Taunsa Police

05/08/2026

05/08/2026

04/08/2026

*"شہید کی جو موت ہے، وہ قوم کی حیات ہے"*

*شہداء پولیس ڈے کے موقع پر ڈیرہ غازی خان پولیس کا اپنے شہداء کو شاندار خراجِ عقیدت*

شہداء پولیس ڈے کے موقع پر ڈیرہ غازی خان پولیس کے زیرِ اہتمام یادگارِ شہداء پولیس لائن اور ٹریفک چوک پر پروقار تقریب کا انعقاد کیا گیا، جہاں شہداء کی عظیم قربانیوں کو خراجِ عقیدت پیش کرنے کے لیے شمعیں روشن کی گئیں۔

ڈی پی او ڈیرہ غازی خان، ایس پی انوسٹی گیشن و دیگر پولیس افسران، صحافیوں، شہریوں اور سکول کے بچوں نے بھرپور شرکت کی۔ پولیس لائن میں ڈی پی او، ایس پی انوسٹی گیشن و سکول کے بچوں نے یادگارِ شہداء پر حاضری دی، فاتحہ خوانی کی، شہداء کے درجات کی بلندی کے لیے دعا کی اور ان کی لازوال قربانیوں کو زبردست خراجِ عقیدت پیش کیا۔ اس موقع پر "پنجاب پولیس زندہ باد" کے فلک شگاف نعرے بھی لگائے۔

میڈیا سے گفتگو کرتے ہوئے ڈی پی او ڈیرہ غازی خان نے کہا کہ ضلع ڈیرہ غازی خان پولیس کے 43 بہادر سپوتوں نے عوام کے جان و مال کے تحفظ، امن کے قیام اور قانون کی سربلندی کے لیے اپنی جانوں کا نذرانہ پیش کیا۔ انہوں نے کہا کہ شہداء پولیس ہمارا فخر اور قوم کا قیمتی سرمایہ ہیں، جن کی قربانیوں کو کبھی فراموش نہیں کیا جا سکتا۔

ڈی پی او نے مزید کہا کہ پنجاب پولیس اپنے شہداء کے اہلِ خانہ کے ساتھ ہمیشہ کی طرح ہر قدم پر کھڑی ہے۔ آج ہم جس امن اور تحفظ کی فضا میں سانس لے رہے ہیں، وہ انہی عظیم شہداء کی بے مثال قربانیوں کا ثمر ہے۔ اپنے پاک لہو سے قوم کی تاریخ رقم کرنے والے یہ بہادر سپوت ہمیشہ ہمارے دلوں میں زندہ رہیں گے اور ان کی قربانیاں آنے والی نسلوں کے لیے مشعلِ راہ بنی رہیں گی۔

03/08/2026

ڈی پی او ڈیرہ غازی خان کی زیرِ صدارت ضلع بھر میں جرائم کی مجموعی صورتحال کا جامع جائزہ لینے کے لیے اہم کرائم میٹنگ کا انعقاد کیا گیا۔

میٹنگ میں ایس پی انوسٹی گیشن، ڈی ایس پیز اور ایس ایچ اوز نے شرکت کی اور اپنے اپنے علاقوں میں امن و امان، جرائم کی نوعیت اور جاری کارروائیوں سے متعلق تفصیلی بریفنگ دی۔

سنگین جرائم، اسٹریٹ کرائم، منشیات فروشی، اشتہاری و عدالتی مفرور ملزموں کی گرفتاری اور زیرِ تفتیش مقدمات کی پیش رفت کا باریک بینی سے جائزہ لیا گیا۔

زیرِ التواء چالانوں کی بروقت تکمیل، تفتیشی معیار کی بہتری اور شواہد کو قانونی تقاضوں کے مطابق مضبوط بنانے پر خصوصی ہدایات جاری کی گئیں۔

