Embassy of the Kyrgyz Republic to the Kingdom of Saudi Arabia

04/09/2026

2026-жылдын 2-сентябрында Эр-Рияд шаарында Кыргыз Республикасынын Сауд Араб Падышалыгындагы Атайын жана Ыйгарым укуктуу Элчиси Улукбек Марипов Сауд Араб Падышалыгынын Ички иштер министри, Ханзаада Абдель Азиз ибн Сауд ибн Наиф Аль Сауд менен жолугушту.

***********

2 сентября 2026 года в городе Эр-Рияд состоялась встреча Чрезвычайного и Полномочного Посла Кыргызской Республики в Королевстве Саудовская Аравия Улукбека Марипова с Министром внутренних дел Королевства Саудовская Аравия, Его Высочеством Принцем Абдель Азизом ибн Саудом ибн Наифом Аль Саудом.

************

On 2 September 2026, in Riyadh, Ambassador Extraordinary and Plenipotentiary of the Kyrgyz Republic to the Kingdom of Saudi Arabia Ulukbek Maripov met with His Highness Prince Abdulaziz bin Saud bin Naif Al Saud, Minister of Interior of the Kingdom of Saudi Arabia.

01/09/2026

Кыргыз эли Борбордук Азиядагы эң байыркы элдердин бири.

01/09/2026

01/09/2026

2026-жылдын 31-августунда Бишкек шаарында VI Дүйнөлүк көчмөндөр оюндарынын салтанаттуу ачылыш аземи болуп өттү.
Эл аралык иш-чарага дүйнөнүн 100дөн ашуун мамлекеттердин өкүлдөрү катышты. Оюндар көчмөн элдердин маданий мурасын сактоо жана даңазалоо, этноспортту өнүктүрүү, ошондой эле эл аралык маданий кызматташтыкты чыңдоо үчүн маанилүү аянтчага айланды.
***
On 31 August 2026, the official opening ceremony of the VI World Nomad Games took place in Bishkek.
Representatives from more than 100 countries took part in the international event. The Games have become an important platform for preserving and promoting the cultural heritage of nomadic peoples, developing ethnosports, and strengthening international cultural cooperation.

01/09/2026

2026-жылдын 26-августунда Жидда шаарында Кыргыз Республикасынын Сауд Аравия Падышачылыгындагы Атайын жана Ыйгарым укуктуу Элчиси Улукбек Мариповдун Жидда шаарынын губернатору Улуу Даражалуу ханзаада Сауд бин Абдуллах бин Мансур бин Абдуллах бин Джалуви Аль Сауд менен жолугушуусу болуп өттү.
Тараптар соода-экономикалык кызматташтыкты өнүктүрүү маселелерин, анын ичинде Кыргызстандын жана Жидда шаарынын ишкер топторунун ортосунда түздөн-түз байланыштарды түзүүнү жана соода-логистикалык инфраструктура тармагындагы тажрыйба алмашууну талкуулашты. Кыргыз тараптын сауд инвестицияларын жана ислам каржылоо инструменттерин тартууга кызыкдар экендиги белгиленди.
______________________________________________________________
26 августа 2026 года в г. Джидда состоялась встреча Чрезвычайного и Полномочного Посла Кыргызской Республики в Королевстве Саудовская Аравия Улукбека Марипова с Губернатором г. Джидда Его Высочеством принцем Саудом бин Абдуллах бин Мансур бин Абдуллах бин Джалуви Аль Саудом.
Стороны обсудили вопросы развития торгово-экономического сотрудничества, включая установление прямых контактов между деловыми кругами Кыргызстана и г. Джидда и обмен опытом в сфере торгово-логистической инфраструктуры. Была отмечена заинтересованность кыргызской стороны в привлечении саудовских инвестиций и инструментов исламского финансирования.

30/08/2026

Кыргыз Республикасынын Сауд Араб Падышалыгындагы Атайын жана Ыйгарым укуктуу Элчиси Улукбек Асамидинович Мариповдун Кыргыз Республикасынын Эгемендүүлүгүнүн 35 жылдыгына карата кайрылуусу

Урматтуу мекендештер!
Кадырлуу достор!

