PiD Poonch Division

10/04/2026

راولاکوٹ (پی آئی ڈی) 10 اپریل
ڈپٹی کمشنر پونچھ سید ممتاز کاظمی سے ٹائیں نمرالہ کے ایک نمائندہ وفد نے ملاقات کی۔ ملاقات کے دوران وفد نے اپنے علاقے کی عوام کو درپیش مختلف مسائل اور مشکلات سے ڈپٹی کمشنر کو آگاہ کیا اور ان کے حل کے لیے فوری اقدامات کی درخواست کی۔
وفد کی جانب سے بالخصوص تعلیم، صحت اور شاہرات کے شعبہ جات میں موجود مسائل کی نشاندہی کی گئی، جن پر ڈپٹی کمشنر نے سنجیدگی کا مظاہرہ کرتے ہوئے متعلقہ محکمہ جات کے ذمہ داران کو ہدایات جاری کیں کہ وہ عوامی مسائل کے حل کے لیے عملی اقدامات کریں۔
ڈپٹی کمشنر سید ممتاز کاظمی نے اس موقع پر کہا کہ عوامی مسائل کا حل حکومت کی اولین ترجیح ہے اور کسی قسم کی غفلت یا کوتاہی برداشت نہیں کی جائے گی۔ انہوں نے واضح کیا کہ ٹائیں نمرالہ کے عوام کو درپیش مسائل ترجیحی بنیادوں پر حل کیے جائیں گے۔
وفد نے مسائل کے حل کی یقین دہانی پر ڈپٹی کمشنر کا شکریہ ادا کیا اور امید ظاہر کی کہ متعلقہ ادارے جلد عملی اقدامات کریں گے۔

09/04/2026

09/04/2026

09/04/2026

راولاکوٹ (پی آئی ڈی) 9 اپریل
کمشنر پونچھ ڈویژن سردار وحید خان کی زیر صدارت ریجنل کورڈینیشن کمیٹی کا ایک اہم اجلاس منعقد ہوا جس میں پونچھ ڈویژن میں امن و امان کی مجموعی صورتحال، بین الادارہ جاتی رابطہ اور موجودہ حالات کے تناظر میں حکومتی پالیسیوں پر عملدرآمد کا جائزہ لیا گیا۔
اجلاس میں بریگیڈ کمانڈر 6 اے کے نے خصوصی شرکت کی جبکہ ڈپٹی کمشنر پونچھ سید ممتاز کاظمی، ڈپٹی کمشنر سدھنوتی سردار عمر فاروق، ڈپٹی کمشنر حویلی راجہ عمر طارق، ڈپٹی کمشنر باغ عاصم خالد اعوان، سئنیر سپرنٹینڈنٹ پولیس پونچھ خاور علی شوکت، سئنیر سپرنٹینڈنٹ پولیس سدھنوتی محمد صدیق، سئنیر سپرنٹینڈنٹ پولیس حویلی عمر نوابی، ڈپٹی سپرنٹینڈنٹ پولیس باغ فیض الرحمن، افواج پاکستان کے افسران، خفیہ اداروں کے سربراہان، اسسٹنٹ ڈائریکٹر نادرا اسد لطیف اور اسسٹنٹ کمشنر ہیڈکوارٹر راولاکوٹ سید یاسر گردیزی سمیت دیگر متعلقہ حکام نے شرکت کی۔
اجلاس کے دوران موجودہ عالمی صورتحال میں پاکستان کے مؤثر کردار اور حالیہ سفارتی کامیابیوں پر حکومت پاکستان اور افواج پاکستان کے سربراہ فیلڈ مارشل جنرل عاصم منیر کو زبردست خراج تحسین پیش کیا گیا۔ شرکاء نے اس عزم کا اظہار کیا کہ ملک کا عالمی سطح پر وقار بلند ہونے پر پوری قوم کو فخر ہے۔
اجلاس میں افغان مہاجرین کی وطن واپسی کے حوالے سے پیشرفت پر تفصیلی بریفنگ دی گئی مہاجرین کی واپسی کے سلسلہ میں پراگریس پیش کی گئی ۔اس موقع پر واضح ہدایات جاری کی گئیں کہ مہاجرین کی واپسی کا عمل ریاستی قوانین اور طے شدہ قانونی فریم ورک کے مطابق ہی مکمل کیا جائے۔
مزید برآں، ریجن بھر میں مدارس کی رجسٹریشن کے عمل کا جائزہ لیا گیا اور متعلقہ حکام کو ہدایت کی گئی کہ اس عمل کو مزید تیز اور مؤثر بنایا جائے۔ اجلاس میں امن و امان کی مجموعی صورتحال، مختلف انٹری پوائنٹس پر چیکنگ کے نظام، عوامی سہولت کے لیے گاڑیوں کے کرایہ جات کے تعین اور رات 8 بجے بازاروں اور مارکیٹوں کی بندش سے متعلق حکومتی ہدایات پر عملدرآمد کا بھی تفصیلی جائزہ لیا گیا۔
کمشنر پونچھ ڈویژن سردار وحید خان نے تمام متعلقہ اداروں کو ہدایت کی کہ باہمی رابطہ کو مزید مضبوط بنایا جائے اور حکومتی احکامات پر من و عن عملدرآمد کو یقینی بنایا جائے تاکہ عوام کو ہر ممکن ریلیف فراہم کیا جا سکے اور خطے میں امن و استحکام برقرار رکھا جا سکے۔

