03/06/2026
پیرا سرائے عالمگیر کے بروقت اقدام کے باعث ایک معصوم بچہ بڑے حادثے سے محفوظ رہا
پیرا انفورسمنٹ اسٹیشن سرائے عالمگیر کا وہیکل اسکواڈ، انفورسمنٹ آفیسر واجد علی کھرل کی سربراہی میں منگلا میرپور روڈ پر جگو ہیڈ کی جانب معمول کی ڈیوٹی پر جا رہا تھا۔ پھاٹک کے قریب ایک کیری ڈبہ ریورس ہو رہا تھا کہ اسی دوران ایک معصوم بچہ اس کے نیچے آ گیا۔
پیرا اہلکاروں نے صورتحال کو دیکھتے ہوئے فوری ردِعمل دیا اور ڈرائیور کو فوری رکنے کا اشارہ کیا۔ اہلکار فوراً اترے اور بچے کو بحفاظت کیری ڈبے کے نیچے سے نکال لیا۔ اگر چند لمحوں کی بھی تاخیر ہو جاتی یا کیری ڈبہ نہ رکتا تو بچے کی جان کو شدید خطرہ لاحق ہو سکتا تھا۔
گرنے کے باعث بچے کے چہرے پر زخم آئے تھے، جسے فوری طور پر ریسکیو 1122 اسٹیشن منتقل کیا گیا، جہاں ابتدائی طبی امداد فراہم کرنے کے بعد اسے مزید علاج کے لیے ہسپتال پہنچایا گیا۔ بعد ازاں بچے کے والد کو طلب کرکے بچہ ان کے حوالے کیا گیا۔
پیرا سرائے عالمگیر عوام کی جان و مال کے تحفظ، فوری امداد اور خدمتِ انسانیت کے جذبے کے ساتھ اپنی ذمہ داریاں نبھانے کے لیے ہر وقت متحرک ہے۔
