20/03/2026
ایک وقت تھا جب ایک نبی نے ویران بیابان میں کھڑے ہو کر آواز دی تھی کہ آؤ، یہ اللہ کا گھر ہے۔۔۔
اس کی طرف آؤ۔ اُس وقت نہ ہجوم تھا، نہ شور، نہ دنیاوی سہولتیں، صرف یقین تھا، صرف اللہ پر بھروسہ تھا۔
اور آج کا منظر دیکھیں۔
لاکھوں نہیں، کروڑوں دل ایک ہی جگہ کی طرف کھنچے چلے آتے ہیں۔ حالت یہ ہو جاتی ہے کہ راستوں میں اعلان کرنا پڑتا ہے کہ حرم بھر چکا ہے، جگہ نہیں رہی۔ یہ منظر صرف ایک عبادت گاہ کا نہیں، یہ اللہ کی شان، اُس کی قدرت اور اُس وعدے کی سچائی کا ثبوت ہے۔
یہ ہمیں یاد دلاتا ہے کہ جو کام اللہ کے لیے خلوص سے کیا جائے، وہ کبھی ضائع نہیں جاتا۔ ایک سچی نیت سے لگائی گئی بنیاد وقت کے ساتھ ایسا درخت بن جاتی ہے جس کے سائے میں پوری امت جمع ہو جاتی ہے۔
آج اگر ہم اپنی زندگیوں میں خلوص، یقین اور اللہ پر بھروسہ لے آئیں، تو شاید ہماری چھوٹی سی نیکی بھی کسی بڑی تبدیلی کا سبب بن جائے۔
