ABM (All Baltistan Movement)

ABM (All Baltistan Movement) Official Page of ABM (All Baltistan Movement) All Baltistan Movement (ABM)

ABM is a Socio-Political Movement which provides a platform where all type of people of different thoughts can get united. ABM is not only specified to one sector rather it is the general term explaining the aim that it stand for revolution. Here revolution means to change the perceptions of people to meet the new challenges and demolishing the misconceptions in the minds of our people for the de

velopment of Gilgitbaltistan. The utmost priority of this organization is a strong and peaceful educational, social and political change which will result in the betterment of our beloved homeland in every dimension. This organization is not a believer of confrontation, agtation or propaganda rather it encourages all people to work for the beautiful motherland because if Baltistan grow its literacy rate and develop its economy it will definitely strengthen our region.

آل بلتستان موومنٹ واضح طور پر اعلان کرتی ہے کہ گلگت بلتستان کے آئندہ انتخابات کے حوالے سے تاحال کسی بھی سیاسی جماعت یا ش...
24/04/2026

آل بلتستان موومنٹ واضح طور پر اعلان کرتی ہے کہ گلگت بلتستان کے آئندہ انتخابات کے حوالے سے تاحال کسی بھی سیاسی جماعت یا شخصیات کی حمایت کا کوئی فیصلہ نہیں کیا گیا۔ بعض عناصر کی جانب سے آل بلتستان موومنٹ کے نام پر حمایت کا دعویٰ کرتے ہوئے انتخابی مہم چلانا گمراہ کن اور حقائق کے منافی ہے۔ اے بی ایم سینٹرل ایکزیکٹیو کمیٹی (CEC) کے حالیہ میٹنگ میں اس حوالے سے اہم امور زیرِ غور آئے اور چند بنیادی فیصلے بھی کیے گئے ہیں۔ مزید برآں، آنے والے دنوں میں جنرل باڈی کا میٹینگ طلب کیا جائے گا، جس میں انتخابات سے متعلق جامع لائحہ عمل مرتب کیا جائے گا۔

یہ امر بھی قابل ذکر ہے کہ مختلف سیاسی جماعتوں اور شخصیات کی جانب سے تعاون اور حمایت کی پیشکش موصول ہو رہی ہیں، تاہم جب تک آل بلتستان موومنٹ اپنی مشاورت کے بعد کوئی حتمی فیصلہ نہیں کرتی، کسی بھی جماعت یا امیدوار کی حمایت نہیں کی جائے گی۔ تاہم یہ واضح کیا جاتا ہے کہ آل بلتستان موومنٹ آئندہ انتخابی عمل میں ایک مؤثر، فعال اور ذمہ دار کردار ادا کرے گی تاکہ خطے کے عوام کی حقیقی نمائندگی اور حقوق کا تحفظ یقینی بنایا جا سکے۔

شعبہ نشر و اشاعت، آل بلتستان موومنٹ

آل بلتستان موومنٹ سی ای سی کے کور کمیٹی کی ایک اہم آن لائن نشست آج منعقد ہوئی، جس میں اے بی ایم کے سینئر رہنماؤں نے شرکت...
22/04/2026

آل بلتستان موومنٹ سی ای سی کے کور کمیٹی کی ایک اہم آن لائن نشست آج منعقد ہوئی، جس میں اے بی ایم کے سینئر رہنماؤں نے شرکت کی۔ اس اجلاس کا مقصد گلگت بلتستان کے آئندہ انتخابات کے لیے لائحہ عمل طے کرنا تھا، جس کے دوران چند اہم فیصلے بھی کیے گئے۔

شعبہ نشرو اشاعت آل بلتستان موؤمنٹ

*گنگچے ایجوکیشن ڈیپارٹمنٹ کی نااہلی* آپ سب کی توجہ ایک اہم تعلیمی ناانصافی کی طرف مرکوز کرنا اپنی ذمّہ داریوں میں سے ایک...
03/04/2026

