https://www.facebook.com/431197060969143/

جموں کشمیر لبریشن فرنٹ آفیشل, Jammu kashmir, Rawala Kot (2026)

27/07/2026

چیئرمین جموں کشمیر لبریشن فرنٹ، سردار محمد صغیر خان نے راولاکوٹ اور گرد ونواح میں شہریوں کے خلاف ریاستی طاقت کے وحشیانہ استعمال، اندھا دھند فائرنگ، تشدد اور انسانی جانوں کے ضیاع کی شدید ترین الفاظ میں مذمت کرتے ہوئے کہا ہے کہ اپنے مطالبات کے حق میں پرامن طور پر مظفرآباد کی جانب مارچ کرنے والے شہریوں پر گولیاں برسانا، انہیں تشدد کا نشانہ بنانا اور طاقت کے ذریعے ان کی آواز دبانے کی کوشش ریاستی جبر، استبداد اور بنیادی انسانی حقوق کی کھلی پامالی ہے، جس نے ایک اور سیاہ باب رقم کیا ہے۔

انہوں نے کہا کہ اختلافِ رائے کو گولی، لاٹھی اور طاقت کے ذریعے کچلنے کی پالیسی کسی بھی مہذب معاشرے میں قابلِ قبول نہیں۔ ریاستی تشدد اور خوف و ہراس کے ذریعے عوام کو خاموش کرانے کی ہر کوشش نہ صرف اخلاقی اور سیاسی طور پر ناکام ہوگی بلکہ اس سے خطے میں مزید بے چینی، عدم استحکام اور بداعتمادی کو فروغ ملے گا۔

سردار محمد صغیر خان نے کہا کہ پاکستانی مقبوضہ جموں کشمیر کے سیاسی معاملات میں پاکستان کی خفیہ ایجنسیوں کی مسلسل مداخلت اور پس پردہ کردار نے حالات کو مزید پیچیدہ اور کشیدہ بنایا ہے۔ انہوں نے مطالبہ کیا کہ مذاکراتی عمل سے خفیہ ایجنسیوں کا کردار اور فیصلہ سازی کومکمل طور پر ختم کیا جائے اور تمام معاملات سیاسی انداز میں حل کیے جائیں۔ انہوں نے زور دیا کہ سیاسی قیادت اپنی آئینی اور سیاسی ذمہ داری ادا کرتے ہوئے مذاکرات کی باگ ڈور خود سنبھالے اور احتجاج کرنے والے عوام کے نمائندوں کے ساتھ فوری، بامقصد، سنجیدہ اور نتیجہ خیز مذاکرات کا آغاز کرے تاکہ طاقت کے بجائے سیاسی عمل کے ذریعے مسائل کا حل نکالا جا سکے۔

انہوں نے مزید مطالبہ کیا کہ فائرنگ اور تشدد کے تمام واقعات کی آزاد، شفاف اور غیرجانبدارانہ تحقیقات کرائی جائیں، ذمہ دار افراد کو قانون کے کٹہرے میں لایا جائے اور شہداء کے لواحقین اور زخمیوں کو انصاف فراہم کیا جائے۔

چیئرمین جموں کشمیر لبریشن فرنٹ نے اقوام متحدہ، اقوام متحدہ کے ہائی کمشنر برائے انسانی حقوق (OHCHR)، ایمنسٹی انٹرنیشنل، ہیومن رائٹس واچ، انٹرنیشنل کمیشن آف جیورسٹس (ICJ)، انٹرنیشنل فیڈریشن فار ہیومن رائٹس (FIDH)، ایشین ہیومن رائٹس کمیشن (AHRC) اور دیگر بین الاقوامی انسانی حقوق کی تنظیموں سے پرزور اپیل کی کہ وہ پاکستانی مقبوضہ جموں و کشمیر میں جاری ریاستی جبر، انسانی حقوق کی سنگین خلاف ورزیوں، شہریوں کے قتل، زخمی کیے جانے اور اظہارِ رائے و پرامن احتجاج کے حق پر حملوں کا فوری نوٹس لیں، حقائق پر مبنی آزاد تحقیقات کے لیے دباؤ ڈالیں اور مزید انسانی جانوں کے ضیاع کو روکنے کے لیے مؤثر کردار ادا کریں۔

آخر میں سردار محمد صغیر خان نےواضح کیا کہ ظلم، جبر، تشدد اور ریاستی طاقت کے ذریعے عوام کی آواز کو دبایا نہیں جا سکتا۔ عوام کے سیاسی، قومی اور بنیادی انسانی حقوق کا احترام ہی دیرپا امن اور استحکام کی ضمانت ہے، جبکہ طاقت اور جبر کی پالیسی صرف نفرت، تصادم اور مزید خونریزی کو جنم دے گی۔

- International Federation for Human Rights

27/07/2026

Urgent Appeal for Immediate International Intervention to Protect Civilians in Azad Jammu & Kashmir

Date: 27 July 2026

To:

- The Secretary-General of the United Nations
- The United Nations Human Rights Council
- The Office of the United Nations High Commissioner for Human Rights (OHCHR)
- Amnesty International
- Human Rights Watch
- International Commission of Jurists (ICJ)
- International Federation for Human Rights (FIDH)
- Diplomatic Missions and the International Community

Subject: Urgent Appeal Following the Violent Suppression of the Peaceful Long March in Azad Jammu & Kashmir

Your Excellencies,

I write to you in my capacity as Spokesperson of the Jammu Kashmir Liberation Front (JKLF) to express our deepest concern over the escalating human rights situation in Azad Jammu & Kashmir and to urgently request immediate international attention and intervention.

Today, 27 July 2026, thousands of peaceful citizens commenced the announced Long March from Rawalakot to Muzaffarabad to demand their fundamental democratic, economic, and social rights. However, instead of allowing citizens to exercise their universally recognised right to peaceful assembly, the march was stopped by Pakistani Rangers, paramilitary forces, and other security agencies.

