Sargodha Police

Sargodha Police Contact information, map and directions, contact form, opening hours, services, ratings, photos, videos and announcements from Sargodha Police, Government Organization, City, Sargodha.

03/06/2026

سرگودھا پولیس کا جرائم پیشہ عناصر کے خلاف کریک ڈاؤن جاری، پولیس نے کاروائی کرتے ہوئے لاکھوں روپے مالیت کے 100 سے زائد چوری شدہ موٹر سائیکلز برآمد کرکے اصل مالکان کے حوالے کر دئیے مزید جانتے ہیں اس رپورٹ میں

03/06/2026

*سرگودھا پولیس کی ماہ مئی کی کارکردگی، لاکھوں روپے مالیت کے 100 سے زائد مسروقہ موٹر سائیکل برآمد کر اصل مالکان کے حوالے*

سرگودھا: آر پی او سرگودھا شہزاد آصف خان کی احکامات، ڈی پی او سرگودھا محمد صہیب اشرف کی ہدایت اور ایس پی انوسٹی گیشن عمران عباس چدھڑ کی سربراہی میں سرگودھا پولیس نے جرائم پیشہ عناصر کیخلاف موثر کاروائی عمل میں لاتے ہوئے ماہ مئی میں مجموعی طور پر 100 سے زائد موٹر سائیکل ریکور کر لیے گئے،پولیس نے کارروائیوں کے دوران درجنوں سرگرم ملزمان کو حراست میں لیا ایس پی عمران عباس چدھڑ نے برآمدہ مال مسروقہ اصل مالکان کے حوالے کیے۔ اس موقع پر ایس پی انوسٹی گیشن کا کہنا ہے کہ یہ کامیابی ٹیم ورک کا نتیجہ ہے۔ ہماری ٹیموں نے دن رات ایک کر کے ان چوروں کا سراغ لگایا۔ ہم شہریوں کو یقین دلاتے ہیں کہ ان کی لوٹی ہوئی پائی پائی واپس دلانے کے لیے پولیس ہر ممکن حد تک جائے گی۔

*سرگودھا: تھانہ فیکٹری ایریا پولیس کی اشتہاری مجرمان کے خلاف بھرپور کاروائیاں* سرگودھا: ڈی پی او سرگودھا محمد صہیب اشرف ...
03/06/2026

*سرگودھا: تھانہ فیکٹری ایریا پولیس کی اشتہاری مجرمان کے خلاف بھرپور کاروائیاں*

سرگودھا: ڈی پی او سرگودھا محمد صہیب اشرف کی ہدایت پر اشتہاری مجرمان اور عادی مجرمان کے خلاف زیرو ٹالرنس پالیسی پر عمل پیرا ہوتے ہوئے ایس ایچ او فیکٹری ایریا انسپکٹر عمار خان نے ٹیم کے ہمراہ کاروائی کرتے ہوئے منشیات فروشی کے مقدمہ میں مطلوب اشتہاری مجرم توقیر جاوید کو گرفتارکر لیا گرفتار مجرم کے خلاف قانونی کارروائی کا آغاز کر دیا گیا ہے اس موقع پر ڈی پی او سرگودھا کا کہنا ہے کہ جرائم پیشہ عناصر، منشیات فروش اور اشتہاری مجرمان معاشرے کا ناسور ہیں جن کے خلاف کریک ڈاؤن کو مزید تیز کیا جائے گا۔ سرگودھا پولیس شہریوں کی جان و مال کے تحفظ اور امن و امان کی فضا کو برقرار رکھنے کے لیے دن رات کوشاں ہے۔

*سرگودھا: تھانہ کڑانہ پولیس کا جرائم پیشہ عناصر کے خلاف بھرپور کریک ڈاؤن، 1 ملین سے زائد مالیت کا مال مسروقہ برآمد* سرگو...
03/06/2026

*سرگودھا: تھانہ کڑانہ پولیس کا جرائم پیشہ عناصر کے خلاف بھرپور کریک ڈاؤن، 1 ملین سے زائد مالیت کا مال مسروقہ برآمد*

سرگودھا: ڈسٹرکٹ پولیس آفیسر سرگودھا محمد صہیب اشرف کے احکامات کی روشنی میں ایس ایچ او کڑانہ محمد عمران نے ٹیم کے ہمراہ کامیاب کارروائی کرتے ہوئے چوری، نقب زنی اور موٹر سائیکل چوری کی وارداتوں میں ملوث 2 رکنی گینگ کو گرفتار کر لیا، گرفتار ملزم ماجد اور ساحل کے قبضہ سے 11 لاکھ روپے سے زائد مالیت کا مال مسروقہ گائے، گارڈر، موٹر سائیکل اور نقدی برآمد کر لی گئی، ملزمان کے خلاف قانونی کارروائی عمل میں لائی جا رہی ہے جن کو قانون کے کٹہرے میں لا کر قرار واقعی سزا دلوائی جائے گی۔

