MILAD NAGAR DHOKE RATTA

13/08/2026

بریکنگ نیوز: راولپنڈی میں وی آئی پی سیکیورٹی کے سب انسپکٹر اکرام اللہ نیازی کی لاش برآمد، قتل کا خدشہ
راولپنڈی (تفصیلی رپورٹ):
تھانہ رتہ امرال کی حدود ڈھوک حسو میں وی آئی پی (VVIP) سیکیورٹی سپیشل برانچ میں تعینات سب انسپکٹر اکرام اللہ نیازی کی ان کی رہائش گاہ سے خون سے لت پت لاش برآمد ہوئی ہے۔ پولیس کی جانب سے تیز دھار آلے کے وار سے قتل کیے جانے کا شبہ ظاہر کیا گیا ہے۔
واقعے کی اہم تفصیلا ت:
جائے وقوعہ: بسم اللہ ہوٹل کے قریب، چھوٹا چوک، ڈھوک حسو، راولپنڈی۔
مقتول: سب انسپکٹر اکرام اللہ نیازی (وی آئی پی سیکیورٹی / سپیشل برانچ)، جو گزشتہ 4 سال سے اسی بیٹھک میں رہائش پذیر تھے۔
واقعے کی اطلاع (15 کال): 12 اگست 2026 کو پولیس ہیلپ لائن 15 پر شہری نذیر نے اطلاع دی کہ سب انسپکٹر اکرام صبح سے نظر نہیں آئے اور ان کی بیٹھک کو باہر سے تالا لگا ہوا ہے۔
پولیس کارروائی: اطلاع ملتے ہی SHO تھانہ رتہ امرال اور SI واجد علی نفری کے ساتھ موقع پر پہنچے۔ اندر داخل ہونے پر سب انسپکٹر اکرام اللہ کی خون سے لت پت لاش ملی۔
ابتدائی شواہد: فرانزک ٹیموں کے مطابق لاش بظاہر ایک سے دو دن پرانی معلوم ہوتی ہے۔
موجودہ پیش رفت: لاش کو قبضہ میں لے کر پوسٹ مارٹم کی کارروائی کے لیے ہولی فیملی ہسپتال منتقل کر دیا گیا ہے۔ فرانزک ٹیموں نے جائے وقوعہ سے شواہد اکٹھے کر لیے ہیں اور واقعے کے محرکات و ملزمان کا سراغ لگانے کے لیے تمام پہلوؤں سے تفتیش جاری ہے۔

13/08/2026

*میلاد نگر، ڈھوک رتہ کی سڑک کا کام مکمل کرنے کی اپیل*

انجمن ثناء خوانِ محمد ﷺ ایک رجسٹرڈ تنظیم ہے جو *گزشتہ 60 سال سے جشنِ عید میلاد النبی ﷺ* کے حوالے سے اپنی خدمات انجام دے رہی ہے۔

اس سال ربیع الاول شریف کی آمد سے قبل واسا کی جانب سے شروع کیا گیا *سیوریج لائن اور سڑک کی تعمیر کا کام تاحال نامکمل اور ادھورا چھوڑ دیا گیا ہے* ، جس کے باعث گندا پانی سڑک پر جمع ہو جاتا ہے۔

ہم *انجمن ثناء خوانِ محمد ﷺ* کے ذمہ داران کا شکریہ ادا کرتے ہیں جنہوں نے عوامی مسئلے کو مدنظر رکھتے ہوئے *ایم ڈی واسا، کمشنر راولپنڈی اور ڈپٹی کمشنر راولپنڈی* سے میلاد نگر کی سڑک اور سیوریج کا کام فوری طور پر مکمل کرنے کی درخواست کی ہے۔

امید ہے متعلقہ حکام اس اہم مسئلے کا فوری نوٹس لیتے ہوئے *ربیع الاوّل شریف کی آمد سے قبل سڑک اور سیوریج کا کام مکمل* کروائیں گے، تاکہ عوام کو آمدورفت میں آسانی ہو اور جشنِ عید میلاد النبی ﷺ کے سلسلے میں آنے والے زائرین کو کسی قسم کی پریشانی کا سامنا نہ کرنا پڑے۔

