National Party Kech

07/10/2026

03/10/2026

جنہیں کردار سے شکست نہ دے سکے زمانہ
وہ پھر الزام تراشی کو اپنا ہتھیار بناتے ہیں.

02/10/2026

نمازِ جنازہ

حاجی رسول بخش بابل، سابق میئر قاضی غلام رسول اور شیرزمان کے چھوٹے بھائی، جبکہ میئر تربت بلخ شیر قاضی کے چچا کیپٹن شریف وفات پا گئے ہیں۔
ان کی نمازِ جنازہ آج شام 4 بجے سنگانی سر قبرستان میں ادا کی جائے گی۔

24/09/2026

22/09/2026

نیشنل پارٹی رہنما واجہ ملا برکت بلوچ کی جانب سے تربت پریس کلب کی نومنتخب کابینہ کے اعزاز میں پرتکلف ظہرانہ

تربت۔ نیشنل پارٹی کے مرکزی رہنما واجہ ملا برکت بلوچ نے تربت پریس کلب کی نومنتخب کابینہ کے اعزاز میں اپنی رہائش گاہ پر پرتکلف ظہرانے کا اہتمام کیا، جس میں صحافیوں، سیاسی و سماجی رہنماؤں اور مختلف شعبہ ہائے زندگی سے تعلق رکھنے والی شخصیات نے شرکت کی۔
ظہرانے میں تربت پریس کلب کے صدر حافظ صلاح الدین سلفی، نائب صدر نور شاہ نور، جنرل سیکرٹری ماجد صمد، جوائنٹ سیکرٹری ایاز اسلم، فنانس سیکرٹری مقبول ناصر سمیت پریس کلب کے دیگر ارکان شریک ہوئے۔
اس موقع پر نیشنل پارٹی کے سینئر رہنما مشکور انور بلوچ، سابق ایڈووکیٹ جنرل بلوچستان ناظم الدین ایڈووکیٹ، نیشنل پارٹی کے مرکزی رہنما میر حمل بلوچ، محمد جان دشتی، ضلعی صدر یونس جاوید دشتی، طاہر بلوچ، بی ایس او پجار کے چیئرمین بوہیر صالح بلوچ، حاجی شوکت دشتی، انور اسلم ، بجار بلوچ، ولید رند، ڈاکٹر محمد حیات، سیٹھ حامد بلوچ، ملا لیاقت بالگتری، نوید تاج، نعیم عادل، ناصر رند، ڈاکٹر انور بلوچ، چاکر بلوچ، تربت سول سوسائٹی کے کنوینر گلزار دوست، ڈپٹی کنوینر جمیل عمر سمیت دیگر شخصیات بھی موجود تھیں۔
اس موقع پر واجہ ملا برکت بلوچ نے تربت پریس کلب کی نومنتخب کابینہ کو مبارکباد پیش کرتے ہوئے کہا کہ صحافت معاشرے میں عوامی مسائل کی نشاندہی، مثبت رائے عامہ کی تشکیل اور جمہوری اقدار کے فروغ میں اہم کردار ادا کرتی ہے۔ تربت پریس کلب کے عہدیداران اور صحافیوں سے امید ہے کہ وہ اپنی پیشہ ورانہ ذمہ داریاں دیانت داری، غیر جانب داری اور ذمہ داری کے ساتھ ادا کرتے ہوئے عوامی مسائل کو اجاگر کرنے کا سلسلہ جاری رکھیں گے۔
نیشنل پارٹی کے سینئر رہنما مشکور انور بلوچ نے کہا کہ صحافت اور سیاست کا چولی دامن کا ساتھ ہے۔ ایک فعال اور ذمہ دار میڈیا معاشرے میں عوامی مسائل کو اجاگر کرنے کے ساتھ ساتھ سیاسی و سماجی اداروں کی رہنمائی بھی کرتا ہے۔ انہوں نے کہا کہ نیشنل پارٹی ہمیشہ مثبت اور تعمیری تنقید کا خیرمقدم کرتی رہی ہے، یہی وجہ ہے کہ نیشنل پارٹی اور میڈیا کے درمیان خوشگوار اور باہمی احترام پر مبنی تعلقات قائم ہیں۔
انہوں نے کہا کہ سیاسی جماعتوں، صحافتی اداروں اور سول سوسائٹی کے درمیان مثبت اور تعمیری روابط معاشرے کے مسائل کے حل میں معاون ثابت ہوتے ہیں۔ نیشنل پارٹی آزادی اظہار اور آزاد صحافت کی اہمیت کو تسلیم کرتی ہے اور صحافیوں کے پیشہ ورانہ کردار کا احترام کرتی ہے۔
انہوں نے تربت پریس کلب کی نومنتخب کابینہ کے لیے نیک خواہشات کا اظہار کیا۔
تربت پریس کلب کے صدر حافظ صلاح الدین سلفی نے ظہرانے کے اہتمام پر واجہ ملا برکت بلوچ کا شکریہ ادا کرتے ہوئے کہا کہ تربت پریس کلب کی ہمیشہ کوشش رہی ہے کہ عوامی مسائل، بنیادی سہولیات کی صورتحال اور معاشرے کے مختلف طبقات کی آواز کو ذمہ دارانہ صحافت کے ذریعے اجاگر کیا جائے۔ انہوں نے کہا کہ تربت پریس کلب صحافتی اصولوں، آزادی اظہار اور پیشہ ورانہ اقدار کی پاسداری کرتے ہوئے اپنا کردار جاری رکھے گا۔
انہوں نے کہا کہ سیاسی جماعتوں، انتظامیہ، سول سوسائٹی اور میڈیا کے درمیان مثبت روابط وقت کی اہم ضرورت ہیں۔ عوامی مسائل کے حل اور علاقے کی ترقی کے لیے تمام طبقات کو اپنی اپنی ذمہ داریاں ادا کرتے ہوئے تعمیری کردار ادا کرنا ہوگا۔
تقریب کے اختتام پر شرکاء نے تربت پریس کلب کی نومنتخب کابینہ کے لیے نیک خواہشات کا اظہار کیا اور صحافت کے شعبے میں باہمی تعاون، مثبت روابط اور عوامی مسائل کو اجاگر کرنے کے عزم کا اظہار کیا۔

