English River On The Move

01/05/2026

Ozordi, nou pe selebre Lazournen Travayer avek en gran sans rekonesans pour rezilyans lafors travayer Seselwa. Sa lannen i enn kot lekonomi lemonn pe fer fas avek bokou boulversman e lensertitid ki pe ganny koze par konfli dan Mwayenn Oriyan. Toudmenm, lafors travayer Sesel in kontinyen travay dir e demontre ki nou kapab fer fas avek nenport kwa, ansanm.

Mon tir mon sapo avek sa travayer dan lendistri tourizm ki fer sir ki bann viziter i kit nou zoli pei avek bann souvenir inoubliyab; sa profesyonnel lasante ki, zour apre zour, met byennet nou pep avan tou; sa artis ki, avek son talan, i kontinyen alim en laflanm kiltirel dan lasosyete; sa edikater ki avek pasyon e dedikasyon I gid nou zenn pour realiz zot potansyel; e nou fermye ek peser ki avek zot lame dir asire ki keksoz esansyel pa manke lo nou latab. Ou sa travayer dan sekter lapes e lendistri, ou sa travayer dan sekter finansyel, ou sa travayer dan sekter teknolozi e kominikasyon, ou sa travayer dan servis piblik e parastatal, sakenn ant zot i ede pour fer sir ki nou pei i progrese. Mersi bokou.

Lafet Travayer i en moman pour reflesir lo sa ki zot pe fer byen e kot bezwen fer amlyorasyon, me pli enportan ankor i en moman pour selebre apre en lannen travay kot nou’n travay dir avek dedikasyon.

Mon swet tou Seselwa, partiklyerman zabitan Larivyer Anglez, ensi byen ki bann travayer etranze ki pe kontribye dan lekonomi e progre Sesel, en bonn fet Travayer ranpli avek lafyerte, lape e lazwa.

05/04/2026

𝐄𝐚𝐬𝐭𝐞𝐫 𝐌𝐞𝐬𝐬𝐚𝐠𝐞 𝐟𝐫𝐨𝐦 𝐇𝐨𝐧. 𝐀𝐧𝐝𝐲 𝐋𝐚𝐛𝐨𝐧𝐭𝐞 𝐭𝐨 𝐑𝐞𝐬𝐢𝐝𝐞𝐧𝐭𝐬 𝐨𝐟 𝐄𝐧𝐠𝐥𝐢𝐬𝐡 𝐑𝐢𝐯𝐞𝐫

𝓗𝓮 𝓲𝓼 𝓡𝓲𝓼𝓮𝓷! 𝓗𝓮 𝓲𝓼 𝓡𝓲𝓼𝓮𝓷 𝓲𝓷𝓭𝓮𝓮𝓭!

On this sacred occasion of Easter, I extend my heartfelt wishes to you and your families as we celebrate the resurrection of our Lord and Saviour, Jesus Christ.

Easter is the cornerstone of our Christian faith and a powerful reminder of God’s love, sacrifice, and the promise of eternal life. Through Christ’s victory over death, we are given hope, renewal, and the assurance that light will always overcome darkness.

As a community, may we draw strength from this message and continue to walk in faith, compassion, and unity. Let us care for one another, uplift the vulnerable, and remain guided by the values of love, humility, and service.

May the risen Christ fill your hearts and homes with peace, joy, and abundant blessings.

Happy and Blessed Easter to you all.

20/02/2026

Larepons Onorab Andy Labonte lo bidze 2026.

14/02/2026

Onorab Andy Labonte ti yer antreprann en vizit bann fasilite sportif dan distrik Larivyer Anglez ansanm avek Minis pour Lazenes e Spor, Ms. Kalsey Belle, PS Spor Ms. Fatime Kante, e sef egzekitif NSC Msye Marc Arissol. Sa vizit ti konmans kot kort Union Vale, swivi par kort kot Vilaz Trezor e en sit Ma Joie, kot i annan serten diskisyon pou devlop li dan en fasilite sportif pour deservi bann zabitan sa sou-distrik. Vizit ti termin kot kort obor Stad lanmizik, ki en fasilite tre popiler avek bann atlet basketball e volleyball.

