27/05/2026
عید کی خوشیوں میں بھی خدمت کا جذبہ برقرار
جماعت اسلامی کوئٹہ کی جانب سے اجتماعی قربانی کا اہتمام
الحمدللہ ہر سال کی طرح اس سال بھی نہایت حسن انتظام شفاف اور شرعی اصولوں کے مطابق مکمل کیا گیا۔ اجتماعی قربانی دراصل عوام کو سہولت فراہم کرنے کی ایک مؤثر اور بااعتماد روایت ہے، جس کے ذریعے لوگ آسانی، اعتماد اور بہتر نظم و ضبط کے ساتھ اپنی قربانی کا فریضہ ادا کرتے ہیں۔
الحمدللہ عوام کے اعتماد اور تعاون کے نتیجے میں اس سال بھی سینکڑوں خاندانوں نے جماعت اسلامی کوئٹہ کے تحت اجتماعی قربانی میں حصہ لیا۔ قربانی، گوشت کی تقسیم اور دیگر تمام امور بہترین انتظام اور بروقت انداز میں مکمل کیے گئے۔
اس موقع پر جماعت اسلامی کے ذمہ داران، کارکنان اور رضاکار خصوصی مبارکباد اور دعا کے مستحق ہیں جنہوں نے اپنی عید، ذاتی مصروفیات اور آرام کو قربان کرکے عوام کی خدمت اور اس دینی فریضے کی ادائیگی میں بھرپور کردار ادا کیا۔
ہم تمام شرکائے قربانی اور اہلِ شہر کے اعتماد، محبت اور تعاون پر تہہ دل سے شکر گزار ہیں۔ اللہ تعالیٰ سب کی قربانیوں، خدمات اور اخلاص کو قبول فرمائے۔ آمین
اعجاز محبوب
قیم جماعت اسلامی کوئٹہ
