21/11/2020
راجه اعظم خان صاحب کو وزیر اعلیٰ بنایا جائے _ ایم ڈبلیو ایم شگر
مجلس وحدت مسلمین ضلع شگر کی کابینہ نے انتخابی نتائج کے اعلان کے بعد ایک میٹنگ میں وزیر اعظم عمران خان صاحب اور وفاقی وزیر امور کشمیر و گلگت بلتستان علی امین گنڈاپور سے مطالبہ کیا گیا ہے کہ تحریک انصاف کے نومنتخب ممبران میں سب سے زیادہ قابل ،تجربہ کار اور بھاری عوامی مینڈیٹ کے ساتھ کامیاب ہونے کی بناء پر پی ٹی آئی اور ایم ڈبلیو ایم کے مشترکہ امیدوار راجہ اعظم خان صاحب کو وزیر اعلیٰ کے منصب سے نوازا جائے ۔
مجلس وحدت مسلمین کے اراکین نے انتخابات میں قائد وحدت علامہ راجہ ناصر صاحب صاحب کے حکم پر لبیک کہتے ہوئے کثیر تعداد میں الیکشن میں شرکت کرنے پر شگر کے عوام کا شکریہ ادا کیا ۔
نیز پرامن انتخابات کے انعقاد پر عوام ،علماء کرام، سرکردگان اور ضلعی انتظامیہ کو خراج تحسین پیش کیا ۔
انتخابی نتائج کو بلا چون وچرا قبول کرنے پر الیکشن میں حصہ لئے ہوئے تمام امیدواروں کی بھی قدردانی کی ۔
مجلس وحدت مسلمین ضلع شگر