*شکریہ انجمن ثناء خوانِ محمد ﷺ۔* 🤲🌹

06/08/2026

کوئی بتائے گا ان سب کے کیسز کا کیا بنا

29/07/2026

محنت کش فوڈ پانڈا رائڈر کی دردناک حقیقت
میرے شوہر گزشتہ ایک ماہ سے فوڈ پانڈا رائڈر کے طور پر کام کر رہے ہیں۔ جب انہوں نے یہ کام شروع کیا تو ان کے پاس اتنے پیسے بھی نہیں تھے کہ وہ اپنی آئی ڈی رجسٹر کروا سکیں۔ انہوں نے ادھار مانگ کر کسی طرح وہ رقم پوری کی، پھر فوڈ پانڈا کی آئی ڈی اسلام آباد میں رجسٹر کروائی۔ الحمدللہ، اگلے ہی دن انہوں نے اپنا کام شروع کر دیا۔
ان کا ایریا سوان گارڈن، پی ڈبلیو ڈی، بحریہ ٹاؤن، میڈیا ٹاؤن، پاکستان ٹاؤن اور زِلدار سوسائٹی تھا۔ ہم دونوں میاں بیوی دل سے خوش تھے کہ اللہ تعالیٰ نے ہمیں روزگار کا ایک ذریعہ عطا فرما دیا ہے۔ ہمیں امید تھی کہ اب حالات بہتر ہوں گے، گھر کا چولہا چلے گا، اور زندگی کچھ آسان ہو جائے گی۔
لیکن افسوس! شروع میں انہیں کام کے قوانین اور ضوابط درست طریقے سے نہیں بتائے گئے۔ انہیں یہ بھی نہیں بتایا گیا کہ اگر آرڈر کینسل ہو جائے تو واپس کرتے وقت تصویر بنا کر بھیجنا ضروری ہے، اور یہ بھی کہ آرڈر کینسل ہونے کی صورت ڈلیوری چارجز بھی نہیں دیے جاتے۔
پہلی ہی بار صرف اس وجہ سے کہ تصویر نہ بن سکی، ان پر مکمل آرڈر کی رقم ڈال دی گئی۔ وہ آرڈر 2990 روپے کا تھا۔ یہ رقم ان کی اُس دن کی کمائی سے کہیں زیادہ تھی۔ آرڈر بھی واپس دیا گیا، اور پیسے بھی ان ہی پر پڑ گئے۔ ہم نے اسے اپنی غلطی سمجھ کر جیسے تیسے رقم فوڈ پانڈا کے والیٹ میں جمع کروا دی۔
لیکن اس کے ٹھیک دو دن بعد انہیں اس بنیاد پر عارضی طور پر معطل کر دیا گیا کہ انہوں نے وقت پر پیسے جمع نہیں کروائے تھے۔ ہمارے لیے ایک دن کی معطلی بھی بہت بڑا نقصان ہوتی ہے، کیونکہ ہم اس ایک دن کو بھی ایک بہت بڑے صدمے کی طرح محسوس کرتے ہیں۔ شاید یہ بات کسی کو معمولی لگے، مگر جو اس اذیت سے گزرتا ہے، وہی جانتا ہے کہ یہ کتنا بڑا دباؤ ہوتا ہے۔
اصل مسئلہ اس وقت پیش آیا جب میرے شوہر ایک گھر سے آرڈر اٹھانے گئے۔ وہاں ایک خاتون گھر میں کھانا بنا کر فروخت کرتی تھیں۔ میرے شوہر نے آرڈر لیا اور گاہک کی طرف روانہ ہوئے، لیکن راستے میں ہی گاہک نے آرڈر کینسل کر دیا۔
میرے شوہر فوراً واپس اسی جگہ گئے جہاں سے آرڈر لیا تھا، مگر وہاں سے یہ کہہ کر آرڈر لینے سے انکار کر دیا گیا کہ:
“ہمارا تو آرڈر ضائع ہو گیا ہے، ہم واپس نہیں لیں گے۔ آپ کہیں اور دے کر آؤ۔”
میرے شوہر نے بہت منت سماجت کی، دوبارہ گئے، دوبارہ درخواست کی، اور بار بار یہ کہا کہ:
“میرا کیا قصور ہے؟ میں تو صرف ایک رائڈر ہوں۔ آرڈر کینسل ہوا ہے، آپ کا مال آگے پھر بیچ جائے گا، مگر میرا نقصان کون بھرے گا؟”
لیکن وہ خاتون ماننے کے لیے تیار نہ ہوئیں۔ بلکہ انہوں نے کہا:
“باہر بیچ دو۔”
یہ سن کر دل کانپ اٹھا۔ کیا ہم انسانوں کے ضمیر اتنے مر چکے ہیں کہ ایک مزدور کو یوں سڑک پر لا کر کھڑا کر دیا جائے؟ کیا ایک غریب کی مجبوری کا اس قدر آسانی سے مذاق بنایا جا سکتا ہے؟
میرے شوہر وہ کڑاہی والا آرڈر لے کر سڑک پر بیٹھ گئے اور لوگوں سے درخواست کرنے لگے کہ کوئی اسے خرید لے۔ یہ منظر میرے لیے ناقابلِ برداشت تھا۔ ایک محنت کش، ایک شوہر، ایک ذمہ دار انسان، سڑک پر بیٹھ کر اپنی بے عزتی بھی سہہ رہا تھا اور اپنے نقصان کی تلافی کی کوشش بھی کر رہا تھا۔