02/06/2026

سرگودھا: بین الصوبائی ہم آہنگی اور قومی یکجہتی کی اعلیٰ مثال، سرگودھا پولیس اور اہلیانِ سرگودھا کی جانب سے دیگر صوبوں سے آئے طلباء کے اعزاز میں "عید ڈنر" کا اہتمام، ایس پی انوسٹی گیشن عمران عباس چدھڑ نے طلباء کا استقبال کیا، اس موقع پر ان کا کہنا تھا کہ سرگودھا آپکا گھر ہے، عید کے موقع پر ہم آہنگی کے فروغ کے لیے یہ تقریب بہت اہمیت کی حامل ہے، آپ سب پاکستان کا مستقبل ہیں۔ تعلیم کے زیور سے آراستہ ہونے کے بعد آپ نے پاکستان کی ترقی میں آپکا اہم کردار ہو گا۔ مہمان طلباء نے ایس پی انوسٹی گیشن کو روایتی پگڑی اور گلگتی ٹوپی پہنائی۔

*سرگودھا: تھانہ ساہیوال پولیس کی کارروائی، منشیات فروش وقار عرف وکی گرفتار، 1 کلو 250 گرام چرس برآمد* ڈی پی او سرگودھا ک...
02/06/2026

*سرگودھا: تھانہ ساہیوال پولیس کی کارروائی، منشیات فروش وقار عرف وکی گرفتار، 1 کلو 250 گرام چرس برآمد*

ڈی پی او سرگودھا کی منشیات کے خلاف جاری زیرو ٹالرنس پالیسی کے تحت تھانہ ساہیوال پولیس کی کامیاب کاروائی، ایس ایچ او تھانہ ساہیوال محمد اقبال ہریہ نے ٹیم کے ہمراہ کارروائی کرتے ہوئے بدنام زمانہ منشیات فروش وقار عرف وکی کو گرفتار کر لیا۔ گرفتار ملزم کے قبضے سے 1 کلو 250 گرام چرس برآمد کر کے منشیات فروشی کی دفعات کے تحت مقدمہ درج کر لیا گیا ہے، اس موقع پر ڈی پی او سرگودھا کا کہنا ہے کہ ضلع بھر میں منشیات فروشوں، اشتہاری مجرمان اور ناجائز اسلحہ رکھنے والوں کے خلاف کریک ڈاؤن میں کوئی نرمی نہیں برتی جائے گی اور جرائم پیشہ عناصر کے خلاف آہنی ہاتھوں سے نمٹا جائے گا کسی کو بھی قانون ہاتھ میں لینے یا نوجوان نسل کے مستقبل سے کھیلنے کی اجازت نہیں دی جائے گی۔

02/06/2026

*سرگودھا پولیس کی جانب سے مختلف صوبوں سے آئے طلباء کے اعزاز میں عید ڈنر کا اہتمام، ایس پی عمران عباس چدھڑ نے سینکڑوں طلباء کا پرتپاک استقبال کیا اور انکے ساتھ عید کی خوشیاں بانٹیں۔ طلباء نے اس منفرد اقدام کو محبت، بھائی چارے اور قومی یکجہتی کا عملی مظہر قرار دیا۔

*سرگودھا: بین الصوبائی ہم آہنگی اور قومی یکجہتی کی اعلیٰ مثال، سرگودھا پولیس اور اہلیانِ سرگودھا کی جانب سے دیگر صوبوں س...
01/06/2026

*سرگودھا: بین الصوبائی ہم آہنگی اور قومی یکجہتی کی اعلیٰ مثال، سرگودھا پولیس اور اہلیانِ سرگودھا کی جانب سے دیگر صوبوں سے آئے طلباء کے اعزاز میں "عید ڈنر" کا اہتمام*

​ڈسٹرکٹ پولیس سرگودھا اور سرگودھا کے غیور شہریوں کی جانب سے بین الصوبائی ہم آہنگی اور قومی یکجہتی کو فروغ دینے کے لیے حصولِ علم کے لیے اپنے گھروں اور آبائی صوبوں سے دور سرگودھا میں مقیم بلوچستان، خیبر پختونخوا، اور گلگت بلتستان کے طلباء کے اعزاز میں ایک پروقار "عید ڈنر" کا انعقاد کیا گیا، جس کا مقصد پردیس میں تعلیم حاصل کرنے والے نوجوانوں کو اپنوں جیسی محبت اور عید کی خوشیوں کا احساس دلانا تھا۔
​تقریب کے مہمانِ خصوصی ایس پی عمران عباس چدھڑ تھے، جنہوں نے دیگر صوبوں سے آئے ہوئے سینکڑوں طلباء کا خود استقبال کیا اور ان کے ساتھ عید کی خوشیاں بانٹیں۔ اس موقع پر گفتگو کرتے ہوئے ایس پی عمران عباس چدھڑ کا کہنا تھا سرگودھا آپ کا اپنا گھر ہے، آپ خود کو اپنے پیاروں سے دور ضرور سمجھیں لیکن اکیلا ہرگز نہ سمجھیں، سرگودھا پولیس اور یہاں کا ہر شہری آپ کا محافظ اور بھائی ہے۔
​انہوں نے مزید کہا کہ آج اس محفل میں مجھے پورا پاکستان ایک چھت کے نیچے نظر آ رہا ہے۔ بلوچستان کی غیرت، خیبر پختونخوا کی مہمان نوازی اور گلگت بلتستان کا حسن سب مل کر ایک خوبصورت گلدستہ بن چکے ہیں۔ یہی وہ قومی یکجہتی ہے جس کی بدولت ہمارا ملک ترقی کی راہ پر گامزن ہو سکتا ہے۔
​تقریب میں شریک دیگر صوبوں کے طلباء نے سرگودھا پولیس اور اہلیانِ سرگودھا کے اس فراخدلانہ اقدام کو بے حد سراہا۔ طلباء کا کہنا تھا کہ اپنے گھروں سے دور عید کے موقع پر اس طرح کی تقریب کا انعقاد ان کے لیے کسی بڑی نعمت سے کم نہیں، اور اس محبت نے ان کے دلوں میں پنجاب اور سرگودھا کے لیے عزت و احترام کو مزید بڑھا دیا ہے۔ وہ یہاں سے نہ صرف تعلیم بلکہ محبت اور یکجہتی کا ایک عظیم سفارت کاری کا پیغام لے کر اپنے صوبوں میں واپس لوٹیں گے۔
​تقریب کے اختتام پر تمام مہمان طلباء کے لیے روایتی اور پروقار عشائیے کا اہتمام کیا گیا۔

