08/09/2021
ββKomiin Sirraa Qaba (bara, 2013)π
Gaafa jalqaba keeti
Gaafa dhuftee seentuu
Gaafa tokko jettee
Fulbaanarraa kaatuu!
~
Akkum bara kaanii
Simannaa siif goonee
Kabaja siif qabnus
Onneerraa siif laatnee!
~
Nuuf toltas si seenee
Heddu si leellisnee
Gara gola keenyaatti
Olum si seesisnee!
~
Kabaja keenyas jijjiirtee
Salphinaan nuuf deebistee
Gidiraa hin yaadaamnes
Saggootti nu baachistee!
~
Komiin sirraa qaba
Akkum bara darbee
Hundeettis nu kuttee
Abiddaan nu gubdee!
~
Ooltee osoon buliinis
Mana keessa naannooftee
Guddaaf xiqqaa osoon jenne
Hunduma haxooftee!π
~
Kabaja keenyas fuutee
Awwaaltee irra teessee
Kan nuti abdii godhannus
Fuute boolla nuuf keesseeπ
~
Deebii jaalala keenyaas
Jibbatti jijjiirtee
Hayyotaaf lammiilees
Mana hidhaatti miitee!
~
Waan si miine wallaallee
Gidiraan kees dheeratee
Keessaaf alan qabum
Lubbuun tasa taatee!
~
Waanan kana siin jedhu
Tolakee tokkon qabu
Daalachooftu wayiidhaa
Gaddi si haa qaqqabuu!
~
Dhugaa keenya awwaaltee
Sobaafimmoo bakka laattee
Imimmaan keenya akka bishaani
Ganamaaf galgala dhangalaastee!
~
Lakkoofsi keeyuu hir'dhuu
Fokkattuu wayiidhaa
Nurraa ka'i dafiiti
Gidiraan kee danuudha!
~
Ofitti hin gaabbitu homaa
Nuuf galaasteetta galaa
Madaa fayyuun dandeenye
Gubaa laphee jalaa!
~
Kan keessa keenyaan badne
Godaannisa yeroo maraa
Barri kuma lamaaf kudha sadi
Nu madeessitem garaa!
~
Uumaan nuun hin gahiin
Bara akka keetii
Dukkanooftu wayii
Ayyaana dhabeettii!
~
Baratti leenci bookkisu
Ukkaamfamee aade
Harroonni bakkeedha
Teessootti ol yaabdee!
~
Akkamiin dagannaa?
Baratti akka kanaa
Madaa yoomuun fayyine
Garaa keessa qabnaa!
~
Komiin sirraa qaba
Bara koo hundumaa
Mana onaas nu gootee
Keessi keenya gungumaa!
~
Darbi nurraa ati
Bara gadi galtuu
Kan akka kee kanaaf
Garaankoon raafamtuu!
~
Barichi as deemuus
Inni haaraa jedhamuu
Akka kee kana taanaan
Ilaa nurraa haa dhabamuu!
πΆπππππππππππ
