Crime Control Department - CCD Rahim Yar Khan

06/08/2026

ڈیرہ غازی خان میں سی سی ڈی کے ساتھ پولیس مقابلے میں بدنام زمانہ بھتہ خور اور ڈاکو اکبر کھوسہ ہلاک ہو گیااور مقابلے کے دوران سی سی ڈی کا ایک اہلکار بھی شدید زخمی ہوا جسے فوری طور پر ہسپتال منتقل کر دیا گیا۔ تفصیلات کے مطابق سی سی ڈی ڈیرہ غازی خان نے گزشتہ رات خفیہ اطلاع پر ملتان روڈ پر خوف کی علامت ڈاکو اکبر کھوسہ کی گرفتاری کے لیے چھاپہ مارا تھا۔اکبر کھوسہ اور اسکے گینگ کے دیگر ساتھیوں نے سی سی ڈی ٹیم کو دیکھتے ہی اندھا دھند فائرنگ شروع کردی جسکی زد میں آکر سے سی سی ڈی ڈیرہ غازی خان کا ایک اہلکار شدید زخمی ہو گیا ۔پولیس مقابلے میں ہلاک ڈاکو اکبر کھوسہ کے دیگر ساتھی موقع سے فرار ہو گئے ہیں۔گینگ کے مفرور ملزمان کی گرفتاری کے لیے سی سی ڈی کی خصوصی ٹیمیں تشکیل دے دی گئی ہیں ۔سی سی ڈی کے زخمی اہلکار شہزاد احمد قریشی کو فوری طور پر ہسپتال منتقل کر دیا گیا ہے جہاں اس کی حالت خطرے سے باہر ہے ۔

22/07/2026

إِنَّا لِلّٰهِ وَإِنَّا إِلَيْهِ رَاجِعُونَ
فرض کی راہ میں جان کا نذرانہ پیش کرنے والے ہمارے بہادر ساتھی شہید کانسٹیبل ساغر نشان (سی سی ڈی شیخوپورہ) کی عظیم قربانی ہمیشہ یاد رکھی جائے گی۔
شیخوپورہ پولیس اپنے شہید ساتھی کو بھرپور خراجِ عقیدت پیش کرتی ہے۔ وطن اور عوام کے تحفظ کے لیے دی گئی ان کی لازوال قربانی ہمارے لیے باعثِ فخر ہے اور آنے والی نسلوں کے لیے جرات، فرض شناسی اور ایثار کی روشن مثال ہے۔
“شہید کی جو موت ہے، وہ قوم کی حیات ہے۔”
اللہ تعالیٰ شہید کے درجات بلند فرمائے، انہیں جنت الفردوس میں اعلیٰ مقام عطا فرمائے اور سوگوار اہلِ خانہ کو صبرِ جمیل عطا فرمائے۔ آمین۔

14/07/2026

🚨 مطلوب ملزم کی شناخت درکار ہے 🚨
کرائم کنٹرول ڈیپارٹمنٹ (CCD) رحیم یار خان کو ڈکیتی کی وارداتوں میں مطلوب اس ملزم کی تلاش ہے۔
اگر آپ تصویر میں نظر آنے والے اس شخص کو پہچانتے ہیں یا اس کے بارے میں کوئی بھی معلومات رکھتے ہیں، تو براہ کرم فوراً نیچے دیے گئے نمبرات پر کرائم کنٹرول ڈیپارٹمنٹ کو مطلع کریں۔
آپ کا تعاون جرائم کے خاتمے میں اہم کردار ادا کر سکتا ہے۔ اطلاع دینے والے کا نام اور پہچان مکمل طور پر صیغہ راز میں رکھی جائے گی۔
📞 رابطہ نمبرات:
0300-6754476
0300-8569216

01/07/2026

26/06/2026

CCD Rahim Yar Khan Performance...
Aam shehri ki hifazat hamari pehli tarjeeh hai..

24/06/2026

15/06/2026

ایم پی اے کرنل (ر) ایوب خان گادھی حملہ کیس/ 3 مرکزی ملزمان پولیس مقابلے میں ہلاک 2 گرفتار

ایم پی اے کرنل(ر) ایوب خان گادھی پر قاتلانہ حملہ کرنے والے 3 مرکزی ملزمان سی سی ڈی ٹوبہ ٹیک سنگھ سے مقابلے میں ہلاک ہو گئے اور 2 ملزمان کو موقع سے گرفتار کر لیا گیا ہے ۔ تفصیلات کے مطابق ہلاک ملزمان نے چند روز قبل اپنے دیگر ساتھیوں کے ہمراہ پنجاب اسمبلی کے رکن کرنل (ر) ایوب خان گادھی کے ڈیرے پر حملہ کرکے انہیں شدید زخمی کر دیا تھا۔ حملے کے دوران ملزمان کی فائرنگ سے ڈیرہ پر موجود 4 معصوم شہری بھی جان بحق ہو گئے تھے۔ سی سی ڈی ٹوبہ ٹیک سنگھ نے آج خفیہ اطلاع پر ملزمان کی گرفتاری کے لیے تھانہ رجانہ کی حدود میں چھاپہ مارا۔
ملزمان نے سی سی ڈی ٹیم کو دیکھتے ہی اس پراس پر اندھا دھند فائرنگ شروع کر دی۔
فائرنگ کے تبادلے میں ایم پی اے کے ڈیرے پر حملہ کرنے والے 3 مرکزی ملزمان ہلاک ہو گئے۔
سی سی ڈی ٹوبہ ٹیک سنگھ نے موقع سے 2 ملزمان کو گرفتارکر لیا۔ پولیس مقابلہ میں ہلاک اور گرفتار ہونے والے ملزمان سے موقع پر بھاری اسلحہ بھی برآمد کر لیا گیا ہے۔ ملزمان کے دیگر ساتھیوں کی گرفتاری کے لیے سی سی ڈی کی خصوصی ٹیمیں تشکیل دے دی گئیں ۔

