Pakistan Saraiki Tehreek

20/03/2026

اَلسَّــــــــــــــــلاَمْ عَلَيْـــــــــــــــكُم
پاکستان سرائیکی تحریک دے طرفوں سمورے عالم اسلام کوں پاکستان سرائیکی تحریک دے سارے عہدیداراں کوں تے ممبراں کوں دل دی عمیق گہرائیاں دے نال ڈھڳ ڈھڳ "عید چن مبارخ ہووے" ۔
اللّهُ پاک کول اے دعا ہے کہ اے عید دا ڈینہہ ساڈے ساراں دے کیتے رحمت مغفرت تے ہدایت دا ذریعہ بݨے آمین

آمیـــــــــــــــــن یا رب العالمین۔
پاکستان سرائیکی تحریک

#پاکــــــــــــــــــستان

#سرائیکستان

06/03/2026

نِیلے رَنگ دی اَساں سِلھ بَݨائی
یا وَت اَجرَک رَنگی
جھُمر دے وِچ ہَکل مَاری
خَیر وَسوں دی مَنگی
6 مارچ
سرائیکی اجرک ڈے
لکھ لکھ مبارخاں۔۔۔۔۔
پاکستان سرائیکی تحریک دی طرفوں سارے وسیب کوں سرائیکی اجرک ڈیہاڑے دی لکھ لکھ مبارک باد ہووۓ.
Pakistan Saraiki Tehreek

05/03/2026

اساں سرائیکی وسیب ٹی وی دی پوری ٹیم تھورائت ہئیں جنہاں پاکستان سرائیکی تحریک دے ہر پروگرام کوں کوریج ڈے کے تے سمورے وسیب تئیں سوہݨا کلچر تے وسیب دی آواز بݨدے ہن ۔ وسیب توں ارداس ہے ) سرائیکی وسیب ٹی وی) کوں سپورٹ کریسو!
پاکستان سرائیکی تحریک
https://www.facebook.com/profile.php?id=100064750120387

25/02/2026

پہاڑ پور دی عوام کوں
حامد صدیق صیہب دے نال کھڑا ہوݨاں چاہیدے ناکہ انہاں مافیا دا جو اپݨی من مانی ہر ڈینہھ عوام دی چمڑی لاہئی پئے ہن۔
اسسٹنٹ کمشنر صیہب تساں لڳے رہو اساں تہاڈے نال ہیں۔
Pakistan Saraiki Tehreek

21/02/2026

پہاڑ پور پریس کلب کے جوائنٹ سیکرٹری روز نامہ اعتدال کے رپورٹر
Chashma News point
کے اونر ظفر احمد پر کچھ شر پسندوں نے خبر لگانے کی وجہ سے سینئر صحافی ظفر احمد اور انکی فیملی کو تشدد کا نشانہ بنایا اور چادر و چار دیواری کے تقدس کو بھی پامال کیا گیا۔
پاکستان سرائیکی تحریک اپنے سرائیکی بھائی و سینئر صحافی پر تشدد کی پرزور مذمت کرتی ہے
اور ملزمان کو جلد قانون کے کٹہرے میں لانے کا مطالبہ کرتی ہے۔
Pakistan Saraiki Tehreek

