Deputy Commissioner Vehari

Call Directions Website Contact the organization

Deputy Commissioner Vehari KHALID JAVED GORAYA, Deputy Commissioner Vehari

ڈپٹی کمشنر وہاڑی خالد جاوید گورائیہ نے خانیوال چوک کا وزٹ کیا اور چوک کی تزئین و آرائش کے کام کا جائزہ لیتے ہوئے متعلقہ ...
09/10/2026

ڈپٹی کمشنر وہاڑی خالد جاوید گورائیہ نے خانیوال چوک کا وزٹ کیا اور چوک کی تزئین و آرائش کے کام کا جائزہ لیتے ہوئے متعلقہ افسران کو بہتری کے لیے ضروری ہدایات جاری کیں۔

ڈپٹی کمشنر نے ہدایت کی کہ خانیوال چوک کو خوبصورت اور دیدہ زیب بنایا جائے اور تزئین و آرائش کے کام میں معیار اور خوبصورتی کو یقینی بنایا جائے۔
ڈپٹی کمشنر خالد جاوید گورائیہ نے کہا کہ شہریوں کو بہتر شہری ماحول کی فراہمی ضلعی انتظامیہ کی ترجیح ہے۔ شہر کی خوبصورتی میں اضافے اور شہری مقامات کو مزید دلکش بنانے کے لیے عملی اقدامات جاری ہیں۔
انہوں نے ہدایت کی کہ ترقیاتی اور تزئین و آرائش کے کام مقررہ معیار کے مطابق مکمل کیے جائیں تاکہ شہریوں کو بہتر ماحول فراہم کیا جا سکے۔
اس موقع پر سب انجینئر راؤ عدیل سمیت دیگر افسران بھی موجود تھے۔

ڈپٹی کمشنر وہاڑی خالد جاوید گورائیہ کی زیر صدارت ضلع کچہری میں بنیادی سہولیات کی بہتری کے حوالے سے اجلاس منعقد ہوا ۔ ڈپ...
09/10/2026

ڈپٹی کمشنر وہاڑی خالد جاوید گورائیہ کی زیر صدارت ضلع کچہری میں بنیادی سہولیات کی بہتری کے حوالے سے اجلاس منعقد ہوا ۔
ڈپٹی کمشنر نے کچہری کے داخلی راستے پر سیکیورٹی بیریئرز لگانے، صفائی ستھرائی کے انتظامات بہتر بنانے اور کچہری روڈ کی تعمیر و مرمت کے لیے تخمینہ تیار کرنے کی ہدایت کی۔ ڈپٹی کمشنر نے کچہری میں سی سی ٹی وی کیمروں کی تنصیب، ریونیو کورٹس کے اوقاتِ کار پر عمل درآمد، سول کورٹ کی ڈگریوں پر عمل درآمد اور مالی و قانونی معاونت کے کیسز میں پیش رفت یقینی بنانے پر بھی زور دیا۔
ڈپٹی کمشنر خالد جاوید گورائیہ نے کہا کہ کچہری میں بنیادی سہولیات کی بہتری سے سائلین کو سازگار ماحول میسر آئے گا انہوں نے واٹر سپلائی کے نظام کو بہتر بنانے، اینٹی ریپ سیل کے قیام اور متعلقہ ڈاکٹرز کی تربیت کے لیے ضروری اقدامات کرنے کی ہدایت کی۔ انہوں نے ڈی سی آفس کے واش رومز کی باقاعدہ صفائی یقینی بنانے کے لیے ملازم کی ڈیوٹی لگانے کی بھی ہدایت کی۔
اجلاس میں وہاڑی ملتان روڈ سمیت دیگر سڑکوں کی تعمیر و مرمت کے منصوبوں پر پیش رفت کا جائزہ لیا گیا۔ ڈپٹی کمشنر نے متعلقہ افسران کو ترقیاتی منصوبے بروقت مکمل کرنے کی ہدایت کرتے ہوئے کہا کہ خانیوال تا وی چوک روڈ پر نمایاں مقامات پر سولر کیٹ آئیز اور ڈیجیٹل اسپیڈ لمٹ سکرینز نصب کی جائیں تاکہ ٹریفک کی روانی اور شہریوں کی سفری حفاظت کو بہتر بنایا جا سکے۔
اجلاس میں میلسی اور بورے والا میں ستھرا پنجاب سیلف آپریشن کے آغاز کے حوالے سے بھی بریفنگ دی گئی۔ ڈپٹی کمشنر نے ستھرا پنجاب کے تحت صفائی ستھرائی کے کاموں میں تیزی لانے اور مشینری سمیت دیگر وسائل کے شفاف اور مؤثر استعمال کو یقینی بنانے کے لیے ایپ کے ذریعے مانیٹرنگ کی ہدایت کی۔ انہوں نے متعلقہ افسران پر زور دیا کہ عوام کو بہتر شہری سہولیات کی فراہمی کے لیے تمام دستیاب وسائل بروئے کار لائے جائیں۔
اجلاس میں ایڈیشنل ڈپٹی کمشنر انفورسمنٹ محمد عثمان جلیس، ایڈیشنل ڈپٹی کمشنر میونسپل سروسز و ایم ڈی ستھرا پنجاب غلام مرتضیٰ، ایڈیشنل ڈپٹی کمشنر سوشل سروسز مرزا راحیل بیگ، اسسٹنٹ کمشنر وہاڑی انعم اکرم، ڈپٹی ڈائریکٹر ڈویلپمنٹ محمد افضال، ایکسین ہائی وے طاہر عزیز، ڈی ایچ او ڈاکٹر محمد فاضل، چیف آفیسر بلدیہ وہاڑی محمد ندیم، ڈسٹرکٹ منیجر ستھرا پنجاب کرن خان اور دیگر متعلقہ افسران نے شرکت کی۔

