AC Sambrial

05/10/2026

*سمبڑیال/ ڈپٹی کمشنر سیالکوٹ اویس مشتاق کا دورہء سمبڑیال۔۔۔۔۔۔۔۔۔!!*

*ڈپٹی کمشنر سیالکوٹ اویس مشتاق نے اسسٹنٹ کمشنر عدنان بشیر وڑائچ کے ہمراہ تحصیل سمبڑیال کا اچانک دورہ کیا۔۔۔۔۔۔۔*

*نالیوں کی صفائی نہ ہونے اور کوڑے کے ڈھیروں کی موجودگی پر ڈپٹی کمشنر نے برہمی کا اظہار کیا اور متعلقہ افسران و عملہ کو صفائی کے معیار میں فوری بہتری لانے کی ہدایت کی۔*

05/10/2026

اے سی سمبڑیال عدنان بشیر وڑائچ کا سمبڑیال تا وزیرآباد روڈ کا دورہ

اسسٹنٹ کمشنر سمبڑیال عدنان بشیر وڑائچ نے سمبڑیال تا وزیرآباد روڈ کی سائیڈز پر جنگلی جھاڑیوں اور گھاس کی کٹائی کے جاری کام کا جائزہ لیا۔ انہوں نے صفائی ستھرائی اور گرین بیلٹ کی مناسب دیکھ بھال کو یقینی بنانے کے لیے متعلقہ عملے کو ضروری ہدایات جاری کیں۔

05/10/2026

اے سی سمبڑیال کا یونین کونسل درالسلام اور منڈی میں صفائی ستھرائی کا جائزہ

اسسٹنٹ کمشنر سمبڑیال عدنان بشیر وڑائچ نے یونین کونسل درالسلام اور منڈی کا دورہ کیا اور ستھرا پنجاب کے تحت جاری صفائی ستھرائی کے انتظامات کا تفصیلی جائزہ لیا۔

اس موقع پر انہوں نے صفائی ورکرز کی حاضری، کوڑا کرکٹ اٹھانے کے عمل اور مختلف علاقوں میں صفائی کی صورتحال کا معائنہ کیا۔ اسسٹنٹ کمشنر نے متعلقہ عملے کو ہدایت کی کہ شہری علاقوں میں صفائی کے معیار کو مزید بہتر بنایا جائے اور کوڑا کرکٹ کی بروقت منتقلی کو یقینی بنایا جائے۔

انہوں نے واضح کیا کہ صاف ستھرا اور بہتر ماحول شہریوں کا بنیادی حق ہے، اس حوالے سے غفلت یا کوتاہی برداشت نہیں کی جائے گی۔

05/10/2026

04/10/2026

03/10/2026

مریم نواز ہیلتھ کلینک ساہووالہ کا اسسٹنٹ کمشنر سمبڑیال کا دورہ

وزیراعلیٰ پنجاب کے عوام دوست وژن اور ڈپٹی کمشنر سیالکوٹ اویس مشتاق کی ہدایات کی روشنی میں اسسٹنٹ کمشنر سمبڑیال عدنان بشیر وڑائچ نے مریم نواز ہیلتھ کلینک ساہووالہ کا دورہ کیا۔

اس موقع پر اسسٹنٹ کمشنر نے کلینک میں فراہم کی جانے والی طبی سہولیات، صفائی ستھرائی، ادویات کی دستیابی، عملے کی حاضری اور مریضوں کو فراہم کی جانے والی خدمات کا تفصیلی جائزہ لیا۔ انہوں نے مختلف شعبہ جات کا معائنہ کرتے ہوئے انتظامی و طبی امور کے حوالے سے متعلقہ عملے سے بریفنگ بھی لی۔

اسسٹنٹ کمشنر نے ہدایت کی کہ عوام کو بروقت، معیاری اور مؤثر طبی سہولیات کی فراہمی میں کسی قسم کی غفلت یا کوتاہی برداشت نہیں کی جائے گی۔ انہوں نے کلینک میں صفائی کے معیار کو مزید بہتر بنانے اور مریضوں کو سہولیات کی فراہمی یقینی بنانے کے لیے ضروری ہدایات بھی جاری کیں۔

