04/04/2026
ایک دن تندور والا بادشاہ کے دربار میں حاضر ہوا اور عرض کی:
“حضور! آٹا مہنگا ہو گیا ہے، اجازت دیں کہ روٹی پانچ روپے مہنگی کر دوں۔”
بادشاہ مسکرایا اور بولا:
“پانچ روپے؟ نہیں… تم روٹی بیس روپے مہنگی کر دو!”
تندور والا گھبرا گیا:
“حضور، اس سے تو عوام غصے میں آ جائے گی!”
بادشاہ ہنسا اور بولا:
“بس یہی تو کھیل ہے… جب عوام غصے میں میرے پاس آئے گی، تو میں اعلان کروں گا کہ روٹی دس روپے سستی کر دی گئی ہے۔”
پھر فخر سے بولا:
“عوام بھی خوش ہو جائے گی کہ بادشاہ نے ریلیف دے دیا… اور تمہاری جیب بھی بھری رہے گی، کیونکہ روٹی پھر بھی پہلے سے مہنگی ہی رہے گی!”
---
آج کے حالات دیکھ کر لگتا ہے کہ وہی کہانی دوبارہ چل رہی ہے…
پہلے پیٹرول ایک دم 137 روپے مہنگا کر دیا گیا،
پھر کچھ کمی کر کے ایسے پیش کیا جاتا ہے جیسے بڑا ریلیف دے دیا ہو۔
حقیقت مگر وہی پرانی ہے:
👉 پہلے جھٹکا بڑا دو
👉 پھر تھوڑا کم کر کے “احسان” جتاؤ
اور عوام…
ہر بار یہی سمجھتی ہے کہ “اب سستا ہو گیا ہے”۔
یوں لگتا ہے کہ تندور والا اور بادشاہ صرف کہانی میں نہیں تھے…
بلکہ آج بھی کہیں نہ کہیں دربار لگا ہوا ہے،
اور ہم سب اس کے تماشائی ہیں۔
