Commissioner Sargodha Division

08/10/2026

کمشنر سرگودھا ڈویژن حافظ شوکت علی نے بھلوال میں تاجروں کے اجلاس سے خطاب کرتے ہوئے کہا کہ حکومت پنجاب کاروباری طبقے کو زیادہ سے زیادہ سہولیات فراہم کرنے کے لیے جدید ٹیکنالوجی سے استفادہ کر رہی ہے۔ ای بز کے ذریعے سو سے زائد کاروباری سہولیات آن لائن دستیاب ہیں، تاجر ان سے بھرپور استفادہ کریں۔ انہوں نے کہا کہ تمام اسسٹنٹ کمشنرز ک ہدایت کی گئی ہے کہ وہ غیر ضروری انسپکشن کا خاتمہ اور انسپکشن کو باقاعدہ شیڈول کے مطابق یقینی بنائیں جبکہ ڈپٹی کمشنر کی اجازت کے بغیر کسی دکان یا کاروباری مرکز کو سیل نہ کیا جائے۔ تجاوزات کے خلاف کارروائی تاجروں کو اعتماد میں لے کر کی جائے اور چھوٹے کاروباری افراد کے روزگار کو بلاوجہ متاثر نہ کیا جائے۔ تاجروں کے جائز مسائل ترجیحی بنیادوں پر حل کیے جائیں گے۔
بعدازاں کمشنر اور ڈپٹی کمشنر نے بھلوال میں پنجاب ڈویلپمنٹ پروگرام کے تحت تقریباً 6 ارب روپے کے جاری منصوبوں کا معائنہ کیا اور کام کی رفتار تیز کرنے کی ہدایت کی۔ دونوں افسران نے فیملی پارک کا دورہ، سرسبز پنجاب پروگرام کے تحت شجرکاری اور صفائی و سہولیات کا جائزہ لیا۔ تحصیل ہیڈکوارٹر ہسپتال بھلوال میں ڈے کیئر سنٹر کا افتتاح کیا اور مختلف وارڈز، ایمرجنسی، ٹراما سنٹر، فارمیسی، لیبارٹری اور فائر سیفٹی انتظامات کا بھی جائزہ لیا۔

08/10/2026

کمشنر سرگودھا ڈویژن حافظ شوکت علی کی زیرِ صدارت اجلاس میں ستھرا پنجاب ایجنسیز کی کارکردگی اور صفائی صورتحال کا جائزہ لیا گیا۔ کمشنر نے سست روی پر برہمی کا اظہار کرتے ہوئے روزانہ مانیٹرنگ، فیلڈ افسران کی موجودگی اور شہری شکایات کا فوری ازالہ یقینی بنانے کی ہدایت کی۔ انہوں نے واضح کیا کہ صفائی میں غفلت برداشت نہیں کی جائے گی۔

08/10/2026

کمشنر سرگودھا ڈویژن حافظ شوکت علی کی زیرِ صدارت اجلاس میں مریم نواز شریف میڈیکل کالج میانوالی اور ڈی ایچ کیو ہسپتال کو اٹیچڈ ٹیچنگ ہسپتال کے طور پر مکمل فعال کرنے کے اقدامات کا جائزہ لیا گیا۔ اجلاس کو بتایا گیا کہ 260 آسامیوں پر مشتمل ایس این ای منظور ہو چکا، ٹیچنگ سٹاف کی بھرتی مکمل جبکہ نان ٹیچنگ سٹاف کی بھرتی جاری ہے۔
کمشنر نے ہیومن ریسورس کے مسائل فوری حل کرنے اور باقی ماندہ امور مقررہ ٹائم لائن کے مطابق مکمل کرنے کی ہدایت کرتے ہوئے کہا کہ منصوبے میں غیر ضروری تاخیر برداشت نہیں کی جائے گی۔

08/10/2026

کمشنر سرگودھا ڈویژن حافظ شوکت علی کی زیرِ صدارت واسا اور لوکل گورنمنٹ کے جاری پی ڈی پی منصوبوں پر پیش رفت کا جائزہ اجلاس منعقد ہوا۔ اجلاس میں منصوبوں کی پیش رفت، فنی و مالی امور اور درپیش مسائل کا جائزہ لیا گیا۔ کمشنر نے جاری منصوبوں پر کام کی رفتار تیز کرنے، مقررہ مدت میں تکمیل، معیار برقرار رکھنے اور رکاوٹیں فوری دور کرنے کی ہدایت کی۔ انہوں نے افسران کو منصوبوں کی فیلڈ مانیٹرنگ اور ذاتی نگرانی یقینی بنانے کا بھی حکم دیا۔

08/10/2026

کمشنر سرگودھا ڈویژن حافظ شوکت علی کی زیرِ صدارت اجلاس میں اوپن مارکیٹ میں آٹے کی سپلائی اور دستیابی کا جائزہ لیا گیا۔ اجلاس کو بتایا گیا کہ ڈویژن بھر میں گندم کے وافر ذخائر موجود ہیں اور آٹے کی کوئی قلت نہیں۔
کمشنر حافظ شوکت علی نے آٹے کی بلاتعطل فراہمی، مقررہ نرخوں پر دستیابی اور مؤثر مارکیٹ مانیٹرنگ یقینی بنانے کی ہدایت کرتے ہوئے ذخیرہ اندوزی اور ناجائز منافع خوری کے خلاف کارروائی کا حکم دیا۔