Pk News for Everyone

03/10/2026

اسسٹنٹ کمشنر سمبڑیال کا سیالکوٹ , سمبڑیال روڈ پر جاری خوبصورتی منصوبے کا معائنہ

اسسٹنٹ کمشنر سمبڑیال عدنان بشیر وڑائچ نے سمبڑیال، سیالکوٹ روڈ پر عوام الناس کے لیے جاری خوبصورتی اور تزئین و آرائش کے منصوبے کا معائنہ کیا۔ اس موقع پر انہوں نے منصوبے کے تحت جاری تعمیراتی و تزئینی کام کا تفصیلی جائزہ لیا اور کام کے معیار، رفتار اور موقع پر دستیاب سہولیات کا معائنہ کیا۔

اسسٹنٹ کمشنر نے متعلقہ افسران و عملہ کو ہدایت کی کہ منصوبے پر کام معیاری اور مقررہ مدت کے اندر مکمل کیا جائے تاکہ شہریوں کو بہتر، خوبصورت اور پُرکشش ماحول فراہم کیا جا سکے۔ انہوں نے کہا کہ شہر کی خوبصورتی، گرین بیلٹس اور عوامی مقامات کی بہتری انتظامیہ کی ترجیحات میں شامل ہے۔

01/10/2026

اسسٹنٹ کمشنر سمبڑیال کا چلڈرن پارک، فیملی پارک، ریڑھی بازار ، پبلک ٹوائلٹس اور اندرون شہر سمبڑیال کا دورہ

سمبڑیال: اسسٹنٹ کمشنر سمبڑیال عدنان بشیر وڑائچ نے سمبڑیال شہر کے مختلف علاقوں کا دورہ کرتے ہوئے شہری سہولیات، صفائی ستھرائی اور انتظامی امور کا تفصیلی جائزہ لیا۔ اس دوران انہوں نے چلڈرن پارک اور فیملی پارک کا دورہ کیا اور پارکس میں صفائی ستھرائی، سبزہ، تفریحی سہولیات اور مجموعی انتظامات کا معائنہ کیا۔

اسسٹنٹ کمشنر نے متعلقہ عملے کو ہدایت کی کہ پارکس میں صفائی ستھرائی کے معیار کو مزید بہتر بنایا جائے، کوڑا کرکٹ کی بروقت منتقلی یقینی بنائی جائے اور شہریوں بالخصوص بچوں اور خاندانوں کو صاف ستھرا اور بہتر تفریحی ماحول فراہم کرنے کے لیے تمام ضروری اقدامات کیے جائیں۔

اسسٹنٹ کمشنر نے ریڑھی بازار کا بھی دورہ کیا اور مختلف دکانداروں و ریڑھی بانوں سے اشیائے ضروریہ کی قیمتوں کے حوالے سے معلومات حاصل کیں۔ انہوں نے تمام دکانداروں کو ہدایت کی کہ سرکاری ریٹ لسٹ نمایاں اور واضح جگہ پر آویزاں کریں اور مقررہ نرخوں کے مطابق اشیائے ضروریہ کی فروخت یقینی بنائیں۔ انہوں نے کہا کہ شہریوں کو مقررہ نرخوں پر اشیاء کی فراہمی اور ناجائز منافع خوری کی روک تھام کے لیے مؤثر نگرانی جاری رکھی جائے گی۔

دریں اثنا، اسسٹنٹ کمشنر نے ریسکیو دفتر کے قریب زیرِ تعمیر پبلک ٹوائلٹس کا بھی معائنہ کیا اور جاری تعمیر و مرمت کے کام کا جائزہ لیا۔ انہوں نے متعلقہ حکام کو ہدایت کی کہ تعمیراتی کام کو مقررہ معیار کے مطابق مکمل کیا جائے اور عوامی سہولت کے اس منصوبے کو جلد از جلد فعال بنایا جائے۔