Сиздерди Кыргыз Республикасынын Эгемендүүлүгүнүн 35 жылдыгы менен чын жүрөктөн куттуктайм!
Бул маанилүү мааракени өлкөбүздүн турмушунун бардык тармактарында масштабдуу өзгөрүүлөр жана оң динамика орун алып жаткан мезгилде белгилеп жатабыз. Бүгүнкү күндө Кыргызстан туруктуу өнүгүү жолунда ишенимдүү кадам таштап, экономикалык кубаттуулугун, эл аралык аброюн жана дүйнөлүк аренадагы позициясын бекемдөөдө.
Акыркы жылдар өлкөбүз үчүн олуттуу экономикалык өсүштүн мезгили болду. Акыркы үч жыл ичинде ички дүң өнүмдүн жылдык орточо өсүшү туруктуу түрдө 9 пайыздын тегерегинде болуп, 2025-жылдын жыйынтыгы боюнча бул көрсөткүч рекорддук 11,1 пайызга жетти. Мындай динамика экономиканы модернизациялоо, өнөр жайды, энергетиканы, курулушту жана инфраструктураны өнүктүрүү боюнча ырааттуу жана системалуу жүргүзүлүп жаткан иштердин натыйжасы болуп саналат.
Өлкөдө эл аралык мааниге ээ ири долбоорлор ишке ашырылууда. Камбар-Ата-1 ГЭСинин жана Кытай–Кыргызстан–Өзбекстан темир жолунун курулушу улантылып, жаңы өндүрүштүк кубаттуулуктар өнүктүрүлүүдө, жумушчу орундар түзүлүп, инвестицияларды тартуу үчүн жаңы мүмкүнчүлүктөр кеңейүүдө. Мунун баары өлкөбүздүн экономикалык потенциалынын бекемделип жаткандыгынын далили болуп, анын мындан аркы өнүгүүсү үчүн жаңы перспективаларды ачууда.
Кыргыз Республикасынын эл аралык аброюн бекемдөө да өзгөчө мааниге ээ. Кыргызстандын Бириккен Улуттар Уюмунун Коопсуздук Кеңешинин 2027–2028-жылдарга туруктуу эмес мүчөлүгүнө тарыхый шайланышы өлкөбүздүн эл аралык тынчтыкты, коопсуздукту жана туруктуу өнүгүүнү камсыз кылууга кошкон салымын жогору баалоонун маанилүү көрүнүшү болду. Кыргыз Республикасынын талапкерлигин БУУга мүчө 142 мамлекет колдоду. Бул жетишкендик көз карандысыз өлкөбүздүн тарыхындагы маанилүү окуялардын бири болуп калды.
Бүгүнкү күндө кыргыз-сауд мамилелери да өз ара урматтоого, достукка жана кызматташтыкты кеңейтүүгө болгон өз ара кызыкчылыкка негизделип, ырааттуу өнүгүп жатат. Кыргыз Республикасы менен Сауд Араб Падышалыгынын ортосунда саясий, соода-экономикалык, инвестициялык, билим берүү, маданий жана гуманитардык байланыштар бекемделүүдө.
Эки тараптуу мамилелерибизде ажылык жана умра багытындагы кызматташтык өзгөчө орунду ээлейт. Жыл сайын Кыргыз Республикасынын миңдеген жарандары ажылык ибадатын аткаруу үчүн Сауд Араб Падышалыгына келишет. Ушуга байланыштуу Элчилик мекендештерибиздин зыярат кылуучулары үчүн зарыл шарттарды камсыз кылууга, алардын укуктарын жана мыйзамдуу кызыкчылыктарын коргоого, ошондой эле Падышалыктын компетенттүү органдары менен өз ара кызматташууну мындан ары да бекемдөөгө өзгөчө көңүл бурат.
Бул майрамдык күнү бүгүнкү күндө Сауд Араб Падышалыгында жашап, эмгектенип жана билим алып жаткан кымбаттуу мекендештерибизге өзгөчө кайрылгым келет.
Сиздер бирдиктүү кыргызстандык үй-бүлөнүн ажырагыс бөлүгү болуп саналасыздар жана чет өлкөдө Ата Мекенибиздин татыктуу өкүлү болуп келесиздер. Сиздердин эмгегиңиздер, билимиңиздер, кесиптик жетишкендиктериңиздер жана Кыргызстан менен Сауд Арабиясынын ортосундагы достук мамилелерди өнүктүрүүгө кошкон салымыңыздар чоң мааниге ээ.
Ар бириңиздер кайсы жерде эмгектенип же билим алып жатканыңыздарга карабастан, ак ниет эмгегиңиздер, жашап жаткан өлкөнүн мыйзамдарын жана каада-салттарын урматтооңуздар, ошондой эле эне тилибизди жана улуттук маданиятыбызды сактооңуздар менен Кыргыз Республикасынын жакшы аброюн бекемдөөгө өз салымыңызды кошуп жатасыздар.
Кыргыз Республикасынын Сауд Араб Падышалыгындагы Элчилиги мындан ары да жарандарыбыздын укуктарын жана мыйзамдуу кызыкчылыктарын коргоо, консулдук кызмат көрсөтүүлөрдүн жеткиликтүүлүгүн жогорулатуу, мекендештерибизге зарыл жардам көрсөтүү жана эки дос мамлекеттин ортосундагы байланыштарды мындан ары өнүктүрүү үчүн бардык зарыл аракеттерди көрө берет.