*گنگچے ایجوکیشن ڈیپارٹمنٹ کی نااہلی*
آپ سب کی توجہ ایک اہم تعلیمی ناانصافی کی طرف مرکوز کرنا اپنی ذمّہ داریوں میں سے ایک اہم ذمی داری سمجھتے ہیں۔ پچھلے کئی سالوں سے ضلع گانچھے کے نواحی گاؤں کونیس کے سکولوں میں اساتذہ کی عدم دستیابی ایک اہم مسئلہ رہا ہے اور وہ ابھی تک جاری ہے۔ اس وقت کونیس میں تین سکولز ہیں لیکن اسمیں اساتذہ نہ ہونے کے برابر ہے۔

2024 میں جب کے-ایس-ایف کے نمائندوں نے اس وقت کے ڈی ڈی او جناب حمیداللہ صاحب سے کونیس ہائی سکول میں ملاقات کہ جس میں انھوں نے یہ یقین دہانی کرائی گئی تھی کہ کے-ایس-ایف اپنی طرف سے چھے مہینوں کے لیے کچھ اساتذہ ہائر کریں اور اس کے بعد ایجوکیشنل ڈیپارٹمنٹ اساتذہ کی کمی کو پورا کرے گا۔

کے-ایس-ایف نے اس شرط پر اپنے ماتحت چار ٹیچرز بھرتیاں کیں اور ان کی تنخواہ کے لئے ہم نے سکول کے بچوں سے تھوڑا فیس رکھا گیا۔ یہاں ہم اپنے کویتی، سعودی اور دیگر تمام بھائیوں کا مشکور ہیں کہ انھوں نے بھی اس معاملے پر کے-ایس-ایف کو تعاون کیا۔

ایجوکیشنل ڈیپارٹمنٹ کی طرف سے وعدہ کیے ہوئے دو سال ہوگئے ہیں لیکن ان وعدوں کو پورا نہ کرنا سراسر زیادتی اور ان کی کمٹمنٹ کے اوپر بہت بڑا سوالیہ نشان ہے۔ جب ہم نے انہی کی درخواست پر سٹوڈنٹس کے اوپر تھوڑا فیس رکھا، تو پچھلے سال ان کی طرف سے ایک نوٹس جاری کیا گیا کہ بچوں سے کوئی فیس نہ لیا جائے۔

آل بلتستان موؤمنٹ اور کے ایس ایف متعلقہ اداروں سے مطالبہ کرتے ہیں کہ جو وعدہ انھوں نے اساتذہ کے معاملے کے اوپر کے-ایس-ایف کے ساتھ کیا تھا ان کو پورا کیا جائے اور تینوں سکولوں میں جلد ہی جلد ٹیچرز کی فراہمی کو سال کے شروع میں ہی یقینی بنایا جائے۔ اس وقت پرائمری سکول کونیس میں گورنمنٹ کی طرف سے کوئی بھی اساتذہ نہیں ہے جو کہ بچوں کے ساتھ بہت بڑا ظلم ہے اور پاکستان کی آئین کی بھی کھلی خلاف ورزی ہے۔

ایجوکیشنل ڈیپارٹمنٹ اپنی ذمہ داریوں کو مد نظر رکھتے ہوئے اس سنگین بحران کا فوری حل نکالے تاکہ کونیس کے بچے بھی دیگر بچوں کی طرح تعلیم جیسی نعمت سے مستفید ہو سکے۔

شعبہ نشرو اشاعت ، آل بلتستان مووؤمنت

یہ خالی کرسی، اس پر رکھا ہوا کفیہ اور عمامہ اس حقیقت کی گواہی دے رہے ہیں کہ حق کی آواز کو دبانے کے لیے بزدلوں نے ایک بار...
01/03/2026

