25/08/2026
ماہِ ربیع الاول شریف کی نسبت اور حکومتِ پنجاب کی ہدایات پر، جو بذریعہ ڈپٹی کمشنر رحیم یار خان ادارہ ہذا چائلڈ پروٹیکشن انسٹی ٹیوشن کو پہنچائی گئی تھیں، چائلڈ پروٹیکشن انسٹی ٹیوشن رحیم یار خان میں ایک پُرنور محفلِ میلاد النبی ﷺ کا انعقاد کیا گیا۔ محفل کا آغاز تلاوتِ کلامِ پاک، حمدِ باری تعالیٰ اور نعتِ رسولِ مقبول ﷺ سے ہوا۔ تقریب میں ممبر ضلع امن کمیٹی جناب چوہدری ریاض احمد نوری نے خصوصی شرکت کی۔ اس موقع پر مذہبی استاد قبلہ حافظ محمد امتیاز سلطانی اور مینیجر چائلڈ پروٹیکشن آفیسر محمد احمد نے اپنے خیالات کا اظہار کیا اور بچوں کو نبی پاک ﷺ کی آمد کے حوالے سے خطاب کیا۔ محفل کے اختتام پر تمام شرکاء اور بچوں میں تبرک تقسیم کیا گیا۔
برائے اطلاع۔