- Today’s Price List for Fruits, Vegetables & Poultry.
09/10/2026

- Today’s Price List for Fruits, Vegetables & Poultry.

The Chief Minister IT Internship Program (CMITIP) is offering 4,000+ internship opportunities with leading IT companies ...
08/10/2026

The Chief Minister IT Internship Program (CMITIP) is offering 4,000+ internship opportunities with leading IT companies across Punjab, providing fresh IT graduates with valuable hands-on industry experience.

Opportunities are available across 40+ domains, including Web Development, Software Development, Artificial Intelligence, Mobile App Development, Quality Assurance, Digital Marketing, and more.

💰 PKR 50,000 monthly stipend*
📅 4-month internship
💼 Gain practical experience with leading IT companies
*Subject to monthly performance and HEC-verified degree.

Eligibility:
✅ IT/CS or relevant degree
✅ Degree completed within the last 4 years
✅ Valid CNIC
✅ Punjab domicile

📢 Apply now: cmitinterns.punjab.gov.pk

ڈپٹی کمشنر وہاڑی خالد جاوید گورائیہ کی ہدایت پر ایڈیشنل ڈپٹی کمشنر انفورسمنٹ محمد عثمان جلیس کی زیر صدارت کینال کے اطراف...
08/10/2026

ڈپٹی کمشنر وہاڑی خالد جاوید گورائیہ کی ہدایت پر ایڈیشنل ڈپٹی کمشنر انفورسمنٹ محمد عثمان جلیس کی زیر صدارت کینال کے اطراف شجرکاری بارے جائزہ اجلاس منعقد ہوا۔

