20/08/2026
*پریس ریلیز*
*کوئٹہ: طوغی روڈ، موتی رام روڈ اور قندہاری بازار سمیت مختلف علاقوں میں تجاوزات کے خلاف کارروائی*
کوئٹہ: وزیر اعلیٰ بلوچستان کی ہدایات کی روشنی میں کوئٹہ شہر کو تجاوزات سے پاک کرنے کے سلسلے میں میٹروپولیٹن کارپوریشن کوئٹہ کی جانب سے تجاوزات کے خلاف کارروائیوں کا سلسلہ جاری ہے۔
ایڈمنسٹریٹر میٹروپولیٹن کارپوریشن کوئٹہ میجر (ر) بشیر احمد کی ہدایات پر اینٹی انکروچمنٹ زون 1 انچارج علی رضا درانی کی نگرانی میں طوغی روڈ، موتی رام روڈ، قندہاری بازار، سرکلر روڈ اور ملحقہ علاقوں میں تجاوزات کے خلاف مؤثر کارروائی کی۔
انسداد تجاوزات آپریشن کے دوران سڑکوں، فٹ پاتھوں اور عوامی گزرگاہوں پر قائم غیر قانونی تجاوزات کو ہٹایا گیا جبکہ عوامی راستوں اور ٹریفک کی روانی میں رکاوٹ بننے والا تجاوز شدہ سامان تحویل میں لے لیا گیا۔ کارروائی کے دوران متعدد تجاوزات کو کلیئر کرتے ہوئے متعلقہ افراد کو آئندہ سرکاری اراضی، فٹ پاتھوں اور عوامی گزرگاہوں پر تجاوزات قائم نہ کرنے کی سختی سے تنبیہ بھی کی گئی۔
شہریوں کو آمدورفت میں مشکلات اور ٹریفک کی روانی میں خلل کا سامنا کرنا پڑتا ہے، اس لیے عوامی گزرگاہوں کو تجاوزات سے پاک رکھنا میٹروپولیٹن کارپوریشن کوئٹہ انتظامیہ کی اولین ترجیحات میں شامل ہے۔
میٹروپولیٹن کارپوریشن کوئٹہ شہریوں اور تاجر برادری سے اپیل کرتا ہے کہ فٹ پاتھوں، سڑکوں اور عوامی گزرگاہوں پر سامان رکھ کر تجاوزات قائم کرنے سے گریز کریں اور شہر کی خوبصورتی، ٹریفک کی روانی اور عوامی سہولت کے لیے انتظامیہ کے ساتھ تعاون کریں۔
