02/06/2026
Sukkur Electric Power Company (Ltd.)
Public Relation Office
Updates #648020626
Follow us:
https://www.Facebook.com/PRO.SEPCO
سکھر الیکٹرک پاور کمپنی لمیٹڈ (سیپکو)
دفتر تعلقات عامہ
*پریس رلیز*
*شدید آندھی اور موسلا دھار بارش کے باعث سیپکو ریجن کے متعدد گرڈ اسٹیشنز متاثر، بجلی بحالی کا کام ہنگامی بنیادوں پر جاری*
*پریس ریلیز*
سکھر، 2 جون 2026
شدید آندھی، طوفانی ہواؤں اور موسلا دھار بارش کے باعث سیپکو ریجن میں ٹرانسمیشن لائنوں، ٹاورز اور پولز کو نقصان پہنچا ہے، جس کے نتیجے میں متعدد 132 کے وی اور 220 کے وی سرکٹس ٹرپ کر گئے ہیں اور مختلف علاقوں میں بجلی کی فراہمی عارضی طور پر معطل ہوگئی ہے۔
سیپکو کنٹرول سینٹر کے مطابق 220 کے وی گرڈ اسٹیشن لوڈرا سے نکلنے والی اہم ٹرانسمیشن لائنیں متاثر ہوئی ہیں جن میں لوڈرا تا شکارپور، لوڈرا تا گڑھی یاسین، لوڈرا تا لاڑکانہ، لوڈرا تا میڈیجی اور لوڈرا تا لکھی شامل ہیں۔ اسی طرح 132 کے وی ٹھل گرڈ اسٹیشن سے ٹھل تا کندھکوٹ اور ٹھل تا شہدادپور لائنیں متاثر ہوئی ہیں۔
مزید برآں 132 کے وی میرپور ماتھیلو گرڈ اسٹیشن سے میرپور ماتھیلو تا خان پور مہر جبکہ 132 کے وی شکارپور گرڈ اسٹیشن سے شکارپور تا پارکو ٹرانسمیشن لائن بھی شدید موسمی حالات کے باعث بند ہوگئی ہے۔
علاوہ ازیں 220 کے وی سرکٹ میں فنی خرابی کے باعث 220 کے وی روہڑی گرڈ اسٹیشن بھی متاثر ہوا ہے جس سے بجلی کی ترسیل کا نظام متاثر ہوا ہے۔
موسمی صورتحال کے باعث مجموعی طور پر 46 گرڈ اسٹیشنز بجلی کی فراہمی سے محروم ہوئے ہیں۔
متاثرہ علاقوں میں لاڑکانہ نیو، لاڑکانہ سٹی، لاڑکانہ سائٹ، قمبر، وارہ، شہدادکوٹ، گڑھی خیرو، میرو خان، رتوڈیرو، گڑھی یاسین، میڈیجی، نوڈیرو، ڈوکری، رادھن، تھل، کندھکوٹ، کرم پور، پارکو، بخشاپور، کشمور، بڈی لیفٹ، ڈہرکی، اوباڑو، میرپور ماتھیلو، خان پور مہر، مبارک پور، پنو عاقل، گھوٹکی، روہڑی، نارا ون، نارا ٹو، ٹھری میرواہ، شاہلڈانی، خیرپور، پیر جو گوٹھ، کوٹ ڈیجی، چنڈیکو، گمبٹ، کنب، رسول آباد، محراب پور، کنڈیارو، بھریا روڈ، مورو، نیو جتوئی، ٹھارو شاہ، نوشہروفیروز، نصیر آباد، رحمانی نگر اور پیارو گوٹھ شامل ہیں جہاں بجلی کی فراہمی مختلف درجات میں متاثر ہوئی ہے۔
چیف ایگزیکٹو آفیسر سیپکو - انجنیئر اعجاز احمد چنہ کی ہدایات پر تمام آپریشن، کنسٹرکشن، جی ایس او اور فیلڈ ٹیموں کو فوری طور پر متحرک کر دیا گیا ہے۔ انجینئرز اور تکنیکی عملہ متاثرہ مقامات پر موجود ہے اور بجلی کی بحالی کے لیے ہنگامی بنیادوں پر کام جاری ہے۔ خراب ہونے والے پولز، ٹاورز اور لائنوں کی مرمت تیزی سے کی جا رہی ہے تاکہ متاثرہ علاقوں میں بجلی کی فراہمی جلد از جلد بحال کی جا سکے۔
سیپکو کے تمام معزز صارفین کو یقین دلایا جاتا ہے کہ ادارہ اپنے تمام دستیاب وسائل بروئے کار لا رہا ہے اور بجلی کی مکمل بحالی کے لیے مسلسل کوشاں ہے۔ صارفین سے گزارش ہے کہ موجودہ غیر معمولی موسمی حالات کے پیش نظر صبر و تحمل کا مظاہرہ کریں۔ ان شاء اللہ جلد ہی متاثرہ علاقوں میں بجلی کی فراہمی بحال کر دی جائے گی۔
*ترجمان سیپکو*
