسائل کا دیرینہ حل ہیں۔ سڑکوں کی مرمت، سیوریج لائن، اسٹریٹ لائٹس اور دیگر بنیادی سہولیات کی فراہمی عوامی فلاح کی طرف ایک اہم قدم ہے، جس پر وہ ایم پی اے میر عبیداللہ گورگیج اور محکمہ بی اینڈ آر کے شکر گزار ہیں۔
مقامی شہریوں نے سوشل میڈیا پر وائرل ویڈیو کو بدنیتی پر مبنی پروپیگنڈا قرار دیتے ہوئے کہا کہ بعض عناصر علاقے کی ترقی سے خوش نہیں اور جھوٹے الزامات کے ذریعے عوام میں غلط فہمیاں پھیلانا چاہتے ہیں۔
رپورٹ کے اختتام پر ایکسین محمد انور نے یقین دلایا کہ تمام ترقیاتی کام نہ صرف معیاری ہوں گے بلکہ بروقت مکمل کیے جائیں گے تاکہ علاقے کے مکین جلد از جلد ان سہولیات سے مستفید ہو سکیں۔

18/07/2025

کوئٹہ: پاکستان پیپلز پارٹی بلوچستان کے سینئر رہنما سلطان شاہ مرحوم کی نمازِ جنازہ میں پیپلز پارٹی کے رہنما میر ثناءاللہ جتک نے شرکت کی۔
انہوں نے اس موقع پر دلی افسوس کا اظہار کرتے ہوئے کہا کہ سلطان شاہ پارٹی کے ایک مخلص اور نظریاتی کارکن تھے جن کی خدمات ہمیشہ یاد رکھی جائیں گی۔
انہوں نے دعا کرتے ہوئے کہا: اللہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو صبر جمیل عطا کرے۔

02/07/2025

اسلام آباد: پاکستان پیپلزپارٹی کے چیئرمین بلاول بھٹو زرداری سے پی پی پی میں شامل ہونے والے آزاد جموں و کشمیر کے سیاسی رہنماؤں کی ملاقات

01/07/2025

کوئٹہ: وزیر اعلیٰ بلوچستان سے حاجی ملک شاہ گورگیج اور حاجی میر عبداللہ گورگیج کی ملاقات

وزیر اعلیٰ بلوچستان میر سرفراز بگٹی سے رکن قومی اسمبلی حاجی ملک شاہ گورگیج اور رکن صوبائی اسمبلی حاجی میر عبداللہ گورگیج نے ملاقات کی۔ ملاقات میں بلوچستان کی موجودہ سیاسی صورتحال، ترقیاتی منصوبوں، عوامی فلاح و بہبود کے امور اور پارلیمانی ہم آہنگی پر تفصیلی گفتگو ہوئی۔

رہنماؤں نے صوبے کو درپیش چیلنجز کے حل اور عوامی مسائل کے خاتمے کے لیے مشترکہ کوششوں کے عزم کا اظہار کیا۔ وزیر اعلیٰ نے عوامی نمائندوں کے تعاون کو سراہتے ہوئے کہا کہ بلوچستان کی ترقی کے لیے تمام سیاسی قوتوں کو ایک پلیٹ فارم پر آ کر کام کرنا ہوگا۔

30/06/2025

شکر الحمدللہ — خادم سریاب، رکن بلوچستان اسمبلی پی بی 44 سردار حاجی میر عبیداللہ گورگیج کا ترقیاتی کارنامہ
کوئٹہ:
رکن صوبائی اسمبلی حلقہ پی بی 44، سردار حاجی میر عبیداللہ گورگیج کے خصوصی ترقیاتی فنڈ سے نوید اسکیم اور شاہ جی چوک میں سولر اسٹریٹ لائٹس کی تنصیب مکمل کر لی گئی ہے۔ اس اہم منصوبے کی تکمیل پر اہل علاقہ میں خوشی کی لہر دوڑ گئی اور انہوں نے پاکستان پیپلز پارٹی کے ایم پی اے کا دل سے شکریہ ادا کیا۔
علاقہ مکینوں نے اپنے جذبات کا اظہار کرتے ہوئے کہا کہ:

"یہ منصوبہ برسوں سے ایک خواب تھا جو سردار عبیداللہ گورگیج کی قیادت میں حقیقت کا روپ دھار گیا۔ گذشتہ 20 سال میں اتنا جامع اور مؤثر ترقیاتی کام پہلی مرتبہ دیکھنے کو ملا ہے۔"

سردار گورگیج کی ٹیم نے موقع پر کام کا جائزہ بھی لیا، جن میں ابرار جعفر، میر ثناءاللہ جتک، طارق سرپرہ، صوبیدار جتک، شیر احمد بنگلزئی، میر امیر بخش لہڑی، حاجی امین بنگلزئی، ٹکری محمد عظیم لہڑی سمیت علاقے کے دیگر معززین شامل تھے۔
اس موقع پر سردار گورگیج نے گفتگو کرتے ہوئے کہا:

"انشاء اللہ حلقہ پی بی 44 میں ترقی کا سفر جاری رہے گا۔ عوامی مسائل کو ترجیحی بنیادوں پر حل کیا جائے گا، اور ہم سب کو متحد ہوکر اپنے علاقے کی بہتری کے لیے کام کرنا ہوگا۔"

یہ منصوبہ نہ صرف عوام کے دیرینہ مطالبے کی تکمیل ہے بلکہ پیپلز پارٹی کی عوامی خدمت اور عملی سیاست کا واضح ثبوت بھی ہے۔

Sanaullah Jattak PPP

23/01/2026

19/01/2026

30/12/2025

21/10/2025

20/10/2025

14/10/2025

02/09/2025

26/07/2025

18/07/2025

02/07/2025

01/07/2025

30/06/2025

Address

Telephone

Website

Alerts

Contact The Organization

Shortcuts

Share

Category