Revival Belarus

Revival Belarus Афіцыйная старонка Прадстаўніцтва па нацыянальным адраджэнні

Частка пераходнага кабінета Беларусі. З 2022 года займаемся развіццём беларускай культуры, навукі і адукацыі.

Наша галоўная мэта зараз - укараненне Стратэгіі Нацыянальнага Адраджэння і развіцця для ўмацавання нацыянальнай ідэнтычнасці. Праглядзець стратэгію вы можаце на нашым сайце па спасылцы ў шапцы профіля.


Далучайцеся да нас, падтрымлівайце нашы ідэі! Разам мы будзем фармаваць будучыню!

Дэкаланізацыя Расіі — гэта адзіны рэалістычны шлях да ўстойлівага міру. Пра гэта казаў Тарас Бык, член праўлення няўрада...
31/03/2026

Дэкаланізацыя Расіі — гэта адзіны рэалістычны шлях да ўстойлівага міру. Пра гэта казаў Тарас Бык, член праўлення няўрадавай украінскай арганізацыі «Дэкаланізацыя», падчас семінара ў Вільнюсе «Беларусь і краіны былога Савецкага Саюза на шляху пазбаўлення каланіяльнай спадчыны».

Паводле Быка, ідэя заключаецца ў адмове ад масквацэнтрычнага мыслення — або захаванне імперыі з узмацненнем дыктатуры, або яе хаатычны распад. Эксперт бачыць шырэйшы спектр сцэнарыяў, і ключавы з іх — дэкаланізацыя праз рэфедэралізацыю або кіраваную дэзынтэграцыю і з’яўленне новых дзяржаў.

«Украінскі досвед паказвае, што дэкаланізацыя — гэта працяглы працэс ачышчэння ад імперскіх практык. Пасля 2014 года Украіна праходзіць выразны шлях дэкамунізацыі і дэрусіфікацыі праз аднаўленне мовы і ідэнтычнасці.

Выхад з расійскага каланіяльнага ўплыву з’яўляецца працяглым і нераўнамерным працэсам, які залежыць ад інерцыі палітычных і элітных сістэм.

Напрыклад, Літва, якая знаходзілася больш за 170 гадоў пад расійскім каланіялізмам, здолела хутка інтэгравацца ў ЕС і НАТА. Украіна пасля 320 гадоў каланіялізму з 2014 года пачала актыўную дэкаланізацыю. Беларусь пасля амаль 200 гадоў пад каланіялізмам і здабыцця незалежнасці ў 1991 годзе фактычна вярнулася пад кантроль Расіі ў 1994 годзе. А шлях Башкартастану, які знаходзіцца пад каланіяльным уплывам больш за 450 гадоў, можа быць яшчэ даўжэйшым.

Імперыя трымаецца на страху, фінансавай залежнасці, ідэалогіі і інерцыі, але ўсе яны паступова руйнуюцца. Крах СССР паказвае, што распад імперыі з’яўляецца непазбежным, а дэкаланізацыя — неабходнай умовай незваротных змен.

Міжнародныя інстытуцыі (Еўрапарламент, ПАРЕ, АБСЕ) прызнаюць, што дэкаланізацыя Расіі з’яўляецца перадумовай дэмакратыі і міру.

Дэкаланізацыя Расіі азначае знікненне адной з ключавых геапалітычных пагроз і новыя магчымасці супрацоўніцтва з новымі краінамі, а для народаў і рэгіёнаў Расіі — свабоду і развіццё. Пытанне ў тым, наколькі змены будуць кіраванымі. Бо кіраваная дэкаланізацыя — гэта аптымальны сцэнар для ўстойлівага міру», — сказаў Бык.

#адраджэнне #

Мы святкуем Дзень Волі як свята незалежнай Беларусі насуперак навязванню нам каланіяльных традыцый з усходу, перапісванн...
25/03/2026

Мы святкуем Дзень Волі як свята незалежнай Беларусі насуперак навязванню нам каланіяльных традыцый з усходу, перапісванню памяці і засіллю сімвалаў савецкага мінулага ў грамадскім жыцці. Пра гэта ў сваім віншаванні да Дня Волі кажа Прадстаўнік па нацыянальным адраджэнні Павел Баркоўскі.

«Сёння 108-я ўгодкі абвяшчэння Беларускай Народнай Рэспублікі — першай незалежнай беларускай дзяржавы, дзякуючы якой мы і сёння маем уласную дзяржаўнасць.

