Neutral News Balochistan

07/09/2026

کیچ: بلوچستان نیشنل پارٹی کیچ کے ترجمان نے پارٹی کے سینئر رہنما اور معروف وکیل مہراب گچکی کے فارم ہاؤس پر ایف سی چھاپے کی شدید مذمت کی ہے۔
ترجمان کا کہنا تھا کہ اس کارروائی کے دوران وہاں موجود تین ملازمین کو بھی ساتھ لے جایا گیا۔ بعد میں ایک ملازم کو راستے میں چھوڑ دیا گیا، لیکن باقی دو ملازمین کے بارے میں ابھی تک کوئی واضح صورتحال سامنے نہیں آئی۔
ترجمان نے مطالبہ کیا کہ ان افراد کے بارے میں فوری طور پر مکمل معلومات دی جائیں اور انہیں ان کے تمام قانونی اور بنیادی حقوق فراہم کیے جائیں۔
ان کا کہنا تھا کہ کسی بھی شہری، سیاسی رہنما یا قانون دان کے گھر یا فارم ہاؤس پر کارروائی کرتے وقت قانونی تقاضوں اور شہری آزادیوں کا احترام لازمی ہے۔ اگر واقعی کوئی قانونی کارروائی کرنی ہو تو اسے کھلے اور شفاف طریقے سے قانون کے مطابق ہونا چاہیے۔
ترجمان نے اس پورے واقعے پر گہری تشویش کا اظہار کرتے ہوئے کہا کہ معاملے کی جلد وضاحت کی جائے اور تمام کارروائی آئین و قانون کے دائرے میں رکھی جائے۔ انہوں نے ایڈووکیٹ مہراب گچکی اور ان کے اہلِ خانہ کے ساتھ پارٹی کی مکمل یکجہتی کا اظہار بھی کیا اور شہری حقوق و آزادیوں کے احترام پر زور دیا۔

07/09/2026

بلوچستان نیشنل پارٹی کی مرکزی پریس ریلیز میں کہا گیا ہے کہ کوئٹہ، سریاب اور بالخصوص ہزار گنجی و گردونواح میں آئے روز چوری، ڈکیتی، دکانوں کی لوٹ مار اور عوام کے عدم تحفظ کے واقعات انتہائی تشویشناک اور قابلِ مذمت ہیں۔ بیان میں کہا گیا کہ امن و امان کی مسلسل بگڑتی صورتحال کے باعث شہری خوف و ہراس اور شدید مشکلات سے دوچار ہیں، جبکہ موجودہ فارم 47 کے دور میں بالخصوص سریاب کے حالات مزید خراب ہوئے ہیں اور عوام کی پسماندگی و مشکلات میں اضافہ ہوا ہے۔ بیان میں کہا گیا کہ سریاب کے عوام کے مسائل حل کرنے کے بجائے جعلی قیادت کو آگے لا کر علاقے کو مزید مسائل کی دلدل میں دھکیل دیا گیا ہے۔ بلوچستان نیشنل پارٹی نے کہا ہے کہ پولیس اپنی ذمہ داری پوری کرتے ہوئے عوام کی جان و مال کے تحفظ کو یقینی بنائے، جرائم پیشہ عناصر کے خلاف بلاامتیاز کارروائی کرے اور سریاب سمیت کوئٹہ میں امن و امان کی صورتحال فوری طور پر بہتر بنائی جائے۔

07/09/2026

کوئٹہ:
بلوچستان نیشنل پارٹی کے مرکزی سینئر نائب صدر ساجد ترین ایڈووکیٹ کی قیادت میں پارٹی کے ایک وفد نے پشتونخوا ملی عوامی پارٹی کے مرکزی دفتر آمد، پی کے میپ کے مرکزی سیکرٹری جنرل رحیم زیارتوال اور دیگر رہنماؤں سے ملاقات۔

ملاقات کے دوران وفد نے پشتونخوا ملی عوامی پارٹی کے رہنماؤں کو ۱۳ ستمبر کو پارٹی سربراہ سردار اختر جان مینگل کی زیر صدارت کراچی میں قومی راہشون سردار عطاءاللہ خان مینگل کی پانچویں برسی کی مناسبت سے منعقد ہونے والے تعزیتی ریفرنس میں شرکت کے لئے چیئرمین پی کے میپ و سربراہ تحریک تحفظ آئین محمود خان اچکزئی کا دعوت نامہ دیا۔

