District Administration of Usta Muhammad

31/05/2026

ضلع اُستا محمد نے LQAS کامیابی سے پاس کر لیا

اُستا محمد: مئی 2026 کی انسدادِ پولیو مہم کے بعد ضلع اُستا محمد نے لاٹ کوالٹی ایشورنس سیمپلنگ (LQAS) کامیابی سے پاس کر لی ہے۔ اس موقع پر ڈپٹی کمشنر اُستا محمد محمد رمضان پلال نے تمام UCMOs، ایریا انچارجز، پولیو ورکرز، مانیٹرز، ڈی ای او سی ٹیم اور معاون اداروں WHO، NSTOP اور UNICEF کو مبارکباد پیش کی۔

انہوں نے کہا کہ یہ کامیابی تمام متعلقہ محکموں، پولیو ٹیموں اور والدین کے تعاون کا نتیجہ ہے۔ انہوں نے پولیو مہم میں حصہ لینے والے تمام افسران و اہلکاروں کی محنت کو سراہتے ہوئے امید ظاہر کی کہ آئندہ بھی اسی جذبے کے ساتھ بچوں کو پولیو سے محفوظ بنانے کے لیے کوششیں جاری رکھی جائیں-

30/05/2026

🚀 ضلع اُستا محمد کے نوجوانوں کے لیے خوشخبری!

NAVTTC اور جناح ٹیکنیکل انسٹیٹیوٹ اُستا محمد کے اشتراک سے جاری ہنرمندی پروگراموں کے تحت اب تک 215 نوجوان کامیابی سے تربیت حاصل کر چکے ہیں اور مختلف شعبوں میں اپنے لیے بہتر روزگار کے مواقع پیدا کر رہے ہیں۔

اب “Skills of Tomorrow” پروگرام کے نئے بیچ کے لیے داخلوں کا آغاز ہو چکا ہے۔ اس پروگرام میں Artificial Intelligence (AI)، Freelancing، E-Commerce، Digital Marketing، Graphic Design، Video Editing اور دیگر جدید کورسز میں مفت تربیت فراہم کی جا رہی ہے۔

میں ضلع اُستا محمد کے تمام نوجوانوں سے اپیل کرتا ہوں کہ اس سنہری موقع سے فائدہ اٹھائیں، جدید مہارتیں سیکھیں اور اپنے روشن مستقبل کی بنیاد مضبوط کریں۔

📝 آن لائن رجسٹریشن کے لیے:
🌐 https://nsis.navttc.gov.pk

📅 داخلوں کی آخری تاریخ: 5 جون 2026

ہنر مند نوجوان، خوشحال اُستا محمد، مضبوط پاکستان

ڈپٹی کمشنر اُستا محمد

29/05/2026

📍 ڈپٹی کمشنر اُستا محمد محمد رمضان پلال کا ٹی ایچ کیو ہسپتال اُستا محمد کا دورہ

عید کے دوسرے روز ڈپٹی کمشنر اُستا محمد محمد رمضان پلال نے تحصیل ہیڈکوارٹر ہسپتال اُستا محمد کا دورہ کیا۔ انہوں نے ڈاکٹرز و طبی عملے کی حاضری چیک کی اور ہسپتال میں زیرِ علاج مریضوں کو فراہم کی جانے والی طبی سہولیات کا جائزہ لیا۔

اس موقع پر ڈیوٹی ڈاکٹر ششیل نے ہسپتال کے امور، ایمرجنسی انتظامات اور مریضوں کو دی جانے والی سہولیات کے حوالے سے بریفنگ دی۔

ڈپٹی کمشنر نے ہسپتال انتظامیہ کو عید کے دنوں میں مریضوں کو بہتر طبی سہولیات کی فراہمی یقینی بنانے کی ہدایت کی۔

27/05/2026

📰 ڈپٹی کمشنر اُستا محمد محمد رمضان پلال اور ڈی ایچ او ڈاکٹر امیر علی جمالی کا ٹی ایچ کیو ہسپتال اُستا محمد کا عید کے روز دورہ

ڈپٹی کمشنر اُستا محمد محمد رمضان پلال نے ڈی ایچ او ڈاکٹر امیر علی جمالی کے ہمراہ عید کے روز تحصیل ہیڈکوارٹر ہسپتال اُستا محمد کا دورہ کیا۔ اس موقع پر انہوں نے ایمرجنسی وارڈ، مریضوں کو فراہم کی جانے والی طبی سہولیات، ادویات کی دستیابی اور طبی عملے کی حاضری کا جائزہ لیا۔

