Hangu Point Pk

Hangu Point Pk Animal National Party

Delivering Trusted 24/7 News, Public Updates & Ground Realities Across Hangu With Professionalism, Accuracy & Community Awareness — Hangu Point Pk ( Follow and Share our page )

Khyber Pakhtun khwa 🦅

بریکنگ نیوز پشاور کی 11 سالہ بچی کچے ڈاکوؤں سے بحفاظت بازیاب۔۔۔
23/05/2026

بریکنگ نیوز
پشاور کی 11 سالہ بچی کچے ڈاکوؤں سے بحفاظت بازیاب۔۔۔

20/05/2026

امن ہم سب کا ایک بنیادی اور ضروری فریضہ ہے!!
نفرت پھیلانے میں لمحے نہیں لگتے پر محبت پھیلانے میں صدیاں گُزر جاتی ہے!!
کہتے ہیں محبت کام پیغمبروں کا ہے اور نفرت کام شیطان کا 🙏

18/05/2026

الحمداللہ
پلوسین وزیر اور درسمند کا جو زمینی تنازعہ چل رہا تھا آج خیرت سے حل ہوا
آمن سب کیلئے اہم ہے

18/05/2026

The Palosin and Darsamand land dispute has been successfully resolved through mutual understanding and agreement. This settlement marks a positive step toward peace, cooperation, and long-term stability for all parties involved.

علیزئی کالج میں اہلِ سنت کی طالبات کی داخلے کے لیے دی گئی ذاتی تصاویر کو سوشل میڈیا پر اپلوڈ کرنا ایک نہایت افسوسناک اور...
18/05/2026

علیزئی کالج میں اہلِ سنت کی طالبات کی داخلے کے لیے دی گئی ذاتی تصاویر کو سوشل میڈیا پر اپلوڈ کرنا ایک نہایت افسوسناک اور قابلِ مذمت عمل ہے۔
یہ حرکت ہماری پختون روایات، اسلامی اقدار اور معاشرتی اخلاقیات کے کھلی خلاف ورزی ہے۔
جمعیت طلباء اسلام ضلع کُرم اس شرمناک عمل کی شدید مذمت کرتی ہے، اور حکومتِ وقت سے مطالبہ کرتی ہے کہ اس گھناؤنے فعل میں ملوث عناصر کو سخت سے سخت سزا دی جائے، تاکہ آئندہ کوئی بھی اس قسم کی حرکت کرنے کی جرأت نہ کرے۔
منجانب: سنی قومی کمیٹی کُرم

18/05/2026

قوم پلوسین وزیر، قوم ذکرخیل اور طورہ غنڈی کے تمام معزز مشران، عمائدین، نوجوانوں اور بالخصوص امن کے لیے کردار ادا کرنے والے ہر فرد کو دل کی گہرائیوں سے خراجِ تحسین پیش کرتے ہیں جنہوں نے حالیہ کشیدہ صورتحال میں نہایت بردباری، دانائی اور قبائلی روایات کے مطابق جرگے کے ذریعے امن قائم کرنے میں تاریخی کردار ادا کیا۔

چند روز قبل قوم وزیر اور قوم درسمند کے درمیان پیدا ہونے والے تنازع کے دوران دو افراد کے اغوا کا افسوسناک واقعہ پیش آیا تھا، جس نے علاقے میں بے چینی اور اضطراب کی فضا پیدا کر دی تھی۔ مگر الحمدللہ، قوم پلوسین وزیر، قوم ذکرخیل اور طورہ غنڈی کے بااثر و باوقار مشران نے دن رات مسلسل محنت، سنجیدہ مذاکرات، امن جرگوں اور دانشمندانہ حکمت عملی کے ذریعے اس نازک مسئلے کو پرامن انداز میں حل کیا۔

خصوصاً ملک عالمگیر وزیر ❤️، ملک دولت خان، ملک ولی زار بوز، ملک بارام، میجر صاحب اور طورہ غنڈی کے دیگر تمام مشران کی قیادت، جرات، تدبر اور انتھک کاوشیں قابلِ فخر ہیں جنہوں نے نہ صرف حالات کو مزید خراب ہونے سے بچایا بلکہ دونوں مغوی افراد کو بحفاظت حکومت اور انتظامیہ کے حوالے کر کے قبائلی روایات، انسانیت اور ذمہ داری کی اعلیٰ مثال قائم کی۔