21/02/2026

21 فروری ماء بولی دا عالمی ڈینہہ تے ساڈیاں ذمہ داریاں
عصمت اللہ شاہ۔۔۔

زباناں بݨدئیں صدیاں لڳدین تے ونجیندیں دیر نئیں لڳدی ۔ ساڈے سامھݨے کتنیاں زباناں ہن جیڑھیاں اپݨے آخری ساہ پیاں گھندین ۔ تھی سڳدے جو انہاں زباناں دے مرݨ یا مارݨ وچ حکومتاں دا قصور ہوے پر جیڑھلے مالک خود اپݨی مڈی موڑی ونجاوݨ تے آ ونجے ول کہیں ٻئے دے سر وچ درد ہے جو او خواہ مخواہ اوندی راکھی کھڑا کرے۔شے ونجیجݨ دے بعد اوندی قدر پوندی ہے ، پر اہدن ڈدھی تھݨیں نی پوندی ، پچھیں لکھ پٹوکا گھتیجے ، کجھ ہتھیں نی آندا۔ اکوی فروری ماءبولی دے عالمی ڈینہہ دے حوالے نال میں حکومت دے وانج ، دروھ ، مترپ اتے ڈڈھپ دا رووݨاں رووݨ دی بجائے اپݨے گروان اچ جھاتی پا تے ماءبولی دے حوالے نال اپݨے رویے تے غور کریساں ۔ تھی سڳدے جو کہیں کہیں جاہ میڈا لہجہ کھورا تھی ونجے پر ایہ میڈے اندر دا کئوڑ ہے ، میڈے اپݨے نال گلے الانبھے ہن ، اپݨے لوکاں نال کجھ سہݨ سہاپ ہن ، ٹھڈے دل نال انہاں تے غور کریسو ۔ جیکر تہاڈا دل منے تاں ول حکومتاں دی تانگھ رکھݨ دی بجائے اپݨی ماءبولی دی خدمت ہک نیکی سمجھ تے گھروں شروع کریسو ۔ اتے تہاکوں پتہ ہے جو نیک کم وچ دیر نئیں کرݨی چاہیدی۔

اہدن تعلیم تے خوشحالی بندے کوں شعور اتے بصیرت دان کریندی ہے ۔ پر ساڈے وسبے وچ ایں نئیں تھیا ۔ اساں چار جماعتاں پڑھدے ڳئے ہیں تے پہلا کم اے کیتے جو اپݨے گھروں اپݨی ماء بولی کوں ڈیس نکالا ڈتے سے ، ذری ساوے سوکھے تھئے ہیں تاں اپݨی ماءبولی ، ماءدھرتی ، اپݨا جݨ دھݨ ، اپݨیاں رسماں ریتاں اتے اپݨیاں قدراں بتھیاں پُراݨیاں تے ڳئیاں ڳزریاں جاپݨ لڳ ڳن ۔ اساں اگھ پچھیے نہ ٻگھ تھجوں ہناں دا ٹنڈا پٹیے سے ۔ تھیوݨا ایہ چاہیدا ہا جو تعلیم تے خوشحالی ساڈے اندر ساڈیاں قدراں ، زبان ، دھرتی اتے آساڈی ثقافت دی اہمیت کوں اجاگر کریندی ، ساکوں انہاں دے نیڑے کریندی ، اتے انہاں کوں ڳل لا تے اڳوں تے ٹریندی ۔ پر ڈکھ دی ڳالھ ایہ ہے جو اساں انہاں ساریاں چیزاں دی راکھی غریب اتے ان پڑھ طبقے کوں ڈے کے پروبھرے تھی ڳیے ہیں ۔ ہݨ جیڑھلے غریب اتے ان پڑھ انہاں چیزاں وچ کئی وادھا گھاٹا کریندن تاں ساکوں کاوڑ لڳݨی چاہیدی ۔ اساں ڈیہدےہیں جو اج وی ساڈا غریب اتے ان پڑھ اپݨی زبان ، اپݨی ثقافت اتے اپݨی دھرتی کوں ڳل لئی کھڑے ۔ جنھاں چیزاں کوں اساں بتھا پراݨا کر کے سث گھتیا ہئی او حالی وی انہاں چیزاں کوں چمبڑیا کھڑے ۔ اساں اپݨے گروان اچ جھاتی پاؤں تے سوچوں جو اساں اپݨی ماءبولی تہذیب اتے ثقافت کوں ونجا کے کھٹیا کیا ہے ؟ نہ اڈے دے ریہے ہئیں نہ اڈے دے
سئیں ڈکھ تاں ایں ڳالھ دا ہے جو جیڑھی ماءبولی اپݨی زبان اپݨی اولاد کوں ڈیوݨی ہئی ، اپݨیاں قدراں اونکوں سوگھیاں کرݨیاں ہن ، اوہا ماء خود اپݨری زبان اتے ثقافت دی دشمن بڻ ڳئی ہے ۔ ساڈیاں ذالیں خود ماءبولی دی ترویج وچ سب توں وڈی رکاوٹ ہن ، میں تہاکوں اپݨی ڳالھ سݨینداں ۔ میکوں ایندے واسطے اپݨے گھر وچ باقاعدہ ہک جنگ لڑنی پئی اے ۔ پہلے پہلے تاں ایویں لڳدا ہا جیویں میں کئی بہوں وڈا جرم کر ٻیٹھاں ۔ میڈے ٻالاں دے نانکیاں ، ڈاڈکیاں میکوں تمب چوتے جو توں کہیو جہیاں پڑھیا لکھیا ہیں ، لوک کیا آکھسن ؟ ، تیڈے ٻالاں تے وستی دے ان پڑھاں دے بالاں وچ کیا فرق رہ ویسی؟ میڈی ذال وی ہناں دے نال رلی رہ ڳئی پر میں اپݨی کوشش جاری رکھی ۔ اج اللّٰہ دے فضل نال میڈے پنج ٻال ان تے پنجے اپݨی ماءبولی وچ سوچیندن ، ماءبولی وچ خواب ڈیہدن تے ماءبولی بولیندن ۔ ہݨ میڈی ذال آہدی ہے جو تہاڈا فیصلہ درست ہئی ہمسائیاں دے ٻال چھڑی ہک زبان بولیندن تے ساڈے ٻال ماءبولی دے نال نال اڑدو وی بہوں چنڳی بول گھندن ۔ ایہ فائدے وچ ریہن۔.