اجلاس میں محکمہ انہار کی جانب سے نہروں کے اطراف شجرکاری بارے تفصیلی بریفنگ دی گئی اوردرپیش مسائل سے آگاہ کیا گیا جس پر ایڈیشنل ڈپٹی کمشنر انفورسمنٹ محمد عثمان جلیس نے شجرکاری مہم کو تیز کرنے کی ہدایت کی اور کہا کہ وزیراعلیٰ پنجاب مریم نواز شریف کے وژن پر شجرکاری مہم کو کامیاب بناناضلعی انتظامیہ کی اولین ترجیح ہے محکمہ انہار کے افسران شجرکاری پلان دیں تاکہ شجرکاری مہم میں مزید تیزی لائی جاسکے
انہوں نے مزید کہا کہ پودوں کی فراہمی کے حوالے سے محکمہ جنگلات اور محکمہ انہار کے درمیان بہترین کوارڈینیشن رکھی جائے اور شجرکاری مہم اہداف کے مطابق پودوں کی فراہمی یقینی بنائی جائے۔
اس موقع پر ایس بی ای ٹھینگی میلسی سائفن عرفان شکور،ایس ڈی او ہیڈ اسلام ارشد،سب انجینئر اپر ویسٹرن بار عبدالرحمن،سب انجینئر ہیڈاسلام مدثر اور دیگر افسران موجود تھے۔

ڈپٹی کمشنر وہاڑی خالد جاوید گورائیہ سے وہاڑی چیمبر آف کامرس اینڈ انڈسٹری کے نومنتخب عہدیداران نے ملاقات کی۔ صدر چیمبر آف...
08/10/2026

ڈپٹی کمشنر وہاڑی خالد جاوید گورائیہ سے وہاڑی چیمبر آف کامرس اینڈ انڈسٹری کے نومنتخب عہدیداران نے ملاقات کی۔ صدر چیمبر آف کامرس اینڈ انڈسٹری سید شیراز حسین کاظمی نے وفد کی قیادت کی۔ ملاقات میں کاروباری سرگرمیوں کے فروغ، صنعت و تجارت، سرمایہ کاری اور تاجروں کو درپیش مسائل کے حل سمیت مختلف امور پر تفصیلی تبادلہ خیال کیا گیا۔
اس موقع پر ڈپٹی کمشنر خالد جاوید گورائیہ نے کہا کہ وزیر اعلیٰ پنجاب کے وژن کے تحت معاشی و تجارتی سرگرمیوں کے فروغ کیلئے کاروباری برادری کو بزنس فرینڈلی ماحول فراہم کیا جا رہا ہے۔ کاروباری برادری کی سہولت کیلئے سرکاری محکموں کے مابین رابطہ مزید مؤثر بنایا جائے گا۔ کاروباری سرگرمیوں کے فروغ سے روزگار کے مواقع اور معاشی ترقی کو تقویت ملتی ہے۔

ڈپٹی کمشنر نے کہا کہ چیمبر آف کامرس صنعت و تجارت کے فروغ اور کاروباری برادری کے مسائل کے حل کیلئے اہم کردار ادا کر رہا ہے۔ حکومت پنجاب نے کاروبار کی رجسٹریشن کیلئے ای بز پورٹل کی سہولت فراہم کی ہے، جس کے ذریعے شہری گھر بیٹھے کاروبار کی رجسٹریشن کیلئے آن لائن درخواست دے سکتے ہیں۔ متعلقہ محکمے مقررہ مدت میں درخواستوں پر کارروائی مکمل کرکے این او سی جاری کرتے ہیں۔
ڈپٹی کمشنر خالد جاوید گورائیہ نے کہا کہ مختلف زونز بنا کر کاروباری سرگرمیوں کو بہتر انداز میں فروغ دیا جا سکتا ہے۔ جس علاقے میں جو خام مال پیدا ہو رہا ہے اس سے مختلف مصنوعات تیار کی جا سکتی ہیں۔ ہمیں ویلیو ایڈیشن کی طرف جانا ہوگا اور مقامی اجناس کے مطابق مختلف صنعتوں کو فروغ دینے پر توجہ دینا ہوگی۔ ڈپٹی کمشنر نے چیمبر آف کامرس کے مسائل کے حل اور باہمی تعاون کی یقین دہانی بھی کرائی۔
صدر چیمبر آف کامرس سید شیراز حسین کاظمی نے کہا کہ کاروباری برادری کے مسائل کے حل اور تجارتی سرگرمیوں کے فروغ کیلئے ضلعی انتظامیہ کے تعاون کو سراہتے ہیں۔ معاشی سرگرمیوں کے فروغ اور شہر کی تعمیر و ترقی کے حوالے سے باہمی تعاون جاری رہے گا۔
اس موقع پر اے ڈی سی انفورسمنٹ محمد عثمان جلیس، اے ڈی سی میونسپل سروسز غلام مرتضیٰ، اے سی وہاڑی انعم اکرم، اے سی میلسی سعد بن خالد، ڈی ڈی ڈویلپمنٹ محمد افضال، ڈی ڈی پی آر میاں نعیم عاصم، سینئر نائب صدر محمد آصف چوہدری، ایگزیکٹو ممبران چوہدری محمد سرور، محمد عثمان احمد، نوشین ملک، شیراز احمد، محمد علی بشارت، خالد حسین، سابق نائب صدر محمد علی، سینئر ممبر راجہ ندیم کیانی اور جنرل سیکرٹری زاہد سعید موجود تھے۔

