Assistant Commissioner Sohawa

03/09/2026

سوہاوہ: پرائس کنٹرول کے مؤثر نفاذ کے لیے پیرا فورس متحرک ⚖️

اسسٹنٹ کمشنر سوہاوہ مس غزالہ اصغر صاحبہ کی خصوصی ہدایت پر پیرا فورس کے پرائس کنٹرول مجسٹریٹس نے تحصیل بھر میں فیلڈ سرگرمیاں جاری رکھتے ہوئے مختلف پٹرول پمپس، دکانوں اور مارکیٹس کا معائنہ کیا۔

اس دوران پٹرولیم مصنوعات اور دیگر اشیائے خورد و نوش کی قیمتوں، ریٹ لسٹوں اور پیمائش کے معیار کا جائزہ لیا گیا، جبکہ مقررہ نرخوں کی خلاف ورزی پر قانون کے مطابق کارروائی بھی عمل میں لائی گئی۔

پرائس کنٹرول اقدامات کا مقصد شہریوں کو مقررہ نرخوں پر معیاری اشیائے ضروریہ کی فراہمی یقینی بنانا اور ناجائز منافع خوری و گراں فروشی کی حوصلہ شکنی کرنا ہے۔

03/09/2026

🚑🔥 پنجاب ایمرجنسی سروس ریسکیو 1122 سوہاوہ
ستمبر 2026

تحصیل سوہاوہ میں ہنگامی صورتحال سے مؤثر انداز میں نمٹنے اور فائر سیفٹی اقدامات کو یقینی بنانے کے لیے ریسکیو 1122 سوہاوہ کے اشتراک سے مختلف مریم نواز ہیلتھ کلینکس اور رورل ہیلتھ سینٹرز میں فرضی مشقوں (Mock Exercises) کا انعقاد کیا گیا۔

یہ فرضی مشقیں درج ذیل مراکز میں منعقد کی گئیں:

🔹 مریم نواز ہیلتھ کلینک پھلڑے سعیداں
🔹 مریم نواز ہیلتھ کلینک دیوان حضوری
🔹 مریم نواز ہیلتھ کلینک سرگڈھن
🔹 مریم نواز ہیلتھ کلینک گوڑھا اتم سنگھ
🔹 مریم نواز ہیلتھ کلینک کوہالی
🔹 رورل ہیلتھ سینٹر ڈومیلی
🔹مریم نواز ہیلتھ کلینک پنچور

فرضی مشقوں کے دوران فائر ایمرجنسی، ریسکیو آپریشن، مریضوں کے بحفاظت انخلاء اور ہنگامی صورتحال میں فوری رسپانس کے عملی طریقہ کار کا مظاہرہ کیا گیا۔

ریسکیو 1122 سوہاوہ کی ٹیموں نے طبی عملے کو فائر سیفٹی، ایمرجنسی رسپانس اور حفاظتی اقدامات کے حوالے سے عملی تربیت بھی فراہم کی۔

ریسکیو 1122 سوہاوہ — کسی بھی ہنگامی صورتحال میں بروقت اور مؤثر رسپانس کے لیے ہمہ وقت تیار۔ 🚑

02/09/2026

02/09/2026

🌧️ بارش سے متاثرہ خاندان کے لیے 5 لاکھ روپے کی امداد

اسسٹنٹ کمشنر سوہاوہ محترمہ غزالہ اصغر کی خصوصی توجہ اور نشاندہی پر حالیہ بارشوں سے متاثرہ موضع کوٹ دھمیک کے ایک مستحق خاندان کے لیے راجہ محمود اختر کی جانب سے 5 لاکھ روپے کی مالی امداد فراہم کی گئی۔

راجہ محمود اختر کا یہ قابلِ تحسین اور انسان دوست اقدام مستحق خاندان کی بحالی اور مکان کی دوبارہ تعمیر میں اہم معاون ثابت ہوگا۔ مشکل کی گھڑی میں متاثرہ خاندان کا ساتھ دینا ان کے دردِ دل، احساسِ ذمہ داری اور فلاحی جذبے کی عکاسی کرتا ہے۔