یہ خالی کرسی، اس پر رکھا ہوا کفیہ اور عمامہ اس حقیقت کی گواہی دے رہے ہیں کہ حق کی آواز کو دبانے کے لیے بزدلوں نے ایک بار پھر شب خون مارا ہے۔ اسرائیل کی سفاکیت اور اسے پشت پناہی فراہم کرنے والے امریکہ کو یہ بات اچھی طرح سمجھ لینی چاہیے کہ میزائلوں اور جدید ٹیکنالوجی کے ذریعے جسموں کو تو مٹایا جا سکتا ہے، مگر شہادت کے جذبے اور آزادی کے نظریے کو کبھی ختم نہیں کیا جا سکتا۔ تمہاری یہ ریاستی دہشت گردی دراصل تمہاری اندرونی کمزوری اور میدانِ عمل میں ہونے والی ناکامی کا اعتراف ہے۔ یاد رکھو، ایک مجاہد کو شہید کرنے سے حق کی تحریک نہیں رُکتی بلکہ وہ اور زیادہ مضبوط ہو کر ابھرتی ہے۔ ہم اس سنگین دہشت گردی کی شدید ترین الفاظ میں مذمت کرتے ہیں اور دنیا کو واضح پیغام دیتے ہیں کہ خونِ ناحق کا حساب ضرور ہوگا اور انجام کار کامیابی مظلوموں ہی کا مقدر بنے گی۔

اس نازک گھڑی میں، میں گلگت بلتستان خصوصا” اہلِ بلتستان سے پُرزور اپیل کرتا ہوں کہ امن و ضبط کا دامن تھامے رکھیں، اپنے جذبات کو قابو میں رکھیں اور احتجاج کے دوران اپنی املاک یا عوامی اثاثوں کو نقصان نہ پہنچائیں۔ اگر ہمیں عالمی سطح پر باوقار اور مضبوط قوم بننا ہے تو جذباتیت کے بجائے علم، تحقیق، ٹیکنالوجی اور معاشی استحکام کو اپنا ہتھیار بنانا ہوگا۔ دشمن کا مقابلہ اسی کی زبان میں یعنی جدید ٹیکنالوجی، مضبوط معیشت اور فکری برتری سے کیا جا سکتا ہے۔ یہی وہ راستہ ہے جس سے ہم اپنی قوم کو مستحکم کر کے عالمی طاقتوں کے سامنے اعتماد سے کھڑے ہو سکتے ہیں۔ یاد رکھیں، تاریخ گواہ ہے کہ ظلم عارضی ہوتا ہے اور بالآخر فتح مظلوموں ہی کی ہوتی ہے۔

شریف اخونذادہ
چیئرمین، آل بلتستان موومنٹ

21/02/2026

کسی بھی سیاسی رہنما کے ساتھ بداخلاقی اور بدتمیزی ناقابل قبول ہے لیکن امجد ایڈوکیٹ کے ساتھ جو ہوا اپنے طرز عمل اور کرتوتون کا نتیجہ ہے۔ جو شخص خود عرصہ دراز سے سخت زبان اور عوامی مفادات برخلاف حق ملکیت کے نام پر گلگت بلتستان کے زمینون کا سودا کرتا رہا ہو وہ عوامی ردِعمل پر حیران کیوں ہے؟ ۔ امجد ایڈوکیٹ اور حفیظ دونوں ایک سکے کے دو رخ ہے۔ دونوں چورن بھچنے والوں کے سرپست اعلی ہے۔ حفیظ کی جانب سے حالیہ غیر ذمیدار بیان اپنے آقاؤں کو خوش کرنے کے لیے اور انتخابات کے لیے بیانیہ سازی کی کوشش ہے۔
وزیر کامران - سینٹرل ایکزکٹیو ممبر آل بلتستان موؤمنٹ

آل بلتستان موومنٹ گلگت بلتستان میں آنے والے آئندہ انتخابات کے حوالے سے اپنے تحفظات کا اظہار کرتی ہے۔ زمینی حقیقت یہ ہے ک...
20/02/2026

