06/12/2025
اعلامیہ — پاکستان مسلم لیگ ن، ضلع ٹانک
پاکستان مسلم لیگ ن، ضلع ٹانک کے ضلعی صدر سمیع اللہ خان بُرکی، ضلعی جنرل سیکریٹری حاجی عمر خطاب اور ضلعی انفارمیشن سیکریٹری اکرام اللہ خان کے علاوہ کوئی بھی شخص ضلع ٹانک میں پارٹی کے تنظیمی امور یا نمائندگی پر اظہارِ خیال کرنے کا آئینی طور پر مجاز نہیں ہے۔
پاکستان مسلم لیگ ن کا ہر کارکن پارٹی کا قیمتی اثاثہ ہے، لیکن افسوس کہ چند عناصر ایسے ہیں جو پارٹی کو بدنام کرنے، تنظیمی معاملات کو غلط استعمال کرنے اور خود کو جھوٹا "ذمہ دار عہدیدار" ظاہر کرنے کی کوشش کر رہے ہیں۔
یہ طرزِ عمل نہ صرف پارٹی ڈسپلن کی کھلی خلاف ورزی ہے بلکہ پارٹی کی ساکھ کو نقصان پہنچانے کے مترادف ہے۔
پارٹی قیادت نے فیصلہ کیا ہے کہ ایسے تمام افراد کے خلاف قانونی کارروائی عمل میں لائی جائے گی۔
مزید یہ کہ ان عناصر کو ضلع ٹانک میں پاکستان مسلم لیگ ن کی کسی بھی سطح پر نمائندگی کرنے کا کوئی اختیار، حیثیت یا اجازت نہیں ہے، اور ان کا پارٹی سے کوئی تعلق نہیں سمجھا جائے گا۔
سمیع اللہ خان بُرکی
صدر، پاکستان مسلم لیگ ن — ضلع ٹانک