ڈپٹی کمشنر وہاڑی خالد جاوید گورائیہ کی زیر صدارت بزنس فرینڈلی ماحول کی فراہمی کے حوالے سے اجلاس منعقد ہوا. اجلاس میں کار...
08/10/2026

ڈپٹی کمشنر وہاڑی خالد جاوید گورائیہ کی زیر صدارت بزنس فرینڈلی ماحول کی فراہمی کے حوالے سے اجلاس منعقد ہوا. اجلاس میں کاروباری سرگرمیوں کے فروغ، کاروباری افراد کو سہولیات کی فراہمی، این او سی کے بروقت اجراء اور انسپکشنز کے حوالے سے امور کا تفصیلی جائزہ لیا گیا۔
ڈپٹی کمشنر خالد جاوید گورائیہ نے افسران کو ہدایت کی کہ کاروباری سرگرمیوں کے فروغ کیلئے کاروباری افراد کو بہتر سہولیات فراہم کی جائیں اور اپنے رویوں میں بہتری لائی جائے۔ انہوں نے کہا کہ کاروباری سرگرمیوں کے فروغ سے معیشت مضبوط ہوگی جبکہ حکومت پنجاب روزگار کے بہتر مواقع پیدا کرنے کیلئے کوشاں ہے۔ بزنس کیلئے اچھا ماحول فراہم کرکے ملک کو ترقی کی طرف گامزن کیا جاسکتا ہے۔
ڈپٹی کمشنر نے کہا کہ تمام متعلقہ محکمے ریگولیٹری امور احسن انداز میں سرانجام دیں اور کاروبار کیلئے این او سی کے اجراء میں بروقت عملدرآمد یقینی بنایا جائے۔ وزیراعلیٰ پنجاب مریم نواز شریف کے وژن کے تحت کاروباری افراد کو سہولت فراہم کرنے اور فوری این او سی کے اجراء کو ممکن بنایا جا رہا ہے۔
انہوں نے ہدایت کی کہ دکان، فیکٹری یا کاروبار کو سیل کرنے اور غیر ضروری جرمانوں سے گریز کیا جائے۔ کسی کاروبار کو سیل یا جرمانہ کرنے سے قبل ضلعی انتظامیہ کو آگاہ کیا جائے جبکہ غیر ضروری طور پر چھاپے بھی نہ مارے جائیں۔ تمام محکمے اپنی انسپکشنز کا شیڈول جاری کریں اور کاروباری افراد کو کسی بھی طرح بلیک میل نہ کیا جائے۔ڈپٹی کمشنر خالد جاوید گورائیہ نے کہا کہ بہترین کوارڈینیشن کے ذریعے کاروباری افراد کو سازگار ماحول فراہم کیا جائے۔ متعلقہ محکمے اپنے فرائض کی انجام دہی کے دوران کاروباری افراد کیلئے آسانیاں پیدا کریں تاکہ کاروباری سرگرمیوں کو فروغ ملے اور روزگار کے نئے مواقع پیدا ہوں۔
اجلاس میں اے ڈی سی انفورسمنٹ محمد عثمان جلیس، اے ڈی سی میونسپل سروسز غلام مرتضیٰ، اے سی وہاڑی انعم اکرم، اے سی بوریوالا جواد حسین ملک، اے سی میلسی سعد بن خالد، ایس ڈی او پیرا، ڈی ڈی ڈویلپمنٹ محمد افضال، ڈی ڈی پی آر میاں نعیم عاصم، سی او ضلع کونسل ساجد محمود، ڈی ڈی پنجاب فوڈ اتھارٹی ماہا سعید، سیکرٹری آر ٹی اے کامران انور، ڈی ڈی ماحولیات علی عمران، ای ٹی او رائے بشیر احمد کھرل، ای اے ڈی اے مدیحہ غفار، ایس این اے منیب احمد، ڈی او انڈسٹریز عابدہ حنیف اور دیگر افسران موجود تھے۔