آل بلتستان موومنٹ گلگت بلتستان میں آنے والے آئندہ انتخابات کے حوالے سے اپنے تحفظات کا اظہار کرتی ہے۔ زمینی حقیقت یہ ہے کہ یہاں انتخابات تو ہوتے ہیں، مگر اختیار عوام کے پاس نہیں ہوتا۔ فیصلے اکثر کہیں اور طے ہوتے ہیں اور نتیجہ وہی نکلتا ہے جو طاقت کے مراکز کے لیے قابلِ قبول ہو۔ اس عمل نے انتخابات کو محض ایک رسمی کارروائی بنا دیا ہے۔

گلگت بلتستان آج بھی ایک واضح شناخت سے محروم ہے۔ قانون سازی کے اختیارات اور مالی خودمختاری نہ ہونے کے برابر، اور کلیدی فیصلے مقامی اسمبلی کے بجائے بیورکریسی اور دیگر اداروں کے ذریعے کیے جاتے ہیں۔ مقامی وسائل ، معدنیات، پانی، زمین اور سیاحت ، سے فائدہ تو اٹھایا جاتا ہے، مگر مقامی آبادی کو ان پر مکمل حق اور فیصلہ سازی میں مؤثر نمائندگی حاصل نہیں۔ یہ طرزِ حکمرانی نوآبادیاتی نظام کی عکاسی کرتا ہے، جہاں علاقے کو وسائل کے لیے استعمال کیا جاتا ہے مگر سیاسی اختیار منتقل نہیں کیا جاتا۔

آل بلتستان موومنٹ درج ذیل مطالبات پیش کرتی ہے:
1. انتخابات کو مکمل طور پر آزاد، شفاف اور غیر جانبدار بنانے کے لیے مؤثر نگرانی اور غیر مداخلت کی ضمانت دی جائے۔
2. گلگت بلتستان کو بااختیار آئینی حیثیت دے کر قانون سازی، مالیات اور وسائل پر مکمل اختیار دیا جائے۔
3. مقامی وسائل پر پہلا حق مقامی عوام کو دیا جائے اور رائلٹی و ریونیو کی منصفانہ تقسیم یقینی بنائی جائے۔
4. انتظامی ڈھانچے میں ایسے اختیارات ختم کیے جائیں جو منتخب نمائندوں کو کمزور اور غیر منتخب قوتوں کو بالادست بناتے ہیں۔
5. ترقیاتی منصوبوں، زمینوں کے معاملات اور بھرتیوں میں شفافیت اور مقامی نمائندگی کو لازم قرار دیا جائے۔

ہم گلگت بلتستان کے عوام سے اپیل کرتے ہیں کہ وہ اپنی اجتماعی طاقت کو پہچانیں، نظریاتی وابستگی اور وقتی مفادات سے بالاتر ہو کر اپنے حقوق، شناخت اور مستقبل کے لیے آواز بلند کریں۔ ووٹ صرف ایک پرچی نہیں، بلکہ اپنے سیاسی اختیار کا اعلان ہے۔

آل بلتستان موومنٹ واضح کرتی ہے کہ جب تک گلگت بلتستان کو مکمل سیاسی اختیار، آئینی تحفظ اور وسائل پر حقیقی حق نہیں ملتا، اس خطے میں جمہوریت ادھوری رہے گی۔ ہم نوآبادیاتی طرزِ حکمرانی کے خاتمے اور باوقار، بااختیار اور عوامی نظام کے قیام تک اپنی جدوجہد جاری رکھیں گے۔

آل بلتستان موؤمنٹ

شگر کے علاقے لمسہ پڑی میں شدید برفباری کے باعث پیش آنے والے افسوسناک ٹریفک حادثے میں محکمہ مال شگر کے تین ملازمین کے جاں...
01/02/2026

شگر کے علاقے لمسہ پڑی میں شدید برفباری کے باعث پیش آنے والے افسوسناک ٹریفک حادثے میں محکمہ مال شگر کے تین ملازمین کے جاں بحق ہونے پر آل بلتستان موؤمنٹ گہرے رنج و غم کا اظہار کرتی ہے۔