ڈپٹی کمشنر محمد رمضان پلال نے زیرِ علاج مریضوں کی عیادت کی، ان میں عیدی بھی تقسیم کی اور مریضوں کے لواحقین سے سہولیات کے متعلق دریافت کیا۔ انہوں نے ہسپتال انتظامیہ کو ہدایت کی کہ عید کے دنوں میں عوام کو بلا تعطل اور بہترین طبی سہولیات فراہم کی جائیں۔

ڈی ایچ او ڈاکٹر امیر علی جمالی نے بریفنگ دیتے ہوئے بتایا کہ عید کے موقع پر ڈاکٹرز، پیرامیڈیکل اسٹاف اور ایمرجنسی سروسز کو الرٹ رکھا گیا ہے تاکہ کسی بھی ہنگامی صورتحال سے بروقت نمٹا جا سکے۔

اس موقع پر متعلقہ ہسپتال عملہ اور دیگر حکام بھی موجود تھے۔

26/05/2026

26/05/2026

‎
اُستا محمد: ڈپٹی کمشنر اُستا محمد محمد رمضان پلال کی زیرِ صدارت ڈسٹرکٹ کوآرڈینیشن کمیٹی (DCC) اور ڈسٹرکٹ ڈویلپمنٹ کمیٹی (DDC) کا مشترکہ اہم اجلاس منعقد ہوا۔ اجلاس میں ونگ کمانڈر 114 کرنل رضوان طیب، کوچیئرمین سردار ہارون خان جمالی، ایس پی اُستا محمد حافظ معاذالرحمٰن، ایڈیشنل ڈپٹی کمشنر اُستا محمد محمد اسماعیل لاشاری، تحصیلدار گامن خان بوہڑ، اسسٹنٹ ڈائریکٹر لوکل گورنمنٹ محمد یاسین جمالی، پرنسپل گرلز کالج، پرنسپل بوائز ڈگری کالج سمیت ایریگیشن، ایجوکیشن، بی اینڈ آر، پبلک ہیلتھ انجینئرنگ اور دیگر تمام ضلعی محکموں کے سربراہان نے شرکت کی۔

اجلاس میں بلوچستان اسپیشل ڈویلپمنٹ انیشی ایٹو (BSDI) فیز ون اور فیز ٹو کے تحت تحصیل گنداخہ اور تحصیل اُستا محمد میں جاری اور مکمل ہونے والے ترقیاتی منصوبوں کا تفصیلی جائزہ لیا گیا جبکہ ان منصوبوں پر سیر حاصل تبادلہ خیال بھی کیا گیا۔

اجلاس سے خطاب کرتے ہوئے ڈپٹی کمشنر محمد رمضان پلال نے کہا کہ حکومت عوامی فلاح و بہبود کے لیے مؤثر اقدامات کر رہی ہے، لہٰذا ہر ترقیاتی منصوبے کے آغاز سے قبل اس کے ممکنہ فوائد کا جامع سروے اور تخمینہ لگانا ناگزیر ہے تاکہ وسائل کا درست استعمال یقینی بنایا جا سکے اور عوام کو حقیقی سہولیات فراہم ہوں۔ انہوں نے مزید کہا کہ صاف پینے کے پانی کی فراہمی، بنیادی صحت کی سہولیات اور معیاری تعلیم حکومت کی اولین ترجیحات ہیں کیونکہ یہ شعبے براہِ راست عوامی زندگی پر اثر انداز ہوتے ہیں۔

ڈپٹی کمشنر نے ہدایت کی کہ مکمل شدہ منصوبوں کے بلز بروقت جمع کروائے جائیں تاکہ ادائیگی کے عمل میں کسی قسم کی تاخیر نہ ہو۔ اجلاس میں سختی سے ہدایات جاری کی گئیں کہ تمام ترقیاتی منصوبے مقررہ مدت کے اندر مکمل کیے جائیں اور کسی قسم کی سستی یا غفلت ہرگز برداشت نہیں کی جائے گی۔

ڈپٹی کمشنر نے کہا کہ فیز تھری میں ایسے منصوبے شامل کیے جائیں جن سے زیادہ سے زیادہ عوام مستفید ہو سکیں۔ انہوں نے کہا کہ کھلی کچہریوں کے دوران عوام کی جانب سے پیش کیے گئے مسائل کو ترجیحی بنیادوں پر ترقیاتی منصوبوں میں شامل کیا جا رہا ہے جبکہ اس بات پر بھی زور دیا کہ کم منصوبے بنائے جائیں مگر وہ دیرپا اور پائیدار ہوں۔

