Deputy Commissioner Swabi

Deputy Commissioner Swabi The Official page of
Deputy Commissioner Swabi
Khyber Pakhtunkhwa, Pakistan

Lاسسٹنٹ کمشنر رزڑ محترمہ صبیحہ ہستم کی مختلف نجی میڈیکل لیبارٹریوں کے خلاف کارروائی، 6 لیبارٹریاں سیلاسسٹنٹ کمشنر رزڑ مح...
06/08/2026

Lاسسٹنٹ کمشنر رزڑ محترمہ صبیحہ ہستم کی مختلف نجی میڈیکل لیبارٹریوں کے خلاف کارروائی، 6 لیبارٹریاں سیل

اسسٹنٹ کمشنر رزڑ محترمہ صبیحہ ہستم نے ہیلتھ کیئر کمیشن کے افسران کے ہمراہ مختلف نجی میڈیکل لیبارٹریوں کا معائنہ کیا۔

دورانِ معائنہ متعدد لیبارٹریوں میں متعلقہ قوانین اور ضوابط کی خلاف ورزیاں سامنے آنے پر فوری کارروائی عمل میں لائی گئی، جبکہ 6 لیبارٹریوں کو سیل کر دیا گیا۔ ذمہ داران کو ہدایت کی گئی کہ قانونی تقاضوں، لائسنسنگ اور مقررہ طبی معیارات پر مکمل عملدرآمد ہر صورت یقینی بنایا جائے۔

اس موقع پر اسسٹنٹ کمشنر رازڑ محترمہ صبیحہ ہستم نے کہا کہ عوام کی صحت سے متعلق معاملات پر کسی قسم کا سمجھوتہ نہیں کیا جائے گا۔ غیر قانونی یا غیر معیاری طبی مراکز کے خلاف بلاامتیاز کارروائیاں جاری رہیں گی تاکہ شہریوں کو محفوظ، معیاری اور قابلِ اعتماد طبی سہولیات میسر آ سکیں۔

06/08/2026

ڈپٹی کمشنر صوابی ڈاکٹر طارق اللہ صاحب اور ڈی پی او صوابی جناب وقاص رفیق صاحب کی زیرِ صدارت شاملات، انتقالات اور قبضہ مافیا سے متعلق مسائل کے فوری حل کے حوالے سے کھلی کچہری کا انعقاد

ڈپٹی کمشنر صوابی ڈاکٹر طارق اللہ صاحب کی زیرِ صدارت سروس ڈیلیوری سنٹر صوابی میں کھلی کچہری کا انعقاد کیا گیا، جس میں ڈی پی او صوابی وقاص رفیق، ضلعی محکموں کے سربراہان اور دیگر متعلقہ انتظامی افسران نے شرکت کی۔

کھلی کچہری کے دوران شہریوں نے قبضہ مافیا، رقم کے لین دین، انتقالات، اراضئ شاملات اور دوسرے مختلف سرکاری محکموں سے متعلق اپنے مسائل، شکایات اور تجاویز براہِ راست ڈپٹی کمشنر اور ڈی پی او صوابی کے سامنے پیش کیں۔

ڈپٹی کمشنر صاحب نے شہریوں کے مسائل کو توجہ سے سنا اور متعلقہ افسران کو ہدایت کی کہ تمام شکایات کو ترجیحی بنیادوں پر میرٹ، شفافیت اور قانونی تقاضوں کے مطابق حل کرتے ہوئے عوام کو بروقت ریلیف فراہم کیا جائے۔

انہوں نے اس موقع پر کہا کہ ضلعی انتظامیہ عوامی مسائل کے فوری اور مؤثر حل، شفاف طرزِ حکمرانی اور احتساب کے نظام کو مزید مضبوط بنانے کے لیے عملی اقدامات جاری رکھے ہوئے ہے، جبکہ شہریوں کی شکایات کے بروقت ازالے کو اولین ترجیح دی جا رہی ہے۔

صوابی | 🇵🇰 یومِ آزادی 2026 کی تیاریاںاسسٹنٹ کمشنر ہیڈکوارٹر صوابی جناب عدنان ممتاز خٹک کی زیرِ صدارت 14 اگست یومِ آزادی...
06/08/2026

صوابی | 🇵🇰 یومِ آزادی 2026 کی تیاریاں
اسسٹنٹ کمشنر ہیڈکوارٹر صوابی جناب عدنان ممتاز خٹک کی زیرِ صدارت 14 اگست یومِ آزادی 2026 کی تقریبات کے انتظامات کے حوالے سے ایک اہم اجلاس منعقد ہوا۔
اجلاس میں ویمن یونیورسٹی صوابی، ضلعی انتظامیہ، محکمہ تعلیم، لوکل گورنمنٹ، محکمہ کھیل، محکمہ جنگلات، چیمبر آف کامرس، ٹریڈرز یونین اور دیگر متعلقہ محکموں کے نمائندگان نے شرکت کی۔
اجلاس میں یومِ آزادی کی تقریبات کو قومی جذبے، بہترین نظم و نسق اور عوامی شمولیت کے ساتھ شایانِ شان انداز میں منانے کے لیے مختلف انتظامات کا جائزہ لیا گیا اور متعلقہ اداروں کو ضروری ہدایات جاری کی گئیں۔
پاکستان زندہ باد!