Commissioner Poonch Division
District Police Rawalakot
District Police Bagh

09/04/2026

راولاکوٹ (پی آئی ڈی) 9 اپریل
ضلع پونچھ میں مختلف محکمہ جات کی کارکردگی کا جائزہ لینے، عوامی فلاح و بہبود کے منصوبہ جات کی پیش رفت کا معائنہ کرنے اور شہریوں کو درپیش مسائل کے حل کے لیے ایک اہم اجلاس ڈپٹی کمشنر پونچھ سید ممتاز کاظمی کی زیر صدارت منعقد ہوا۔
اجلاس میں سئنیر سپرنٹینڈنٹ پولیس پونچھ خاور علی شوکت، فوجی حکام، ڈسٹرکٹ ہیلتھ آفیسر پونچھ ڈاکٹر سیاب کیانی، مہتمم برقیات راولاکوٹ اظہر محمود، نائب مہتمم تعمیرات شاہرات رضوان آزاد، ضلعی آفیسر اطلاعات ناصر لطیف، خفیہ ایجنسیوں کے زمہ داران سمیت دیگر متعلقہ افسران نے شرکت کی۔
اجلاس کے دوران مختلف محکمہ جات کے سربراہان نے اپنے اپنے شعبہ جات میں جاری منصوبہ جات، ان کی پیش رفت اور درپیش مسائل کے حوالے سے تفصیلی بریفنگ دی۔ محکمہ صحت عامہ، برقیات اور شاہرات کی جانب سے کارکردگی رپورٹ پیش کی گئی جبکہ افغان مہاجرین کی وطن واپسی، ضلع بھر میں غیر قانونی سرگرمیوں، اسمگلنگ اور نان کسٹم پیڈ اشیاء کے خلاف کارروائیوں کا بھی جائزہ لیا گیا۔
ڈپٹی کمشنر سید ممتاز کاظمی نے اجلاس سے خطاب کرتے ہوئے کہا کہ عوام کو بنیادی سہولیات کی فراہمی انتظامیہ اور تمام محکمہ جات کی اولین ذمہ داری ہے۔ انہوں نے کہا کہ کورڈینیشن کمیٹی اجلاس کا مقصد باہمی رابطہ کو مضبوط بنانا اور مشترکہ حکمت عملی ترتیب دینا ہے تاکہ عوامی مسائل کا بروقت اور مؤثر حل ممکن بنایا جا سکے۔
انہوں نے تمام متعلقہ افسران کو ہدایت کی کہ وہ اپنی کارکردگی کو مزید بہتر بنائیں اور عوام کو زیادہ سے زیادہ ریلیف فراہم کرنے کے لیے مربوط اقدامات اٹھائیں۔

