12/09/2025
ایس ایچ او پشتون آباد پولیس اسٹیشن روزی خان شیرانی اور عملے کا پاکستانی شہریوں کے ساتھ شناختی کارڈ چیکنگ کے نام پر غیر مناسب رویہ، اسلامک رائیٹرز فورم پاکستان، کوئٹہ کا فوری محکمانہ کارروائی اور تبادلے کا مطالبہ
کوئٹہ (پریس ریلیز): اسلامک رائیٹرز فورم ضلع کوئٹہ کے کابینہ نے اپنے مشترکہ بیان جاری کرتے ہوئے کہا ہے کہ پولیس ہمارے معاشرے کے ایک معزز ادارہ ہے جس نے ہمیشہ امن و امان قائم رکھنے میں اہم کردار ادا کیا ہے، لیکن بعض اہلکاروں کا رویہ پولیس کے اس عظیم ادارے کی ساکھ کو نقصان پہنچانے کا وجہ بن رہا ہے جو اپنی کرسی اور اختیارات کا غیر قانونی استعمال کرتے ہوئے پائے گئے ہیں۔ سیکرٹری اطلاعات عطاء اللہ پکتوی
پولیس تھانہ پشتون آباد کے SHO روزی خان شیرانی اور عملہ اس غیر قانونی اور غیر اخلاقی رویہ میں سرگرم ہے، آج بروز جمعہ کوئٹہ کے علاقے پشتون آباد میں شناختی کارڈ چیکنگ کے نام پر پولیس کا ناکہ چیکنگ میں مصروف تھا اس دوران افغان مہاجرین کی آڑ میں معزز پاکستانی شہریوں پر دباؤ ڈالنے کا افسوس ناک واقعہ کچھ یوں پیش آیا جب اسلامک رائیٹرز فورم پاکستان، ضلع کوئٹہ کے صدر و سینئر صحافی محمد انور کاکڑ کو قومی شناختی کارڈ رکھنے کے باوجود گرفتاری کا نشانہ بنایا گیا اور پولیس تھانہ لے جاکر وہاں پریشرائز کرتے ہوئے دھمکیاں دی گئی، جو سراسر افسوسناک اور قانون سے انحراف ہے۔
ضلعی کابینہ نے کہا کہ ایسے اقدامات شہریوں اور پولیس کے درمیان اعتماد کو کمزور کرتے ہیں اور معاشرے میں غلط فہمیاں پیدا کرتے ہیں۔
اسلامک رائیٹرز فورم پاکستان، ضلع کوئٹہ نے مطالبہ کیا کہ متعلقہ ایس ایچ او پشتون آباد روزی خان شیرانی، ڈپٹی آفیسر مشتاق احمد، ہیڈ محرر اور عملے کے خلاف فوری محکمانہ کارروائی کی جائے۔ سیکریٹری اطلاعات
ان کا تبادلہ عمل میں لایا جائے اور اس رویے پر معذرت کی جائے تاکہ عوام اور پولیس جیسے دو اہم اداروں کے درمیان غلط فہمی ختم ہو اور قانون کی بالادستی کا تاثر مضبوط ہو۔ سیکریٹری اطلاعات عطاء اللہ خان