بی این پی وفد میں پارٹی کے مرکزی انفارمیشن سیکرٹری آغا حسن بلوچ ایڈووکیٹ، مرکزی کمیٹی ممبر چیئرمین واحد بلوچ، اور دیگر موجود تھے۔

جبکہ پی کے میپ کی جانب سے صوبائی صدر عبدالقهار خان ودان، صوبائی سیکرٹری جنرل کبیر افغان اور دیگر موجود تھے۔

ملاقات میں ساجد ترین ایڈووکیٹ اور رحیم زیارتوال کے درمیان باہمی دلچسپی کے امور، قومی و سیاسی صورتحال اور جمہوری و قومی جدوجہد کے فروغ کے حوالے سے بھی تبادلۂ خیال کیا۔

07/09/2026

*پریس ریلیز*
*ترجمان: وڈھ مینگل کوٹ*
*تاریخ: 6 ستمبر 2026*

گزشتہ کئی دنوں سے سوشل میڈیا اور چند غیر معیاری پلیٹ فارمز پر کچھ نام نہاد، لفافی اور نابالغ صحافی مینگل کوٹ کے خلاف منظم سازش کے تحت گمراہ کن، من گھڑت اور بے بنیاد الزامات کا سہارا لے رہے ہیں۔

عوام الناس ایسے لفافی صحافیوں کے ماضی اور کردار سے بخوبی واقف ہے۔ یہ وہی عناصر ہیں جو رشوت کے لفافے کے عوض قلم کا تقدس پامال کرتے ہیں۔ جو سچ کو جھوٹ اور جھوٹ کو سچ بنا کر پیش کرتے ہیں۔ ان کے جھوٹے اور بے بنیاد بیانات کو باشعور عوام یکسر مسترد کرتی ہے۔

*مینگل کوٹ بلوچستان کی سیاست کا مرکز اور راہشون سردار عطاءاللہ مینگل کا تاریخی گھر ہے۔*
*یہ گھر صرف اینٹ اور پتھر کا مجموعہ نہیں بلکہ بلوچ قوم کی غیرت، روایات اور جدوجہد کی علامت ہے۔*
*عوام اسے اپنا مسکن، اپنا قلعہ اور اپنی پہچان سمجھتی ہے۔*

*سردار اختر جان مینگل کو عوامی پذیرائی حاصل ہے اور بلوچ قوم انہیں اپنا مسیحا، اپنا رہبر اور اپنے حقوق کی آواز سمجھتی ہے۔*

ہم واضح اور دوٹوک الفاظ میں کہنا چاہتے ہیں کہ مینگل کوٹ کے خلاف گمراکن بیان بنا کر اپنی بند پڑی دکانداری چمکانے کی اجازت کسی کو نہیں دی جائے گی۔

آج کل AI کی مدد سے خبریں بنانے اور بغیر تحقیق کے کاپی پیسٹ صحافت کرنے والے ان "بونے صحافیوں" کے بیانات میں صداقت کا دور تک کوئی شائبہ تک نہیں ہے۔ ان کا مقصد صرف اور صرف سستی شہرت حاصل کرنا، انتشار پھیلانا اور اپنے آقاؤں کے اشاروں پر ذاتی مفادات کا تحفظ کرنا ہے۔

یہ بات بھی واضح رہے کہ ہرگز یہ نہیں کہ کوئی بھی شخص جھوٹ، بہتان اور کردار کشی کو اپنا پیشہ بنا لے۔

مینگل کوٹ کی ترجمان نے مزید کہا ہے_ کہ باشعور عوام ایسے تمام عناصر کو متنبہ کرتی ہے کہ وہ اپنی اس گھٹیا حرکت سے باز آجائیں۔ بصورت عوامی فورم پر ان کا بھرپور تعاقب کیا جائے گا۔۔

ہماری عوام سے اپیل ہے کہ وہ ایسے جھوٹے پروپیگنڈے پر کان نہ دھریں۔ حقائق کو خود پرکھیں اور سچ کا ساتھ دیں۔ سازشی عناصر کو ناکام بنائیں۔

*جاری کردہ:*
*ترجمان: وڈھ مینگل کوٹ*

07/09/2026

بلوچستان نیشنل پارٹی ضلع کوئٹہ کی آرگنائزنگ کمیٹی کے زیر اہتمام جاری یونٹ سازی مہم کے سلسلے میں میر خالد شاہوانی یونٹ کیچی بیگ کا یونٹ سازی اجلاس زیر صدارت ضلع کوئٹہ کے آرگنائزر حاجی میر وحید لہڑی کی منعقد ہوا۔

07/09/2026

کراچی
بلوچستان نیشنل پارٹی کے سربراہ سردار اختر جان مینگل آغا خان ہسپتال میں سابق اسپیکر بلوچستان اسمبلی میر جان محمد خان جمالی کی عیادت کررہے ہیں..

