22/04/2026
الخدمت فاؤنڈیشن ضلع دیر بالا کے زیرِ اہتمام آرفن کیئر پروگرام کے اسٹڈی سنٹرز، اسلامک کمپریہینسو اکیڈمی شرینگل، دیر بالا میں ورلڈ ہیلتھ ڈے کے موقع پر ایک بامقصد اور معلوماتی پروگرام کا انعقاد کیا گیا۔
پروگرام کے دوران ٹرینر جناب زین العابدین صاحب نے طلبہ (شائننگ اسٹارز) سے صحت کی اہمیت، صفائی ستھرائی، متوازن غذا اور صحت مند طرزِ زندگی کے حوالے سے جامع اور رہنمائی پر مبنی گفتگو کی۔ انہوں نے اس بات پر زور دیا کہ ایک صحت مند جسم ہی کامیاب اور روشن مستقبل کی بنیاد ہوتا ہے۔
آخر میں دعا کی گئی کہ اللہ تعالیٰ ہماری ان کاوشوں کو اپنی بارگاہ میں شرفِ قبولیت عطا فرمائے اور ہمیں دکھی انسانیت کی خدمت مزید خلوص، جذبے اور تسلسل کے ساتھ جاری رکھنے کی توفیق دے۔ آمین۔