فیز تھری کے تحت جن اہم منصوبوں کی منظوری دی گئی ان میں بی ایس کمپلیکس کی تعمیر، بکھرڑہ جمالی سے جان جمالی ملز تک سڑک اور دونوں اطراف فٹ پاتھ کی تعمیر، گھنٹہ گھر سے تنیہ محلہ تک ٹف ٹائلز کی تنصیب، نکاسی آب کے نظام کی بہتری کے لیے نالہ کی تعمیر، اُستا محمد سے سیم شاخ سیف شاخ تک نکاسی آب کے نالے کی تعمیر شامل ہیں۔ یہ منصوبہ اُستا محمد کے باسیوں کا دیرینہ مطالبہ رہا ہے۔ اس کے علاوہ خانپور پل سے براستہ اُستا نہر ہجوانی بائی پاس روڈ تک سڑک کی تعمیر، پولیس تھانوں اور دیگر محکموں میں سولر سسٹم کی تنصیب، مختلف محلوں میں گلیوں کی تعمیر سمیت دیگر کئی اہم ترقیاتی منصوبوں کی بھی منظوری دی گئی۔

اجلاس میں منظور کیے گئے منصوبے حتمی منظوری کے لیے اعلیٰ حکام کو ارسال کیے جائیں گے۔ ڈپٹی کمشنر محمد رمضان پلال نے اپنے خطاب میں کہا کہ تمام ترقیاتی منصوبوں کو شفافیت کے ساتھ مقررہ مدت میں مکمل کرنے کے لیے افسران اپنی تمام تر صلاحیتیں بروئے کار لائیں تاکہ عوام کو بروقت اور معیاری سہولیات فراہم جا سکیں-

25/05/2026

📢 عید لیڈیز بازار کا انعقاد
ضلع انتظامیہ اُستا محمد کی جانب سے خواتین کیلئے خصوصی عید لیڈیز بازار کا انعقاد کیا جا رہا ہے۔

🗓️ 25 اور 26 مئی 2026
🕖 شام 7:00 بجے تا رات 11:00 بجے
📍 فیصل پارک، اُستا محمد

یہ بازار ضلعی انتظامیہ اُستا محمد کے زیر اہتمام محکمہ ایجوکیشن، میونسپل کمیٹی اُستا محمد اور دیگر محکموں کے تعاون سے لگایا جا رہا ہے، جہاں خواتین کیلئے عید کی خریداری کیلئے مختلف اسٹالز اور سہولیات دستیاب ہوں گی۔

خواتین کیلئے محفوظ، پُرسکون اور بہترین خریداری ماحول فراہم کیا جائے گا۔

تمام خواتین سے شرکت کی درخواست ہے۔

منجانب:
ڈسٹرکٹ انتظامیہ اُستا محمد

23/05/2026

عیدالاضحیٰ کے انتظامات کے حوالے سے ڈپٹی کمشنر اُستا محمد محمد رمضان پلال کی زیر صدارت اجلاس

عیدالاضحیٰ کے موقع پر شہریوں کو بہتر سہولیات کی فراہمی اور مؤثر انتظامات یقینی بنانے کیلئے ڈپٹی کمشنر اُستا محمد محمد رمضان پلال کی زیر صدارت اہم اجلاس منعقد ہوا۔

اجلاس میں ڈی ایچ او اُستا محمد ڈاکٹر امیر علی، ایم ایس ٹی ایچ کیو ڈاکٹر عبدالجبار، ایم ایس ڈی ایچ کیو ڈاکٹر احمد گوپانگ، میونسپل کمیٹی نمائندگان، ایس ڈی او علی حیدر مگسی، لیویز اُستا محمد کے ہزار خان بوہڑ اور ایس ڈی او پی ایچ ای ڈی غلام محمد کھوکھر نے شرکت کی۔

اجلاس میں عیدالاضحیٰ کے دوران شہر کی صفائی، قربانی کے آلائشوں کی بروقت تلفی، سکیورٹی انتظامات، شہریوں کو پانی کی فراہمی اور اسپتالوں میں ایمرجنسی صورتحال سے نمٹنے کیلئے خصوصی شفٹوں کی تعیناتی سے متعلق تفصیلی غور کیا گیا۔

ڈپٹی کمشنر محمد رمضان پلال نے متعلقہ اداروں کو ہدایت کی کہ عید کے دوران تمام بنیادی سہولیات کی فراہمی یقینی بنائی جائے تاکہ شہریوں کو کسی قسم کی پریشانی کا سامنا نہ کرنا پڑے۔ انہوں نے کہا کہ صفائی، سکیورٹی اور طبی سہولیات کے حوالے سے غفلت برداشت نہیں کی جائے گی اور تمام ادارے باہمی رابطے کے ساتھ فرائض انجام دیں۔