جیڑھلے کہیں سنگتی دے گھر ونجیندے تاں ایہ ڈیکھ تے بہوں ہٹھ لڳدے جو او اپݨے ٻالاں نال اپݨی ماءبولی وچ ڳالھ نئیں کریندے ۔ انہاں کوں سمجھیجے تاں اڳوں ولدی ڈیندن جو سئیں کیا کریجے ہک تاں ذال وزبر ہے ڈوجھا ٻال انگریزی سکولاں وچ پڑھدن اتے سرائیکی بولݨ نال انہاں دا لہجہ خراب تھی ویندے ۔ ایہ سݨ کے میکوں ڈاڈھا ڈکھ تھیندے ۔ ووئے اللّٰہ دے بندے ہک لہجہ بچاوݨ واسطے ماءبولی دا ڳل گھٹ ڈیوݨ کتھوں دا انصاف ہے ؟ جیکر اساں اپݨے گھراں وچ اپݨی زبان نہ ٻولیسوں تاں ٻیا کئی ساڈی زبان اپݨے گھراں وچ نئیں ٻولیندا ۔ مزے دی ڳالھ اے ہے جو ہک محفل وچ چار سرائیکی ٻولݨ والے بیٹھے ہوون تاں ہک پنجواں غیر سرائیکی آ ونجے تاں چارے اپݨی زبان چھوڑ کے اوندی زبان ٻولݨ لڳ ویسن ۔ ول کہیں ویلے ساڈیاں گنہگار اکھیں ایہ وی ڈِٹھے تے ساڈے کناں ایہ وی سݨیے جو ڈو سرائیکی وی آپت وچ ٻئی زبان ٻیٹھے ٻولیندے ہوندن ۔ کہیں کہیں ویلے تاں پھٹ پوویندے جو یار ! خدا دا خوف کرو ، عقل کوں ہتھ مارو ، کیوں اپݨی زبان دے دشمن بݨ ڳئے وے ؟ کئی اپݨی ماءبولی نال وی بھلا ایویں کریندے ۔ پر پتہ نئیں اساں کیا سوچ تے ایہ سارا دروھ پئے کریندے ہیں ۔
اساڈے اکثر سنگتی اینجھے وی ہن جیڑھے سارا ڈینہہ ٻاہر سرائیکی سرائیکی کھیڈسن ، لوکیں دی سرائیکی دشمنی دا رووݨا روسن ، سرائیکیاں کوں دنیا دا مظلوم ترین انسان ثابت کریسن ، اپݨی سرائیکی قوم تے اپݨے وسیب دا ڈکھ ڈسیندیں ڈسیندیں چپ نہ کریسن ، لڳسی جو انہاں جہیاں قوم پرست اتے دھرتی نال پیار کرݨ آلا بیا کئی کائینی ۔ پر جیویں ای گھر دی درسال ٹپسن ، کتھ ڳئی قوم پرستی ، تھجوں ماءبولی دی جڑاں کپیسن ۔ اپݨی اولاد نال ماءبولی اچ ڳالھ کریندیں گھوٹوں آ ویسنے ۔ ساڈے ایہے رویے ساڈی ترقی دی راہ وچ سب توں وڈی رکاوٹ ہن ۔ ساکوں اندروں باہروں ہک تھیوݨا پوسی ، باہر اندر جنگ لڑنی پوسی ۔ گھر وج ٻلدی بھاہ چھوڑ کراہیں باہر دی بھاء وسماوݨ عقل مندی نئیں ۔ جیکر اساں سرائیکی کوں دنیا دی سب توں مٹھی ، پراݨی اتے فصیح و بلیغ زبان سمجھدے ہیں تاں ول اپݨی اولاد کوں ڈیندیں شرماندے کیوں ہئیں؟ کیا انہاں دا حق کائینی جو او وی ایں سوہݨی ، مٹھی اتے صدیاں پُراݨیاں روایات دی امین زبان دے فیض توں مستفید تھیوݨ ؟؟