07/10/2026

کمشنر سرگودھا ڈویژن حافظ شوکت علی کی زیرِ صدارت ویڈیو لنک اجلاس میں گندم مہم 2026-27 اور سموگ کے تدارک کی مہم پر پیش رفت، اہداف اور آئندہ کے لائحہ عمل کا جائزہ لیا گیا۔اجلاس میں ڈپٹی کمشنرز، محکمہ زراعت، انہار، خوراک، EPA اور ریجنل ٹرانسپورٹ اتھارٹیز کے افسران نے شرکت کی۔ ڈائریکٹر زراعت نے گندم کی کاشت کے اہداف، معیاری بیج و زرعی مداخل کی دستیابی اور کاشتکاروں کو سہولیات کی فراہمی پر بریفنگ دی۔کمشنر نے گندم مہم کے اہداف کے حصول کے لیے فیلڈ مانیٹرنگ مؤثر بنانے اور کسان کارڈ کے تحت جاری رقوم کی ریکوری فوری مکمل کرنے کی ہدایت کی۔انہوں نے سموگ کے تدارک کے لیے زیرو ٹالرنس پالیسی پر عملدرآمد، فصلوں کی باقیات جلانے، دھواں چھوڑنے والی گاڑیوں، صنعتی اخراج اور آلودگی کے دیگر ذرائع کے خلاف بلاامتیاز کارروائی کی ہدایت کی۔ ضلعی سموگ کمیٹیوں کے اجلاس فوری منعقد کرنے اور عوامی آگاہی مہم مؤثر بنانے کی بھی ہدایت کی گئی۔

05/10/2026

کمشنر سرگودھا ڈویژن حافظ شوکت علی کی زیرِ صدارت وزیراعلیٰ پنجاب یوتھ گیمز 2026ء کے حوالے سے ڈویژنل آرگنائزنگ کمیٹی کا اجلاس منعقد ہوا۔ اجلاس میں کھیلوں کے انعقاد، انتظامی امور اور کھلاڑیوں کو سہولیات کی فراہمی کا جائزہ لیا گیا۔ کمشنر نے ہدایت کی کہ تمام متعلقہ محکمے مربوط انداز میں کام کرتے ہوئے کھیلوں کے مقامات، سکیورٹی، ٹریفک، طبی امداد اور ریسکیو سمیت تمام ضروری انتظامات بروقت مکمل کریں۔ انہوں نے کہا کہ نوجوانوں کو صحت مند سرگرمیوں کی طرف راغب کرنا حکومت پنجاب کی ترجیح ہے، کھیلوں سے نوجوانوں میں نظم و ضبط، ٹیم ورک اور قائدانہ صلاحیتیں پروان چڑھتی ہیں۔اجلاس میں ایڈیشنل کمشنر کوآرڈینیشن، ڈویژنل سپورٹس آفیسر، محکمہ تعلیم، ریسکیو 1122، ٹیوٹا، لیبر اور سپورٹس ایسوسی ایشن سمیت متعلقہ افسران نے شرکت کی۔

05/10/2026

02/10/2026

کمشنر سرگودھا ڈویژن حافظ شوکت علی نے ڈپٹی کمشنر حسین احمد رضا چوہدری کے ہمراہ شاہپور کا دورہ کیا اور جیل روڈ ہائی ویز اسکیم، ٹی ایچ کیو ہسپتال، نو تعمیر شدہ لائبریری، سُتھرا پنجاب سرگرمیوں اور جنرل بس اسٹینڈ کا معائنہ کیا۔ہمشنر نے ترقیاتی منصوبوں کی رفتار و معیار، ہسپتال میں طبی سہولیات، صفائی کی صورتحال اور شہری سہولیات کا جائزہ لیتے ہوئے متعلقہ افسران کو بہتری اور بروقت تکمیل کی ہدایت کی۔ انہوں نے کہا کہ عوام کو بہتر صحت، تعلیم، صفائی اور میونسپل سہولیات کی فراہمی انتظامیہ کی اولین ترجیح ہے۔

30/09/2026

کمشنر سرگودھا ڈویژن حافظ شوکت علی کی زیرِ صدارت ویڈیو لنک اجلاس منعقد ہوا جس میں ڈویژن کے ڈپٹی کمشنرز، ایڈیشنل کمشنر کوآرڈینیشن، ڈائریکٹر لوکل گورنمنٹ، ایڈیشنل ڈپٹی کمشنرز ریونیو اور ایڈیشنل ڈپٹی کمشنرز میونسپل سروسز/منیجنگ ڈائریکٹرز ستھرا پنجاب ایجنسیز نے شرکت کی۔ اجلاس میں ’’اپنا کھیت اپنا روزگار‘‘ اسکیم اور ستھرا پنجاب پروگرام کے تحت جاری سرگرمیوں اور پیش رفت کا جائزہ لیا گیا۔ متعلقہ افسران نے اپنے اضلاع میں جاری اقدامات پر بریفنگ دی۔ کمشنر نے ہدایت کی کہ ’’اپنا کھیت اپنا روزگار‘‘ اسکیم کے مقررہ اہداف بروقت حاصل کیے جائیں اور مستحق افراد تک حکومتی سہولیات کی فراہمی یقینی بنائی جائے۔ انہوں نے ستھرا پنجاب کے تحت صفائی آپریشن، ویسٹ مینجمنٹ اور عوامی شکایات کے ازالے کے لیے فیلڈ مانیٹرنگ مزید مؤثر بنانے کی ہدایت کی۔