اسی طرح پولیس، ضلعی انتظامیہ اور قانون نافذ کرنے والے اداروں کی کاوشیں بھی لائقِ ستائش ہیں جنہوں نے صبر و تحمل کے ساتھ مشران کے ساتھ مکمل تعاون کیا اور علاقے میں امن و استحکام برقرار رکھنے کے لیے مثبت کردار ادا کیا۔ ہم خصوصاً پولیس فورس کی پیشہ ورانہ ذمہ داری، تحمل اور عوامی تحفظ کے جذبے کو سراہتے ہیں جنہوں نے امن کے قیام میں اہم کردار ادا کیا۔

یہ پوری صورتحال اس بات کا واضح ثبوت ہے کہ جب مشران، عوام، جرگہ اور انتظامیہ ایک پلیٹ فارم پر متحد ہو جائیں تو بڑے سے بڑا تنازع بھی بھائی چارے، احترام اور مذاکرات کے ذریعے حل کیا جا سکتا ہے۔ آج قوم پلوسین وزیر، طورہ غنڈی اور ذکرخیل کے مشران نے صرف دو جانوں کو محفوظ نہیں بنایا بلکہ پورے علاقے کو ایک بڑے نقصان اور مزید خونریزی سے بھی بچایا ہے۔

ہم دعا گو ہیں کہ اللہ تعالیٰ ہمارے تمام علاقوں میں ہمیشہ امن، اتحاد، بھائی چارہ اور محبت قائم رکھے، اور ہمارے مشران کو مزید حکمت، عزت اور کامیابی عطا فرمائے۔ آمین۔

۔

درسمند اور پلوسین وزیر اقوام کے درمیان حالیہ صورتحال کے تناظر میں آج جمعیت علماء اسلام ضلع ہنگو کے ضلعی قائدین نے دونوں ...
17/05/2026

درسمند اور پلوسین وزیر اقوام کے درمیان حالیہ صورتحال کے تناظر میں آج جمعیت علماء اسلام ضلع ہنگو کے ضلعی قائدین نے دونوں اقوام کے معزز مشران اور عمائدین سے اہم ملاقاتیں کیں۔ اس موقع پر مفتی سید جنان صاحب، مفتی عبیداللہ صاحب، مفتی جاوید الرحمن صاحب سمیت دیگر ذمہ دار رفقاء بھی وفد کے ہمراہ موجود تھے۔

ملاقاتوں کے دوران موجودہ کشیدہ صورتحال، علاقائی امن، باہمی بھائی چارے، صبر و تحمل اور قبائلی روایات کے مطابق جرگے کے مؤثر کردار پر تفصیلی گفتگو کی گئی۔ وفد نے اس امر پر زور دیا کہ تمام مسائل کو دانشمندی، افہام و تفہیم اور پرامن مذاکرات کے ذریعے حل کیا جانا وقت کی اہم ضرورت ہے تاکہ کسی بھی قسم کی مزید بدامنی، نفرت یا انتشار سے علاقے کو محفوظ رکھا جا سکے۔

جمعیت علماء اسلام کے قائدین نے دونوں اقوام کے مشران سے اپیل کی کہ وہ حالات کی نزاکت کو مدنظر رکھتے ہوئے بردباری، حکمت اور قومی مفاد کو ترجیح دیں، کیونکہ قبائلی روایات، اسلامی تعلیمات اور قومی اقدار ہمیشہ صلح، رواداری اور امن کے قیام کی تلقین کرتی ہیں۔ وفد نے واضح کیا کہ وقتی اشتعال یا غلط فہمیاں پورے علاقے کے امن و استحکام کو متاثر کر سکتی ہیں، اس لیے تمام فریقین کو ذمہ داری اور سنجیدگی کا مظاہرہ کرنا ہوگا۔

اس موقع پر دونوں یرغمالیوں کی بحفاظت بازیابی کے حوالے سے بھی تفصیلی مشاورت کی گئی، اور الحمدللہ صورتحال بہتری کی جانب گامزن ہے۔ ان شاء اللہ امید کی جا رہی ہے کہ مشرانِ قوم، علمائے کرام اور جرگہ ممبران کی مشترکہ کاوشوں سے یہ معاملہ خوش اسلوبی، باہمی اعتماد اور پرامن انداز میں جلد حل ہو جائے گا۔

علمائے کرام نے اس عزم کا اعادہ کیا کہ علاقے میں دیرپا امن، بھائی چارے، قومی اتحاد اور اسلامی اخوت کے فروغ کے لیے اپنی مثبت کوششیں جاری رکھیں گے۔ آخر میں تمام شرکاء نے علاقے کے امن، اتفاق، باہمی احترام، دونوں اقوام کے درمیان بہتر تعلقات اور ہر قسم کے فتنہ و فساد سے حفاظت کے لیے خصوصی دعا بھی کی۔
DPO Kurram
Deputy Commissioner Hangu
Khyber Pakhtunkhwa Police 👮

16/05/2026

تعلیم دشمنی یا لاقانونیت؟ بے گناہ طلباء کی گرفتاری ناقابلِ قبول!