*سرگودھا پولیس کا کریک ڈاؤن، ماہِ مئی میں سیکڑوں ملزمان گرفتار، بھاری مقدار میں اسلحہ و منشیات برآمد* ​ڈسٹرکٹ پولیس آفیس...
01/06/2026

*سرگودھا پولیس کا کریک ڈاؤن، ماہِ مئی میں سیکڑوں ملزمان گرفتار، بھاری مقدار میں اسلحہ و منشیات برآمد*

​ڈسٹرکٹ پولیس آفیسر سرگودھا کی ہدایت پر پولیس نے ماہِ مئی کے دوران جرائم پیشہ عناصر، منشیات فروشوں اور ناجائز اسلحہ رکھنے والوں کے خلاف بھرپور کارروائیاں عمل میں لائی گئی ہیں، سرگودھا ​پولیس نے منشیات فروشی کے مکروہ دھندے میں ملوث 166 ملزمان کو گرفتار کیا۔ جن کے قبضہ سے 4 کلو سے زائد آئس، ​32 کلو سے زائد چرس،​ 1 کلو سے زائد ہیروئن، 5 ہزار لیٹر سے زائد شراب،​ ​جبکہ غیر قانونی اسلحہ کے خلاف چلائی گئی مہم میں 133 افراد کو سلاخوں کے پیچھے بھیجا گیا۔ جس میں ​6 کلاشنکوف، 07 رائفلیں، 22 بندوقیں، 107 پسٹل اور 3 سو سے زائد گولیاں/کارتوس برآمد کی گئیں، ڈسٹرکٹ پولیس آفیسر سرگودھا محمد صہیب اشرف کا کہنا ہے کہ ضلع کو جرائم سے پاک کرنے کے لیے آپریشنز کا یہ سلسلہ مزید تیز کیا جائے گا تاکہ شہریوں کے جان و مال کا تحفظ یقینی بنایا جا سکے۔

*سرگودھا پولیس کا کریمنل گینگز کے خلاف کریک ڈاؤن، ماہ مئی میں 15 خطرناک گینگز کو گرفتارکر لیا* ڈسٹرکٹ پولیس آفیسر سرگودھ...
01/06/2026

*سرگودھا پولیس کا کریمنل گینگز کے خلاف کریک ڈاؤن، ماہ مئی میں 15 خطرناک گینگز کو گرفتارکر لیا*

ڈسٹرکٹ پولیس آفیسر سرگودھا محمد صہیب اشرف کی خصوصی ہدایات پر ضلع بھر میں جرائم پیشہ عناصر کے خلاف جاری "کلین اپ آپریشن" میں بڑی کامیابی حاصل ہوئی ہے۔ ماہِ مئی کے دوران پولیس نے پیشہ ورانہ مہارت کا مظاہرہ کرتے ہوئے سنگین وارداتوں میں ملوث 15 خطرناک کریمنل گینگز کو گرفتارکر کے 33 ملزمان کو گرفتارکر لیا ان ملزمان کے قبضے سے مجموعی طور پر 70 لاکھ 40 ہزار روپے سے زائد مالیت کا مالِ مسروقہ برآمد کیا گیا ہے، اس موقع پر ڈی پی او سرگودھا کا کہنا ہے کہ سرگودھا پولیس شہریوں کے جان و مال کے تحفظ کے لیے ہما وقت الرٹ ہے جرائم پیشہ عناصر خصوصا چوری ڈکیتی اور نقب زنی میں ملوث گینگز کے خلاف زیرو ٹالسٹ پالیسی اپنائی گئی ہے تاکہ متاثرہ شہریوں کی دادرسی کو یقینی بنایا جائے۔

Address

City
Sargodha
40100

Website

Alerts

Be the first to know and let us send you an email when Sargodha Police posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Sargodha Police:

Shortcuts

Share

Category