اساں اپݨی اولاد کوں اپݨا مذہب وڈے فخر نال ڈیندے ہئیں ۔ انہاں کوں ڈسیندے ہئیں جو ساڈا مذہب دنیا دا سب توں بہترین مذہب ہے ۔ ایہو ای سچا مذہب ہے ۔ ول اپݨا مسلک وی ڈھیر دلیلاں اتے ثبوتاں نال اپݨی اولاد کوں منتقل کریندے ہئیں ۔ انہاں کوں سمجھیندے ہئیں جو ساڈا مسلک ٻئے مسالک توں بہتر ہے ۔ اتے ایہو مسلک ای اللّٰہ تے اللّٰہ دے رسول دا من بھاوݨا مسلک ہے ۔ اینکوں نئیں چھوڑنا ۔ ہیندے اتے عمل کرݨے اتے ساری حیاتی ایندا پرچار کرݨے ۔ ایں توں بعد اپݨا حسب نسب اتے اپݨی قوم تے وی اپݨی اولاد کوں فخر کرݨا سکھیندے ہئیں ۔ انہاں کوں ڈسیندے ہیں جو ساڈی قوم ٻنھاں قوماں توں زیادہ معزز اتے ڈھیر گݨاں والی ہے ۔ ایندے اتے فخر کرائے ۔ پر جیڑھے ویلے ماءبولی دا ویلہ آندے ساڈے رویے یکسر بدل ویندن ۔ ساڈی اکھیں وچ رتول آ ویندی ہے ۔ ڳل شوکیج ویندن ، ہتھاں وچ تکھی چھری آ ویندی ہے ۔ اتے ول ہک دشمن طرحاں ماءبولی کوں گاجر طرحاں کپ ٹک تے رکھ ڈیندے ہئیں ۔ کل کوں جیکر ساڈی اولاد ساڈا گروان جھل تے ساڈے کنوں پچھسی جو ہیں سئیں ! اپݨا مذہب ، مسلک اتے حسب نسب تاں ساکوں ٻہوں فخر نال ہتھڑیکا کیتا ہاوئے پر اپݨی زبان کیوں نہ ڈتی ہاوے ۔ ساڈا کیا قصور ہا جو ساکوں تساں ڈوڈر کاں بݨا ڈتے ، ول سوچوں جو ساڈے کول کیا جواب ہوسی ۔ ساکوں کتھائیں خواجہ جاہ ڈیسی ؟؟