15/06/2026

پریس ریلیز
کرائم کنٹرول ڈیپارٹمنٹ
لاہور، 14 جون 2026ء

10 جون کو مسلح ڈکیتی کی واردات کے خلاف کارروائی کے دوران پیش آنے والے ایک المناک واقعے میں ایک معصوم بچی کی جان چلی گئی۔ کرائم کنٹرول ڈیپارٹمنٹ سوگوار خاندان سے دلی تعزیت اور گہرے دکھ کا اظہار کرتا ہے۔ کرائم کنٹرول ڈیپارٹمنٹ شفافیت، محکمانہ احتساب، اور قانون کی بالادستی پر سختی سے کاربند رہنے کے اپنے پختہ عزم کا اعادہ کرتا ہے۔
10 جون کی رات، تقریباً پونے بارہ (11:45) بجے، سی سی ڈی کے اہلکاروں نے مسلح ڈکیتی کی ایک جاری واردات کے دوران مداخلت کی۔ مسلح ڈاکوؤں نے ایک فیملی کی گاڑی کو روک کر کار سواروں کو اسلحے کے زور پر یرغمال بنا رکھا تھا۔ اس دوران ہونے والے آمنے سامنے کے مقابلے میں، مشتبہ افراد کی جانب سے کارروائی کرنے والے پولیس اہلکار پر فائرنگ کے بعد دونوں اطراف سے فائرنگ کا تبادلہ ہوا۔ اس افراتفری میں، متعلقہ پولیس افسر نے غلط اندازہ لگایا کہ ملزمان متاثرین کی گاڑی میں فرار ہونے کی کوشش کر رہے ہیں اور اپنی بندوق سے فائر کر دیا۔ اس غلط فیصلے کے نتیجے میں 10 سالہ بچی ہانیہ کی المناک موت واقع ہو گئی جبکہ اس کے والد اور بھائی زخمی ہو گئے۔ کرائم کنٹرول ڈیپارٹمنٹ اس بات پر زور دیتا ہے کہ افسوسناک واقعہ میں ملوث افسر کا یہ طرزِ عمل ہمارے طے شدہ مروجہ طریقہ کار (SOPs) اور طاقت کے استعمال کے قانونی اصولوں سے یکسر انحراف ہے۔ چنانچہ محکمے کی طرف سے فوری طور پر درج ذیل اقدامات اٹھائے گئے ہیں۔
متعلقہ افسر کو اسی دن ملازمت سے معطل کر کے حراست میں لے لیا گیا۔ بعد ازاں اسے باضابطہ طور پر گرفتار کر کے عدالت میں پیش کیا گیا، جہاں سے اسے جوڈیشل ریمانڈ پر جیل بھیج دیا گیا ہے۔
متاثرہ بچی کے والد کی درخواست پر فوری طور پر ایف آئی آر (FIR) درج کر لی گئی۔ فرانزک شواہد، بشمول افسر کا اسلحہ اور استعمال شدہ گولیوں کے خ*ل محفوظ تحویل میں لےکر کارروائی کے لیے بھیج دیے گئے ہیں۔ محکمہ متاثرہ خاندان کے ساتھ روزانہ کی بنیاد پر رابطے میں ہے تاکہ انہیں جاری تحقیقات کی پیش رفت سے آگاہ رکھا جا سکے۔ متاثرہ خاندان نے جاری قانونی عمل کی رفتار اور شفافیت پر اطمینان کا اظہار کیا ہے۔
سی سی ڈی ایک سخت ضابطہ اخلاق کے تحت کام کرتا ہے جو تحمل اور طاقت کے متناسب استعمال کا پابند بناتا ہے۔ ہمارا اولین فرض انسانی جان کا تحفظ ہے، جبکہ "کم سے کم طاقت" کے اصول پر عمل کرنے میں کسی بھی قسم کی ناکامی کے خلاف اعلیٰ ترین سطح پر قانونی اور محکمانہ احتساب کیا جاتا ہے۔
ہمیں اس المیہ پر گہرا دکھ ہے۔ اگرچہ ہمارے اہلکار انتہائی پُرخطر صورتحال میں کام کرتے ہیں لیکن ہمارے طے شدہ پروٹوکولز سے انحراف کا قطعی کوئی جواز نہیں ہے۔ ہم اس بات کو یقینی بنانے کے لیے ایک جامع اور غیر جانبدارانہ تحقیقات کر رہے ہیں تاکہ انصاف کے تقاضے پورے کیے جا سکیں۔ سی سی ڈی عوام کے تحفظ کے اپنے فرض پر قائم ہے اور اپنے اہلکاروں کو پیشہ ورانہ طرزِ عمل کے اعلیٰ ترین معیار کا پابند بناتا رہے گا۔
سی سی ڈی متاثرہ خاندان کے ساتھ اپنی غیر متزلزل حمایت اور اس کیس کے تیز رفتار قانونی انجام تک پہنچنے کے عزم کا اعادہ کرتا ہے۔

30/04/2026

سی سی ڈی اغواء برائے تعاوان سیل کی بڑی کاروائی ،لاہور کے
مختلف حصوں سے گمشدہ ، گھر سے بھاگے 06 بچوں کو بازیاب کروا کر والدین کے سپرد کر دیا والدین نے سی سی ڈی اغواء برائے تعاوان سیل کا تہہ دل سے شکریہ ادا کیا.