یہ سانحہ نہایت دلخراش ہے جس میں تین قیمتی جانوں کا ضیاع ہوا۔ ہم اللہ تعالیٰ سے دعا گو ہیں کہ وہ مرحومین کو جنت الفردوس میں اعلیٰ مقام عطا فرمائے، ان کے لواحقین کو یہ صدمہ برداشت کرنے کی ہمت دے اور زخمی دلوں کو صبر و سکون عطا فرمائے۔

آل بلتستان موومنٹ متعلقہ اداروں سے مطالبہ کرتی ہے کہ برفباری کے دوران سڑکوں کی بروقت صفائی، حفاظتی اقدامات اور مسافروں کی جان و مال کے تحفظ کو یقینی بنایا جائے تاکہ آئندہ ایسے المناک واقعات سے بچا جا سکے۔

ہم سوگوار خاندانوں کے غم میں برابر کے شریک ہیں۔
انا للہ و انا الیہ راجعون۔

31/01/2026

آل بلتستان موومنٹ شاہراہِ قراقرم پر گلگت بلتستان سے راولپنڈی تک مسافروں، خصوصاً خواتین، بچوں، بزرگوں اور مریضوں کے ساتھ ہونے والے غیر انسانی اور تکلیف دہ سلوک کی شدید مذمت کرتی ہے۔ غیر ضروری چیک پوسٹیں، بار بار تلاشی اور بنیادی سہولیات کی عدم موجودگی انسانی وقار کی خلاف ورزی ہے۔ ہم فوری طور پر چیکنگ نظام کی اصلاح، غیر ضروری رکاوٹوں کے خاتمے اور مسافروں کے لیے بنیادی سہولیات کی فراہمی کا مطالبہ کرتے ہیں۔

آل بلتستان موومنٹ

آل بلتستان موومنٹ گلگت بلتستان سے راولپنڈی تک شاہراہِ قراقرم پر مسافروں کے ساتھ ہونے والے غیر انسانی اور تکلیف دہ سلوک ک...
12/01/2026

آل بلتستان موومنٹ گلگت بلتستان سے راولپنڈی تک شاہراہِ قراقرم پر مسافروں کے ساتھ ہونے والے غیر انسانی اور تکلیف دہ سلوک کی شدید مذمت کرتی ہے۔

گلگت سے راولپنڈی کا بارہ سے چودہ گھنٹوں کا قدرتی سفر آج چوبیس گھنٹوں سے زائد میں تبدیل کر دیا گیا ہے۔ جگہ جگہ چیک پوسٹوں پر مسافروں کو بار بار شناختی کارڈ دکھانے، لسٹوں کی فوٹو کاپیاں جمع کروانے، گاڑیوں سے اتار کر تلاشی لینے اور گاڑیوں کی چھتوں تک چڑھ کر سامان چیک کرنے کا عمل شہریوں کو مجرموں جیسا احساس دلاتا ہے۔

سب سے افسوسناک صورتحال خواتین، بچوں، بزرگوں اور مریضوں کے لیے بنیادی سہولیات کی عدم موجودگی ہے۔ ہزاروں مسافروں کو گھنٹوں روکا جاتا ہے مگر باتھ روم، پانی یا بیٹھنے کی مناسب جگہ تک میسر نہیں۔ یہ طرزِ عمل انسانی وقار کی صریح خلاف ورزی ہے۔

داسو اور بشام کے درمیان چیکنگ کے نام پر مسافروں کو غیر ضروری اذیت دی جاتی ہے، جبکہ فیصلے کرنے والے افسران خود ہوائی جہازوں میں سفر کرتے ہیں اور زمینی حقائق سے مکمل لاتعلق ہیں۔