21/09/2026

صحافت کو بھتہ خوری یا ذاتی منافع خوری کا ذریعہ نہیں بننا چاہیے۔

نیشنل پارٹی کیچ

نیشنل پارٹی کیچ کے ضلعی ترجمان نے اپنے جاری کردہ بیان میں کہا ہے کہ آل پارٹیز کیچ کی جانب سے عوامی مسائل کے حل کے لیے منعقد کی گئی احتجاجی ریلی اور جلسۂ عام کے بارے میں منفی رائے پھیلانے والے بعض صحافی اپنے منصب اور پیشے کے ساتھ انصاف نہیں کر رہے۔ پریس کلب کیچ کے تقریباً تمام اراکین آل پارٹیز کیچ کی احتجاجی ریلی میں موجود تھے اور انہوں نے پورے پروگرام کی دیانت داری سے کوریج بھی کی، تاہم بدقسمتی سے ایک غیر ذمہ دار صحافی اپنے پیشہ ورانہ اور صحافتی اصولوں کو پامال کرتے ہوئے جانبداری کا مظاہرہ کر رہا ہے۔

ترجمان نے کہا کہ مذکورہ صحافی ذاتی مفادات کی خاطر اجتماعی اور قومی مفاد کو نظرانداز کرنے میں کوئی کسر نہیں چھوڑ رہا، جسے نیشنل پارٹی صحافتی بددیانتی کی بدترین مثال سمجھتی ہے۔

ترجمان نے کہا کہ صحافت کو جمہوری معاشرے کا آئینہ، عوام کی آواز اور حق و سچ کی ترجمان سمجھا جاتا ہے۔ ایک صحافی کی اولین ذمہ داری ہے کہ وہ واقعات اور حقائق کو دیانت داری، غیر جانب داری اور ذمہ داری کے ساتھ عوام تک پہنچائے۔ اسی لیے صحافت کو محض ایک پیشہ نہیں بلکہ عوامی اعتماد اور ایک اہم سماجی ذمہ داری بھی سمجھا جاتا ہے۔

