03/06/2026
اسسٹنٹ کمشنر ہیڈکوارٹر صوابی جناب عدنان ممتاز نے ڈی ایس پی صوابی، پیسکو کے XEN، پیسکو کے اے سی، تمام سیاسی جماعتوں کے صدور، سیکرٹریز اور ایکشن کمیٹی کے اراکین کے ساتھ بجلی کے مسائل پر تفصیلی اجلاس کیا۔
اجلاس میں اس عزم کا اظہار کیا گیا کہ عوام کو درپیش مشکلات کے ازالے کے لیے مزید کوششیں کی جائیں گی اور حتیٰ الامکان لوڈشیڈنگ میں کمی لانے کے اقدامات کیے جائیں گے۔ اس کے ساتھ ساتھ بجلی چوری کی روک تھام کے لیے بھی سخت کریک ڈاؤن جاری رکھا جائے گا تاکہ بجلی کے نظام کو بہتر بنایا جا سکے اور صارفین کو زیادہ سے زیادہ سہولت فراہم کی جا سکے۔