07/09/2026

جاوید بلوچ، بھٹکی ہوئی زندگیوں کے مسیحا۔
تحریر۔۔۔۔۔۔ ڈاکٹر محبوب شاہ

کچھ لوگ اپنی زندگی اپنے لیے جیتے ہیں، کچھ اپنے خاندان کے لیے، لیکن تاریخ میں ہمیشہ وہ لوگ یاد رکھے جاتے ہیں جو اپنی زندگی دوسروں کے دکھ کم کرنے، بھٹکے ہوئے انسانوں کو راستہ دکھانے اور معاشرے کے نظرانداز کیے گئے طبقات کو دوبارہ عزتِ نفس دینے کے لیے وقف کر دیتے ہیں۔ یہ وہ شخص ہے جس نے نشے میں ڈوبتی زندگیوں کو سہارا دیا۔ جی ہاں، محترم جاوید بلوچ صاحب بھی انہی عظیم انسانوں میں سے ایک ہیں۔
منشیات کے خلاف جس مستقل مزاجی، اخلاص اور جذبۂ خدمت کے ساتھ جاوید بلوچ نے جدوجہد کی، شاید ہی اس شعبے میں کوہی ان کا مقابلہ کر سکیں۔ انہوں نے منشیات کے عادی افراد کو صرف ایک مریض نہیں سمجھا، بلکہ انہیں ایک ایسے انسان کے طور پر دیکھا جسے علاج کے ساتھ ساتھ محبت، توجہ، عزت اور معاشرے میں دوبارہ مقام کی ضرورت ہوتی ہے۔
جنہیں معاشرے نے ٹھکرایا، جاوید بلوچ نے انہیں گلے لگایا۔
منشیات کے علاج کے لیے قائم ادارے اور اس کی خدمت دراصل ان کی زندگی کا ایک اہم مشن بن گئی تھی۔ انہوں نے اپنی جوانی سے لے کر ریٹائرمنٹ تک اپنی صلاحیتیں، وقت اور توانائیاں ان لوگوں کے لیے صرف کیں۔ صبحِ صادق سے لے کر رات گئے تک ان کی خدمت میں کھڑے رہے جنہیں معاشرہ اکثر حقارت کی نگاہ سے دیکھتا ہے۔ جن افراد سے بعض اوقات اپنے رشتہ دار، بھاہی، ماں باپ، دوست اور حتیٰ کہ سرکاری ادارے بھی منہ موڑ لیتے ہیں، جاوید بلوچ صاحب نے انہی لوگوں کے لیے اپنے دل کے دروازے کھولے، جو نشے کے اندھیروں میں بھٹک رہے تھے۔ ان کے لیے یہ ادارہ امید کے چراغ کی حیثیت رکھتی ہے۔۔
یہی وہ مقام ہے جہاں ایک ملازمت اور ایک خدمت میں فرق واضح ہوتا ہے۔
ایک شخص، ایک مشن، ہزاروں زندگیوں کی امید۔۔۔۔۔۔۔۔
ملازمت وقت مانگتی ہے، مگر انسانیت خدمت کے لیے پوری زندگی مانگتی ہے۔
جاوید بلوچ کی خدمات، انسانیت کے لیے ایک بے مثال سفر ہیں۔
جاوید بلوچ نے منشیات کے عادی افراد کے لیے ایک ایسا ماحول بنانے کی کوشش کی جہاں علاج محض دواؤں تک محدود نہ تھا، بلکہ باقاعدہ ہسپتال کا نظم و ضبط، روزمرہ زندگی میں پابندی، تربیتی لیکچرز، کھیل کود، باجماعت نماز کی ادائیگی، تعلیم اور بہترین کھانے پینے کی سہولیات یہ سب اس باشعور سوچ کا حصہ تھیں کہ ایک انسان کو نشے سے نکالنے کے لیے صرف اس کے جسمانی علاج کافی نہیں، بلکہ اس کے ذہن، کردار، روح اور شخصیت کی بھی تعمیر ضروری ہے۔ ان کے اندر یہ کمال کوٹ کوٹ کر بھرا ہوا تھا کہ وہ دوسروں کے بیٹوں کو اپنا بیٹا سمجھتے تھے۔