آل بلتستان موومنٹ مطالبہ کرتی ہے کہ:
1. شاہراہ قراقرم پر چیکنگ کے نظام کو منظم، باوقار اور مسافروں کے لیے آسان بنایا جائے۔
2. تمام بڑے اسٹاپس پر خواتین اور بچوں کے لیے بنیادی سہولیات فراہم کی جائیں۔
3. غیر ضروری چیک پوسٹوں اور بار بار شناختی کارڈ پریڈ کا سلسلہ ختم کیا جائے۔
4. گلگت بلتستان حکومت فوری طور پر متعلقہ اداروں سے بات چیت کر کے عوامی مشکلات کا حل نکالے

آل بلتستان موؤمنٹ

آل بلتستان موومنٹ (ABM) کے سینئر رہنما اور ممبر سینٹرل ایگزیکٹو کمیٹی (CEC) جناب ڈاکٹر ساجد حسین سید کو کویت میڈیکل کم...
20/11/2025

آل بلتستان موومنٹ (ABM) کے سینئر رہنما اور ممبر سینٹرل ایگزیکٹو کمیٹی (CEC) جناب ڈاکٹر ساجد حسین سید کو کویت میڈیکل کمپلیکس، سکردو میں بطور سینئر ڈینٹل سرجن نئی ذمہ داریاں سنبھالنے پر سے مبارکباد پیش کرتی ہے۔ڈاکٹر ساجد حسین سید ایک انتہائی قابل، تجربہ کار، ہنرمند اور فرض شناس ڈینٹسٹ ہیں جن کا شمار بلتستان کے بہترین معالجین میں ہوتا ہے۔ ڈاکٹر صاحب اپنے پیشہ ورانہ مہارت کے ساتھ ساتھ، بلتستان کے حقوق اور عوامی خدمت کے لیے ہمیشہ کوشاں رہے ہیں اور ا نکا قومی جذبہ ہمارے لیے باعثِ فخر ہے۔یقین ہے کہ ڈاکٹر صاحب کی اعلیٰ خدمات سے بلتستان کے عوام کو دانتوں کے علاج کی بہترین سہولیات میسر آئیں گی۔
جاری کردہ:
شعبہ نشر و اشاعت آل بلتستان موومنٹ

گلگت بلتستان کے معروف فوٹوگرافر احمد خان جوہر صاحب کے اچانک انتقال پر ہم ان کی پوری فیملی سے دلی تعزیت کرتے ہیں۔ آپ نہای...
20/11/2025

گلگت بلتستان کے معروف فوٹوگرافر احمد خان جوہر صاحب کے اچانک انتقال پر ہم ان کی پوری فیملی سے دلی تعزیت کرتے ہیں۔ آپ نہایت خوش مزاج، مخلص اور باوقار انسان تھے۔ آل بلتستان موومنٹ کے پریس کلب میں منعقد ہونے والے پروگرامز اور سیمینارز کو آپ کی فوٹوگرافی نے ہمیشہ رونق بخشی۔ آپ نے کبھی ہمارے کسی پروگرام میں آنے سے انکار نہیں کیا، اور جب بھی بلایا گیا آپ کیمرہ لے کر فوراً پہنچ جاتے تھے۔

اللہ پاک آپ کی مغفرت فرمائے اور لواحقین کو صبرِ جمیل عطا فرمائے۔

شریکِ غم ۔ آل بلتستان موومنٹ

گلگت بلتستان میں انتخابات قریب آ چکے ہیں، اور تمام سیاسی جماعتوں کے شمولیتی پروگرام اپنے عروج پر ہیں۔ نمائندے، جو اقتدار...
07/11/2025

گلگت بلتستان میں انتخابات قریب آ چکے ہیں، اور تمام سیاسی جماعتوں کے شمولیتی پروگرام اپنے عروج پر ہیں۔ نمائندے، جو اقتدار میں رہے یا اپوزیشن میں، دونوں کی کارکردگی عوام کے سامنے ہے۔ عوام بخوبی جانتے ہیں کہ ان کے ادوار میں علاقے کے مسائل کہاں تک حل ہوئے اور کتنی ترقی ہوئی۔