According to reports received by our organisation, security forces used force against unarmed and peaceful protesters. Initial reports indicate that at least ten people were killed, dozens sustained serious injuries, and many others were arrested. We have also received reports alleging that some injured protesters have been denied timely access to medical treatment. These reports require immediate, independent, and impartial investigation.

This tragic incident follows weeks of increasing tensions. The Long March was originally announced on 9 June 2026, but after state repression it was postponed and replaced with peaceful sit-ins across Rawalakot and surrounding areas. During this period, the government entered into discussions with the Joint Awami Action Committee. Unfortunately, those negotiations failed to produce any meaningful outcome.

Over the past three years, the authorities have repeatedly signed written agreements and made public commitments regarding the demands of the people, yet these commitments have consistently remained unfulfilled, resulting in widespread public frustration and loss of confidence.

Today's reported violence represents a grave escalation and raises serious concerns regarding the protection of fundamental human rights, including the rights to life, peaceful assembly, freedom of expression, and access to medical care.

We respectfully call upon the United Nations, international human rights organisations, and the wider international community to:

1. Urgently condemn any unlawful use of force against peaceful protesters.
2. Call upon the Government of Pakistan to immediately cease the use of violence against civilians and respect international human rights obligations.
3. Demand immediate and unhindered access to medical treatment for all injured protesters.
4. Dispatch or facilitate an independent international fact-finding mission to investigate the reported killings, injuries, arrests, and allegations of denial of medical care.
5. Urge the immediate release of all individuals arbitrarily detained for peacefully exercising their fundamental rights.
6. Ensure accountability for any human rights violations established through an independent investigation.
7. Closely monitor the human rights situation in Azad Jammu & Kashmir to prevent further violence and loss of civilian life.

The people of Azad Jammu & Kashmir have consistently sought to pursue their demands through peaceful and democratic means. They deserve protection, justice, and respect for their fundamental human rights—not violence.

We respectfully urge your offices to take immediate action within your respective mandates to help protect civilian lives, prevent further bloodshed, and ensure accountability for any violations of international human rights law.

The people of Azad Jammu & Kashmir cannot be left without international attention at this critical moment.

Respectfully,

Umar Hayat
Spokesperson
Jammu Kashmir Liberation Front (JKLF)
United Nations
BBC
Amnesty International
Human Rights Watch UK
UN Human Rights Council
CNN International
FIDH - International Federation for Human Rights

20/07/2026

جموں کشمیر لبریشن فرنٹ این ایس ایف کے ڈپٹی سیکرٹری جنرل مجیب اکبر کو لاہور میں خفیہ اداروں کی طرف سے لاپتہ کئے جانے کی شدید مذمت کرتی ہے پاکستان میں آذادی پسند اور ترقی پسد افراد کو آئے روز ریاستی جبر اور دہشتگردی کا سامنا ہے انسانی حقوق کی خلاف ورزیاں عروج پر ہیں انسانوں سے آذادی اظہار رائے کا حق چھین لیا گیا ہے بلکہ جینے کا حق بھی چھین لیا گیا ہے مجیب اکبر ایک ترقی پسند طالب علم رہنما ہیں اور پاکستان کے زیر قبضہ جموں کشمیر میں چلنے والی عوامی حقوق کی تحریک کے ایک سرگرم کارکن ہیں 4 دن سے ان کا اس طرح منظر سے غائب ہوجانا بہت سے سوالات پیدا کرتا ہے پاکستان کی خفیہ ایجنسیاں اس کی ذمہ دار ہیں ہمارا مطالبہ ہے کہ ان کو فوری طور پر بازیاب کیا جائے ہم پاکستان کے انسانی حقوق کے اداروں اور آذادی اظہار رائے پر یقین رکھنے والے افراد سے اپیل کرتے ہیں کہ وہ مجیب اکبر کی بازیابی کے لئے بھرپور آواز بلند کریں
جموں کشمیر لبریشن فرنٹ کے ترجمان عمر حیات خان نے کہا ہے کہ اگر ان کو فوری طور پر بازیاب نہ کیا گیا تو ہم پاکستان کے زیر قبضہ جموں کشمیر کے دیگر گم شدہ اور گرفتار افراد کے ساتھ ان کا کیس بھی بین الاقوامی برادری عالمی انسانی حقوق کی تنظیموں تک پہنچائیں گے عمرحیات خان نے کہا کہ گزشتہ دنوں جموں کشمیر لبریشن فرنٹ کے ایک مقامی رہنما زریاب ملک کو بھی راولپنڈی کے نزدیکی علاقے کلر سیداں سے خفیہ اداروں نے اٹھایا لیا تھا جن کا ابھی تک کچھ معلوم نہیں ہوسکا اس طرح کے واقعات دراصل پاکستان کے زیر قبضہ جموں کشمیر میں آذادی پسندوں کی آواز کو دبانے کی ایک مذموم کوشش ہے جس کی جتنی بھی مذمت کی جائے کم ہے۔
جاری کردہ:
عمر حیات خان ترجمان جموں کشمیر لبریشن فرنٹ۔

11/07/2026

Appeal for the Safe Recovery of Mr. Ziab Imtiaz Malik

We urgently appeal to all concerned authorities, human rights organizations, civil society, and members of the international community to take immediate notice of the enforced disappearance of Mr. Ziab Imtiaz Malik, a young pro-freedom political activist from Kotli, a local office-bearer of the Jammu Kashmir Liberation Front (JKLF), and a well-known businessman.

According to available information, Mr. Malik had traveled to Dhok Mohallan, Kallar Syedan, the hometown of his father's maternal family. Reports indicate that he was taken into custody by unidentified individuals. According to Kallar Syedan Police, Mr. Malik was later taken away from the police station by unknown persons, and his whereabouts have remained unknown ever since.

His parents, family members, relatives, and friends are enduring immense anguish and uncertainty over his disappearance. They earnestly appeal for his immediate and safe recovery and for full transparency regarding his whereabouts and well-being.

We call upon the relevant authorities to conduct a prompt, impartial, and transparent investigation into this case, ensure that Mr. Ziab Imtiaz Malik's legal and human rights are fully protected, and facilitate his safe return to his family without delay.