سرکاری نرخنامہ برائے اشیاء خورد و نوش ضلع صوابی مورخہ 06.08.2026
06/08/2026

سرکاری نرخنامہ برائے اشیاء خورد و نوش ضلع صوابی مورخہ 06.08.2026

06/08/2026

ڈپٹی کمشنر صوابی ڈاکٹر طارق اللہ نے یومِ شہدائے پولیس کی پروقار تقریب میں شرکت کی، شہداء کی عظیم قربانیوں کو خراجِ عقیدت پیش

یومِ شہدائے پولیس کے موقع پر ضلع صوابی میں ایک پروقار تقریب کا انعقاد کیا گیا، جس میں ڈپٹی کمشنر صوابی ڈاکٹر طارق اللہ، ڈی پی او صوابی وقاص رفیق، اسسٹنٹ کمشنر ہیڈکوارٹر عدنان خان، ضلعی و پولیس افسران، شہدائے پولیس کے معزز ورثاء، منتخب عوامی نمائندگان، معززینِ علاقہ، مختلف سرکاری محکموں کے افسران اور شہریوں کی کثیر تعداد نے شرکت کی۔

تقریب کا آغاز تلاوتِ کلامِ پاک سے ہوا، جس کے بعد قومی ترانہ پیش کیا گیا۔ شہدائے پولیس کی لازوال قربانیوں کو خراجِ عقیدت پیش کرنے کے لیے ایک منٹ کی خاموشی اختیار کی گئی، جبکہ ان کے درجات کی بلندی اور ایصالِ ثواب کے لیے خصوصی دعا بھی کی گئی۔

اس موقع پر ڈپٹی کمشنر صوابی ڈاکٹر طارق اللہ نے اپنے خطاب میں کہا کہ وطنِ عزیز میں امن و امان کے قیام، قانون کی بالادستی اور عوام کے جان و مال کے تحفظ کے لیے خیبرپختونخوا پولیس کے افسران اور جوانوں نے بے مثال جانی قربانیاں پیش کی ہیں۔ شہداء کی یہ قربانیاں قوم کے لیے مشعلِ راہ ہیں اور ان کی خدمات کو ہمیشہ عزت و احترام کے ساتھ یاد رکھا جائے گا۔

انہوں نے کہا کہ شہدائے پولیس کے ورثاء پوری قوم کا قابلِ فخر سرمایہ ہیں۔ حکومتِ خیبرپختونخوا شہداء کے اہلِ خانہ کی فلاح و بہبود، تعلیم، صحت اور دیگر سہولیات کی فراہمی کو اپنی ترجیحات میں شامل کیے ہوئے ہے، جبکہ ان کی عزت و تکریم اور ہر ممکن معاونت ریاست کی ذمہ داری ہے۔

ڈی پی او صوابی وقاص رفیق نے اپنے خطاب میں شہدائے پولیس کو زبردست خراجِ تحسین پیش کرتے ہوئے کہا کہ خیبرپختونخوا پولیس اپنے شہداء کی عظیم قربانیوں کو ہمیشہ یاد رکھے گی اور ان کے مشن کی تکمیل کے لیے اسی عزم، جذبے اور پیشہ ورانہ ذمہ داری کے ساتھ اپنی خدمات جاری رکھے گی۔

تقریب کے اختتام پر شہدائے پولیس کے معزز ورثاء میں شیلڈز اور یادگاری تحائف تقسیم کیے گئے۔ شرکاء نے شہداء کے اہلِ خانہ سے اظہارِ یکجہتی کیا اور وطنِ عزیز میں پائیدار امن، استحکام، ترقی اور خوشحالی کے لیے خصوصی دعا کی۔

ڈپٹی کمشنر صوابی ڈاکٹر طارق اللہ صاحب اور ڈی پی او صوابی جناب وقاص رفیق صاحب کی زیرِ صدارت شاملات، انتقالات اور قبضہ ماف...
05/08/2026

ڈپٹی کمشنر صوابی ڈاکٹر طارق اللہ صاحب اور ڈی پی او صوابی جناب وقاص رفیق صاحب کی زیرِ صدارت شاملات، انتقالات اور قبضہ مافیا سے متعلق مسائل کے فوری حل کے حوالے سے کھلی کچہری کا انعقاد

ڈپٹی کمشنر صوابی ڈاکٹر طارق اللہ صاحب کی زیرِ صدارت سروس ڈیلیوری سنٹر صوابی میں کھلی کچہری کا انعقاد کیا گیا، جس میں ڈی پی او صوابی وقاص رفیق، ضلعی محکموں کے سربراہان اور دیگر متعلقہ انتظامی افسران نے شرکت کی۔

کھلی کچہری کے دوران شہریوں نے قبضہ مافیا، رقم کے لین دین، انتقالات، اراضئ شاملات اور دوسرے مختلف سرکاری محکموں سے متعلق اپنے مسائل، شکایات اور تجاویز براہِ راست ڈپٹی کمشنر اور ڈی پی او صوابی کے سامنے پیش کیں۔