وہی نمائندے جو عوامی اصرار کے باوجود اپنے حلقوں میں دکھائی نہیں دیتے تھے، آج گلی گلی ووٹ مانگنے نکلے ہوئے ہیں۔ یہی وقت ہے کہ عوام اپنے ووٹ کی قدر اور اپنی ذمہ داری کا بھرپور احساس کریں اور اس کا درست استعمال کریں۔

میری مخلصانہ گزارش ہے کہ آپس کی غیر اخلاقی بحث و تکرار سے گریز کریں۔ کسی امیدوار کی حمایت کرنے سے پہلے اپنے علاقے کے حقیقی مسائل پر غور کریں، اور اپنے نمائندے سے پوچھیں کہ ان کے حل کے لیے اس کے پاس کیا منصوبہ بندی ہے، ماضی میں اس نے کیا کردار ادا کیا، اور آئندہ کے لیے کیا لائحہ عمل رکھتا ہے۔

کسی بھی سیاسی نمائندے سے ملاقات ہو تو صرف تصویری یاد تک محدود نہ رہیں، بلکہ ان کے ویژن، منشور اور عوامی خدمت کے ایجنڈے کے بارے میں ضرور سوال کریں۔ یہی بصیرت آپ کو بتائے گی کہ کون سا امیدوار محض وعدوں تک محدود ہے اور کون خدمت کا حقیقی جذبہ رکھتا ہے۔

یاد رکھیں! اگر ہم صرف علاقائی یا خاندانی بنیاد پر ووٹ دیتے ہیں تو یہ طرزِ سوچ ہمارے مستقبل کے لیے نقصان دہ ہے۔ لہٰذا ایسے نمائندوں کا انتخاب کریں جو شفافیت، ترقی، اور عوامی خدمت کے لیے مخلص ہوں۔ اور کوشش کریں کہ جن نمائندوں کو بار بار آزما چکے ہیں، ان کو دوبارہ آزمانے سے بہتر ہے کہ کوئی نئے بندے کو موقع دیا جائے جو عوامی خدمت کے لیے جذبہ اور اہلیت رکھتا ہو۔ یہی شعور، اتحاد، اور ذمہ داری ہماری آنے والی نسلوں کے روشن مستقبل کی ضمانت ہے۔

ہر فرد کو اپنے نمائندے کے انتخاب کا حق حاصل ہے، مگر اختلافِ رائے کے باوجود شائستگی اور احترام برقرار رکھنا ہم سب کی ذمہ داری ہے۔ الزام تراشی اور کردار کشی کے بجائے مثبت انداز میں اپنی سیاسی رائے کا اظہار کریں۔

آل بلتستان موومنٹ آنے والے انتخابات میں عوامی شعور اجاگر کرنے اور باشعور ووٹ کے استعمال کے لیے بھرپور مہم چلائے گی۔ ہم عوام میں سیاسی آگاہی، شفافیت اور ذمہ دارانہ قیادت کے تصور کو عام کرنے کے لیے مؤثر کردار ادا کریں گے۔

البتہ اس وقت آل بلتستان موومنٹ نے اس حوالے سے کوئی اندرونی میٹنگ نہیں کی ہے، اور انتخابات سے متعلق پالیسی بیان باقاعدہ مشاورت کے بعد جاری کیا جائے گا۔

ہماری کوشش ہوگی کہ یہ انتخابات واقعی عوامی امنگوں کا عکاس ثابت ہوں، نہ کہ مفادات کی سیاست کا تسلسل۔

محمد ندیم ترابی
صدر – آل بلتستان موومنٹ

Address

ABM, Secretariat
Skardu

Website

Alerts

Be the first to know and let us send you an email when ABM (All Baltistan Movement) posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to ABM (All Baltistan Movement):

Shortcuts

Share

Category