Кадырлуу мекендештер!
Жетишкен ийгиликтерибизге, элибиздин биримдигине жана жаратман эмгегине таянуу менен, сүйүктүү Ата Мекенибиз — Кыргыз Республикасынын көз карандысыздыгын, экономикалык кубаттуулугун жана эл аралык аброюн мындан ары да бекемдей берерибизге ишенем.
Эгемендүүлүгүбүз түбөлүктүү болсун, Кыргызстаныбыз тынч, күчтүү, өнүккөн жана бакубат мамлекет болсун!
Кыргыз Республикасынын Сауд Арабия Падышалыгындагы Элчилигинин атынан жана жеке өзүмдүн атымдан бардыгыңыздарга жана үй-бүлөңүздөргө бекем ден соолук, тынчтык, бакубатчылык, үй-бүлөлүк бакыт, ийгиликтерди жана жаңы жетишкендиктерди каалайм!

Майрамыңыздар менен, кымбаттуу мекендештер!
Кыргыз Республикасынын Эгемендүүлүк күнү менен!

11/08/2026

Президент Садыр Жапаров менен Президент Ильхам Алиевдин сүйлөшүүлөрүнүн жыйынтыгында бир катар эки тараптуу документтерге кол коюлду

Азербайжан Республикасынын Президенти Ильхам Алиевдин Кыргыз Республикасына мамлекеттик сапарынын алкагында бүгүн, 31-июлда, транспорттук-логистикалык, энергетикалык, инвестициялык, санариптик, финансылык, гуманитардык жана башка тармактарда кыргыз-азербайжан кызматташтыгын мындан ары бекемдөөгө багытталган эки тараптуу документтерге кол коюу жана алмашуу аземи өттү.

Мамлекет башчылар Кыргыз Республикасы менен Азербайжан Республикасынын ортосундагы союздаштык мамилелер жөнүндө келишимге жана Кыргыз Республикасы менен Азербайжан Республикасынын Мамлекеттер аралык кеңешинин чечимине кол коюшту.

