13/09/2026
ملگری استادان ضلع چمن کی ضلعی آرگنائزنگ کمیٹی تشکیل
چمن: باچا خان مرکز چمن میں ملگری استادان بلوچستان کا ایک اہم تنظیمی اجلاس صوبائی آرگنائزر ضیاء کاکڑ کی صدارت میں منعقد ہوا۔ اجلاس میں ڈپٹی آرگنائزر رشید میانی، ممبر نور علی اچکزئی، عوامی نیشنل پارٹی ضلع چمن کے صدر عبدالخالق عقمل، جنرل سیکریٹری سمیع اللہ، تحصیل صدر عصمت وارخطا سمیت ضلع چمن سے تعلق رکھنے والے ملگری استادان نے بھرپور شرکت کی۔
اجلاس سے خطاب کرتے ہوئے صوبائی آرگنائزر ضیاء کاکڑ نے ملگری استادان کی تنظیمی اہمیت، اغراض و مقاصد، عوامی نیشنل پارٹی کے ساتھ مضبوط روابط اور تنظیم کو نچلی سطح تک فعال و منظم بنانے کی ضرورت پر تفصیلی روشنی ڈالی۔ انہوں نے کہا کہ اساتذہ کو منظم کرکے ملگری استادان کو مزید مضبوط بنایا جائے گا اور بلوچستان بھر میں ممبرشپ مہم کو تیز کیا جائے گا۔
ڈپٹی آرگنائزر رشید میانی نے کہا کہ تنظیم کو مزید فعال بنانے میں ضلعی آرگنائزنگ کمیٹی کلیدی کردار ادا کرے گی۔ اس موقع پر عوامی نیشنل پارٹی ضلع چمن کے صدر عبدالخالق عقمل اور جنرل سیکریٹری سمیع اللہ نے ملگری استادان کو یقین دلایا کہ عوامی نیشنل پارٹی ہر مرحلے پر اساتذہ کے ساتھ کھڑی رہے گی اور تنظیم کی مضبوطی کے لیے ہر ممکن تعاون جاری رکھا جائے گا۔
اجلاس کے اختتام پر اتفاقِ رائے سے ملگری استادان ضلع چمن کی ضلعی آرگنائزنگ کمیٹی تشکیل دی گئی، جس کے عہدیداران درج ذیل ہیں:
ضلعی آرگنائزر: حاجی گل باری صاحب
ڈپٹی آرگنائزر: حافظ عجب خان
ممبر: محمد ناصر
ممبر: نور علی اچکزئی
ملگری استادان بلوچستان کی صوبائی آرگنائزنگ کمیٹی کی جانب سے نومنتخب عہدیداران کو ممبرشپ کارڈز جاری کیے گئے، جبکہ ممبرشپ کاپی بھی ضلعی آرگنائزنگ کمیٹی کے حوالے کی گئی۔
صوبائی آرگنائزر ضیاء کاکڑ نے نومنتخب عہدیداران کو دلی مبارکباد پیش کرتے ہوئے امید ظاہر کی کہ نئی کمیٹی ضلع چمن میں ملگری استادان کو مزید فعال، منظم اور مضبوط بنانے کے ساتھ ساتھ ممبرشپ مہم کو بھرپور انداز میں آگے بڑہائنگے
ضیاء کاکڑ
صوبائی آرگنائزر ملگری استادان بلوچستان