We also urge all individuals and organizations committed to the protection of human rights and the rule of law to raise their voices and support efforts to secure his safe recovery.

Issued by:
Umar Hayat
Spokesman
Jammu Kashmir Liberation Front (JKLF)

16/06/2026

#وضاحت
احباب میرا تعلق جموں کشمیر لبریشن فرنٹ ہیڈڈ بائی سردار محمد صغیر خان ایڈووکیٹ سے ہے، تنظیم نے سیاسی شعبے کی سربراہی مجھے سونپی ہوئی ہے
سب سے پہلے میں پچھلے دس دنوں میں قابض و غاصب فورسز کی طرف سے ریاست جموں کشمیر کے پاکستانی حصے میں معصوم شہریوں پر کیے جانے والے ظلم، جبر تشدد، بربریت و درندگی جس کے نتیجے میں جوائنٹ عوامی ایکشن کمیٹی کے کور ممبر جناب عمر نذیر کشمیری صاحب اور محترم شاہزیب حبیب سمیت درجنوں معصوم انسان زخمی و شہید ہوئے کی اپنی طرف سے اور اپنی تنظیم کی طرف سے شدید الفاظ میں مذمت کرتا ہوں،

میں پچھلے دس دنوں سے راولاکوٹ شہر، و شہریوں کو غاصبین و قابضین کی درندہ صفت فورسز کے زریعے محصور رکھنے کی پر زور مذمت کرتا ہوں
اپنے بہادر عوام کو بلند حوصلے و جرات سے پر امن رہ کر یہ جبر برداشت کرنے پر خراج پیش کرتا ہوں
#احباب جیسے کہ میں نے ٹائٹل میں لکھا #وضاحت
اس کی ضرورت کیوں محسوس ہوئی اس پر آپ سب سے جو جموں کشمیر لبریشن فرنٹ ہیڈڈ بائی سردار محمد صغیر خان کے کارکنان ہیں، ہمدرد ہیں،
جو ہماری تنظیم و ہماری لیڈر شپ یعنی جے کے ایل ایف و سردار محمد صغیر خان کے چاہنے والے و خیر خواہ ہیں، جو راولاکوٹ میں پچھلے سات دنوں سے کھلے آسمان تلے اپنی بہادری و جرات کی داستان رقم کر رہے ہیں جو قابضین کی آنکھوں میں آنکھیں ڈالے بے خوف اپنے اور اپنے کل کے لیے بہادری و جرات کی عظیم تاریخ رقم کر رہے ہیں
وہ جو سٹیج سے بارہا سردار محمد صغیر خان و اس کی ناقابلِ مصلحت جدوجہد کو سراہتے ہوئے عوام میں آنے کی درخواست کر رہے ہیں
وہ جو سردار صغیر خان کی بہادری جرات مندی، ہر ظلم و ظالم سے ٹکرانے اور بے جگری کی طویل جدوجہد سے واقف ہیں جو مزاحمت کی راہ میں انہیں اپنا رہبر و رہنما پکارتے و گردانتے ہیں، اور وہ جو نوجوان ہیں سردار صغیر خان سے، ان کی جدوجہد سے اس قدر شناسا نہیں ہیں جو سوال اٹھاتے ہیں کہ ساری زندگی جدوجہد کا درس دینے والا شخص آج منظر سے غائب کیوں ہے؟
وہ جو ناسمجھی میں ان کی جدوجہد پر انگلی اٹھا رہے ہیں سوال کر رہے ہیں الزامات لگا رہے ہیں ان سب کے لیے آج با امر مجبوری ایک جوابی وضاحت اس امید کے ساتھ

کہ شاید کہ اتر جائے ترے دل میں میری بات

#احباب یہ وقت ماضی کریدنے کا نہیں نہ ہی الزام لگانے کا ہے نہ کریڈٹ لینے یا دینے کا ہے لیکن ایک ایسا شخص ہے جس نے پوری عمر ابلا پائی میں گزاری ہو جو کبھی اپنی زندگی جی نہ سکا ہو، جس نے پوری زندگی قابضین و غاصبین کو للکارتے گزاری ہو
#وہ آج جب اس کا اپنا شہر محاصرے میں ہے وہ شہری جو بلا تخصیص سیاسی وابستگی اسے انتہائی عزت دیتے ہیں، اپنی پلکوں پر بٹھاتے ہیں محاصرے میں ہیں
جو محمد صغیر خان سے تھوڑے بھی واقف ہیں وہ جان سکتے ہیں کہ وہ کس کرب سے گزر رہا ہوگا وہ کس ذہنی دباؤ و تناؤ میں ہوگا کس عصاب شکن کیفیت میں ہوگا
سوال پیدا ہوتا ہے کہ کیا سردار صغیر خان مصلحت پسند ہے؟
جواب ہے نہیں اپنے چاہنے والوں کے لیے یہ اس کی خوبی ہے لیکن ,,کچھ،، کے لیے یہ اس کی خامی ہے برائی ہے وہ بات کرتا بے لاگ کرتا ہے ڈھنکے کی چوٹ پر کرتا اور جب بات کرتا ہے تو پھر اس پر پورا پہرا دیتا ہے

کیا وہ کسی ایجنٹ کا ہے ؟
احباب مجھے جس طرح اس بات پر یقین ہے کہ اللہ ایک ہے، محمد صلی اللہ علیہ وسلم خاتم الانبیاء ہیں اسی طرح مجھے یقین ہے کہ سردار صغیر خان کسی دنیاوی قوت کا ایجنٹ نہیں ہے
بلکہ وہ ایجنٹ ہے تو اپنے ضمیر کا اور اپنے محب وطن بہادر و غیرت مند ریاستی عوام کا