قدرتی آفات کے متاثرین کی مدد اور بحالی میں مخیر حضرات کا تعاون یقیناً قابلِ ستائش ہے۔ 🤝

02/09/2026

اسسٹنٹ کمشنر سوہاوہ محترمہ غزالہ اصغر صاحبہ کی خصوصی کاوش سے نور ویلفیئر سوسائٹی کی جانب سے تحصیل ہیڈ کوارٹر ہسپتال سوہاوہ کے لیے ضروری ادویات فراہم کی گئیں۔

اس موقع پر اسسٹنٹ کمشنر سوہاوہ نے فرحت ضیاء ایڈووکیٹ ہائی کورٹ کا شکریہ ادا کرتے ہوئے ان کی فلاحی خدمات کو سراہا۔

مستحق مریضوں کے ساتھ ساتھ غریب اور مستحق بچوں کی تعلیم کے لیے یونیفارم، شوز اور دیگر ضروری اشیاء کی فراہمی بھی نور ویلفیئر سوسائٹی کی قابلِ قدر خدمات کا حصہ ہے۔

دکھی انسانیت کی عملی خدمت ہی حقیقی فلاحی خدمت ہے۔ 🤲

31/08/2026

🌿 تحصیل سوہاوہ میں فیلڈ و انتظامی سرگرمیاں جاری — اسسٹنٹ کمشنر سوہاوہ کا مصروف ترین دن 🌿

ڈپٹی کمشنر جہلم میر رضا اوزگن صاحب کی خصوصی ہدایت پر اسسٹنٹ کمشنر سوہاوہ نے آج فیلڈ اور دفتر میں مصروف ترین دن گزارا اور مختلف انتظامی امور، عوامی مسائل، صحت، صفائی، پرائس کنٹرول اور واٹر سپلائی کے معاملات کا تفصیلی جائزہ لیا۔

📍 عوامی مسائل کی سماعت:
اسسٹنٹ کمشنر سوہاوہ نے دفتر میں آنے والے سائلین سے ملاقات کی، ان کی درخواستیں اور مسائل سنے اور متعلقہ افسران و اہلکاران کو مسائل کے بروقت ازالے اور ضروری کارروائی کے احکامات جاری کیے۔

🏥 تحصیل ہیڈکوارٹرز ہسپتال سوہاوہ کا دورہ:
اسسٹنٹ کمشنر نے THQ ہسپتال سوہاوہ کا تفصیلی دورہ کیا۔ ہسپتال میں صفائی ستھرائی، مریضوں کو فراہم کی جانے والی سہولیات اور دیگر انتظامی امور کا جائزہ لیا اور متعلقہ حکام کو ضروری ہدایات جاری کیں۔

🧹 ستھرا پنجاب ایجنسی کا دورہ:
ستھرا پنجاب ایجنسی سوہاوہ کے دفتر کا دورہ کرتے ہوئے ڈیش بورڈ پر درج عوامی شکایات کا جائزہ لیا گیا۔ شکایات کے بروقت ازالے، صفائی کے نظام کی مؤثر نگرانی اور فیلڈ میں کارکردگی مزید بہتر بنانے کے حوالے سے متعلقہ افسران کو ہدایات جاری کی گئیں۔

⚖️ پرائس کنٹرول سرگرمیاں:
شہر کے مختلف علاقوں میں پرائس کنٹرول ایکٹیویٹی کے دوران اشیائے خوردونوش کی قیمتوں، سرکاری نرخ ناموں پر عملدرآمد اور دکانداروں کی جانب سے مقررہ نرخوں کی پابندی کا جائزہ لیا گیا۔ اس موقع پر گھریلو گیس سلنڈرز کی قیمتوں کو بھی چیک کیا گیا اور مقررہ نرخوں کی خلاف ورزی کی صورت میں کارروائی کی ہدایت کی گئی۔