ڈپٹی کمشنر صاحب نے شہریوں کے مسائل کو توجہ سے سنا اور متعلقہ افسران کو ہدایت کی کہ تمام شکایات کو ترجیحی بنیادوں پر میرٹ، شفافیت اور قانونی تقاضوں کے مطابق حل کرتے ہوئے عوام کو بروقت ریلیف فراہم کیا جائے۔

انہوں نے اس موقع پر کہا کہ ضلعی انتظامیہ عوامی مسائل کے فوری اور مؤثر حل، شفاف طرزِ حکمرانی اور احتساب کے نظام کو مزید مضبوط بنانے کے لیے عملی اقدامات جاری رکھے ہوئے ہے، جبکہ شہریوں کی شکایات کے بروقت ازالے کو اولین ترجیح دی جا رہی ہے۔

05/08/2026

⚠️ عوامی آگاہی

تاریخ: 05-08-2026

تربیلا ڈیم کے Auxiliary Spillway کے گیٹ کی پوزیشن میں تبدیلی کی جا رہی ہے۔

تفصیلات:
🕓 آپریشن کا وقت: شام 4:30 بجے تا 4:32 بجے
🌊 گیٹ پوزیشن: 07 - 05 فٹ
💧 ڈاؤن اسٹریم پانی کا بہاؤ: 250,000 سے 280,000 کیوسک متوقع

ضلعی انتظامیہ صوابی عوام سے اپیل کرتی ہے کہ دریائے سندھ، نہروں اور دیگر آبی گزرگاہوں کے قریب جانے، نہانے، کشتی رانی اور غیر ضروری نقل و حرکت سے مکمل اجتناب کریں۔

والدین اپنے بچوں پر خصوصی نظر رکھیں اور انتظامیہ و ریسکیو اہلکاروں کی ہدایات پر عمل کریں تاکہ کسی بھی ناخوشگوار واقعے سے بچا جا سکے۔

آپ کا تعاون، آپ کی حفاظت۔

اسسٹنٹ کمشنر (ریونیو) صوابی کی زیر صدارت آڈٹ پیراز سے متعلق اجلاساسسٹنٹ کمشنر (ریونیو) صوابی جناب فخرِ عالم کی زیر صدارت...
05/08/2026

اسسٹنٹ کمشنر (ریونیو) صوابی کی زیر صدارت آڈٹ پیراز سے متعلق اجلاس
اسسٹنٹ کمشنر (ریونیو) صوابی جناب فخرِ عالم کی زیر صدارت آڈٹ پیراز کے حوالے سے ایک اہم اجلاس منعقد ہوا، جس میں محکمہ ریونیو کے متعلقہ افسران نے شرکت کی۔
اجلاس کے دوران زیر التواء آڈٹ پیراز کا تفصیلی جائزہ لیا گیا۔ اس موقع پر اسسٹنٹ کمشنر (ریونیو) نے تمام ریونیو افسران کو ہدایت کی کہ متعلقہ فریقین کو فوری طور پر نوٹسز جاری کیے جائیں اور تمام آڈٹ پیراز کو مقررہ وقت کے اندر قانون کے مطابق نمٹاتے ہوئے کلیئر کیا جائے۔
انہوں نے اس بات پر زور دیا کہ تمام افسران ذمہ داری، شفافیت اور بروقت کارروائی کو یقینی بنائیں تاکہ آڈٹ اعتراضات کا مؤثر اور مستقل حل ممکن بنایا جا سکے۔

05/08/2026

5 اگست یومِ استحصالِ کشمیر

اسسٹنٹ کمشنر رزڑ محترمہ صبیحہ ہستم کی سربراہی میں یومِ استحصالِ کشمیر کے موقع پر ایک بھرپور یکجہتی ریلی کا انعقاد کیا گیا۔

ریلی میں ٹی ایم اے، پولیس، ریونیو اسٹاف، پٹواریان، سول ڈیفنس، انجمنِ تاجران، مختلف سرکاری محکموں کے افسران و اہلکار، معززینِ علاقہ اور عام شہریوں نے بڑی تعداد میں شرکت کی۔

شرکاء نے کشمیری عوام کے ساتھ مکمل یکجہتی کا اظہار کرتے ہوئے اس عزم کا اعادہ کیا کہ پاکستان ہمیشہ کشمیری عوام کے حقِ خودارادیت کی حمایت کرتا رہے گا۔ ریلی کا مقصد عالمی برادری کی توجہ مقبوضہ کشمیر میں انسانی حقوق کی سنگین صورتحال کی جانب مبذول کرانا اور کشمیری عوام کے جائز حقوق کے لیے آواز بلند کرنا تھا۔

کشمیر ہماری شہ رگ ہے، اور کشمیری عوام کے ساتھ ہماری یکجہتی ہمیشہ قائم رہے گی۔ 🇵🇰

Address

Swabi
23430

Telephone

+92938920006

Website

Alerts

Be the first to know and let us send you an email when Deputy Commissioner Swabi posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Deputy Commissioner Swabi:

Shortcuts

Share

Category