02/08/2026
سیاست میں عزم اور حوصلے کی بات کی جائے تو پاکستان پیپلز پارٹی ہمیشہ سب سے آگے نظر آتی ہے۔
ساہیوال میں آزاد کشمیر کے حلقہ LA-42 کے مہاجر ووٹوں کے لیے قائم کردہ پولنگ اسٹیشن پر جو انتخابی معرکہ ہوا اس نے روایتی سیاسی طاقتوں کے قلعے ہلا کر رکھ دیے ہیں۔
مسلم لیگ (ن) کا یہ دعویٰ رہا ہے کہ ساہیوال کا یہ خطہ پچھلے 20 سال سے ان کا ناقابلِ تسخیر گڑھ ہے جہاں ان کے ایم این اے اور ایم پی اے جیتتے چلے آ رہے ہیں۔
لیکن اسی گڑھ کے اندر کشمیری مہاجرین کی اس مخصوص نشست پر پاکستان پیپلز پارٹی ضلع ساہیوال نے ن لیگ کو دندان شکن اور کڑا ٹف ٹائم دے کر یہ ثابت کر دیا کہ جیالے ہر میدان میں ڈٹنا جانتے ہیں۔
اس پولنگ اسٹیشن پر کل 17 ووٹ کاسٹ ہوئے جن میں سے ن لیگ نے پوری طاقت اور طویل اثر و رسوخ کے باوجود 10 ووٹ حاصل کیے
جبکہ پاکستان پیپلز پارٹی کے شیر دل محمد ذکی چوہدری صدر پاکستان پیپلز پارٹی ضلع ساہیوال اور ان کی ٹیم نے شاندار مہم چلاتے ہوئے 7 ووٹ سمیٹ کر مسلم لیگ (ن) کی نیندیں حرام کر دیں۔
یہ صرف چند ووٹوں کا کھیل نہیں ہے بلکہ اس بات کا واضح ثبوت ہے کہ پیپلز پارٹی نے ن لیگ کے بیس سالہ گڑھ میں گھس کر انہیں پسپا ہونے پر مجبور کر دیا ہے۔
یہ نتیجہ اس بات کی غمازی کرتا ہے کہ عوام اب ہر محاذ پر تبدیلی کا عزم لے چکے ہیں اور پیپلز پارٹی کا جیالا ہر چھوٹی بڑی جنگ میں بھرپور طاقت کے ساتھ میدان میں موجود ہے۔
