31/05/2026
*فیڈرل بورڈ آف ریونیو*
***
*اخباری اعلامیہ*
***
*30 مئی 2026*
*ساہیوال میں معروف فاسٹ فوڈ ریسٹورنٹ سے 4 ملین روپے کی کامیاب ریکوری*
آر ٹی او ساہیوال نے ساہیوال کے ایک معروف فاسٹ فوڈ ریسٹورنٹ کے خلاف انکم ٹیکس آرڈیننس 2001 کی دفعہ *175C* کے تحت کامیاب انفورسمنٹ کارروائی کرتے ہوئے *4 ملین روپے* کی ریکوری کر لی۔
کارروائی کے دوران آر ٹی او ساہیوال کی جانب سے ٹیکس دہندہ کے کاروباری احاطے پر ایک خصوصی ٹیم تعینات کی گئی جس نے کاروبار کے حقیقی حجم اور فروخت کی نگرانی کی۔ نگرانی کے دوران حاصل کردہ اعداد و شمار سے یہ بات سامنے آئی کہ ٹیکس دہندہ کی *اصل فروخت اور گوشواروں میں ظاہر کردہ فروخت کے درمیان نمایاں فرق (Significant Variance)* موجود تھا۔
مذکورہ مشاہدات اور دستیاب شواہد کی بنیاد پر قانونی کارروائی عمل میں لائی گئی، جس کے نتیجے میں *4 ملین روپے* کی ریکوری کو یقینی بنایا گیا اور رقم قومی خزانے میں جمع کروا دی گئی۔
چیف کمشنر آر ٹی او ساہیوال *جناب کرامت چوہدری صاحب* نے کامیاب کارروائی پر متعلقہ افسران اور ٹیم کی کارکردگی کو سراہتے ہوئے اس عزم کا اعادہ کیا کہ ٹیکس قوانین کی خلاف ورزی کرنے والے عناصر اور قومی خزانے کو نقصان پہنچانے والوں کے خلاف کارروائیاں بلاامتیاز جاری رکھی جائیں گی۔
انہوں نے کہا کہ آر ٹی او ساہیوال ٹیکس قوانین پر مؤثر عملدرآمد، محصولات میں اضافے اور ٹیکس نیٹ کو وسعت دینے کے لیے تمام دستیاب قانونی ذرائع بروئے کار لا رہا ہے۔
آر ٹی او ساہیوال تمام کاروباری حضرات اور ٹیکس دہندگان کو تلقین کرتا ہے کہ وہ اپنی حقیقی کاروباری سرگرمیوں اور فروخت کو درست طور پر ظاہر کریں اور ٹیکس قوانین پر مکمل عملدرآمد کو یقینی بنائیں۔
#𝗙𝗕𝗥𝗣𝗮𝗸𝗶𝘀𝘁𝗮𝗻
#𝗜𝗻𝗰𝗼𝗺𝗲𝗧𝗮𝘅
#𝗘𝗻𝗳𝗼𝗿𝗰𝗲𝗺𝗲𝗻𝘁𝗔𝗰𝘁𝗶𝗼𝗻
#𝗧𝗮𝘅𝗥𝗲𝗰𝗼𝘃𝗲𝗿𝘆
#𝗙𝗮𝘀𝘁𝗙𝗼𝗼𝗱𝗦𝗲𝗰𝘁𝗼𝗿
#𝗦𝗮𝗵𝗶𝘄𝗮𝗹
#𝗧𝗮𝘅𝗖𝗼𝗺𝗽𝗹𝗶𝗮𝗻𝗰𝗲
#𝗣𝗮𝗸𝗶𝘀𝘁𝗮𝗻