اساں پٹھاݨاں اتے سکھاں اوتے کھلدے ہئیں ۔ سارا ڈیہنہ انہاں دیاں ڳالھیں مزاق بݨیندے ہئیں ۔ انہاں دیاں بے ڳالھیںں تے مچکدے ہیں پر کڈاہیں ایہ سوچیے سے جو ایہ بے وقوف آپݨی ماءبولی اتے اپݨے کلچر نال کیڈے مخلص ہن ۔ اے دنیا دے کہیں وی کونے وچ چلیے ونجن اپݨی ماءبولی اتے اپݨے کلچر کوں ایویں سانبھ رکھدن جیویں انہاں دا سب توں وڈا سرمایہ ایہو ہووے ۔ ول خود سوچو بیوقوف ایہ ہن یا اساں ہئیں ؟ انہاں اپݨا سب کجھ محفوظ کیتا ہوئے تے اساں اپݨے کول رکھیا کیا ہے ؟ او اپڻے گھراں وچ اپݨی ماءبولی ٻولیندن ، اپݨے کلچر اتے اپݨیاں قدراں دا پرچار کریندن اتے اساں انہاں چیزاں کوں ڳال ونجا چھوڑیے ۔ گروان بݨیں جھاتی پاوݨ کیتے ۔

میں اپݨے ٻالاں نال شہر بزار یا کہیں پارک یا شیر باغ ونجاں تاں لوک میکوں اپݨے ٻالاں نال اپݨی ماءبولی ٻولیندیں ڈیکھ تے شفتر تھئے کھڑے ہوندن ۔ ایویں لگدے جیویں میں کئی اوپری دھرتی تے آڳیا ہوواں ۔ ایں کنوں وڈی قیامت کیا ہوسی جو ساڈی زبان اپݨے گھر اچ ان سونہی بݨ ڳئی ہے ۔ ایندے وچ الاوݨ اوکھا تھی ڳئے ۔ کیا کئی مہذب تے شعور رکھݨ والی قوم اپݨی ماءبولی نال ایجھا سلوک کریندی اے ؟ ماءبولی تاں مادری زبان ہوندی ہے ۔ ایہ ماء طرح پیاری ہوندی اے ۔ کیا اساں اپݨی ماء نال پیار کریندے ہئیں ؟ جیکر کریندے ہئیں تاں ول اوندی زبان دے دشمن کیوں بݨ ڳئے ہئیں ؟ ساکوں ماء تاں چنڳی لڳدی ہے پر اوندی زبان کیوں نئیں چنڳی لڳدی ؟