Беларусы па ўсім свеце мусяць адзначаць яго самастойна, бо святкаваць гэты дзень у сваёй краіне публічна немагчыма праз рэпрэсіі, здзек і забарону нацыянальных сімвалаў, гісторыі, мовы і культуры», — адзначае Баркоўскі.

Ён нагадвае, што ў Беларусі пашыраецца спіс «экстрэмісцкіх» выданняў і фарміраванняў, пад пераслед трапляюць беларускія выдаўцы і гісторыкі, музыкі і дзеячы сцэны, журналісты і праваабаронцы, грамадзяне, якія выступаюць супраць працягу падтрымкі расійскай агрэсіі і рэпрэсій супраць уласнага народа.

«Дзень Волі — гэта прамень надзеі. Ён паказвае, што ў самых немагчымых варунках можна зрабіць цуд і даць магчымасці для ўласнага развіцця нацыі, што доўгі час існавала без уласнай дзяржаўнасці і не ўспрымалася нават асобным народам.

Дзякуючы энтузіязму і веры нашых продкаў, бацькоў-заснавальнікаў БНР, мы і сёння можам карыстацца гэтым правам — мець сваю дзяржаву і «людзьмі звацца». Для нас сёння вельмі істотна не пакідаць гэтую спадчыну, а рухацца далей.

Сёння ў свеце ведаюць пра Беларусь дзякуючы мужнасці, сіле і талентам саміх беларусаў. Мы паказалі свету сваю адданасць уласнаму шляху развіцця ў 2020 годзе і працягваем даводзіць нашу адметнасць нават у эміграцыі — сваімі даследчыкамі і артыстамі, актывістамі і ваярамі, палітыкамі і бізнесоўцамі.

Калі гэта свята немагчыма адзначаць у Беларусі публічна, на сімвалічным узроўні мы ўсе можам яго святкаваць разам. Мы можам памятаць пра гэты дзень, рабіць усё магчымае на індывідуальным узроўні, каб каштоўнасці незалежнасці і свабоды рэалізоўваліся вакол нас саміх і там, дзе мы можам на гэта паўплываць. І гэта могуць быць невялікія крокі, але з вельмі вялікімі наступствамі. Бо менавіта дзякуючы нам — Жыве Беларусь!», — сказаў Баркоўскі.

#адраджэнне

Дзень Канстытуцыі — гэта звычайна свята. Яно адсылае да асноўнага дакумента краіны, які гарантуе базавыя правы і свабоды...
16/03/2026

Дзень Канстытуцыі — гэта звычайна свята. Яно адсылае да асноўнага дакумента краіны, які гарантуе базавыя правы і свабоды людзям. Павел Баркоўскі, прадстаўнік па нацыянальным адраджэнні, адзначае, што, на жаль, для Беларусі гэта сёння зусім не так.

«Пасля з’яўлення Асноўнага закона краіны ў 1994 годзе яго рэдакцыі падлягалі зменам, якія зрабілі магчымымі ўзурпацыю ўлады і парушэнне гарантаваных Канстытуцыяй базавых правоў і свабод.

Сёння для нас гэты дзень — як напамін пра неабходнасць вяртання да нармальнага жыцця, калі асноўны закон дзяржавы сапраўды выконваецца і забяспечвае інтарэсы людзей.

Можна шмат спрачацца над асобнымі палажэннямі гэтага закона: ці быць нашай краіне прэзідэнцкай або парламенцкай рэспублікай, якім чынам у будучыні мусіць быць надзейна гарантаваны падзел галін улады? Але галоўнае — гэта разуменне таго, што Канстытуцыя мусіць быць працоўным дакументам, а не прыгожай дэкларацыяй, за якой хаваюцца гвалт і адсутнасць закону.

Некалі нашы продкі стварылі адзін з першых канстытуцыйных дакументаў у Еўропе — Статут Вялікага Княства Літоўскага, і гэты дакумент быў настолькі спраўны, што доўгі час яшчэ выкарыстоўваўся нават пры маскоўскай акупацыі.

Беларусам варта памятаць пра свае карані і памятаць, што наш край здаўна быў рэспублікай пад знакам Закона і Канстытуцыі, і наша задача сёння — вярнуцца да гэтай спадчыны і аднавіць яе», — сказаў Баркоўскі.

#адраджэнне

Прадстаўніцтва па нацыянальным адраджэнні дзеліцца асноўнымі тэзісамі заснавальніка Free Nations PostRussia Forum Алега ...
13/03/2026

Прадстаўніцтва па нацыянальным адраджэнні дзеліцца асноўнымі тэзісамі заснавальніка Free Nations PostRussia Forum Алега Магалецкага, якія ён агучыў падчас семінара ў Вільнюсе «Беларусь і краіны былога Савецкага Саюза на шляху пазбаўлення каланіяльнай спадчыны».