جرائم کی مؤثر روک تھام کے لیے سرچ، کومبنگ اور انٹیلیجنس بیسڈ آپریشنز کو مزید فعال اور مربوط بنانے پر زور دیا گیا۔

عوامی شکایات کے فوری ازالے، تھانہ سطح پر سروس ڈیلیوری کی بہتری اور پولیس رویے میں پیشہ ورانہ معیار قائم رکھنے کی ہدایت کی گئی۔

ڈی پی او ڈیرہ غازی خان نے کہا کہ ضلع میں پائیدار امن کا قیام پولیس کی اولین ذمہ داری ہے،

جرائم پیشہ عناصر کے خلاف بلاامتیاز قانونی کارروائی جاری رکھی جائے گی اور عوام کے جان و مال کے تحفظ پر کوئی سمجھوتہ نہیں کیا جائے گا۔

03/08/2026

*چہلم حضرت امام حسینؓ کے موقع پر امن و امان کے قیام کے لیے ڈیرہ غازی خان پولیس کا فلیگ مارچ، سکیورٹی اداروں کی بھرپور شرکت*

ڈیرہ غازی خان: چہلم حضرت امام حسینؓ کے موقع پر امن و امان کے قیام اور شہریوں میں احساسِ تحفظ کو مزید مضبوط بنانے کے لیے ڈی پی او ڈیرہ غازی خان کی ہدایت پر ایس پی انویسٹی گیشن کی زیرِ قیادت شہر بھر میں فلیگ مارچ کا انعقاد کیا گیا۔ فلیگ مارچ میں رینجرز کے افسران اور جوان بھی پولیس کے شانہ بشانہ شریک رہے۔

فلیگ مارچ میں پولیس، ایلیٹ فورس، ڈولفن فورس، ٹریفک پولیس، ریسکیو 1122 اور دیگر قانون نافذ کرنے والے اداروں کے افسران و اہلکاروں نے شرکت کی۔ مارچ پولیس لائنز سے شروع ہوا اور شہر کے اہم شاہراہوں، بازاروں اور حساس مقامات سے گزرتا ہوا دوبارہ پولیس لائنز پہنچ کر اختتام پذیر ہوا۔

اس موقع پر ڈی پی او ڈیرہ غازی خان نے کہا کہ حکومت پنجاب کی ہدایات اور ترجیحات کے مطابق ضلع بھر میں امن و امان کو ہر صورت یقینی بنایا جائے گا۔ انہوں نے کہا کہ چہلم حضرت امام حسینؓ کے سلسلے میں منعقد ہونے والی تمام مجالس اور جلوسوں کی فول پروف سکیورٹی کے لیے پولیس مکمل طور پر الرٹ ہے اور شہریوں کے جان و مال کے تحفظ پر کسی قسم کا سمجھوتہ نہیں کیا جائے گا۔

ڈی پی او نے واضح کیا کہ شرپسند اور امن خراب کرنے والے عناصر کے ساتھ کوئی رعایت نہیں برتی جائے گی اور قانون ہاتھ میں لینے والوں سے آہنی ہاتھوں سے نمٹا جائے گا۔ انہوں نے تمام مکاتبِ فکر کے جید علماء کرام سے بھی اپیل کی کہ وہ اتحاد، بھائی چارے اور مذہبی ہم آہنگی کے فروغ کے ساتھ ساتھ تخریبی سرگرمیوں کی حوصلہ شکنی میں اپنا بھرپور کردار ادا کریں۔

انہوں نے مزید کہا کہ چہلم کے موقع پر امن و امان کی فضا برقرار رکھنے کے لیے پولیس، رینجرز، ریسکیو 1122، ٹریفک پولیس اور دیگر متعلقہ ادارے باہمی تعاون اور مکمل ہم آہنگی کے ساتھ اپنی ذمہ داریاں انجام دے رہے ہیں تاکہ شہری پُرامن ماحول میں مذہبی رسومات ادا کر سکیں۔