اساں اپݨے نوکراں نال سرائیکی وچ ڳالھ کریسوں پر ہوں ویلے اپݨے ٻال نال کہیں ٻئی زبان وچ ڳالھ کریسوں ، ذال مرد آپت وچ سرائیکی ٻولیندے ٻیٹھے ہوسن پر اپݨے ٻالاں نال ٻئی زبان وچ ڳالھ ٻیٹھے کریندے ہوسن ۔ کڈاہیں اساں سوچیے جو ایہ ڈوعملی کیوں ہے ؟ کیا سرائیکی نوکراں دی زبان ہے ؟ کیا اے ان پڑھاں دی زبان ہے ؟ کیا ساکوں پتہ کائینی جو بہاولپور ریاست دی سرکاری اتے درباری زبان سرائیکی ہئی ۔ کیا ساکوں پتہ کائینی جو سرائیکی دنیا دیاں ڈاہ وڈیاں زباناں وچ شامل ہے ۔ کیا ساکوں اے وی پتہ کائینی جو پاکستان دی سب توں وڈی زبان سرائیکی ہے ۔ کیا اساں ایہ نئیں جاݨدے جو ایں ویلے پاکستان دے ست کروڑ لوکیں دی زبان سرائیکی ہے ۔ کیا ساکوں نئیں پتہ جو گلوبل لینگوئسٹک اتھارٹی دے مطابق سرائیکی دنیا دیاں انہاں ترائے زباناں وچ شامل ہے جیڑھیاں دنیا دیاں سب توں مٹھیاں اتے فصیح بلیغ زباناں ہن ۔ جیکر اساں ایہ سب کجھ جاݨدے ہئیں تاں ول جاݨ بجھ کے اپݨی زبان نال مترائیاں آلا سلوک کیوں پئے کریندے ہئیں ؟

کئی پچھݨ والا ہم تئیں وی کنوں ؟

سرائیکی دے وڈے وڈے دانشور جنہاں دیاں زبان واسطے خدمات کہیں کنوں لکیاں چھپیاں کائینی ، اساں انہاں دا دلوں احترام کریندے ہئیں ۔ انہاں دا سرائیکی زبان تے ادب واسطے کم ماوݨ دا کائینی ۔ پر ڈکھ ایں ڳالھ دا وی ہے جو او شیت اپݨی ماءبولی بولݨ والے آخری لوک ہن ۔ انہاں دے گھروں ماءبولی دا جنازہ کڈݨ دا نکل چکیے ۔ ہݨ پچھوں بھمبݨ بھوں اندھاریاں راتیں ہن ۔ بھانویں جو سرائیکی کتاباں دے ڈھڳ لڳیے لاتھن پر انہاں دے اکھیں نوٹݨ دے بعد کون انہاں کوں سنبھیسی اتے کون انہاں کوں پڑھسی اتے انہاں کنوں فیض حاصل کریسی؟ ساڈے سامھݨے کتنے سارے سرائیکی کتاباں دے " قبرغستان" بݨ چکین ۔ کیندا کیندا رووݨا رووں ۔ اڳوں چاؤں تاں آپ ننگے پچھوں چاؤں تاں آپ ننگے ۔

ایں ویلے وسیب دیاں چار یونیورسٹیاں تے علامہ اقبال اوپن یونیورسٹی اسلام آباد دے سرائیکی شعبیاں وچ ڈو درجن توں ودھ قابل احترام استاد سرائیکی زبان و ادب پڑھیندے پن ۔ ایندے نال نال سرائیکی وسیب دے کالجاں وچ میں سمیت تقریباً سو دے قریب پروفیسر ٻالاں کوں سرائیکی پڑھیندے کھڑن ۔ ایہ بہوں وڈی ڳالھ ہے ۔ ہک او وی ویلہا ہا جیڑھلے سرائیکی دا ناں گھنݨ جرم سمجھیا ویندا ہا ۔ ہݨ تاں اللّٰہ دا شکر ہے جو وسیب دے ہر حصے وچ یارہویں توں پی ایچ ڈی تک سرائیکی پڑھائی ویندی پئی ہے ۔ پر اے وی سوچیا ونجے جو سرائیکی دے ایہ استاد اپݨی ماءبولی نال محبت دا حق ادا کریندے پن ، بیاں کوں تاں بعد اچ ارداس کریسوں کیا اساں سرائیکی دے استاد اپݨے گھر وچ اپݨی ماءبولی ٻولیندے کھڑے ہئیں ؟ کیا ساڈے بعد ساڈی اولاد ماءبولی دی خدمت اونویں کریسی جیویں اساں کریندے پئے ہئیں ۔ جیکر ایندا جواب " نانہہ " وچ ہے تاں ول اساں سارے تندیر اچ کھڑ کراہیں ہکی آواز اچ آکھوں :