یہی وجہ ہے کہ ان کی جدوجہد محض منشیات کے خلاف جنگ نہیں تھی، یہ انسان کو دوبارہ انسان بنانے کی کوشش تھی۔ وہ شخص گزشتہ 35 سال سے ٹوٹے ہوئے انسانوں کو جوڑنے کی کوشش کرتے رہے۔
وہ نوجوان جو نشے کی وجہ سے اپنے خاندان، تعلیم، روزگار اور مستقبل سے دور ہو چکے تھے، ان کے لیے ایسے ادارے کا ماحول امید کی ایک نئی کرن بن سکتا تھا۔ وہاں انہیں یہ احساس دلایا جاتا تھا کہ ان کی زندگی ختم نہیں ہوئی، ان کے لیے واپسی کا راستہ اب بھی موجود ہے اور معاشرہ انہیں ہمیشہ کے لیے مسترد نہیں کر چکا ہے۔ ایسی سینکڑوں مثالیں موجود ہیں جہاں ان کی مسلسل محنت و جدوجہد کی وجہ سے کسی گندے نالے سے کسی کا بیٹا واپس گھر پہنچا تو کسی کی دنیا آباد ہو گئی۔
نشے میں مبتلا انسان کو سزا دینے سے زیادہ ضروری ہے کہ اسے یہ یقین دلایا جائے کہ وہ دوبارہ زندگی شروع کر سکتا ہے۔
نشے کے شکار انسانوں میں دہائیوں سے زندگی کی امید جگانے والا یہ شخص ریٹائرمنٹ کے بعد بھی کانٹوں بھری راہوں کا مسافر ہے۔
جاوید بلوچ کی سب سے بڑی خوبی شاید یہی تھی کہ انہوں نے ان لوگوں کو صرف ان کی بیماری کے حوالے سے نہیں دیکھا۔ انہوں نے ان کے اندر موجود انسان کو تلاش کیا۔ انہوں نے ایڈز اور ہیپاٹائٹس بی، سی کے مریضوں کو بھی گلے لگاتے ہوئے انہیں زندگی کا درس دیا، ڈسپلن سکھایا، مصروف رکھا، کھیلوں کی طرف راغب کیا، نماز اور دینی ماحول سے جوڑا، تعلیم کی طرف متوجہ کیا اور بہتر خوراک و رہائش فراہم کرنے کی کوشش کی، یہاں تک کہ زندگی ہارنے والوں کو بھی جینے کا حوصلہ فراہم کیا۔
یہ تمام اقدامات اس بات کی گواہی دیتے ہیں کہ ان کی نظر میں علاج صرف دوا کا نام نہیں تھا، بلکہ کردار سازی، تربیت اور معاشرے میں باعزت واپسی کا نام بھی علاج تھا۔
جاوید بلوچ نے دوسروں کی زندگی سنوارنے میں اپنی جوانی گزار دی۔
جاوید بلوچ منشیات کے خلاف جنگ کے خاموش سپاہی ہیں۔ ہمیں ایسے لوگوں کی قدر اس وقت زیادہ محسوس ہوتی ہے جب ہم دیکھتے ہیں کہ معاشرے میں کتنے لوگ مسائل سے دوچار افراد سے دور بھاگتے ہیں۔ نشے کے عادی افراد کو اکثر صرف ایک لفظ سے پکار کر ان کی پوری شخصیت پر فیصلہ صادر کر دیا جاتا ہے، حالانکہ ہر نشے کے پیچھے ایک کہانی، ایک خاندان، ایک دکھ، ایک کمزوری اور کبھی کبھی ایک ایسا المیہ چھپا ہوتا ہے جسے سمجھنے کے لیے انسان کے اندر بہت بڑا دل چاہیے۔
نشے کے خلاف جہاد اور انسانیت کی خدمت ہر کسی کو نصیب نہیں ہوتی۔
جاوید بلوچ نے اسی بڑے دل کا مظاہرہ کیا ہے۔ ان کی زندگی، خدمات، اخلاص، اخلاق اور انسان دوستی کی ایک عظیم داستان ہے۔