Ошондой эле төмөнкү документтерге кол коюу аземи өттү:

- Кыргыз Республикасынын Министрлер Кабинети менен Азербайжан Республикасынын Өкмөтүнүн ортосундагы эл аралык автомобиль каттамдары жөнүндө макулдашуу;

- Кыргыз Республикасы менен Азербайжан Республикасынын ортосундагы энергетика жаатындагы кызматташтык боюнча 2026-2027-жылдарга карата Жол картасы;

- Кыргыз Республикасынын Министрлер Кабинети менен Азербайжан Республикасынын Министрлер Кабинетинин ортосундагы 2024-2029-жылдарга кызматташуу программасын ишке ашыруу боюнча Жол картасы;

- 2022-жылдын 11-октябрындагы Кыргыз Республикасынын Министрлер Кабинети менен Азербайжан Республикасынын Өкмөтүнүн ортосунда Азербайжан-Кыргыз өнүктүрүү фондун түзүү жөнүндө макулдашууга өзгөртүүлөрдү киргизүү тууралуу Экинчи кошумча макулдашуу;

- Кыргыз Республикасынын Транспорт жана коммуникациялар министрлиги менен Азербайжан Республикасынын Санариптик өнүктүрүү жана транспорт министрлигинин ортосунда жүк ташуу, кеме жүрүшү жана кеме куруу жаатындагы кызматташтык жөнүндө өз ара түшүнүшүү тууралуу меморандум;

- Кыргыз Республикасынын Улуттук статистика комитети менен Азербайжан Республикасынын Мамлекеттик статистика комитетинин ортосунда статистика жаатындагы кызматташтык жөнүндө өз ара түшүнүшүү тууралуу меморандум;

- Кыргыз Республикасынын Улуттук коопсуздук мамлекеттик комитети менен Азербайжан Республикасынын Атайын байланыш жана маалыматтык коопсуздук мамлекеттик кызматынын ортосунда киберкоопсуздук тармагындагы өз ара түшүнүшүү тууралуу меморандум;

- Кыргыз Республикасынын Ош шаары менен Азербайжан Республикасынын Гянжа шаарынын ортосунда кызматташтыкты жана боордош шаарлар байланышын түзүү жөнүндө өз ара түшүнүшүү тууралуу меморандум;

- Кыргыз Республикасынын Каракол шаары менен Азербайжан Республикасынын Габала шаарынын ортосунда өз ара кызматташтык жана боордош шаарлар байланышын түзүү жөнүндө меморандум;

- Кыргыз Республикасынын Чолпон-Ата шаары менен Азербайжан Республикасынын Шуша шаарынын ортосунда өз ара түшүнүшүү тууралуу меморандум;

- Кыргыз Республикасынын Энергетика министрлиги менен Азербайжан Республикасынын Энергетика министрлигинин ортосунда мунай жана мунай продуктуларын жеткирүү тармагындагы кызматташтык жөнүндө өз ара түшүнүшүү тууралуу меморандум;

- Кыргыз Республикасынын Экономика жана соода министрлигине караштуу Финансы рыногун жөнгө салуу жана көзөмөлдөө кызматы менен Азербайжан Республикасынын Борбордук банкынын ортосунда кызматташтык жөнүндө меморандум;

- “Кыргызалтын” ачык акционердик коому менен “АзерГолд” жабык акционердик коомунун ортосунда кызматташуу жана өз ара аракеттенүү жөнүндө өз ара түшүнүшүү тууралуу меморандум.

21/05/2026

Кыргыз Республикасынын Сауд Аравия Падышачылыгындагы Атайын жана Ыйгарым укуктуу Элчи Улукбек Марипов Грузиянын Сауд Аравия Падышачылыгындагы Атайын жана Ыйгарым укуктуу Элчиси Николоз Ревазишвили менен жолугушуусу болуп өттү

___________

Состоялась встреча Чрезвычайного и Полномочного Посла Кыргызской Республики в Королевстве Саудовская Аравия Улукбека Марипова с Чрезвычайным и Полномочным Послом Грузии в Королевстве Саудовская Аравия Николозом Ревазишвили

19/05/2026

🔹️Address by President Sadyr Zhaparov
on Kyrgyzstan’s Candidacy
for the United Nations Security Council
#ООН