عوام کی آواز: وہاڑی نیوز

12/08/2026

12/08/2026

https://vt.tiktok.com/ZS4TCPCCt/

10/08/2026

🚨 مترو: چک نمبر 70/K-B میں مبینہ فائرنگ، شہری نے زمین پر لیٹ کر جان بچائی

مترو کے نواحی چک نمبر 70/K-B میں فائرنگ کا مبینہ واقعہ پیش آیا۔ ذرائع کے مطابق طاہر محمود اپنے رقبہ پر نہری پانی کا وارہ لگانے کے لیے گیا تو اسی چک کے رہائشی محمد مشتاق ولد اللہ یار، ذات گسورہ، اور اس کے ساتھیوں نے مبینہ طور پر اسے جان سے مارنے کی دھمکیاں دیں اور اندھا دھند فائرنگ شروع کر دی۔

طاہر محمود نے زمین پر لیٹ کر مبینہ فائرنگ سے اپنی جان بچائی۔ ذرائع کے مطابق جب طاہر محمود نے موبائل فون سے ویڈیو بنانا شروع کی تو ملزمان مبینہ طور پر موقع سے فرار ہوگئے۔

واقعہ کی اطلاع ملنے پر مترو پولیس موقع پر پہنچ گئی اور صورتحال کا جائزہ لیا، تاہم متاثرہ فریق کے مطابق تاحال ملزمان کے خلاف مقدمہ درج نہیں کیا جا سکا۔

شہری نے اعلیٰ پولیس حکام سے مطالبہ کیا ہے کہ واقعہ کا نوٹس لیتے ہوئے شفاف تحقیقات کی جائیں اور قانون کے مطابق کارروائی عمل میں لائی جائے۔

عوام کی آواز وہاڑی نیوز
عابد حسین کھوکھر

#مترو #وہاڑی #چک70کےبی #فائرنگ #پولیس #انصاف #پنجاب #پاکستان

08/08/2026

🚨 وہاڑی: CNF کی بڑی کارروائی، 2 منشیات اسمگلر گرفتار 🚨
وہاڑی لڈن روڈ، دریائے ستلج کے قریب ہیڈ اسلام کے مقام پر پنجاب کاؤنٹر نارکوٹکس فورس (CNF) نے کامیاب کارروائی کرتے ہوئے 31 کلو گرام افیون برآمد کر کے 2 مبینہ منشیات اسمگلروں کو گرفتار کر لیا۔
ذرائع کے مطابق نارکوٹکس کنٹرول اسٹیشن وہاڑی کی ٹیم نے خفیہ اطلاع پر ناکہ بندی کے دوران مشتبہ سوزوکی آلٹو VXR کو روک کر تلاشی لی، جس سے 31 کلو گرام افیون برآمد ہوئی۔ برآمد شدہ منشیات کی مالیت تقریباً 31 لاکھ روپے بتائی گئی ہے۔
گرفتار ملزمان کی شناخت محمد سلمان ولد صابر حسین اور محمد اسد ولد نذیر احمد کے نام سے ہوئی ہے۔
ملزمان کے خلاف کنٹرول آف نارکوٹک سبسٹینس ایکٹ (CNSA) کے تحت مقدمہ درج کر کے مزید قانونی کارروائی شروع کر دی گئی ہے۔
عوام کی آواز وہاڑی نیوز
عابد حسین کھوکھر
***m ***m

07/08/2026

06/08/2026

🕊️ یومِ شہداء پولیس کے موقع پر پولیس لائنز وہاڑی میں پروقار تقریب کا انعقاد
یومِ شہداء پولیس کے موقع پر پولیس لائنز وہاڑی میں شہداء کو خراجِ عقیدت پیش کرنے کے لیے خصوصی تقریب منعقد کی گئی۔ شہداء کے ایصالِ ثواب کے لیے قرآن خوانی کی گئی، یادگارِ شہداء پر حاضری دی گئی، ایک منٹ کی خاموشی اختیار کی گئی، جبکہ شہداء کے اہلِ خانہ اور بچوں میں گفٹ ہیمپرز تقسیم کیے گئے اور ان کے اعزاز میں ظہرانے کا بھی اہتمام کیا گیا۔
اس موقع پر ڈی پی او وہاڑی تصور اقبال صاحب نے کہا کہ: "شہداء پولیس کی لازوال قربانیوں اور ان کے مقدس خون کی بدولت آج امن کے دیپ روشن ہیں۔ قوم اپنے بہادر شہداء کی قربانیوں کو ہمیشہ یاد رکھے گی۔"
🌹 عوام کی آواز وہاڑی نیوز کی جانب سے تمام شہدائے پولیس کو زبردست خراجِ عقیدت پیش کرتے ہیں۔ وطن کی خاطر جانوں کا نذرانہ پیش کرنے والے یہ عظیم سپوت ہمیشہ قوم کے دلوں میں زندہ رہیں گے۔
✍️ عابد حسین کھوکھر
اردو ہیش ٹیگز: #وہاڑی #امن #پاکستان
English Hashtags:

