District Information Office Quetta

Call Directions

District Information Office Quetta "Success means doing the best with what we have. Success is the doing, not the getting; in the trying, not the triumph.

Success is a personal standard, reaching for the highest that is in us, becoming all that we can be."

05/10/2026
ڈپٹی کمشنر کوئٹہ ویسٹ کی کھلی کچہری
05/10/2026

ڈپٹی کمشنر کوئٹہ ویسٹ کی کھلی کچہری

05/10/2026

ریونیو ٹیکسز اور زرعی انکم ٹیکس کی وصولی کے حوالے سے اہم اجلاس

کوئٹہ: ایڈیشنل ڈپٹی کمشنر (ریونیو) کوئٹہ حافظ محمد طارق کی زیرِ صدارت ریونیو ٹیکسز اور زرعی انکم ٹیکس کی وصولی، ریکارڈ کی جانچ پڑتال اور متعلقہ امور کے حوالے سے اجلاس منعقد ہوا۔

اجلاس میں تمام متعلقہ تحصیلداران، نائب تحصیلداران، پٹواریوں اور دیگر متعلقہ اہلکاروں نے شرکت کی۔ اجلاس میں ضلع کوئٹہ میں ریونیو ٹیکسز اور زرعی انکم ٹیکس کی موجودہ صورتحال، وصولی کے اہداف، بقایاجات اور ریکارڈ کی جانچ پڑتال کا تفصیلی جائزہ لیا گیا۔

اس موقع پر ایڈیشنل ڈپٹی کمشنر (ریونیو) حافظ محمد طارق نے متعلقہ افسران و اہلکاران کو ہدایت کی کہ زرعی انکم ٹیکس اور دیگر سرکاری واجبات کی وصولی کے عمل کو مزید مؤثر بنایا جائے، ریکارڈ کو مکمل اور درست رکھا جائے جبکہ ٹیکس دہندگان کے ریکارڈ کی باقاعدگی سے جانچ پڑتال کی جائے۔

انہوں نے ہدایت کی کہ ریونیو ریکارڈ میں شفافیت اور درستگی کو یقینی بنایا جائے اور زیرِ التوا معاملات کو مقررہ مدت کے اندر نمٹایا جائے۔ اس کے علاوہ ٹیکس وصولی کی پیش رفت کی باقاعدگی سے نگرانی اور متعلقہ حکام کو رپورٹ پیش کرنے کی بھی ہدایت کی گئی۔

اجلاس میں ریونیو ٹیکسز اور زرعی انکم ٹیکس کی وصولی میں درپیش مسائل کا جائزہ لیتے ہوئے ان کے حل کے لیے ضروری اقدامات پر بھی غور کیا گیا۔

05/10/2026

ڈپٹی کمشنر کوئٹہ مہراللہ بادینی کا بلوچستان یونیورسٹی میں زیر تعمیر جدید آئی ٹی لیب کا دورہ

کوئٹہ: ڈپٹی کمشنر کوئٹہ مہراللہ بادینی نے بلوچستان یونیورسٹی میں زیر تعمیر جدید آئی ٹی لیب کا دورہ کیا اور منصوبے پر جاری تعمیراتی کام کا تفصیلی معائنہ کیا۔

اس موقع پر ایکسین، متعلقہ انجینئرز، اسسٹنٹ کمشنر کوئٹہ سٹی اور کنٹریکٹر سمیت دیگر متعلقہ حکام بھی ان کے ہمراہ تھے۔ ڈپٹی کمشنر نے آئی ٹی لیب کے مختلف حصوں کا دورہ کرتے ہوئے تعمیراتی کام کے معیار، پیش رفت اور دیگر انتظامات کا جائزہ لیا۔

دورے کے دوران آئی ٹی لیب، کانفرنس روم، آئی ٹی روم، ہیڈ منسٹریشن روم، کیبنز اور دیگر زیر تعمیر حصوں کا معائنہ کیا گیا۔ متعلقہ حکام اور کنٹریکٹر کی جانب سے ڈپٹی کمشنر کو منصوبے پر جاری کام اور تکمیل کے حوالے سے بریفنگ بھی دی گئی۔

ڈپٹی کمشنر کوئٹہ مہراللہ بادینی نے ہدایت کی کہ منصوبے کے باقی ماندہ کام کو مقررہ معیار کے مطابق جلد مکمل کیا جائے۔ انہوں نے کہا کہ جدید آئی ٹی لیب طلبہ کو جدید ٹیکنالوجی اور آئی ٹی کی سہولیات کی فراہمی میں معاون ثابت ہوگی۔

متعلقہ حکام کے مطابق جدید آئی ٹی لیب کا تعمیراتی کام آخری مراحل میں داخل ہو چکا ہے اور منصوبے کو جلد مکمل کرکے فعال کرنے کے لیے اقدامات جاری ہیں۔

05/10/2026

کوئٹہ 05ستمبر۔ایڈیشنل ڈپٹی کمشنر (ریونیو) حافظ محمد طارق کی زیرِ صدارت پی ڈبلیو ڈی کی متنازعہ اراضی کے مسائل کے حل کے حوالے سے اجلاس منعقد ہوا۔اجلاس میں ڈائریکٹر پی ڈبلیو ڈی، ریونیو افسران، پٹواری اور دیگر متعلقہ حکام نے شرکت کی۔اجلاس میں پی ڈبلیو ڈی کی زمین سے متعلق درپیش مسائل کا تفصیلی جائزہ لیا گیا۔ اس موقع پر ایڈیشنل ڈپٹی کمشنر نے متعلقہ ریکارڈ طلب کرتے ہوئے ہدایت کی کہ ریکارڈ کی مکمل جانچ پڑتال کے بعد اراضی سے متعلق مسائل کو جلد از جلد حل کیا جائے۔انہوں نے متعلقہ افسران کو ہدایت کی کہ اس معاملے میں تمام قانونی و ریکارڈی تقاضے مکمل کرتے ہوئے پیش رفت کو یقینی بنایا جائے۔

ہزارگنجی میں غیر قانونی تجاوزات کے خلاف سخت کارروائی، متعدد تجاوزات ختمکوئٹہ ویسٹ (4 اکتوبر 2026): ڈپٹی کمشنر کوئٹہ ویسٹ...
04/10/2026

ہزارگنجی میں غیر قانونی تجاوزات کے خلاف سخت کارروائی، متعدد تجاوزات ختم

کوئٹہ ویسٹ (4 اکتوبر 2026): ڈپٹی کمشنر کوئٹہ ویسٹ منیر احمد درانی کی ہدایت پر اسسٹنٹ کمشنر بروری کاشف امر نے ہزارگنجی میں غیر قانونی تجاوزات کے خلاف سخت کارروائی کی۔

کارروائی کے دوران مختلف مقامات پر قائم غیر قانونی تجاوزات کو ہٹا کر راستے کلیئر کروا دیے گئے، جبکہ غیر قانونی طور پر قائم کیبنز کے مالکان کو تین دن کے اندر اپنی تجاوزات ازخود ختم کرنے کی سخت ہدایت کی گئی۔

اسسٹنٹ کمشنر بروری کاشف امر نے واضح کیا کہ مقررہ مدت کے اندر تجاوزات ختم نہ کرنے والوں کے خلاف قانون کے مطابق سخت کارروائی عمل میں لائی جائے گی، جبکہ ضرورت پڑنے پر گرفتاری بھی عمل میں لائی جا سکتی ہے۔

انہوں نے کہا کہ عوامی شکایات کا فوری ازالہ کیا جائے گا اور سرکاری و عوامی مقامات پر غیر قانونی قبضے یا تجاوزات کسی صورت برداشت نہیں کی جائیں گی۔

کارروائی میں متعلقہ تھانے کے ایس ایچ او، ڈی ایس پی اور مارکیٹ کمیٹی کے نمائندگان بھی شریک تھے۔

Address

Commissioner Office Quetta
Quetta

Telephone

+92819201659

Website

Alerts

Be the first to know and let us send you an email when District Information Office Quetta posts news and promotions. Your email address will not be used for any other purpose, and you can unsubscribe at any time.

Shortcuts

Share

Category