کیا سردار محمد صغیر خان بزدل ہے ؟
جواب آئے گا نہیں بلکل بھی نہیں اس سے زیادہ بہادر، دلیر و جرات مند انسان آج تک نظر نہیں آیا جو احباب قطہ نظر سیاسی وابستگی انہیں جانتے ہیں وہ اس بات کے گواہ ہیں
سردار صغیر خان ہوا کے ساتھ ہچکولے نہیں کھاتا
ہوا کے رخ پر نہیں چلتا بلکہ اسے تو عادت ہے ہمیشہ ہوا کہ مخالف چلنے کی
#تو پھر سوال پیدا ہوتا ہے کہ کیا وجہ ہے کہ وہ بار بار آوازہ لگانے کے اپنے اعصاب پر جبر تو کرتا لیکن آوازوں پر کان نہیں دھرتا ایک کرب ناک کیفیت سے گزر رہا لیکن ضبط نہیں توڑ رہا

#احباب میں ذکر نہیں کرنا چاہتا کہ 9 مئی 2023 سپلائی بازار راولاکوٹ میں لگنے والے دھرنے کو کس نے 10 مئی کو عوامی حقوق تحریک سے جوڑا کس نے کہا if اور but کے بغیر جدوجہد کرو گے تو میں اور میری تنظیم آپ کی پشت پر ہوگی
میں یہ ذکر بھی نہیں کرنا چاہ رہا کہ کس نے اپنے تنظیموں ساتھیوں کو کہا کہ تحریک کو پہلے راولاکوٹ، پھر پونچھ ڈویژن اور اس کے بعد پوری ریاست میں لیکر جائیں
میں یہ ذکر کرنا بھی مناسب نہیں سمجھتا کہ کس نے تحریک کو پر امن رکھنے کا درس دیا، کس نے کوٹلی کے مقام پر بجلی بلات کے بائیکاٹ و نظر آتش کرنے کا مشکل فیصلہ لیا
کس نے 16 ستمبر 2023 کو اپنی اور اپنی تنظیم کی ساری سیاست کو داؤ پر لگا کر مختلف ایکشن کمیٹیز کو جوائنٹ عوامی ایکشن کمیٹی کا روپ دیا
میں یہ تذکرہ کرنا بھی مناسب نہیں سمجھتا کہ کون تھا جو کئی تحفظات کے باوجود 11 اور 12 مئ 2024 کو کسی شہرت، کسی خودنمائی کے بغیر ایک عام شہری کی طرح ایک عام کارکن کی طرح اپنے ساتھیوں سمیت راولاکوٹ سے مظفرآباد مارچ میں شریک رہا اور آتے وقت محترم عمر نذیر کو آگاہ کر کے آیا

#دوستو الزامات لگانے سے پہلے زرہ سوچو تو کہ 12 مئی کی جزوی کامیابی کے بعد ایس او پیز کیوں کس کے کہنے پر کس کے خلاف بنے؟
کیوں یہ فیصلہ ہوا کہ کسی تنظیم کا سربراہ جوائنٹ عوامی ایکشن کمیٹی کا پلیٹ فارم استعمال بات نہیں کرے گا؟
چار بیاڑ واقعے کے بعد جب سردار صغیر خان میری دعوت پر تراڑکھل آئے تو دوستو برسوں کی رفاقت، عزیز داری، مروت و اخلاقیات کو پس پشت ڈال کر سردار صغیر خان کو دھرنے سے باہر بلا کر یہ پیغام پہچایا جاتا ہے کہ آپ جوائنٹ عوامی ایکشن کمیٹی کا پلیٹ فارم استعمال نہیں کر سکتے
جس کے بعد مجھے خود ایک کور ممبر نے بتایا کہ یہ ہمارا فیصلہ ہے کہ کوئی پارٹی ہیڈ جوائنٹ عوامی ایکشن کمیٹی کا پلیٹ فارم استعمال نہیں کر سکتا
پھر کس کو یاد نہیں کہ صدارتی آرڈیننس کے خلاف تحریک میں رابطہ کمیٹی کی دس دسمبر کی کال پر 5 دسمبر کی کال دی گئی آزادی پسند دوستوں کے راستے مسدود کرنے کی کوشش کی گئی
اور پھر 13 آگسٹ کی رات راولاکوٹ میں آزادی پسند طلباء کے خلاف ایف آئی آرز و گرفتاریاں ہوئیں تو تین دن کے انتظار کے بعد جب آزادی پسندوں نے اس پر احتجاج کیا انتطامیہ کو 29 اگست تک کی ڈیڈ لائن دی گئی تو پھر 25 اگست کو 29 کی کال کو سبوتاژ کرنے کی سعی ہوئی

#دوستو یہ موقع نہیں تھا یہ موقع نہیں ہے لیکن جب سوال اٹھتے ہیں تو جواب دینے پڑتے ہیں جب آپ کسی کے انتہائی صاف شفاف و بے داغ کردار پر انگلی اٹھائیں گے تو پھر ہلکی پھلکی تاریخ درست کرنی پڑتی ہے

#احباب اس سب کے باوجود آج سے 7' 8 ماہ قبل جنابِ چیئرمین نے کچھ احباب کو کر بلا کر صلاح دی کہ آپ بند گلی کی طرف جا رہے ہیں اس کا نقصان قومی یکجہتی کو ہوگا، ہمارے خلاف نفرت پھیلانے کے منصوبے ہیں
لیکن جواب میں کہا گیا یہ چوکوں و چوراہوں میں اپنی فرسٹریشن دور کرتے ہیں لوگوں کنفیوز کرتے ہیں

