09/04/2026
*ڈسٹرکٹ پولیس سجاول*
بتاریخ۔9 اپریل 2026
پریس رلیز
*قتل کے مقدمے میں جرم ثابت ہونے پر سجاول کی عدالت نے 4 ملزمان کو سزائے موت اور 2 ملزمان کو عمر قید کی سزا سنا دی ہے*
تفصیلات کے مطابق،
* *فرسٹ ایڈیشنل سیشن جج سجاول محترم اشفاق احمد نظامانی کی عدالت نے تھانہ لاڈیوں کے قتل کے سنگین مقدمہ 38/2021 میں چار ملزمان انور ونگانی، آدم ونگانی، سارنگ ونگانی اور صدیق ونگانی کو قتل کا جرم ثابت ہونے پر سزائے موت اور دو ملزمان گُلو اور ظفر ونگانی کو عمر قید کی سزا سنا دی ہے۔*
پولیس کی جدید تفتیشی طریقوں، شواہد کے مؤثر جمع اور ملزمان سے تفتیش کے عمل نے کیس کو مظبوط بنانے میں اہم مدد فراہم کی۔پولیس نے جائے وقوعہ سے حاصل ہونے والے شواہد، فرانزک رپورٹس اور عینی شاہدین کے بیانات کو مربوط انداز میں عدالت کے سامنے پیش کیا، جس سے استغاثہ کا موقف مضبوط ہوا اور جرم کی کڑیاں واضح طور پر جرتی گئیں اور ملزمان کو کیفرِ کردار تک پہنچایا گیا ہے۔
سال 2021 میں مدعی غلام قادر ونگانی کا 25 سالہ نوجوان بیٹا اشرف ونگانی قتل کیا گیا تھا۔
کیس کی تفتیش اسسٹنٹ سب انسپکٹر وزیر علی کھوکھر نے کی اور عدالت میں ADPP منور علی دایو نے مقدمہ کی پیروی کی ۔
*ایس ایس پی سجاول میڈم علینہ راجپر نے کہا کہ اس کیس میں پولیس کی تفتیش نے کلیدی کردار ادا کیا ہے۔عدالتی فیصلہ انصاف کی فراہمی کی ایک اہم مثال ہے بلکہ معاشرے میں قانون کی بالادستی کا واضح پیغام بھی دیا ہے۔ پولیس کے لیے بھی ایک حوصلہ افزا مثال ہے کہ محنت اور دیانتداری سے کی گئی تفتیش کا نتیجہ انصاف کی صورت میں سامنے آتا ہے ۔*
*✍️ترجمان ضلع سجاول پولیس*