ڈپٹی کمشنر وہاڑی خالد جاوید گورائیہ کی زیر صدارت ستھرا پنجاب ایجنسی کا اجلاس منعقد ہوا۔ اجلاس میں ضلع بھر میں صفائی ستھر...
08/10/2026

ڈپٹی کمشنر وہاڑی خالد جاوید گورائیہ کی زیر صدارت ستھرا پنجاب ایجنسی کا اجلاس منعقد ہوا۔ اجلاس میں ضلع بھر میں صفائی ستھرائی کے امور، دستیاب افرادی قوت، مشینری اور گاڑیوں سمیت دیگر انتظامات کا تفصیلی جائزہ لیا گیا۔
اجلاس میں تحصیل بوریوالا اور میلسی میں کنٹریکٹ کمپنیوں سے معاہدہ منسوخی کے بعد سیلف آپریشن کے تحت صفائی ستھرائی کے انتظامات کا جائزہ لیا گیا۔ متعلقہ افسران نے افرادی قوت، مشینری اور گاڑیوں کی دستیابی و استعمال کے حوالے سے ڈپٹی کمشنر کو بریفنگ دی۔
ڈپٹی کمشنر خالد جاوید گورائیہ نے ہدایت کی کہ بوریوالا اور میلسی میں صفائی ستھرائی کے کام کو فوری طور پر ٹیک اپ کرتے ہوئے ہنگامی بنیادوں پر تیز کیا جائے اور صفائی کے انتظامات میں کسی قسم کی غفلت برداشت نہیں کی جائے گی۔
انہوں نے کہا کہ وزیر اعلیٰ پنجاب کے مشن کے تحت لوگوں کو صاف ستھرا ماحول فراہم کرنا اولین ترجیح ہے۔ شہروں کے ساتھ ساتھ دیہاتوں اور قصبوں میں بھی صفائی ستھرائی پر خصوصی توجہ دی جائے اور صفائی کے معیار کو مزید بہتر بنایا جائے۔
ڈپٹی کمشنر نے سینٹری ورکرز کی حاضری یقینی بنانے، دستیاب مشینری اور گاڑیوں کے مؤثر استعمال اور صفائی آپریشن کی مؤثر نگرانی کی ہدایت بھی کی۔
اجلاس میں اے ڈی سی میونسپل سروسز/ایم ڈی ستھرا پنجاب غلام مرتضیٰ، اسسٹنٹ کمشنر بوریوالا جواد حسین، ڈسٹرکٹ منیجر ستھرا پنجاب ایجنسی کرن خان سمیت دیگر افسران موجود تھے۔

ڈپٹی کمشنر وہاڑی خالد جاوید گورائیہ کی زیر صدارت انسدادِ ڈینگی اقدامات کا جائزہ اجلاس منعقد ہوا۔ اجلاس میں سی ای او ہیلت...
08/10/2026