Алег Магалецкі адзначае, што працэс дэканалізацыі расійскай імперыі, які пачаўся ў 1917 годзе і працягнуўся пасля распаду СССР у 1991 годзе, дагэтуль не завершаны.

Галоўныя тэзісы з выступу чытайце ў картках ➡️

#адраджэнне

Прадстаўніцтва па нацыянальным адраджэнні дзеліцца асноўнымі тэзісамі выступу адказнага за навуку і адукацыю ў Прадстаўн...
09/03/2026

Прадстаўніцтва па нацыянальным адраджэнні дзеліцца асноўнымі тэзісамі выступу адказнага за навуку і адукацыю ў Прадстаўніцтве Андрэя Лаўрухіна падчас семінара ў Вільнюсе «Беларусь і краіны былога Савецкага Саюза на шляху пазбаўлення каланіяльнай спадчыны».

У сваім выступе Лаўрухін аналізуе каланіяльнасць і праблему сама-каланіялізацыі беларускай акадэмічнай супольнасці расійскім навукова-асветніцкім дыскурсам.

Ён тлумачыць ключавыя паняцці — каланіялізм, каланіяльнасць, дэкаланізацыю і дэкаланіялізацыю — і паказвае, чаму распад СССР і атрыманне незалежнасці не азначалі рэальнай дэкаланізацыі Беларусі.

Паводле даследчыка, савецкі досвед застаўся дамінуючым у беларускай універсітэцкай культуры, а арыентацыя на расійскую акадэмічную прастору працягвае вызначаць мову, стандарты і гарызонт магчымых рэформаў.

Лаўрухін таксама ставіць шэраг пытанняў пра магчымыя сцэнары дэкаланіялізацыі Беларусі — і пра тое, ці можа існаваць уласны, трэці шлях.

Гартайце карткі, каб даведацца больш ➡️

#адраджэнне

8 сакавіка ва ўсім свеце адзначаецца пераважна як дзень барацьбы за правы жанчын і гендэрную роўнасць, у той час як у Бе...
08/03/2026

8 сакавіка ва ўсім свеце адзначаецца пераважна як дзень барацьбы за правы жанчын і гендэрную роўнасць, у той час як у Беларусі гэта «свята вясны і прыгажосці».

Павел Баркоўскі, Прадстаўнік па нацыянальным адраджэнні, адзначае, што такая пазіцыя часта падаецца як наша перавага. Маўляў, усе правы жанчын у Беларусі забяспечаныя і нам застаецца толькі захапляцца іх прывабнасцю і дабрынёй.

«Падыход да святкавання 8 сакавіка ў Беларусі застаецца патрыярхальным: жанчын разглядаюць як прыгажунь, якія мусяць падабацца мужчынам, або як маці, якія выконваюць свой грамадзянскі абавязак перад дзяржавай і грамадствам. Але цалкам замоўчваюцца рэальныя праблемы, з якімі сутыкаюцца сёння беларускія жанчыны.

Некаторыя прафесіі і кар’ерныя магчымасці застаюцца для беларусак недаступнымі ці маларэальнымі. Апошнюю жанчыну-міністарку звольнілі ў «Год беларускай жанчыны». Жанчынам забараняюць ісці ў прэзідэнткі, кіраваць буйнымі прадпрыемствамі ці дзяржаўнымі арганізацыямі.

Шмат у якіх прафесіях, асабліва малааплочваных, дамінуюць жанчыны: настаўніцы, выхавацелькі, медперсанал, сакратарскія і асістэнцкія пасады. Іх куды радзей прызначаюць на кіроўныя пасады ў гэтых службах.

Жанчыны ў Беларусі сутыкаюцца з дыскрымінацыяй у памеры заробкаў і гатоўнасці працадаўцаў браць іх на працу праз дэкрэтны адпачынак ці вяртанне з яго.

Для грамадства востра стаіць праблема хатняга гвалту. Адпаведны законапраект быў падрыхтаваны, але дагэтуль не прыняты. Таму многія жанчыны адчуваюць сябе безабаронна перад фактамі гвалту ці ўшчамлення іх правоў у сям’і.

Гэта ўсё сведчыць, што пытанне гендэрнай роўнасці і адсутнасці дыскрымінацыі — патрэба мільёнаў беларусак, якіх дзяржава і грамадства заганяюць у штамп шчаслівай маці, хатняй гаспадыні ці прыгажуні, задача якой — усім падабацца.