کھڑی ڈیندی ہاں سنیہڑا انہاں لوکاں کوں
اللّٰہ آن وساوے ساڈیاں جھوکاں کوں

کالجاں وچ پڑھاوݨ والے کجھ سرائیکی لیکچرر ایجھے وی ہن جنہاں دی ماءبولی سرائیکی کائینی پر ہݨ انہاں دی روزی روٹی ہیں زبان دے نال جڑ ڳئی ہے ۔ انہاں دا فرض بݨدے جو جیڑھی زبان دی کھٹی کھاندے پن ، جیڑھی زبان انہاں کوں عزت ڈتی اے ، جیڑھی زبان انہاں کوں سنجاݨ ڈتی اے اتے وسیب وچ نشابر کیتے اوں زبان دا حق ادا کرن ۔ اکوی فروری ماءبولی دے عالمی ڈینہہ دے موقعے تے اساں کم از کم سرائیکی دے استاد تاں دلوں ایہ عہد کروں جو اج کنوں اساں اپݨے گھراں وچ اپݨی ماءبولی ٻولیسوں تے ٻاہروں ایں زبان دی ترقی دے ودھارے سانگے تݨ مریسوں ۔

اج کنوں ڈاھ بارھاں سال پہلے میں ماءبولی کوں گھراں وچ عام کرݨ سانگے موبائل میسج دے ذریعے ہک تحریک شروع کیتی ہئی جیندا ناں " سرائیکی الا ٻول تحریک" رکھیا ہئی ۔ اوندا مقصد ایہو ہا جو اساں جیڑھے لفظاں کوں مکائی ویندے ہیں انہاں کوں نویں سروں جیندا کروں اتے اپݨے گھراں وچ انہاں کوں بولݨ دا رواج بݨاؤں ۔ میڈا مقصد صرف ٻوہا کھڑا کے ایہو آکھݨ ہا جو " میاں ! جاگدے رہو ، ٹردے رہو ، ٹردے کوں کئی نئیں ملدا ۔" میکوں خوشی ہے جو دیرہ اسماعیل خان توں گھن کراہیں کوٹ سبزل تک وسیب دے ڈھیر سارے شاعراں ، ادیباں اتے دانشوراں ایں تحریک وچ میڈا ساتھ ڈتا ۔ میں ماءبولی دے عالمی ڈینہہ دے موقعے تے ول تہاڈا ٻوہا کھڑکیندا پیاں اتے غیور بخاری سئیں دی زبانی ایہ ارداس کرینداں :

بھانویں ست زباناں سکھیں اپݨی ٻولی بھل نہ ونجیں
اپݨی جاݨ سنجاݨ ونجا تے دنیا دے وچ رل نہ ونجیں

ڳالھ لمبی تھئی ویندی ہے ۔ میں ڈھیر لمٻڑ نئیں کریندا ۔ چھیکڑ وچ سارے سرائیکیاں کوں ایہو ارداس کرینداں جو میاں اپݨی ماءبولی کوں آپ بچاؤ ایہ وی ذہن اچ رکھو جو ماءبولی نہ بولݨ نال چھڑی زبان نئیں مکدی بلکہ اوندے نال نال اوندا لوک ادب اتے اوندیاں ساریاں قدراں مک ویندین ۔ تساں چھڑا لہجہ بچیندے وے تہاکوں ایہ سدھ کوئینی جو تہاڈا کجھ نئیں بچݨا ۔ ہݨ وی ویلہا ہے پچھوں تے ول آؤ ۔ اپݨے ٻالاں کنوں انہاں دا حق نہ کھسو ۔ اپݨی