اگر دو فریقین کے درمیان کوئی ذاتی، زمینی یا علاقائی تنازع موجود ہے تو اسے قانون، مذاکرات اور انصاف کے دائرے میں حل ہونا چاہیے، نہ کہ معصوم طلباء کو نشانہ بنا کر۔ مدرسہ دارالسلام پلوسین وزیر کے فرسٹ ایئر اور سیکنڈ ایئر کے طلباء کو گرفتار کرنا نہ صرف افسوسناک بلکہ کھلی زیادتی اور جبر ہے۔

اگر کسی کی ذاتی دشمنی یا زمین کا مسئلہ ہے تو اس میں پوری قوم، مدرسہ یا سکول یا طلباء کو گھسیٹنے کی کیا ضرورت ہے؟ ایسے اقدامات حالات کو مزید خراب کر سکتے ہیں اور ایک ذاتی تنازع کو قومی رنگ دے کر سنگین صورتحال پیدا کی جا سکتی ہے، جس کی تمام تر ذمہ داری متعلقہ انتظامیہ، خصوصاً DPO ہنگو اور SHO دوآبہ پر عائد ہوگی۔

بے گناہ نوجوانوں کا مستقبل داؤ پر لگانا، انہیں ہراساں کرنا اور تعلیم کے ماحول کو خراب کرنا کسی بھی صورت قانون، انصاف اور انسانی اقدار کے مطابق نہیں۔ یہ ایک واضح طرفہ کارروائی محسوس ہوتی ہے جو عوام میں شدید بے چینی پیدا کر رہی ہے۔

ہم مطالبہ کرتے ہیں کہ:
• تمام بے گناہ طلباء کو فوری طور پر رہا کیا جائے۔
• اصل تنازع کو قانونی اور غیر جانبدارانہ انداز میں حل کیا جائے۔
• انتظامیہ قانون کی بالادستی قائم کرے، نہ کہ طاقت کے ناجائز استعمال سے حالات خراب کرے۔

تعلیم کو دشمنی کی بھینٹ نہ چڑھایا جائے

DPO Kurram Deputy Commissioner Hangu . Khyber Pakhtunkhwa Police 👮 Muhammad Sohail Afridi

11/05/2026

📜🔥 قوم پلوسین وزیر کا تاریخی، قبائلی اور جغرافیائی مؤقف 🔥📜

تحصیل ٹل، ضلع ہنگو کا علاقہ پلوسین اپنی جغرافیائی، قبائلی اور تاریخی اہمیت کے اعتبار سے ایک منفرد مقام رکھتا ہے۔ یہ خطہ صدیوں سے قبائلی تہذیب، روایتی معاشرت، تاریخی گزرگاہوں اور سرحدی ثقافت کا مرکز چلا آ رہا ہے، جہاں مختلف قبائل کی آباد کاری، تعلقات اور تاریخی وابستگیاں ہمیشہ ایک اہم موضوع رہی ہیں۔

قوم کے مشران، عمائدین اور قبائلی روایات کے مطابق اس سرزمین کے ساتھ ان کی وابستگی محض چند نسلوں یا وقتی سکونت تک محدود نہیں، بلکہ یہ ایک قدیم تاریخی تسلسل کا حصہ ہے، جس کی جڑیں تقریباً 20 صدیوں پر محیط قبائلی تاریخ میں پیوست سمجھی جاتی ہیں۔

قبائلی روایات، تاریخی بیانیوں، مقامی شواہد اور بزرگوں کی گواہیوں کے مطابق قوم وزیر، خصوصاً درویش خیل شاخ، صدیوں سے اس خطے میں آباد، بااثر اور زمین کے وارث کے طور پر جانی جاتی رہی ہے۔ قومی مشران کے مطابق ان کے آباؤ اجداد نے نہ صرف اس سرزمین پر زندگی گزاری بلکہ اس کی حفاظت، قبائلی شناخت، ثقافتی روایات اور علاقائی وقار کو نسل در نسل محفوظ رکھا۔

تاریخی طور پر وزیر قبائل جنوبی وزیرستان، میرانشاہ اور ملحقہ پہاڑی سلسلوں کے درمیان موسمی نقل و حرکت کرتے رہے، جہاں وہ اپنے مال مویشیوں کیلئے چراگاہوں اور قدرتی وسائل سے استفادہ کرتے تھے۔ تاہم بعض عناصر نے اس موسمی نقل و حرکت کو غلط انداز میں “زمین چھوڑنے” سے تعبیر کیا، جبکہ حقیقت یہ ہے کہ قوم وزیر ہمیشہ اس خطے سے اپنی تاریخی وابستگی برقرار رکھے ہوئے تھی اور پلوسین کو اپنی آبائی سرزمین تصور کرتی رہی۔