Нам трэба памятаць, што 8 сакавіка — свята не пра кветкі і ўсмешкі. Гэта напамін аб існаванні праблем у грамадстве, якія трэба вырашаць.

Адсутнасць гендэрнай дыскрымінацыі — важны для жанчын і мужчын, бо толькі ў справядлівым грамадстве кожная асоба атрымае магчымасці для паўнавартаснага самаразвіцця», — сказаў Баркоўскі.

#адраджэнне

Прадстаўніцтва па нацыянальным адраджэнні працягвае збіраць і дзяліцца магчымасцямі для беларусаў і беларусак у адукацыі...
06/03/2026

Прадстаўніцтва па нацыянальным адраджэнні працягвае збіраць і дзяліцца магчымасцямі для беларусаў і беларусак у адукацыі, даследаваннях і прафесійным развіцці.

У гэтай падборцы — стыпендыя для маладых даследчыкаў, якія хочуць развіваць ідэі ў грамадска-палітычнай сферы з хуткім дэдлайнам ад .center

А таксама бясплатная адукацыйная школа ад .neumann_soul для беларусак, што дапаможа атрымаць новыя навыкі і стаць больш канкурэнтаздольнымі на рынку працы.

#адраджэнне #магчымасці

Прадстаўніцтва па нацыянальным адраджэнні дзеліцца асноўнымі тэзісамі выступу гісторыка і антраполага Паўла Церашковіча ...
06/03/2026

Прадстаўніцтва па нацыянальным адраджэнні дзеліцца асноўнымі тэзісамі выступу гісторыка і антраполага Паўла Церашковіча падчас семінара ў Вільнюсе «Беларусь і краіны былога Савецкага Саюза на шляху пазбаўлення каланіяльнай спадчыны».

Паводле даследчыка, пасля паразы Беларускай дэмакратычнай рэвалюцыі 2020 года палітычны рэжым у краіне трансфармуецца з аўтарытарнага ў таталітарны.

Церашковіч адзначае, што ў сферы адукацыі гэта праяўляецца праз палітычную індактрынацыю, мілітарызацыю, палітычныя рэпрэсіі, ліквідацыю недзяржаўнага сектара адукацыі і русіфікацыю. «Усё гэта суправаджаецца агульнай дэградацыяй сістэмы адукацыі», — падкрэсліў ён.

Даследчык вылучае некалькі ключавых пунктаў. Гартайце карткі, каб даведацца падрабязней ➡️

#адраджэнне

Прадстаўніцтва па нацыянальным адраджэнні падрыхтавала новую падборку магчымасцяў для беларусаў і беларусак, якія цікаві...
27/02/2026

Прадстаўніцтва па нацыянальным адраджэнні падрыхтавала новую падборку магчымасцяў для беларусаў і беларусак, якія цікавіцца гісторыяй, адукацыяй і грамадзянскімі ініцыятывамі.

Сёлета можна паспрабаваць сябе ў re:constitution Fellowship для даследчыкаў і практыкаў у сферы дэмакратыі і правапарадку ў Еўропе, далучыцца да сустрэчы ў Варшаве для абмену досведам і нэтворкінгу паміж арганізацыямі, што падтрымліваюць замежнікаў, або атрымаць фінансаванне для гістарычных і адукацыйных праектаў праз праграму local.history ад EVZ Foundation.

Гэтыя магчымасці дазваляюць развіваць прафесійныя кампетэнцыі, ажыццяўляць даследчыя і адукацыйныя праекты, а таксама ўмацоўваць сувязі і супольнасці на лакальным і міжнародным узроўні.

#адраджэнне #магчымасці

«Хто не шануе родную мову, той не шануе сябе самога, ні свой род, ні сваіх дзядоў-бацькоў, якія гэтай мовай гаварылі. А ...
21/02/2026

«Хто не шануе родную мову, той не шануе сябе самога, ні свой род, ні сваіх дзядоў-бацькоў, якія гэтай мовай гаварылі. А хто саромеецца сваёй мовы, варты таго, каб і яго добрыя людзі саромеліся як вырадка, каб ім пагарджалі як недалюдкам, бо, саромеючыся роднай мовы, ён крыўдзіць не толькі дзядоў-бацькоў сваіх, але і ўвесь народ. Справядлівы, добры чалавек ніколі не саромеецца роднай мовы. Ён і сам гаворыць сваёй роднай мовай і глядзіць, каб і іншыя яе шанавалі», — пісаў навуковец і адзін са стваральнікаў беларускай дзяржаўнасці Вацлаў Ластоўскі.