آخرکار وہ وہاں سے بھی ذلیل ہو کر واپس آگئے۔ گھر پہنچے تو خاموش، پریشان، اور دل گرفتہ بیٹھ گئے۔ میں نے خود محسوس کیا کہ ان کی آنکھوں میں وہ خوف تھا، وہ بے بسی تھی، جیسے کوئی غریب انسان اپنی روزی کے ساتھ نہیں بلکہ اپنی عزتِ نفس کے ساتھ لڑ رہا ہو۔
میں نے سوچا کہ شاید میں مالک سے بات کروں اور ان سے گزارش کروں کہ وہ آرڈر واپس لے لیں، مگر انہوں نے صاف انکار کر دیا۔ ان کا کہنا تھا کہ:
“میری بات فوڈ پانڈا والوں سے ہو گئی ہے، میں نے شکایت کر دی ہے، وہ مجھے میری رقم واپس کر دیں گے۔”
میرے شوہر نے بہت ادب سے کہا کہ:
“میڈم، وہ آپ سے لے کر واپس کریں گے، مگر یہ آرڈر مجھ پر پڑ جائے گا۔”
مگر ان کے لیے یہ مسئلہ ہی نہیں تھا۔ اور نتیجہ وہی نکلا جس کا ہمیں ڈر تھا۔ آج کے اس مہنگائی کے دور میں، جب پیٹرول کی قیمتیں روز بڑھ رہی ہیں، ایک غریب فوڈ پانڈا رائڈر جو 60 یا 65 روپے کی ڈلیوری پر کام کرتا ہے، اس پر 3200 روپے کا پنالٹی چارج ڈال دیا جاتا ہے۔ ذرا سوچیں، یہ کہاں کا انصاف ہے؟
میں اپنے شوہر کے ساتھ بیٹھی تھی، اور میں نے ان کی آنکھوں میں وہ خوف دیکھا جو شاید کسی کو موت کے فرشتے کے سامنے کھڑے انسان کی آنکھوں میں نظر آتا ہو۔ غریب کے لیے اتنی بڑی رقم جمع کروانا، واقعی موت کو سامنے دیکھنے کے برابر ہوتا ہے۔
بہت سے لوگوں کے لیے یہ ایک ہنسی مذاق کی بات ہو سکتی ہے، لیکن میں نے اس لمحے یہ جان لیا کہ دنیا کتنی ظالم ہو سکتی ہے۔ ظالم صرف وہ خاتون نہیں تھیں جنہوں نے آرڈر واپس نہیں لیا۔ ظالم وہ نظام بھی ہے جو ایک غریب مزدور پر سارا بوجھ ڈال دیتا ہے، اور جس کی گرفت صرف کمزور آدمی تک محدود ہوتی ہے۔
آج ہر وہ انسان جس کے پاس اختیار ہے، اپنے دائرے میں ایک فرعون بن سکتا ہے۔ اور شاید سب سے بڑی سچائی یہی ہے کہ انسان کا امتحان اسی وقت شروع ہوتا ہے جب اس کے پاس طاقت، اختیار، اور فیصلہ کرنے کی قوت آتی ہے۔
مجھے اس وقت قرآنِ پاک کی وہ بات یاد آئی جس کا مفہوم یہ ہے کہ اکثر انسانوں اور جنات کو دوزخ کے لیے پیدا کیا گیا ہے۔ پہلے میں سوچتی تھی کہ ایسا کیوں کہا گیا ہے، مگر اب مجھے سمجھ آئی کہ اصل مسئلہ یہ ہے کہ ہم اکثر صرف مخصوص رشتوں اور مخصوص دائروں میں اچھے ہوتے ہیں۔ ہم اچھے ماں، اچھے باپ، اچھے بہن بھائی، اچھے دوست تو بن سکتے ہیں، مگر کیا ہم اچھے انسان بھی ہیں؟
ہم سب نے مرنا ہے، میں نے بھی، آپ نے بھی، اور ہم سب نے۔
ہم سب نے ایک دن اس دنیا سے رخصت ہو جانا ہے۔
ہم سب نے اپنے اعمال کا حساب دینا ہے۔
ہم سب نے ہنسنا، جینا اور پھر چلے جانا ہے۔
ہم سب نے ہمیشہ یہاں نہیں رہنا۔
اس لیے ہمیں ہر لمحہ یہ یاد رکھنا چاہیے کہ ہم سب نے مرنا ہے۔
یہ وہ بات ہے جو آج ہر دل میں جاگنی چاہیے۔ ہمیں کھڑے ہو کر، چیخ چیخ کر لوگوں کو یہ یاد کرانے کی ضرورت ہے کہ ہم نے مرنا ہے، ہم نے ہمیشہ زندہ نہیں رہنا۔ ہمیں یہ بھی سمجھنا ہوگا کہ ہم سب نے ایک دن مر جانا ہے، اور ہم سب نے اپنے اعمال کا حساب دینا ہے۔
اللہ تعالیٰ ہمیں انسانیت، رحم، انصاف، اور احساس جیسی صفات سے نوازے۔ ہمیں ایسا دل دے جو غریب کی بے بسی کو سمجھے، اور ایسا ضمیر دے جو کسی مزدور کی توہین پر خاموش نہ رہے۔ آمین۔