انہوں نے گرے ہوئے لوگوں کو انگلی سے نہیں اٹھایا، بلکہ ہاتھ بڑھا کر اٹھانے کی کوشش کی۔
ان کی یہ خدمت اس لیے بھی قابلِ تحسین ہے کہ انہوں نے اپنی زندگی کا ایک بڑا حصہ ایسے طبقے کے لیے وقف کیا جسے معاشرہ اکثر نظرانداز کر دیتا ہے۔ یہ وہ خدمت ہے جس کی تشہیر سے زیادہ دعا کی ضرورت ہوتی ہے، اور جس کا اصل صلہ شاید دنیا کے کسی اعزاز سے نہیں بلکہ اللہ تعالیٰ کے ہاں ملتا ہے۔
آج جب ہم محترم جاوید بلوچ صاحب کی خدمات کو یاد کرتے ہیں تو دل سے یہی دعا نکلتی ہے کہ اللہ تعالیٰ ان کی اس جدوجہد کو اپنی بارگاہ میں قبول فرمائے، ان کے خلوص کو اجرِ عظیم عطا فرمائے، ان کی صحت، عمر اور عزت میں برکت دے، اور ان کے بچوں اور پورے خاندان کو خوشیوں، سلامتی اور کامیابیوں سے نوازے۔
ایسے انسان دراصل کسی ایک نسل، ایک قوم، ایک ادارے کے نہیں ہوتے، وہ پوری انسانیت کا اثاثہ ہوتے ہیں۔
کسی انسان کو دوبارہ زندگی کی طرف لوٹانے کی کوشش سے بڑی خدمت شاید ہی کوئی ہو۔
محترم جاوید بلوچ صاحب نے اپنی زندگی کے قیمتی سال ایک ایسے مقصد کے لیے صرف کیے جس کا فائدہ صرف ایک فرد کو نہیں بلکہ پورے خاندان اور پورے معاشرے کو پہنچتا ہے۔ ایک شخص نشے سے نکلتا ہے تو صرف ایک زندگی نہیں بچتی، ایک ماں کا بیٹا واپس آتا ہے، ایک باپ کا سہارا واپس آتا ہے، ایک بہن کا بھائی واپس آتا ہے، ایک بیوی کا شوہر واپس آتا ہے اور ایک خاندان کا مستقبل دوبارہ آباد ہوتا ہے۔
یہی کسی خدمت کی اصل عظمت ہے۔
ہم دل کی گہرائیوں سے محترم جاوید بلوچ صاحب کو خراجِ تحسین پیش کرتے ہیں اور دعا کرتے ہیں:
یا اللہ! جس شخص نے اپنی زندگی تیرے بندوں کی زندگی سنوارنے میں صرف کی، تو اس کی زندگی کو اپنی رحمت، برکت اور خوشیوں سے بھر دے۔ اسے صحت و سلامتی کے ساتھ طویل عمر عطا فرما، اس کے اہلِ خانہ کو اپنی حفظ و امان میں رکھ، اس کی تمام خدمات کو صدقۂ جاریہ بنا اور اسے دنیا و آخرت میں بہترین اجر عطا فرما۔ آمین ثم آمین۔
جاوید بلوچ صاحب جیسے لوگ معاشرے میں خاموشی سے چراغ جلاتے ہیں۔ شاید ان کے ہاتھ میں کوئی بڑا اعزاز نہ ہو، مگر ان کے کردار میں وہ روشنی ضرور ہے جو کئی بھٹکی ہوئی زندگیوں کو راستہ دکھا سکتی ہے۔
انسانیت کی تاریخ میں سب سے خوبصورت نام انہی لوگوں کے ہوتے ہیں جو کسی بے سہارا انسان کے لیے امید بن جاتے ہیں۔
ریٹائرمنٹ ختم ہوئی، خدمت کا سفر جاری ہے۔

07/09/2026

06/09/2026

نوشکی: بلوچستان عوامی پارٹی کے ضلعی صدر اور چیئرمین یونین کونسل باغک عبدالرحمان لانگو کو نامعلوم مسلح افراد نے گھر میں فائرنگ کرکے قتل کر دیا۔ پولیس ذرائع