20/02/2026
گلگت بلتستان کے عوام ہمیشہ سے پاکستان کے ساتھ کھڑے رہے ہیں۔ خصوصاً ہنزہ، نگر اور غذر کے لوگ اپنی حب الوطنی، غیرت اور شعور کے حوالے سے پہچانے جاتے ہیں۔ ایسے میں Pakistan Muslim League (N) گلگت بلتستان کے صدر کی جانب سے ان علاقوں کے لوگوں کو “اینٹی اسٹیٹ” قرار دینا سراسر بے بنیاد اور ناانصافی ہے۔
سیاسی اختلاف رائے کو ریاست دشمنی کہنا دراصل عوامی آواز کو دبانے کی کوشش ہے۔ اپنے حقوق کی بات کرنا، سوال اٹھانا اور پالیسیوں پر تنقید کرنا ہر شہری کا آئینی حق ہے۔ ہنزہ، نگر اور غذر کے عوام نے ہمیشہ ملک کی سلامتی اور استحکام میں اپنا کردار ادا کیا ہے، اس لیے ان کی حب الوطنی پر انگلی اٹھانا ناقابلِ برداشت ہے۔
ایسے الزامات نہ صرف عوام کے جذبات کو مجروح کرتے ہیں بلکہ خطے میں تقسیم پیدا کرنے کا سبب بنتے ہیں۔ گلگت بلتستان کے باشعور عوام اپنے وقار اور حب الوطنی پر کسی قسم کا داغ برداشت نہیں کریں گے۔
**تحریر: محمد مبشر علی** ✍️
Muhammad Mubashar Ali
