Baloch Raaj Sokar Unit

26/10/2024

کوہ سلیمان میں 47,135 بچے اسکولوں سے باہر ہیں۔ جن میں 20,186 لڑکے اور 26,948 لڑکیاں شامل ہیں۔
ان بچوں کو تعلیم کی فراہمی کے لیے فوری اقدامات کی ضرورت ہے تاکہ ان کی زندگیوں میں مثبت تبدیلیاں لائی جا سکیں اور انہیں بہتر مستقبل فراہم کیا جائے۔

20/10/2024

بلوچ راج کی ایجوکیشن کمپین کے تحت آج کالیماڑ اسٹیڈیم فاضلہ کچھ میں تعلیمی بحران کے خلاف میٹنگ کا انعقاد کیا گیا ہے۔ جس میں معززین علاقہ سمیت طلبا کو مدعو کیا گیا۔

مگر بارڈر ملٹری پولیس نے تعلیم دشمنی کرتے ہوئے اس وقت کالیماڑ اسٹیڈیم کو مکمل طور پر گھیرے میں لے لیا ہے اور عام عوام کو ہراساں کیا جارہا ہے۔

بلوچ راج تمام علم دوست, قوم دوست اور باشعور عوام سے اس علم دشمن پالیسی کے خلاف آواز اُٹھانے اور میٹنگ میں بھرپور شرکت کی اپیل کی جاتی ہے۔

19/10/2024

ہیڈ ماسٹر رمضان بزدار کوہ سلیمان میں تعلیمی بحران کے خاتمے کے لیے بلوچ راج کی طرف سے فاضلہ کچھ میں انقعاد ہونے والی میٹنگ کے لیے لوگوں سے شرکت کی اپیل کر رہے ہیں۔

16/10/2024

بلوچ راج کی جانب “ایجوکیشن کمپین” کی مطابقت سے کوہ سلیمان میں تعلیمی بحران کے خاتمے کے لیے میٹنگ کا انعقاد کیا جائے گا جس میں اسکولوں کی پرائیوٹائزیشن، گرلز سکولوں کا قیام، تونسہ و راجن پور یونیورسٹیوں کے بنائے جانے اور دیگر تعلیمی مسائل پر بحث کی جائے گی۔ تمام نوجوانوں، معززین و قوم دوستوں سے شرکت کی اپیل کی جاتی ہے۔

وقت: 1:30 بجے دن
دن: 20 اکتوبر 2024
جگہ: کالیماڑ اسٹیڈیم, فاضلہ

بلوچ راج

15/10/2024

Establish Girls’ Schools

Each union council of Koh e Sulaiman must have dedicated girls’ middle and higher secondary schools. Empowering our daughters with education is essential for breaking the cycle of poverty.
Let us unite for a common cause—education is not just an option; it is a necessity. Together, we can build a future where our children are equipped with the knowledge and skills they need to lead our communities toward prosperity.

14/10/2024

حکومت کا ڈیرہ غازی خان کے قبائلی علاقوں میں اسکول کی نجکاری کا اقدام ہمارے مستقبل کے لیے خطرہ ہے۔ کوہ سلیمان اس اقدام کے خلاف متحد ہے، اور ہم اپنے بچوں کے مفت تعلیم کے حق کی قربانی نہیں دیں گے۔ ہم اس اقدام کی سختی سے مخالفت کرتے ہیں تاکہ اپنے بچوں کے تعلیمی حقوق کا تحفظ کر سکیں۔

بلوچ راج

06/09/2024

ڈیرہ غازی خان کے طالب علم فیضان عثمان بلوچ کی اسلام آباد میں رہائش گاہ سے جبری گمشدگی کی مذمت کرتے ہیں۔ فیضان کو دو ماہ قبل جبراً لاپتہ کیا گیا اور وہ میٹرک کے طالبعلم تھے۔ بلوچ راج فیضان کی فوری باحفاظت بازیابی کی اپیل کرتی ہے۔
‏
بلوچ راج

02/08/2024

‎۔تونسہ میں بلوچ سیاسی کارکن اشرف آزتانی کی اغوا نما گرفتاری اور دیگر کارکنان کو حراساں کرنا تشویشناک عمل ہے۔