🚰 محلہ مدنی میں صفائی و واٹر سپلائی کا جائزہ:
اسسٹنٹ کمشنر نے محلہ مدنی کا دورہ کرتے ہوئے صفائی ستھرائی کی صورتحال کا تفصیلی جائزہ لیا۔ اس کے علاوہ واٹر سپلائی سکیم کا بھی معائنہ کیا گیا اور عوام سے موقع پر براہِ راست فیڈبیک حاصل کیا گیا تاکہ شہریوں کو درپیش مسائل کی نشاندہی کرکے ان کے حل کے لیے مؤثر اقدامات کیے جا سکیں۔

اسسٹنٹ کمشنر سوہاوہ نے متعلقہ محکموں کو ہدایت کی کہ عوامی سہولیات، صفائی ستھرائی، صحت، اشیائے ضروریہ کی قیمتوں اور بنیادی شہری مسائل کے حل کے لیے فیلڈ میں مؤثر نگرانی اور بروقت کارروائی کو یقینی بنایا جائے۔

ضلعی انتظامیہ جہلم کی ہدایات کے مطابق عوام کو بہتر سہولیات کی فراہمی اور شہری مسائل کے فوری حل کے لیے فیلڈ سرگرمیاں مسلسل جاری ہیں۔

29/08/2026

🔥 THQ ہسپتال سوہاوہ میں فائر سیفٹی کے حوالے سے فرضی مشق

ڈپٹی کمشنر جہلم میر رضا اوزگن صاحب کی ہدایات پر اسسٹنٹ کمشنر سوہاوہ محترمہ غزالہ اصغر کی زیر نگرانی THQ ہسپتال سوہاوہ میں فائر ایمرجنسی سے نمٹنے اور ہنگامی صورتحال میں بروقت ردِعمل کو جانچنے کے لیے فرضی مشق کا انعقاد کیا گیا۔

فرضی آتشزدگی کی صورتحال پیدا کر کے ریسکیو 1122 کی ٹیم نے موقع پر فوری رسپانس دیتے ہوئے فائر فائٹنگ، آگ پر قابو پانے، متاثرہ افراد کو ریسکیو کرنے اور انہیں طبی امداد کی فراہمی کا عملی مظاہرہ کیا۔ اس دوران ہسپتال سے مریضوں اور عملے کے محفوظ انخلا کی مشق بھی کروائی گئی۔

مشق کے دوران ریسکیو اہلکاروں نے ہنگامی صورتحال میں مختلف اداروں کے باہمی رابطہ، فوری امدادی کارروائی اور مریضوں کے محفوظ انخلا کے طریقہ کار کا عملی مظاہرہ کیا۔

اس موقع پر اسسٹنٹ کمشنر سوہاوہ نے ہسپتال انتظامیہ کو ہدایت کی کہ فائر سیفٹی کے تمام انتظامات کو ہمہ وقت فعال رکھا جائے، متعلقہ ایس او پیز پر مکمل عملدرآمد یقینی بنایا جائے اور ہسپتال کے عملے کو ہنگامی صورتحال سے نمٹنے کے لیے باقاعدہ تربیت فراہم کی جائے۔

اسسٹنٹ کمشنر سوہاوہ نے کہا کہ ہسپتالوں میں مریضوں اور طبی عملے کی حفاظت اولین ترجیح ہے، فائر سیفٹی کے حوالے سے کسی قسم کی غفلت برداشت نہیں کی جائے گی۔

فرضی مشق میں تحصیل انتظامیہ، محکمہ صحت، THQ ہسپتال انتظامیہ اور ریسکیو 1122 کے افسران و اہلکاروں نے شرکت کی۔

29/08/2026

!!ہسپتال میں آگ اور ایمرجنسی تخلیے کا طریقہ کار

29/08/2026