06/04/2026

District Police Rawalakot
District Police Bagh

02/04/2026

راولاکوٹ:مقدمات کے بروقت فیصلوں کے لیے عدلیہ اور انتظامیہ کے درمیان مؤثر کوآرڈینیشن ناگزیر ہے ، ڈسٹرکٹ و سیشن جج راجہ فیصل مجید*

02/04/2026

راولاکوٹ (پی آئی ڈی)
2 اپریل
ضلعی انتظامیہ پونچھ کی کاوشوں سے راولاکوٹ میں ڈسٹرکٹ والی بال ایسوسی ایشن کے دو دھڑوں کے درمیان جاری اختلافات کے خاتمے کی جانب اہم پیش رفت سامنے آئی ہے۔ ڈپٹی کمشنر پونچھ سید ممتاز کاظمی نے دونوں گروپس کو یکجا کرنے کے لیے اپنے دفتر میں اجلاس طلب کیا جس میں فریقین کو سنا گیا اور مسائل کے حل کے لیے مشترکہ لائحہ عمل پر غور کیا گیا۔
تفصیلات کے مطابق آزاد کشمیر خصوصاً پونچھ ڈویژن میں والی بال کے کھیل کو غیر معمولی مقبولیت حاصل ہے اور بڑی تعداد میں شائقین اس کھیل کے مقابلے دیکھنے کے لیے گراؤنڈز کا رخ کرتے ہیں، تاہم گزشتہ کچھ عرصے سے راولاکوٹ میں ڈسٹرکٹ والی بال ایسوسی ایشن کے اندرونی اختلافات کے باعث کھیل متاثر ہو رہا تھا۔
منتخب ڈسٹرکٹ والی بال ایسوسی ایشن کے مقابلے میں ایک الگ “حقیقی” ایسوسی ایشن قائم کر کے اس کی باڈی بھی علیحدہ منتخب کر لی گئی تھی، جس کے باعث والی بال کلبز مختلف دھڑوں میں تقسیم ہو گئے تھے۔ کھلاڑی الگ الگ ٹورنامنٹس میں شرکت کر رہے تھے جبکہ مشترکہ مقابلوں کے فقدان کے باعث شائقین میں بھی مایوسی پائی جا رہی تھی۔
ڈپٹی کمشنر پونچھ سید ممتاز کاظمی کے دفتر میں منعقدہ اجلاس میں ڈسٹرکٹ والی بال ایسوسی ایشن کے صدر ڈاکٹر حامد اور ڈسٹرکٹ والی بال ایسوسی ایشن (حقیقی) کے صدر سردار قمر جہانگیر نے اپنے اپنے تحفظات پیش کیے۔
اجلاس میں ایڈیشنل ڈپٹی کمشنر جنرل راولاکوٹ سردار عبدالقادر، اسسٹنٹ کمشنر ہیڈکوارٹر سید یاسر گردیزی، سردار شبیر خان سمیت دیگر متعلقہ افراد بھی موجود تھے۔
ڈپٹی کمشنر سید ممتاز کاظمی نے اس موقع پر کہا کہ والی بال پونچھ ڈویژن کا ایک مقبول ترین کھیل ہے جو نوجوانوں کو مثبت سرگرمیوں کی جانب راغب کرتا ہے۔ انہوں نے زور دیا کہ ایک پلیٹ فارم سے کھیلنے سے نہ صرف کھیل کو فروغ ملے گا بلکہ معاشرے میں مثبت پیغام بھی جائے گا۔
طویل مشاورت اور گفت و شنید کے بعد دونوں گروپس نے اختلافات ختم کرتے ہوئے ایک ہی پلیٹ فارم کے تحت کام کرنے پر آمادگی ظاہر کی اور باہمی اتحاد کو فروغ دینے کے عزم کا اعادہ کیا۔
اجلاس میں زیادہ تر معاملات طے پا گئے جبکہ باقی ماندہ مسائل کے حل کے لیے ایک کمیٹی تشکیل دینے کا بھی فیصلہ کیا گیا ۔