‎بلوچ راج

‎بلوچ راج کے مرکزی ترجمان نے جاری کردہ بیان میں کہا کہ بلوچ راجی مچی کے انعقاد سے پہلے پنجاب پولیس کی طرف سے تونسہ میں بلوچ سیاسی کارکن سعدیہ بلوچ کے خاندان کو خوفزدہ کیا گیا اور گرفتاری کوشش کی گئی۔ اسی طرح گزشتہ رات پنجاب پولیس کی طرف سے اشرف آزتانی، ذولفقار بلوچ و رسول بخش شاہوانی کے گھروں میں داخل ہوکر چادر و چار دیواری کے تقدس کو پامال کیا گیا جوکہ بلوچ روایات کے عین برعکس ہے۔

‎ترجمان نے مزید کہا کہ آئینِ پاکستان میں اغوا نما گرفتاری, مرد پولیس اہلکاروں کا بغیر اطلاع و بغیر ایف آئی آر گھروں میں داخل ہونا غیرقانونی فعل ہے اور آئین پاکستان کی کھلم کھلا خلاف ورزی ہے۔

‎بلوچ راج کے ترجمان نے اپنے بیان کے آخر میں انسانی حقوق کی تنظیموں اور صحافی برادری سے اپیل کی اشرف آزتانی بلوچ کے غیر قانونی حراست کے خلاف اور بازیابی کے لیے آواز اٹھائیں اور پنجاب پولیس چادر چار دیواری کے تقدس جیسی بلوچ روایات کی پامالیوں, سیاسی کارکنوں کی حراسگی اور اغوا نما گرفتاریوں سے اجتناب کرئے وگرنہ بلوچ راج اس غیر روایتی اور غیر آئینی عمل کے خلاف احتجاج کا حق رکھتی ہے۔

11/06/2024

ڈاکٹر شاہد بلوچ اور انکے کزن سیف بلوچ کی بیروٹ مندوانی تونسہ شریف سے جبراً گمشدگی تشویشناک ھے۔ بلوچ راج اس غیر انسانی عمل کی مذمت کرتی ھے اور ملک کے تمام آئینی اداروں سے اپیل کرتی ھے کہ ڈاکٹر شاہد بلوچ اور سیف بلوچ کی بازیابی کے لیے کردار ادا کریں۔ ہم انسانی حقوق کے اداروں ، جرنلسٹ اور بلوچ قوم سے درخواست کرتے ہیں کہ اس غیر آئینی عمل کے خلاف آواز بلند کر کہ متاثرہ خاندانوں کا ساتھ دیں۔

ڈاکٹر شاہد بلوچ اور انکے کزن سیف بلوچ کی بیروٹ مندوانی تونسہ شریف سے جبراً گمشدگی تشویشناک ھے۔ بلوچ راج اس غیر انسانی عمل کی مذمت کرتی ھے اور ملک کے تمام آئینی اداروں سے اپیل کرتی ھے کہ ڈاکٹر شاہد بلوچ اور سیف بلوچ کی بازیابی کے لیے کردار ادا کریں۔ ہم انسانی حقوق کے اداروں ، جرنلسٹ اور بلوچ قوم سے درخواست کرتے ہیں کہ اس غیر آئینی عمل کے خلاف آواز بلند کر کہ متاثرہ خاندانوں کا ساتھ دیں۔

05/05/2024

آفی بند دیوان پیٹرولیم کمپنی کے خلاف مقامی لوگوں کا احتجاج کئی دنوں سے جاری مگر تاحال گورنمنٹ و کمپنی کی طرف سے کوئی شنوائی نہیں ہوسکی۔ آفی بند حقوق کمیٹی کے تمام مطالبات جائز و آئینی ہیں۔

بلوچ راج کی مرکزی صدر ایڈووکیٹ عبداللہ صالح بلوچ اور مرکزی نائب صدر آفشین الیاس بلوچ نے احتجاجی دھرنا میں شرکت کی اور آفی بند کی مقامی آبادی کے مطالبات اور احتجاجی دھرنا کی حمایت کا اعلان کیا۔

26/02/2024

بلوچ راج کی طرف سے 2 مارچ 2024ء کو تونسہ شریف میں بلوچ کلچر ڈے پروگرام کا انعقاد کیا جائے گا۔

بلوچ راج کی طرف سے 2 مارچ 2024ء کو بلوچ کلچر ڈے پروگرام کا تونسہ میں انعقاد کیا جائے گا۔