Прадстаўнік па нацыянальным адраджэнні Павел Баркоўскі адзначае, што з часоў Ластоўскага стаўленне да беларускай мовы на радзіме штогод пагаршалася.

«Усё менш школ праводзяць заняткі па-беларуску, усё менш тэатраў ладзяць свае паказы на гэтай мове, усё менш гэтая мова ўжываецца ў дзяржаўных медыя ў Беларусі.

Сёння выбіраць беларускую мову — гэта ў пэўнай ступені акт грамадзянскай мужнасці. Тое ж датычыць і беларусаў за мяжой: куды прасцей асімілявацца і пачаць размаўляць на мовах іншых народаў, чым вучыцца гаварыць па-беларуску самім і вучыць таму сваіх дзяцей.

Тым не менш, гэта наш сімвалічны доўг перад уласнай культурай, продкамі і гісторыяй — ратаваць спадчыну, не даць знікнуць адной з наймілагучнейшых моў Еўропы», — кажа Баркоўскі.

Ён адзначае, што беларусы, нават калі не размаўляюць па-беларуску, добра ведаюць, што мова — гэта іх нацыянальная каштоўнасць. Гэта бачна па апытаннях.

«Сёння гэта ўжо не мова вёскі або правінцыі, гэта мова выбару для сучаснай моладзі, крэатыўнага класа, высокакваліфікаваных спецыялістаў, прадстаўнікоў грамадзянскай супольнасці.

Тое ж тычыцца і беларускіх палітыкаў — тых, хто спрабуе працаваць з грамадскай думкай людзей, а не проста займаць чыноўніцкія пасады. Валодаць і карыстацца беларускай мовай у камунікацыі з беларусамі — гэта тое, што дэманструе павагу і разуменне патрэб беларускай супольнасці сёння.

Зычу ўсім беларусам узгадваць і размаўляць роднай мовай не толькі 21 лютага, але і ў ўсе іншыя дні календара. Няхай жыве беларуская мова, жыве вечна!» — адзначыў Баркоўскі.

#адраджэнне

Прадстаўніцтва па нацыянальным адраджэнні віншуе з Міжнародным днём роднай мовы!Для нас гэта не проста дата ў календары....
21/02/2026

Прадстаўніцтва па нацыянальным адраджэнні віншуе з Міжнародным днём роднай мовы!

Для нас гэта не проста дата ў календары. Гэта нагода яшчэ раз задумацца, як шмат усяго ў жыцці трымаецца на слове. На тым, што мы пачулі ад маці, ці тым, якое мы выбралі для сябе ўжо дарослымі. Мы шчаслівыя ад таго, што з кожным годам людзей, для якіх беларуская мова становіцца сапраўды роднай, блізкай, зразумелай, становіцца болей. Вашы простыя дзеянні, нават такія, як публікацыі ў сацсетках ці каментары, — гэта ўжо вялікая справа, каб наша беларуская мова жыла. Яна сучасная, глыбокая, прыгожая, і яна — наша вялікая каштоўнасць!

Дзякуй кожнаму, хто размаўляе па-беларуску, вучыць дзяцей, стварае, піша, спявае і падтрымлівае мову штодня. Няхай яна гучыць смела і натуральна — у сем’ях, у грамадстве, у сэрцах.

#адраджэнне #дзеньроднаймовы

Да Дня роднай мовы Прадстаўніцтва па нацыянальным адраджэнні падрыхтавала для вас невялікі, але вельмі практычны міні-га...
20/02/2026

Да Дня роднай мовы Прадстаўніцтва па нацыянальным адраджэнні падрыхтавала для вас невялікі, але вельмі практычны міні-гайд.

Мы ведаем, што пераход на беларускую часта адкладаецца не таму, што «не хочацца», а таму што страшна памыліцца, не хапае слоў ці здаецца, што трэба адразу размаўляць ідэальна.

Таму шартайце крокі, якія дапамогуць пачаць размаўляць па-беларуску без ціску і стрэсу — мякка, у сваім тэмпе і з таго, што сапраўды працуе.

#адраджэнне #дзеньроднаймовы

Adres

Warsaw

Strona Internetowa

Ostrzeżenia

Bądź na bieżąco i daj nam wysłać e-mail, gdy Revival Belarus umieści wiadomości i promocje. Twój adres e-mail nie zostanie wykorzystany do żadnego innego celu i możesz zrezygnować z subskrypcji w dowolnym momencie.

Skróty

Udostępnij

Kategoria