#لیکن اج ہمارے سینے چھلنی ہیں ہمارے دوستوں کے جسموں میں آگ سلگ رہی ہے آج وہ درندے دندناتے ہمارے شہروں میں پھر رہے ہیں جن کے خلاف ہماری قیادت نے ہمیشہ جرات، بہادری و بے جگری سے جدوجہد کی، ہزاروں لوگوں کو شعور دیا، لڑنے کی ترغیب دی
#محترم #عمر نذیر کشمیری صاحب نے اپنے ایک جذباتی خطاب میں فرمایا کہ سردار صغیر صاحب کی جدوجہد سے اختلاف نہیں، سردار لیاقت حیات صاحب کی جدوجہد سے اختلاف نہیں، سردار امان کی جدوجہد سے اختلاف نہیں نہ جدوجہد سے اختلاف ہے، نہ دشمن سے اختلاف ہے، نہ منزل سے اختلاف ہے اگر اختلاف تھا اختلاف ہے تو حکمتِ عملی سے اختلاف ہے اور میں ہاتھ جوڑ کر معذرت چاہتا ہوں لیکن انھوں نے یہ نہیں کہا کہ کیا وہ اپنے ماضی کے کسی عمل، کنڈکٹ یا حکمتِ عملی پر معذرت چاہتے ہیں؟ یا ایس او پیز کے باعث سٹیج استعمال نہ کرنے کی مجبوری پر معذرت چاہتے ہیں اور کہنا چاہتے ہوں کہ
٫٫ #تس کہر اے بجے نے وا،،
#عمر صاحب اس وقت مشکل میں ہیں وہ خود زخمی ہیں اللہ نے ان کو ایک کی نئی زندگی دی ہے، ان کا قابلِ اعتماد ساتھی شاہزیب حبیب شہید ہو چکا ہے، ان کے دیگر درجنوں کارکنان شہید و زخمی ہوچکے ہیں ہم ان کیفیت کو محسوس کرتے ہیں ہمیں احساس ہے کہ وہ کس کیفیت سے گزر رہے ہیں وہ زیر عتاب ہیں ہم ان کی مشکلات میں اضافہ نہیں کرنا چاہتے لیکن صرف اتنا کہتے ہیں ہم ان معذرت والی بات سمجھ نہیں سکے
دیگر احباب مثلاً سردار امان جناب راجہ حفیظ بابر صاحب نے سٹیج سے جناب چیئرمین صاحب کا ذکر کیا ہم ان کے جذبوں کو قدر کی نگاہ سے دیکھتے ہیں

#احباب یاد رہے کہ جوائنٹ عوامی ایکشن کمیٹی وقتاً فوقتاً اپنا علامیہ جاری کرتی ہے جس میں وہ پیغام دیتی ہے کہ وہ کیا حکمت عملی اختیار کیے ہوئے ہیں وہ اس سارے پروسس کو کس زاویے سے دیکھتے ہیں جس طرح انھوں نے اپنے آخری علامیے میں کہا کہ جوائنٹ عوامی ایکشن کمیٹی کا موقف وہی ہوتا ہے جو علامیے کی صورت میں پیش کیا جاتا ہے سٹیج سے ہونے گفتگو سے جوائنٹ عوامی ایکشن کمیٹی کا کوئی تعلق نہیں ہوتا وہ گفتگو انفرادی رائے ہو سکتی ہے جس سے دوسری باتوں کے علاؤہ ایک یہ تاثر بھی قائم ہوتا کہ اگر عمر نذیر کشمیری صاحب نے کوئی معذرت وغیرہ والی بات کی ہے تو یہ ان کا ذاتی مؤقف ہے عوامی ایکشن کمیٹی کا موقف نہیں ہے
ایسے میں اپنے موقف پر قائم رہتے ہوئے جوائنٹ عوامی ایکشن کمیٹی کے پلیٹ فارم پر جانا ان کے ایس او پیز کی خلاف ورزی ہو سکتی ہے اور اگر ایسا نہیں بھی ہے تو جموں کشمیر لبریشن فرنٹ ہیڈڈ بائی سردار محمد صغیر خان کا مؤقف احباب جانتے ہیں اور موجودہ صورت حال میں اس مؤقف میں مزید کس قدر شدت ہوسکتی ہے
کیا وہ مؤقف کھلے آسمان تلے موجود پوری پاکستانی زیر قبضہ ریاست جموں کشمیر آئے ہوئے عوام کے لیے مزید مشکلات کا سبب نہیں بنے گا؟
کیا جوائنٹ عوامی ایکشن کمیٹی جس کے خلاف پاکستانی میڈیا ہاؤسز، پاکستانی حکومت و ادارے جو بیانیہ بنانے کی کوشش کر رہے ہیں سردار صغیر خان صاحب کی موجودگی میں اس بیانیے کو تقویت نہیں ملے گی؟
کیا جوائنٹ عوامی ایکشن کمیٹی سردار صغیر خان صاحب کو اپنے پلیٹ فارم سے افورڈ کر سکتی ہے؟
اگر جواب نہیں میں ہے جو یقیناً نہیں میں ہوگا تو پھر #سنو
سردار محمد صغیر خان ان حالات میں اپنے مؤقف سے کسی صورت دستبردار نہیں ہوسکتا اور اس موقف کے ساتھ وہ عوامی ایکشن کمیٹی، دھرنا مظاہرین اور عوام الناس کے لیے مزید مشکلات پیدا کرنا نہیں چاہتا
#احباب مندرجہ بالا گذارشات کی روشنی میں آپ سے گزارش ہے کہ جوائنٹ عوامی ایکشن کمیٹی کے زمہ داران اپنے سابقہ موقف کے مطابق یہ بات ذہن میں رکھیں کہ یہ آزادی یا انقلاب کی لڑائی نہیں ہے
#حرف #اخر
دوست احباب وقت و حالات کے ساتھ جموں کشمیر لبریشن فرنٹ کی قیادت کے مؤقف کو جاننے کی کوشش کریں اور یہ بات بھی ذہن میں رکھیں کہ پچھلے دو ڈھائی سالہ مدت میں صرف ہم ہی تھے جو اوپنلی عوامی ایکشن کمیٹی کی حکمتِ عملی و طریقہء کار کے ناقد رہے ہیں
ہم بطور تنظیم عوامی ایکشن کمیٹی کا حصہ نہیں رہے بلکہ ان کی حکمتِ عملی و طریقہء کار پر معترض رہے ہیں ایسے میں ہم اپنا مؤقف بدل نہیں سکتے اور موجودہ صورتحال میں جوائنٹ عوامی ایکشن کمیٹی ہمارے موقف کو افورڈ نہیں کر سکتی، ہاں اگر وہ افورڈ کر سکتے ہیں تو ہم انہیں خوش آمدید کہتے ہیں آئیں بات کریں کھلے دل و دماغ کے ساتھ ہم بات کرنے کے لیے تیار ہیں
اور جویہ کہتے ہیں کہ ہم متروک ہو چکے ان سے گزارش ہے کہ سردار صغیر خان جدوجہد کے پچاس سال پورے کر چکے ہیں ان کی ذات یا ان کو یا ان کے ساتھیوں کو متروک قرار دیا جاسکتا ان کی فکر اور اس فکر کے لیے جرآت مند جدوجہد کبھی متروک نہیں ہوسکتی سردار محمد صغیر خان کا نوجوانوں کو دیا ہوا حوصلہ کبھی ماند نہیں پڑ سکتا، لیہذا یہ یاد رکھیں کہ آزادی و حریت کی جدوجہد کرنے والے لوگوں کو وقتی ابھار یا پاپولریٹی کے تناظر میں نہ دیکھا کریں جدوجہد و کمٹمنٹ کے تناظر آپ کو ہمیشہ ان کی درست شکل نظر آئے گی
#انتباہ
جموں کشمیر لبریشن فرنٹ غاصب قابض و فاسق قوتوں کو واضح پیغام دیتی ہے وہ ظلم بربریت و درندگی کا یہ ننگا کھیل ختم کریں آج نہیں تو کل تمیں معصوم انسانوں کی جانوں سے کھیلنے کے گھناؤنے عمل کا خمیازہ ضرور بھگتنا پڑے گا
سردار مشتاق حسین ایڈووکیٹ
جموں کشمیر لبریشن فرنٹ