قومی مشران کے مطابق بعض دیگر اقوام، جو مختلف ادوار میں دیگر علاقوں خصوصاً بلوچستان سے آکر یہاں آباد ہوئیں، آج خود کو مقامی ظاہر کرتے ہوئے تاریخی حقائق کو مسخ کرنے کی کوشش کرتی ہیں، جبکہ قوم وزیر اس صوبے اور اس خطے کی قدیم قبائلی اکائیوں میں شمار ہوتی ہے۔

برطانوی دورِ حکومت کے بعض گزیٹیئرز، انتظامی ریکارڈز اور تاریخی حوالہ جات میں بھی ٹل اور اس کے گردونواح میں وزیر قبائل کی موجودگی، اثر و رسوخ اور زمینی حیثیت کا ذکر ملتا ہے، جو اس امر کی نشاندہی کرتا ہے کہ قوم وزیر اس خطے میں ایک مضبوط اور منظم قبائلی قوت کے طور پر موجود رہی ہے۔

پلوسین کی جغرافیائی اہمیت بھی ہمیشہ نمایاں رہی ہے، کیونکہ یہ علاقہ ٹل اور شمالی وزیرستان کے درمیان ایک اہم گزرگاہ کے قریب واقع ہے۔ تاریخی طور پر یہ خطہ دفاعی لحاظ سے اہم، قدرتی وسائل سے مالا مال اور زرخیز زمینوں پر مشتمل سمجھا جاتا رہا ہے، جس نے اسے قبائلی اعتبار سے مزید اہم بنا دیا۔

برطانوی دور میں ٹل فورٹ (Thall Fort) کی تعمیر بھی اسی خطے کی اسٹریٹیجک اہمیت کو ظاہر کرتی ہے، جہاں سے وزیر قبائل اور سرحدی علاقوں کی نقل و حرکت پر نظر رکھی جاتی تھی۔ اس سے واضح ہوتا ہے کہ پلوسین اور اس کے گردونواح ہمیشہ قبائلی، دفاعی اور سیاسی اعتبار سے اہمیت کے حامل رہے ہیں۔

ثقافتی اعتبار سے بھی پلوسین جرگہ سسٹم، قبائلی روایات، پشتون ولی، باہمی احترام، مہمان نوازی اور علاقائی ہم آہنگی کیلئے ایک نمایاں حیثیت رکھتا ہے۔ یہاں کے قومی مشران اور عمائدین نے ہمیشہ امن، جرگہ روایات، تنازعات کے حل اور قبائلی بھائی چارے کے فروغ میں اہم کردار ادا کیا ہے۔

قوم کا واضح مؤقف ہے کہ وہ اس سرزمین میں کسی مہاجر یا عارضی آباد کار کی حیثیت سے نہیں بلکہ اپنے آباؤ اجداد کے تاریخی وارث، قدیمی مالک اور ایک مضبوط قبائلی شناخت کے طور پر آباد رہی ہے۔

🔥 اختتامیہ 🔥

قوم پلوسین وزیر آج بھی اپنی تاریخ، ثقافت، قبائلی وقار اور آبائی شناخت کے تحفظ کیلئے متحد اور ثابت قدم کھڑی ہے۔ یہ قوم اپنے تاریخی، آئینی اور قانونی حقوق کے دفاع کو اپنا بنیادی حق سمجھتی ہے اور ہر فورم پر امن، دلیل، تاریخی حقائق اور قبائلی روایات کی بنیاد پر اپنا مؤقف پیش کرتی رہے گی۔

✊ “تاریخ اُن قوموں کو کبھی فراموش نہیں کرتی جو اپنی شناخت، اپنی سرزمین اور اپنے حق کیلئے متحد ہو کر کھڑی رہتی ہیں

25/10/2025

کچھ شر پسند گاؤں اور محلوں کی بنیاد پر فساد پھیلانے کیلئے روز با روز انتہا پسندی کو بھٹکا رہے ہیں ! ان کی روک تھام بہت ضروری ہے

Address

District Hangu Tehsil Thall
Doaba
2000000

Website

Alerts

Be the first to know and let us send you an email when Hangu Point Pk posts news and promotions. Your email address will not be used for any other purpose, and you can unsubscribe at any time.

Shortcuts

Share