بعد ازاں اسسٹنٹ کمشنر نے اندرونِ سمبڑیال مختلف علاقوں میں صفائی ستھرائی کی صورتحال کا بھی جائزہ لیا۔ انہوں نے کوڑا اٹھانے والی کمپنی کے متعلقہ حکام کو ہدایت کی کہ سینیٹری ورکرز کی تنخواہوں سے متعلق معاملات فوری طور پر حل کیے جائیں تاکہ صفائی آپریشن متاثر نہ ہو اور شہر میں صفائی ستھرائی کا عمل تسلسل کے ساتھ جاری رہے۔ انہوں نے ہدایت کی کہ سینیٹری ورکرز کی حاضری، فیلڈ میں موجودگی اور صفائی کے عمل کی مؤثر نگرانی کو یقینی بنایا جائے۔

اس موقع پر اسسٹنٹ کمشنر عدنان بشیر وڑائچ نے کہا کہ شہریوں کو صاف ستھرا ماحول، بہتر تفریحی مقامات اور بنیادی سہولیات کی فراہمی انتظامیہ کی ترجیحات میں شامل ہے، جبکہ صفائی ستھرائی اور عوامی سہولیات سے متعلق امور کی فیلڈ میں مسلسل نگرانی جاری رکھی جائے گی۔

30/09/2026

نمایاں پوزیشن ہولڈر طلبہ و طالبات میں انعامات تقسیم، اے سی سمبڑیال عدنان بشیر وڑائچ کی بطور مہمانِ خصوصی شرکت

سمبڑیال: ڈاکٹر عبد القدیر خان گولڈ میڈل مینجمنٹ کمیٹی تحصیل سمبڑیال کے زیرِ اہتمام نمایاں پوزیشنز حاصل کرنے والے طلبہ و طالبات میں انعامات تقسیم کرنے کی تقریب منعقد ہوئی، جس میں اسسٹنٹ کمشنر سمبڑیال عدنان بشیر وڑائچ نے بطور مہمانِ خصوصی شرکت کی۔

تقریب کے دوران اسسٹنٹ کمشنر نے تعلیمی میدان میں نمایاں کامیابیاں حاصل کرنے والے طلبہ و طالبات میں انعامات اور اعزازات تقسیم کیے۔ اس موقع پر انہوں نے پوزیشن ہولڈرز کو مبارکباد دیتے ہوئے کہا کہ محنت، لگن اور مسلسل جدوجہد ہی کامیابی کی بنیاد ہیں۔ انہوں نے طلبہ و طالبات پر زور دیا کہ وہ اپنی تعلیمی کارکردگی کو مزید بہتر بناتے ہوئے ملک و قوم کی ترقی میں اپنا کردار ادا کریں۔

اے سی سمبڑیال نے طلبہ کی حوصلہ افزائی کے لیے ڈاکٹر عبد القدیر خان گولڈ میڈل مینجمنٹ کمیٹی کی کاوشوں کو بھی سراہا اور کہا کہ نوجوان نسل کی حوصلہ افزائی اور تعلیمی کامیابیوں کا اعتراف معاشرے میں مثبت اور صحت مند مسابقت کو فروغ دیتا ہے۔

28/09/2026

اسسٹنٹ کمشنر سمبڑیال عدنان بشیر ورائچ نے تحصیل ہیڈ کوارٹر (ٹی ایچ کیو) ہسپتال سمبڑیال کا دورہ کیا تاکہ طبی سہولیات اور علاج معمعالجے کے معیار کا جائزہ لیا جا سکے۔ اس دورے کا مقصد بنیادی ادویات کی دستیابی، ایمرجنسی سروسز، طبی عملے کی حاضری اور مریضوں کو فراہم کی جانے والی سہولیات کا معائنہ کرنا تھا تاکہ شہریوں کو بہترین طبی امداد کی فراہمی کو یقینی بنایا جا سکے۔