14/06/2026

غیر ملکی فورسز کی یلغار، قتل و غارت، چھاپے اور چادر و چاردیواری کے تقدس کی پامالی۔
پاکستانی زیر قبضہ کشمیر میں غیر ملکی فورسز، رینجرز،ایف سی، پی سی، اسلام آباد پولیس، پنجاب پولیس اور پاک فوج کی جانب سے جاری ریاستی عوام پہ ڈھائے جانے والے ظلم و بربریت، گھروں پہ چھاپے اور چادر و چاردیواری کے تقدس کی پامالی کی بھرپور اور شدید الفاظ میں مذمت کرتے ہیں۔
پچھلے سات دنوں میں جو غیر ملکی فورسز کی طرف سے ریاستی باشندوں پہ کریک ڈاؤن کیا گیا اور انہیں سیدھی گولیوں کا نشانہ بنایا گیا اس کی مثال اگر دی جا سکتی ہے تو شاید اسرائیل اور ہندوستان کے علاوہ نہیں دی جا سکتی۔
آج ہماری پیشنگوہی سچ ثابت ہوئی کہ یہ جو امن کی فضا قائم ہے اس کی وجہ کشمیری ہیں۔ جب بھی یہ قوم اپنے حقوق کو لیکر نکلے گی پاکستانی بے لگام فورسز کا نشانہ بنے گی۔
مظفرآباد سمیت پورے پاکستانی زیر قبضہ کشمیر میں غیر ملکی فورسز اور ایجنسیوں کے غیر قانونی چھاپے اور گھروں میں بیٹھئ خواتین اور بچوں کو ہراساں کرنا اور نہتی عوام کے خون کیساتھ ہولی کھیلنا بنیادی انسانی حقوق کی سنگین خلاف ورزی ہے۔
ہم پاکستانی فورسز کے اس غیر اخلاقئ، غیر قانونی اور غیر انسانی عمل کی بھی بھرپور مذمت کرتے ہیں اور متنبہ کرتے ہیں کہ اس کھیل کے نتائج بہت بھیانک ہونگے ریاستئ اور غیر ریاستئ فورسز فورا اس گھناؤنے کھیل کو روکیں اور چادر و چاردیواری کے تقدس کو یقینی بناتے ہوئے لوگوں کو انکی بنیادی حق سے محروم نہ کریں۔
ریاستئ فورسز کا جبراً لوگوں کو نامعلوم جگہ پہ منتقل کرنا اور پھر ان سے ویڈیو بیان جاری کروانا انتہائی قابل نفرت اور قبیح فعل ہے۔
ریاستی ظالم اداروں کا یہ سکرپٹ بہت پرانا ہو چکا جس سے پوری دنیا بخوبی واقف ہے۔
ماضی قریب اور ماضی بعید میں آوازوں کو دبانے اور لوگوں کو ڈرانے کے لئے یہی ہتکھنڈے استعمال ہوتے رہے جو سلسلہ آج بھی جاری ہے۔
ایسے ہتکھنڈے کبھی بھی حق کے لئے اٹھتی آوازوں کو نہیں دبا سکے اور آئندہ بھی ان آوازوں کو دبایا نہیں جا سکے گا۔
پچھلے سات دنوں میں جو ظلم و بربریت کا نشانہ بننے والے نہتے کشمیری جو ان فورسز کے ہاتھوں شہید ہوئے انکو خراج عقیدت پیش کرتا ہوں اور بارگاہ لم و یزل میں ان شہداء کے درجات کی بلندی اور بخشش کے لئے دعا گو ہوں۔
یقینا یہ خون ضرور رنگ لائے گا۔ شہداء کا یہ خون کبھی رائیگاں نہیں جائیگا۔
انسانی حقوق کی علمبردار تنظیمیں ریاست میں ہونے والے اس ظلم کے خلاف آواز اٹھائیں
انصار احمد آفیشل

14/06/2026

جموں کشمیر لبریشن فرنٹ کے چیئرمین سردار محمد صغیر خان نے کہا ہے کہ مخالف سوچ رکھنے والوں اور سیاسی مطالبات رکھنے والے عوام کو دہشت گرد اور غدار قرار دے کر کالعدم قرار دینا انتہائی شرمناک اور قابلِ مذمت اقدام ہے، جو کہ جمہوری، اخلاقی اور انسانی بنیادی حقوق کی سرِعام دھجیاں بکھیرنے کے مترادف ہے۔

