DPO Kurram

23/09/2026

ڈسٹرکٹ کرم کے پی پولیس:-

22/09/2026

*کرم پولیس کی اہم کارروائی، بغدی قتل کیس میں ملوث 4 ملزمان 08 گھنٹوں کے اندر گرفتار، مزید تفتیش جاری*

تفصیلات کے مطابق ضلع کرم پاراچنار کے سرحدی علاقے بغدی پڑاؤ کلے میں گزشتہ شب تقریباً 3 بج کر 30 منٹ پر نامعلوم مسلح افراد نے حسین غلام کے گھر میں داخل ہو کر اندھا دھند فائرنگ کی، جس کے نتیجے میں عابد حسین ولد حسین غلام سکنہ بغدی جاں بحق ہوگئے اور ملزمان موقع سے فرار ہوگئے

واقعے کی اطلاع ملتے ہی ڈسٹرکٹ پولیس آفیسر کرم ملک حبیب خان نے سخت نوٹس لیتے ہوئے ایس پی آپریشن فلک نواز بنگش، ڈی ایس پی سرکل مظہر علی، ایس ایچ او تھانہ پیواڑ واجد اور دیگر پولیس حکام کو ملزمان کی فوری گرفتاری کے لیے خصوصی ہدایات دے کر ضلع بھر میں ناکہ بندیوں کے احکامات جاری کیے گئے

پولیس نے فوری کارروائی کرتے ہوئے ضلع کے مختلف اہم مقامات پر ناکہ بندیاں قائم کرکے سیکیورٹی چیکنگ مزید سخت کردی اسی دوران آج صبح ایس ایچ او تھانہ احمدی شمع(چھپری) امجد خان بمعہ پولیس پارٹی نے چھپری چیک پوسٹ پر قائم ناکہ بندی کے دوران کامیاب کارروائی کرتے ہوئے مقتول عابد حسین کے قتل کیس میں ملوث چار ملزمان کو 08 گھنٹوں کے اندر گرفتار کرلیا

گرفتار ملزمان میں گاڑی کا ڈرائیور جاوید حسین ولد شبیر حسین سکنہ کچکینہ، ارباب حسین ولد منصب علی سکنہ بغدی، اجرتی قاتل مجاہد حسین ولد عارف حسین سکنہ مالی خیل اور مدثر حسین ولد جمال حسین شامل ہیں جنہیں زخمی حالت میں گرفتار کرکے موٹر کار سمیت تھانہ منتقل کردیا گیا

گرفتار ملزمان سے مزید تفتیش جاری ہے جبکہ پولیس واقعے کے تمام پہلوؤں کا باریک بینی سے جائزہ لے رہی ہے ابتدائی تفتیش کے دوران واقعے کی وجہ پرانی دشمنی بتائی جاتی ہے

ڈی پی او کرم ملک حبیب خان نے کہا کہ سنگین جرائم میں ملوث عناصر کے خلاف بلاامتیاز قانونی کارروائی جاری رہے گی، قانون کی عملداری ہر صورت یقینی بنائی جائے گی اور عوام کے جان و مال کا تحفظ پولیس کی اولین ترجیح ہے۔

19/09/2026

ڈسٹرکٹ پولیس آفیسر کرم ملک حبیب خان کی خصوصی ہدایات پر ایس پی آپریشن لوئر کرم نصیر علی خان کی زیرِ صدارت ڈی پی او آفس صدہ میں 21 ستمبر سے شروع ہونے والی انسدادِ پولیو مہم کے سیکیورٹی انتظامات کے حوالے سے میٹنگ منعقد ہوئی

جس میں ڈی ایس پیز، ایس ایچ اوز، چیک پوسٹ انچارجز اور دیگر متعلقہ پولیس افسران نے شرکت کی میٹنگ کے دوران پولیو ٹیموں کی سیکیورٹی، پولیس نفری کی تعیناتی اور دیگر حفاظتی انتظامات کا تفصیلی جائزہ لیا گیا

ڈی پی او کرم ملک حبیب خان کی طرف سے جاری کردہ احکامات کے تحت ایس پی آپریشن نے متعلقہ پولیس حکام کو ہدایت کی کہ پولیو ٹیموں کو مجموعی نگرانی کے لیے فول پروف سیکیورٹی فراہم کی جائے اور مشکوک و شرپسند عناصر کی نقل و حرکت پر کڑی نظر رکھی جائے ضلع بھر کے داخلی و خارجی راستوں پر اسنیپ چیکنگ، موبائل پٹرولنگ اور اضافی ناکہ بندیاں یقینی بنائی جائیں

انہوں نے متعلقہ افسران کو ہدایت کی کہ چیک پوسٹوں، بی ایچ یوز اور ہسپتالوں کے دورے کرکے سیکیورٹی انتظامات کا خود جائزہ لیں اور پولیو ٹیموں کے ساتھ تعینات پولیس اہلکاروں کو اپنی ڈیوٹی اور سیکیورٹی ذمہ داریوں کے حوالے سے بروقت آگاہ کریں۔

18/09/2026

18/09/2026

17/09/2026

ڈسٹرکٹ کرم کے پی پولیس:-
بشکریہ اسرار حسین ،محمد جمیل اور انعام بنگش

15/09/2026

*ضلع کرم میں نئے تعینات بریگیڈیئر 73 بریگیڈ ہشام بن اصغر کی ڈی پی او کرم ملک حبیب خان سے ملاقات، امن و امان، سیکیورٹی انتظامات اور باہمی تعاون پر تفصیلی تبادلہ خیال*

تفصیلات کے مطابق ضلع کرم پاراچنار میں نئے تعینات بریگیڈیئر 73 بریگیڈ ہشام بن اصغر نے ڈسٹرکٹ پولیس آفیسر کرم ملک حبیب خان سے ڈی پی او آفس پاراچنار میں ملاقات کی

ملاقات کے دوران ضلع کرم کی موجودہ امن و امان کی صورتحال، کرم پولیس اور پاک فوج کے درمیان باہمی تعاون، مشترکہ سیکیورٹی انتظامات، حساس مقامات کی سیکیورٹی، عوام کے جان و مال کے تحفظ اور امن و امان کو مزید مؤثر بنانے کے حوالے سے مختلف اہم امور پر تفصیلی تبادلہ خیال کیا گیا

اس موقع پر ڈی پی او کرم ملک حبیب خان نے ضلع کرم میں امن و امان کے قیام، جرائم کی روک تھام اور عوام کے تحفظ کے لیے کرم پولیس کی جانب سے اٹھائے گئے اقدامات سے آگاہ کیا۔ دونوں افسران نے قیامِ امن کے لیے کرم پولیس اور پاک فوج کے درمیان مؤثر رابطہ کاری، باہمی تعاون اور مشترکہ حکمتِ عملی کو مزید مضبوط بنانے کے عزم کا اظہار کیا

بعد ازاں ڈی پی او کرم ملک حبیب خان نے بریگیڈیئر 73 بریگیڈ ہشام بن اصغر کو زیرِ تعمیر ڈی پی او آفس کے مختلف حصوں کا معائنہ کرایا اس موقع پر انہیں جاری تعمیراتی کام، مختلف شعبہ جات اور مستقبل میں پولیس کے انتظامی امور کو مزید بہتر بنانے کے حوالے سے بریفنگ بھی دی گئی

ملاقات کے اختتام پر دونوں افسران نے ضلع کرم میں پائیدار امن، عوام کے جان و مال کے تحفظ اور قانون کی عملداری کو یقینی بنانے کے لیے ہر ممکن تعاون جاری رکھنے کے عزم کا اعادہ کیا۔