ماءبولی انہاں کوں ہتھڑیکی کرو تے سرخرو تھیوو
پاکستان سرائیکی تحریک

15/02/2026

"الحمدللہ! پاکستان سرائیکی تحریک دی میٹنگ وچ عید دے بعد ہووݨ والے تریخی پروگرام دا ناں فائنل کر گھدا ڳئے۔
💠 پروگرام دا ناں: *'سانجھ سرائیکی کانفرنس'* 💠
اِیہ کانفرنس کلہا پروگرام نئیں، بلکہ وسیب دے حقوق اتے ساݙی وحدت دی آواز ہوسی۔
تریخ: 29 مارچ 2026
📍 مقام: [پہاڑ پور گراؤنڈ]
آؤ! *'سانجھ'* ودھاؤ اتے اپݨے صوبے دی تحریک کوں تگڑا کرو۔
*"سانجھ سرائیکی کانفرنس: ساݙی پچھاݨ، ساݙا مان"*
*سانجھ سرائیکی کانفرنس: حقوق دی ڳالھ، اپنی دھرتی دے نال"*
منجانب: محمد کاشف ارباز (انفارمیشن سیکرٹری)"

15/02/2026

*پاکستان سرائیکی تحریک* دی اڄوکی میٹنگ وچ رمضان المبارک دی برکتاں اتے احترام کوں مدِ نظر رکھدے ہووے اِیہ فیصلہ کیتا ڳئے چونکہ 6 مارچ کوں رمضان المبارک دا ت با برکت مہینہ ہے، ایں کیتے اساں اپݨے مذہب اتے روزے دے احترام وچ اپݨا مرکزی ثقافتی پروگرام ملتوی کر تے ہݨ عید دے بعد 29 مارچ کوں رکھ ݙتے۔
انشااللہ 29 مارچ کوں پورا وسیب ہک واری ول کٹھا تھیسی اتے اسیں اپݨی دھرتی دا حق منگسوں۔*

11/02/2026

10/02/2026

پاکستان سپر لیگ میں سرائیکی ویسب کے ساتھ ناانصافی اور سرائیکی وسیب کا پی ایس ایل کا بائیکاٹ

پاکستان سپر لیگ میں ملتان سلطان کے نام سے کرکٹ ٹیم جو سرائیکی وسیب کی پہچان تھی جو کہ کافی عرصے سے پی ایس ایل کا حصہ رہی، مگر بد قسمتی سے حال ہی میں ملتان سلطان کے اونر علی خان ترین نے کچھ وجوہات کی بنا پر اس ٹیم سے علیحدہ ہو گئے اور اونر شپ چھوڑ دی، جو کل راولپنڈی کے شہری علی ٹیک نے ملتان سلطان کو خرید لیا اور اس کا نام ملتان سلطان سے روالپنڈی رکھ کر سرائیکی وسیب کا نام و نشان مٹا دیا لاہور قلندر ، سیالکوٹ اور اب راولپنڈی یوں پنجاب کی تین ٹیمیں کے پی کے ایک، سندھ دو بلوچستان کی ایک
مگر سرائیکی وسیب کی پہچان ملتان سلطان کو ختم کر دیا جو سرائیکی وسیب کے ساتھ کھلم کھلا ظلم اور نا انصافی ہے۔
ہمارا مطالبہ ہے کہ سرائیکی سیب کی پہچان کو پاکستان سپر لیگ میں شامل کیا جائے اگر ایسا نہیں ہوتا سرائیکی وسیب پی ایس ایل کے مکمل بائیکاٹ کا اعلان کرتی ہے۔
پاکستان سرائیکی تحریک

28/01/2026

ڈیرہ اسماعیل خان کے سکولوں میں سرائیکی مضمون لازمی قرار ۔۔ سکولوں میں سرائیکی ، نہ پڑھانے والے پرنسپل ہیڈماسٹر کو آخری وارننگ جاری ۔ ڈسٹرکٹ ایجوکیشن آفیسر ڈیرہ اسماعیل خان نے لیٹر جاری کر دیا ۔

26/01/2026

سال پسالی پغرام انشاءاللہ
پاکستان سرائیکی تحریک دے طرفوں ، پہاڑ پور اچ