انہوں نے مزید کہا کہ مذہبی اور جمہوری انسانی معاشروں میں مخالف آوازوں کو سنا جاتا ہے، لیکن ہمارے ہاں آوازوں کو سننے کے بجائے غداری اور دہشت گردی کے سرٹیفکیٹ جاری کیے جاتے ہیں اور عوام کو فتح کرنے کے لیے ریاستی طاقت کا بدترین استعمال کیا جاتا ہے، جس سے اب درجنوں انسانی جانیں ضائع ہو چکی ہیں، جو کہ انتہائی دکھ دہ عمل ہے اور ہر ذی شعور انسان کے ضمیر کو جھنجھوڑ رہا ہے کہ آمرانہ اور فاشسٹ رویے ترک کر کے جمہوری اور انسانی اقدار کا ثبوت دیا جائے۔

انہوں نے سیاسی قوتوں اور حکومتوں پر زور دیا کہ اگر ان میں ذرہ بھر بھی سیاسی اور جمہوری اقدار بچی ہوئی ہیں تو ان کو بروئے کار لایا جائے اور عوام الناس کو اس خونی کھیل سے باہر لانے کے لیے اپنا کردار ادا کریںجموں کشمیر لبریشن فرنٹ کے چیئرمین سردار محمد صغیر خان نے کہا ہے کہ مخالف سوچ رکھنے والوں اور سیاسی مطالبات رکھنے والے عوام کو دہشت گرد اور غدار قرار دے کر کالعدم قرار دینا انتہائی شرمناک اور قابلِ مذمت اقدام ہے، جو کہ جمہوری، اخلاقی اور انسانی بنیادی حقوق کی سرِعام دھجیاں بکھیرنے کے مترادف ہے۔

انہوں نے مزید کہا کہ مذہبی اور جمہوری انسانی معاشروں میں مخالف آوازوں کو سنا جاتا ہے، لیکن ہمارے ہاں آوازوں کو سننے کے بجائے غداری اور دہشت گردی کے سرٹیفکیٹ جاری کیے جاتے ہیں اور عوام کو فتح کرنے کے لیے ریاستی طاقت کا بدترین استعمال کیا جاتا ہے، جس سے اب درجنوں انسانی جانیں ضائع ہو چکی ہیں، جو کہ انتہائی دکھ دہ عمل ہے اور ہر ذی شعور انسان کے ضمیر کو جھنجھوڑ رہا ہے کہ آمرانہ اور فاشسٹ رویے ترک کر کے جمہوری اور انسانی اقدار کا ثبوت دیا جائے۔

انہوں نے سیاسی قوتوں اور حکومتوں پر زور دیا کہ اگر ان میں ذرہ بھر بھی سیاسی اور جمہوری اقدار بچی ہوئی ہیں تو ان کو بروئے کار لایا جائے اور عوام الناس کو اس خونی کھیل سے باہر لانے کے لیے اپنا کردار ادا کریں

جاری کردہ:ترجمان جموں کشمیر لبریشن فرنٹ

11/06/2026

جموں کشمیر لبریشن فرنٹ کے چیئرمین سردار محمد صغیر خان ایڈووکیٹ نے پاکستانی مقبوضہ جموں کشمیر کے مختلف علاقوں میں پولیس اور رینجرز کی جانب سے چادر اور چار دیواری کے تقدس کو پامال کرتے ہوئے گھروں پر چھاپوں کی بھرپور مذمت کی اور اسے ایک قابلِ نفرت عمل قرار دیا۔ انہوں نے کہا کہ پولیس مختلف حیلوں اور بہانوں سے کوٹلی، سرساوہ پنجیڑہ اور مظفرآباد میں لوگوں کے گھروں پر چھاپے مار کر خواتین، بچوں اور دیگر اہلِ خانہ کو ہراساں کر رہی ہے، جبکہ مطلوبہ افراد کے بارے میں تقریباً ہر شخص جانتا ہے کہ وہ کہاں موجود ہیں۔
بے گناہ نہتے شہریوں کو ریاستی دہشتگردی کا نشانہ بنایا جارہا ہے اور بے شمار قیمتی جانیں اس ریاستی دہشتگردی کا شکار ہوچکی ہیں انسانیت کا قتل ناقابل معافی جرم ہے اور ریاست اس جرم کا بار بار ارتکاب کررہی ہے

انہوں نے انتظامیہ کو متنبہ کیا کہ وہ ہراسگی اور ریاستی دہشتگردی کے ان ہتھکنڈوں سے باز آئے اور چادر اور چار دیواری کے تقدس کا احترام کرے اور شہری آذادیوں کے حق سے لوگوں کو روکنے اور قدغن لگانے سے باز آئے

انہوں نے مزید کہا کہ راولاکوٹ سے واپس جانے والے لوگوں کو روک کر ان کی تلاشی لی جا رہی ہے اور ان کی تذلیل کی جا رہی ہے، اور میں پولیس کے اس قابلِ نفرت رویے کی شدید الفاظ میں مذمت کرتا ہوں۔

انہوں نے اس بات کی بھی مذمت کی کہ لوگوں کو گرفتار کر کے ان پر تشدد کیا جا رہا ہے اور ان سے جھوٹے ویڈیو بیانات دلوائے جا رہے ہیں۔

انہوں نے انسانی حقوق کی عالمی تنظیموں سے بھی اپیل کی کہ وہ پاکستانی مقبوضہ جموں کشمیر میں انسانی حقوق کی ان خلاف ورزیوں
کے خلاف آواز اٹھائیں

جاری کردہ:ترجمان جموں کشمیر لبریشن فرنٹ۔

08/06/2026

جموں کشمیر لبریشن فرنٹ کے چئیرمین سردار محمد صغیر خان ایڈووکیٹ نے راولاکوٹ میں پاکستان کی فوج اور پیراملٹری فورسز کی جانب سے سفاکیت کا مظاہرہ کرتے ہوئے پُرامن اور نہتے عوام پر اندھا دھند فائرنگ کے نتیجے میں قیمتی جانوں کے ضیاع کی شدید الفاظ میں مذمت کرتے ہوئے کہا کہ پاکستانی مقبوضہ جموں کشمیر میں موجودہ صورتحال کو اس نہج تک پہنچانے میں پاکستانی اسٹیبلشمنٹ اور پاکستانی حکمرانوں کے ساتھ مظفرآباد کی کٹھ پتلی حکومت اور روایتی سیاستدانوں کی مجرمانہ غفلت، غیر ذمہ دارانہ رویے اور نااہلی بھی برابر کی ذمہ دار ہیں۔