انہوں نے کہا کہ ایک پیشہ ور صحافی عوام کے مسائل، محرومیوں، ناانصافیوں اور حکومتی و سماجی معاملات کو اجاگر کرکے معاشرے کو باخبر رکھنے کا فریضہ انجام دیتا ہے۔ ہم یہ واضح کرنا چاہتے ہیں کہ صحافت کو بھتہ خوری یا ذاتی منافع خوری کا ذریعہ نہیں بننا چاہیے۔ صحافت کی اصل طاقت عوام کا اعتماد ہے۔ جب عوام کسی خبر یا صحافتی رپورٹ کو پڑھتے یا سنتے ہیں تو ان کی توقع ہوتی ہے کہ درست معلومات غیر جانب داری اور ذمہ داری کے ساتھ ان کے سامنے پیش کی جائیں گی۔

ترجمان نے مزید کہا کہ جب صحافت ذاتی مفادات، مالی منفعت، سیاسی وابستگی، کاروباری دباؤ یا ذاتی پسند و ناپسند کا شکار ہوجائے تو اس سے صحافت کا وقار اور اعتماد مجروح ہوتا ہے۔ بدقسمتی سے تربت میں بعض صحافی اپنی پیشہ ورانہ ذمہ داریوں سے غافل ہوکر ذاتی مفادات یا کسی مخصوص طبقے کو خوش کرنے کے لیے حقائق کو توڑ مروڑ کر پیش کر رہے ہیں، جو ایک انتہائی نامناسب اور قابلِ تشویش طرزِ عمل ہے۔

انہوں نے کہا کہ نیشنل پارٹی پریس کلب اور صحافتی اقدار کا مکمل ادراک رکھتے ہوئے ہمیشہ صحافتی اداروں اور صحافیوں کے ساتھ باہمی عزت و احترام کا رشتہ برقرار رکھنے کی کوشش کرتی ہے، تاہم چند صحافی مبینہ طور پر صحافتی اصولوں اور پریس کلب کے وقار کو نظرانداز کر رہے ہیں۔

نیشنل پارٹی کیچ پریس کلب تربت کی انتظامیہ سے مطالبہ کرتی ہے کہ وہ اپنے صفوں میں موجود ایسے عناصر کے طرزِ عمل کا نوٹس لے اور صحافتی ضابطۂ اخلاق کی پاسداری کو یقینی بنائے، تاکہ صحافت کے وقار اور عوام کے اعتماد کو برقرار رکھا جا سکے۔

19/09/2026

کوئٹہ: نیشنل پارٹی کے سربراہ و سابق وزیرِ اعلیٰ بلوچستان ڈاکٹر عبدالمالک بلوچ سے پارٹی رہنماؤں حاجی عبدالصمد بلوچ اور محمود رند نے ملاقات کی، جس دوران ضلع کیچ کے 500 ممبرشپ کارڈ ڈاکٹر عبدالمالک بلوچ کے حوالے کیے جبکہ مزید 500 ممبرشپ فارم ڈاکٹر صاحب نے نیشنل پارٹی رجسٹریشن آفس کے ذمہ داران کے سپرد کیے۔
یاد رہے کہ ضلع کیچ میں نیشنل پارٹی کی تنظیمی سرگرمیاں اور ممبرشپ مہم تسلسل کے ساتھ جاری ہیں۔ ضلع کیچ کے ہزاروں کارکنوں کے ممبرشپ کارڈ پہلے ہی جاری کیے جا چکے ہیں، جبکہ مزید ہزاروں ممبرشپ پروسیس میں ہیں۔
نیشنل پارٹی کی ممبرشپ مہم کا مقصد پارٹی کی تنظیم کو مزید مضبوط، فعال اور عوامی سطح پر منظم کرنا ہے، تاکہ کارکنوں اور عوام کے ساتھ پارٹی کا سیاسی و تنظیمی رابطہ مزید مستحکم ہو۔
ممبر شب بنائیے- پہچان بنائیے

19/09/2026

کیچ میں بدامنی، چوری، ڈکیتی، اغوا برائے تاوان، بارڈر کاروبار کی بندش اور تجارتی سرگرمیوں میں رکاوٹوں کے خلاف آل پارٹیز کیچ نے کل، 20 ستمبر بروز اتوار، صبح 10 بجے احتجاجی ریلی نکالنے کا فیصلہ کیا ہے۔ ریلی سے آل پارٹیز کیچ کی قیادت خطاب کرے گی۔

اس سلسلے میں آج آل پارٹیز کی قیادت نے تربت بازار، جوسک کراس اور دیگر علاقوں میں پمفلیٹس تقسیم کرکے شہریوں کو احتجاجی ریلی میں شرکت کی دعوت دی۔