10/08/2025
Агару Бичиктеҥ алынган ÿредÿ: кÿйÿнишле канай тартыжар?
Кÿйÿниш - ол кижиниҥ öзöк-буурын чукчуп-jип барадатан ачу-корон. Öскö улустыҥ jедимдери бистиҥ ичи-буурысты öйкöп jÿрзин деп, ол бисти кыйнайт, сÿÿнчилеристи корондоп салат, ол ажыра бис бойыстыҥ алкышту болгонысты кöрбöйдис.
Бис качан кÿйÿнедис?
- Jаҥы кöлÿк садып алган нöкöргö, нениҥ учун дезе сен эски кöлÿкле маҥтададыҥ.
- Ижинде jамызы бийиктеген кожо иштеген кижиге, сен де ас иш этпейдиҥ.
- Нак билелÿ кöрÿш-таныштарга, нениҥ учун дезе сениҥ билеҥде jаантайын кериш-согуш.
Кÿйÿниш мынайда айдат: «Нениҥ учун олордо бар, менде дезе jок?» - сеге бойыҥды öрö чыкпас, ырызы jок кижи деп санаа экелет. Jе Агару Бичик öскö jол керегинде айдат.
Канайда тартыжар?
1⃣ Кÿйÿниш - ол тузак деп билип алары. "Кайда кÿйÿниш ле jаман санаалар, ондо бастыра неме jайрадылып jадар, кандый ла jаман керектер" (Иакова 3:16). Кÿйÿниш сеге ичкери барарга бербей jат — ол öскö улустыҥ jÿрÿмине ле аjару эдип jÿрзин деп кÿÿнзейт.
2⃣ Бастыра бар не-неме учун быйанду болуп jÿрери. "Ончо неме учун быйанаар айдыгар" (1 Фес. 5:18). «Нениҥ учун олордо?» деп сурактыҥ ордына «Бÿгÿн мен Кудайга не учун быйанду?» деп сура.
3⃣ Кÿйÿништи öскö улус учун сÿÿнериле солыыры. "Сÿÿнип jÿргендерле кожо сÿÿнигер"* (Рим. 12:15). Нöкöриҥ та неде де jедимдÿ болгон болзо — ол учун сÿÿн. Мынайып сен jÿрегиҥди ачу-коронноҥ jайымдаарыҥ.
4⃣ Кÿйÿнип отурбай, та нени де эдер керек. Öскö кижиниҥ jедимин кöрÿп, ичи-буурыҥды öйкöттиртпей, «Бойымныҥ jÿрÿмим jаранзын деп, мен нени эдер керек?» - деп сура.
Кÿйÿниш сениҥ токуналыҥды уурдап jат, быйанду болгоныҥ ла тегин отурбай, нени де эдерге кÿÿнзегениҥ токуналыҥды кайра jандырат.