انہوں نے کہا کہ میں گزشتہ تین سالوں سے ان خدشات کا اظہار کرتا رہا ہوں کہ پاکستانی اسٹیبلشمنٹ اور اس کی ایجنسیوں کی جانب سے اس خطے کے حالات کو تباہی کی طرف دھکیلا جا رہا ہے۔

انہوں نے اس بات کی بھی شدید الفاظ میں مذمت کی کہ معاملات کو بات چیت کے ذریعے حل کرنے کے بجائے پاکستان سے فورسز منگوا کر نہتے عوام کا قتلِ عام کرایا گیا، اور ہم تمام جمہوری قوتوں، انسانی حقوق کے اداروں اور تنظیموں سے اپیل کرتے ہیں کہ وہ پاکستانی مقبوضہ جموں کشمیر کے عوام پر ڈھائے جانے والے انسانیت سوز مظالم، ظلم اور جبر کو رکوانے میں اپنا کردار ادا کریں۔

انہوں نے پاکستانی مقبوضہ جموں کشمیر میں ڈھائے جانے والے مظالم کے خلاف شدید غم و غصے کا اظہار کیا اور کہا کہ اپنے عوام کو بھرپور مزاحمت کے لیے منظم کرنے کی سعی
کریں گے۔
سردار محمد صغیر خان ایڈووکیٹ نے پاکستانی فوج اور پیرا ملٹری فورسز کے ہاتھوں شہید ہونے والے افراد کے خاندانوں سے دلی تعزیت کا اظہار کرتے ہوئے کہا کہ ان معصوم بے گناہ شہریوں کا خون رائیگاں نہیں جائے گا اور ان افراد کے لہو سے ایک دن ہمارے اس مادروطن سے ان غیر ملکی جابر افواج کا انخلا ضرور ہوگا
جاری کردہ: عمرحیات خان ترجمان جموں کشمیر لبریشن فرنٹ۔

06/06/2026

جموں کشمیر لبریشن فرنٹ (JKLF) پاکستانی مقبوضہ جموں کشمیر میں پُرامن عوام کے خلاف ریاستی جبر اور تشدد کی شدید مذمت کرتی ہے۔
گزشتہ رات، پولیس، رینجرز اور پنجاب کانسٹیبلری نے کھائی گلہ کے قریب اُس وقت فائرنگ کی جب ایکشن کمیٹی کے ارکان مقامی ایکشن کمیٹی کے زیرِ اہتمام منعقدہ تقریب میں شرکت کے بعد راولاکوٹ جا رہے تھے۔ اس پرتشدد کارروائی کے دوران راولاکوٹ سے تعلق رکھنے والے ایک نوجوان، پُرجوش اور عوامی حقوق کے لیے سرگرم کارکن شازیب حبیب شہید ہوگئے۔ جبکہ عمر نذیر اور ان کے دیگر ساتھیوں سمیت کئی افراد شدید زخمی ہوئے۔
ریاستی تشدد کا یہ اقدام مکمل طور پر ناقابلِ قبول ہے اور عوام کے خلاف ریاستی طاقت کے استعمال کا ناقابل معافی جرم ہے۔
پاکستانی مقبوضہ جموں کشمیر کے پُرامن عوام اس وقت محاصرے جیسی صورتحال کا سامنا کر رہے ہیں، جبکہ انٹرنیٹ اور ٹیلی فون سمیت مواصلاتی ذرائع مکمل طور معطل کر دیے گئے ہیں جموں کشمیر لبریشن فرنٹ شہید شازیب حبیب کو خراجِ عقیدت پیش کرتی ہے جنہوں نے پاکستانی مقبوضہ جموں کشمیر کے عوام کے بنیادی حقوق اور فلاح و بہبود کی جدوجہد میں اپنی جان کا نذرانہ پیش کیا۔ وہ ایک پُرعزم،پرخلوص آزادی پسند سیاسی کارکن تھے جنہوں نے جموں کشمیر کے عوام کی آزادی اور ایک خودمختار اور خوشحال جموں کشمیر کی تحریک کو منظم کرنے میں اہم کردار ادا کیا جو بھارتی اور پاکستانی دونوں ملکوں سے آزاد ایک خودمختار جموں کشمیر کے حصول کے لئے جاری ہے
ہم مطالبہ کرتے ہیں کہ اس المناک واقعے کی تحقیقات کے لیے فوری طور پر ایک غیر جانبدار اور خودمختار تحقیقاتی کمیشن قائم کیا جائے تاکہ اس قیمتی جان کے ضیاع اور پُرامن کارکنوں کے زخمی ہونے کے ذمہ دار افراد کا تعین کیا جا سکے۔
جموں کشمیر لبریشن فرنٹ کی قیادت اور تمام کارکنان شہید شازیب حبیب کو زبردست خراجِ عقیدت پیش کرتے ہیں اور ان کے اہلِ خانہ، دوستوں اور تمام سوگواران کے ساتھ دلی ہمدردی اور تعزیت کا اظہار کرتے ہیں۔
اور دعا گو ہیں کہ شہید شازیب حبیب کی قربانی پاکستانی جموں کشمیر کے عوام کے انصاف، وقار اور حقوق کی جدوجہد کے لیے ہمیشہ مشعلِ راہ بنی رہے۔
جاری کردہ:
عمر حیات
ترجمان، جموں کشمیر لبریشن فرنٹ

جموں کشمیر لبریشن فرنٹ آفیشل

27/07/2026

27/07/2026

20/07/2026

11/07/2026

16/06/2026

14/06/2026

14/06/2026

11/06/2026

08/06/2026

06/06/2026

Address

Website

Alerts

Contact The Organization

Shortcuts

Share

Category

Listing takedown request