06/08/2026

🚨 مذمتی بیان | عوام کی آواز وہاڑی نیوز
وہاڑی: سابق رکنِ قومی اسمبلی طاہر اقبال چوہدری کی گرفتاری پر ہم سخت ترین الفاظ میں مذمت کرتے ہیں۔
ہم سمجھتے ہیں کہ کسی بھی شہری کے خلاف کارروائی آئین و قانون کے دائرے میں، شفاف اور غیر جانبدار انداز میں ہونی چاہیے۔ اگر کسی فرد کے خلاف کوئی قانونی معاملہ موجود ہے تو اس کا فیصلہ قانون کے مطابق کیا جائے۔
ہم مطالبہ کرتے ہیں کہ اگر گرفتاری غیر قانونی اور غیر آئینی بنیادوں پر کی گئی ہے تو طاہر اقبال چوہدری کو فوری طور پر رہا کیا جائے اور تمام قانونی کارروائی آئین، قانون اور انصاف کے تقاضوں کے مطابق مکمل شفافیت کے ساتھ انجام دی جائے۔
عوام کی آواز وہاڑی نیوز قانون کی بالادستی، آئین کی پاسداری اور ہر شہری کے بنیادی حقوق کے تحفظ پر یقین رکھتی ہے۔
✍️ عابد حسین کھوکھر
CEO | عوام کی آواز وہاڑی نیوز
#وہاڑی #آئین #انصاف #پاکستان


Tahir Iqbal Ch Sajjad Khan Khichi Nadeem Iqbal Ghauri Arain

05/08/2026

🚨 یومِ شہدائے پولیس 2026 | پولیس لائنز وہاڑی میں پروقار تقریب
شہریوں کے جان و مال کے تحفظ کے لیے اپنی جانوں کا نذرانہ پیش کرنے والے پنجاب پولیس کے بہادر شہداء کو خراجِ عقیدت پیش کرنے کے لیے پولیس لائنز وہاڑی میں یومِ شہدائے پولیس کے موقع پر پروقار تقریب کا انعقاد کیا گیا۔
تقریب میں شہداء کے ایصالِ ثواب کے لیے قرآن خوانی، خصوصی دعا، یادگارِ شہداء پر حاضری، پولیس کے چاک و چوبند دستے کی سلامی، ایک منٹ کی خاموشی اور شہداء کی لازوال قربانیوں کو بھرپور انداز میں خراجِ تحسین پیش کیا گیا۔
ڈسٹرکٹ پولیس آفیسر وہاڑی تصور اقبال نے اپنے خطاب میں کہا کہ:
"شہداء پولیس کی لازوال قربانیوں اور ان کے مقدس خون کی بدولت آج امن کے دیپ روشن ہیں۔ شہداء کی فیملیز ہماری اپنی فیملیز ہیں، ان کی عزت، ویلفیئر اور سرپرستی ہماری اولین ترجیح ہے۔"
تقریب کے دوران شہداء کی فیملیز اور بچوں میں گفٹ ہیمپرز تقسیم کیے گئے جبکہ ان کے اعزاز میں خصوصی لنچ کا بھی اہتمام کیا گیا۔ اس موقع پر اس عزم کا اعادہ کیا گیا کہ وطن عزیز کے امن، سلامتی اور عوام کے تحفظ کے لیے ہر قربانی دی جائے گی۔
اللہ تعالیٰ ہمارے تمام شہداء کے درجات بلند فرمائے، ان کے اہلِ خانہ کو صبرِ جمیل عطا فرمائے اور پاکستان کو ہمیشہ امن و سلامتی کا گہوارہ بنائے۔ آمین۔
عوام کی آواز وہاڑی نیوز
CEO: عابد حسین کھوکھر
#️⃣ اردو ہیش ٹیگز:
#وہاڑی #پاکستان #امن
#️⃣ English Hashtags: