07/04/2026
گورنر ہاؤس خیبرپختونخوا میں ریاست اور سماج مکالمہ کے عنوان سے ایک روزہ کانفرنس
کانفرنس کی صدارت اور اختتامی خطاب گورنر کے پی فیصل کریم کنڈی نے کی۔
کانفرنس میں اہم سیاسی ، مذہبی اور سماجی شخصیات نوجوانوں نے شرکت کی۔ کانفرنس میں ریاست اور عوام کے درمیان خلیج کو کم کرنے اور داخلی اتحاد پر اتفاق کیا گیا۔
بین الاقوامی چیلنجز اور جیو پولیٹکل حالت میں ریاست اور سماج اتحاد پر نوجوانوں اور سماجی رہنماؤں کا اتفاق کیا گیا۔ کانفرنس کے میزبان انٹرنیشنل ریسرچ کونسل اور پاکستان ادارہ برائے انسداد غربت کے سربراہان نے بھی شرکت کی۔
قبائلی نوجوانوں اور وفود سمیت ماہرین تعلیم ، اراکین سول سوسائٹی اور تھنک ٹینکس کے نمائندوں نے شرکت کی۔
کانفرنس میں مشرق وسطیٰ کے عالمی تنازعات میں پاکستانی قیادت کی ثالثی کی کاوشوں پر بھرپور اعتماد کیا گیا۔ جبکہ قبائلی اور سیاسی نمائندوں نے دہشت گردی کیخلاف پاکستانی نوجوانوں اور اداروں کو خراج تحسین پیش کیا گیا۔
نوجوانوں نے ریاست اور عوام کے درمیان خلیج کم کرنے کیلئے مکالمے کا ناگزیر قرار دیا۔
آئین میں صوبائی حقوق دینے سے سیاسی اور سماجی بے چینی کم ہوگی۔
کانفرنس سے پارلیمانی لیڈر احمد کنڈی، سابق مشیر اطلاعات بیرسٹر سیف ، مذہبی سکالر اسرار مدنی ، ارشد محمود ، مولانا یوسف شاہ، جنرل ر انعام الحق ، ڈاکٹر عامر رضا اور میڈم شگفتہ ملک نے شرکت اور خطاب کیا۔
گورنر کے پی فیصل کریم کنڈی نے اختتامی خطاب میں کہا کہ ریاست اور سماج کے درمیان مکالمہ کرنا وقت کی ضرورت ہے۔ انہوں نے کہا کہ گورنر ہاؤس کے دروازے ایسے مکالمے کیلئے کھلے ہیں۔
عوامی گورنر نے نوجوانوں سے اپیل کی کہ پروپیگنڈہ کی بجائے مستند ذرائع پر اعتماد کرتے ہوئے ریاست اور عوام کے درمیان تعلق کا مضبوط کریں، اور سوشل میڈیا کو تفریق اور تقسیم کی بجائے داخلی وحدت کیلئے استعمال کریں۔