ڈپٹی کمشنر وہاڑی خالد جاوید گورائیہ کی زیر صدارت انسدادِ ڈینگی اقدامات کا جائزہ اجلاس منعقد ہوا۔ اجلاس میں سی ای او ہیلتھ ڈاکٹر فہد وحید نے انسدادِ ڈینگی سرویلنس، حفاظتی اقدامات اور ڈیش بورڈ سرگرمیوں کے حوالے سے تفصیلی بریفنگ دی۔
ڈپٹی کمشنر خالد جاوید گورائیہ نے ہدایت کی کہ ان ڈور اور آؤٹ ڈور ڈینگی سرویلنس کو مزید تیز کیا جائے اور انسدادِ ڈینگی ایس او پیز پر عملدرآمد ہر صورت یقینی بنایا جائے۔ انہوں نے کہا کہ ایس او پیز کی خلاف ورزی کرنے والوں کو نوٹسز جاری کئے جائیں جبکہ کمرشل ایریاز میں ڈینگی لاروا ملنے پر مقدمات کا اندراج کیا جائے۔
ڈپٹی کمشنر نے تمام سرکاری دفاتر میں ہفتہ میں ایک دن مکمل ہاؤس کیپنگ یقینی بنانے کی ہدایت کرتے ہوئے کہا کہ موسم کے پیش نظر انسدادِ ڈینگی کے تمام حفاظتی اقدامات بروقت مکمل کئے جائیں۔ انہوں نے اسسٹنٹ کمشنرز کو تحصیل کی سطح پر باقاعدگی سے انسدادِ ڈینگی اجلاس منعقد کرنے اور شہریوں کو انسدادِ ڈینگی احتیاطی تدابیر بارے زیادہ سے زیادہ آگاہی دینے کی ہدایت کی۔
ڈپٹی کمشنر نے مزید کہا کہ انسدادِ ڈینگی آگاہی مہم کو مؤثر بنانے کیلئے تمام محکمے اپنے سوشل میڈیا پلیٹ فارمز کو بھرپور انداز میں استعمال کریں تاکہ شہریوں کو ڈینگی سے بچاؤ کے حفاظتی اقدامات بارے آگاہی فراہم کی جا سکے۔
سی ای او ہیلتھ ڈاکٹر فہد وحید نے اجلاس کو بریفنگ دیتے ہوئے بتایا کہ انسدادِ ڈینگی کے حوالے سے ضلعی سطح پر 40 جبکہ تحصیل سطح پر 120 اجلاس منعقد کئے جا چکے ہیں۔ ضلع میں 298 ان ڈور اور 53 آؤٹ ڈور ٹیمیں انسدادِ ڈینگی سرگرمیوں میں مصروف عمل ہیں۔
انہوں نے بتایا کہ سرکاری ہسپتالوں میں ڈینگی کے مریضوں کیلئے 44 بیڈز مختص کئے گئے ہیں جبکہ ضلع بھر میں 1809 ہاٹ سپاٹس کو باقاعدگی سے چیک کیا جا رہا ہے۔ انہوں نے بتایا کہ کوئی ڈی وی آر زیر التواء نہیں ہے، جبکہ انسدادِ ڈینگی ایس او پیز کی خلاف ورزی پر 4 مقدمات درج اور 6 جگہوں کو سیل کیا جا چکا ہے۔
اجلاس میں اے ڈی سی سوشل سروسز مرزا راحیل بیگ، سی ای او ہیلتھ ڈاکٹر فہد وحید اور ڈپٹی ڈائریکٹر پبلک ریلیشنز میاں نعیم عاصم موجود تھے۔

Address

Deputy Commissioner Office
Vehari

Telephone

+92673365508

Website

Alerts

Be the first to know and let us send you an email when Deputy Commissioner Vehari posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Deputy Commissioner Vehari:

Shortcuts

Share

Category