Cpd

11/07/2026

حاصل پور میں ایک ہی خاندان کے چار افراد جاں بحق، مالی مشکلات کو ممکنہ وجہ قرار دیا جا رہا ہے

حاصل پور میں ایک افسوسناک واقعہ پیش آیا جہاں ایک میاں بیوی اور ان کے دو کمسن بچے گھر میں جاں بحق پائے گئے۔

ابتدائی اطلاعات کے مطابق خاندان مالی مشکلات کا شکار تھا۔ ذرائع کا کہنا ہے کہ بے روزگاری، مکان کا کرایہ، بجلی کے بل اور دیگر معاشی مسائل کی وجہ سے گھر کے حالات کافی عرصے سے خراب تھے۔

پولیس نے واقعے کی اطلاع ملتے ہی موقع پر پہنچ کر لاشوں کو تحویل میں لے لیا ہے اور معاملے کی مختلف پہلوؤں سے تحقیقات جاری ہیں۔ حکام کا کہنا ہے کہ میاں بیوی نے پہلے بچوں کو ( ز ) دے کر بعد میں خود بھی پی لیا

11/07/2026

13/06/2026

بجٹ میں جب تعلیم کیلئے 2 ارب
اور بے نظیر سپورٹ فنڈ کیلئے 850 ارب مختص کیے جائیں
تو وہاں ڈاکٹر قدیر نہیں فقیر پیدا ہونگے

13/06/2026

بجٹ 2026"
"ایک آدمی نے گھر میں اعلان کیا، جو بچہ دوپہر کا کھانا نہیں کھائے گا، اسے 10 روپے انعام ملے گا۔ سب بچوں نے 10، 10 روپے وصول کر لیے۔ رات کو اعلان ہوا، کھانا صرف انھی کو ملے گا جو 10 روپے واپس دیں گے۔
بجٹ 2026"

24/04/2026

آج صدر راولپنڈی، GPO چوک پر ایک عجیب منظر دیکھا، جو ہمارے معاشرے کا آئینہ ہے

میں بائیک پر کھڑا تھا کہ دو خواتین نے رکشہ بُک کیا۔ کرایہ طے ہونے لگا۔
رکشہ والے نے کہا: 250 روپے لگیں گے باجی
خواتین: نہیں بھائی، 200 سے ایک روپیہ اوپر نہیں دیں گی، بس!
کافی بحث کے بعد غریب رکشے والا 200 پر مان گیا۔ پسینہ بہا کر، محنت سے کمانے والا 50 روپے ہار گیا۔

خواتین رکشے میں بیٹھیں ہی تھیں کہ ایک بھکاری آ گیا۔ ہاتھ پھیلایا۔
اور بنا ایک لمحہ سوچے، اُن میں سے ایک خاتون نے پرس سے 100 کا نوٹ نکال کر اُسے دے دیا۔

میں یہ سب دیکھ کر بس سوچتا رہ گیا...

جس رکشے والے نے دھوپ میں جل کر آپ کو منزل تک پہنچانا تھا، اُس سے 50 روپے کے لیے جھگڑا کر لیا۔
اور جس نے صرف ہاتھ پھیلایا، اُسے 100 روپے فوراً دے دیے؟

یہ کیسی سوچ بن گئی ہے ہماری؟
محنت کی قیمت کم اور بھیک کی قیمت زیادہ کیوں ہو گئی ہے؟
کیا وہ رکشہ ڈرائیور اُس 100 روپے کا زیادہ حقدار نہیں تھا جس نے پسینہ بہانا تھا؟

کبھی کبھی لگتا ہے ہم ہمدردی غلط جگہ دکھا رہے ہیں۔ محنت کش کو اُس کا حق دو، عزت دو۔ بھیک نہیں، روزگار کو فروغ دو۔

آپ کا کیا خیال ہے؟

15/04/2026

جنہیں پاکستان میں لوڈشیڈنگ پسند نہیں، وہ کسی دوسرے ملک چل جائیں