11/03/2025
بروری روڈ , اسپنی روڈ کے مختلف علاقوں کی اسٹریٹس لائٹس بدستورغیر فعال ہے حاجی اصغر خان بڑیچ
کوئٹہ: سیاسی اور سماجی رہنما حاجی اصغر خان بڑیچ نے کہا کہ بروری روڈ , اسپنی روڈ کے مختلف علاقوں کی اسٹریٹس لائٹس بدستورغیر فعال ہے ،لوگوں کو آمد ورفت میں شدید دشواری کا سامنا ہے۔ مختلف گردونواح کی اسٹریٹ لائٹس طویل عرصہ سے خراب ہیں جبکہ بعض علاقوں میں تو لائٹس کا نام و نشان تک نہیں سر شام ہی اندھیرا چھا جاتاہے جس کی وجہ سے لوگ گھروں میں محصور ہو کر رہ جاتے ہیں جبکہ اسی اندھیرے کا فائدہ اٹھا کر جرائم پیشہ عناصر سرگرم ہو جاتے ہیں اوررات کے اوقات میں آنے جانے والے کو انکی قیمتی اشیا سے محروم کر دیتے ہیں انہوں نے کہا کہ متعلقہ حکام کی توجہ اس جانب مبذول کروائی لیکن کوئی شنوائی نہیں ہوئی انہوں نے مطالبہ کیا کہ جلد از جلد بروری روڈ اور اسپنی روڈ, اطراف کے علاقوں کی لائٹس فعال کروائی جائیں تاکہ لوگوں کو آمد و رفت میں دشواری کا سامنا نہ کرنا پڑےاور پولیس گشت بھی بڑھایا جائے۔