Onorab Labonte ti akey sa vizit par nouvo Minis responsab pour spor, e i ti note ki ti ava kontan vwar bann fasilite sportif vin pli a la oter. I ti osi soulinyen ki menm si i byen ki Minis Belle in antreprann sa seri vizit, i pli enportan ki i annan follow-up e ki i annan kolaborasyon ant Minister pour Spor e Minister Gouvernman Lokal pour benefisye zabitan English River.

06/02/2026

06/02/2026

Onorab Andy Labonte ti sa semenn fer son lentervansyon dan Lasanble Nasyonal lo ladres Leta La Nasyon fer par Prezidan Herminie. Dan son lentervansyon, Onorab Labonte ti soulinyen ki sa ladres ti dezapwentan pour bokou Seselwa — ki i pa ti en vre ladres Leta La Nasyon me ki Presizdan Herminie in plito tous lo keksoz ki lepep ti’n deza konnen.

Onorab Labonte ti esplike ki:
* Lepep Seselwa i anvi en vre ladres Leta La Nasyon ki donn en apersi lo kote nou pei i ete aktyelman e en Lets La Nasyon ki dir laverite
* Sa ladres ti plen avek mansonz
* Par egzanp, se ladministrasyon LDS ki ti’n fini fer provizyon depi Oktob 2025 pour konstrir 228 lakaz abordab ek 94 mid-range condos, e non pa sa nouvo ladministrasyon
* Plizyer teren ti’n fini prepare pour landbank atraver pei, enkli:
– 26 morso La Gogue
– 56 morso Anse Royale
– 30 morso kot Faz 1 North East Point
– 14 morso kot Faz 2 North East Point
– 10 morso Beoliere
* I tre kler ki sa kof plen ki Prezidan Ramkalawan in kit deryer pe al fini akoz robinen larzan in ouver avek promes eleksyon pour satisfer aktivis ek siporter US

Konklizyon? Seselwa i merit laverite.

22/01/2026

Dan kad sa nouvo lannen skoler, Onorab Andy Labonte ti prezan b***r sa semenn, Lendi, pour adres bann paran ek bann etidyan S1 kot lekol segonder English River. Sa lannen, segonder English River in akey 127 nouvo etidyan S1, ki ti pe ganny ankonpanyen avek zot paran pour sa zour. Sa lekol i annan 4 Home Class S1 ek 1 laklas Elite S1.

Onorab Labonte ti profit sa lokazyon pour donn son sipor, lankourazman e motivasyon bann etidyan, paran, bann ansenyan ek Head Teacher, Sir Steve Houareau, pour lannen skoler 2026.

Answit, Onorab Labonte ti osi zwenn avek bann paran e zanfan Lakres Year One, ansanm avek Teacher in Charge, Ms Louisiana Ameddee, ek Coordinator, Ms Anne Gerry, kot Extension Lakres La Rosiere, ki baze deryer Lekol Segonder English River.

Sa extension in akey en pe plis ki 65 nouvo zanfan Year 1, ki distribye dan 3 laklas. Sa lakres i deza annan 4 laklas Year 2 avek 68 zanfan.

Nou swet tou bann zanfan, paran ek bann ansenyan en nouvo lannen skoler plen ek sikse.

31/12/2025

Pour sa Nouvel An 2026, Onorab Andy Labonte i swet tou Seselwa e tou zabitan Larivyer Anglez en lannen ranpli avek lasante, lape ek stabilite. Ki sa nouvo lannen i anmenn plis lespwar, linite ek bon keksoz pour nou pei ek kominote.

25/12/2025

A Christmas postcard from Hon. Andy Labonte, sent with warm wishes to all residents of English River. As we celebrate this special season, may your homes be filled with peace, joy, and togetherness.

Wishing you and your loved ones a Merry Christmas🎄🎄🎄

19/11/2025

Mesaz sorti kot Onorab Andy Labonte alokazyon Lazournen Mondyal pour bann zonm.

"Ozordi, alokazyon Lazournen Mondyal pour bann zonm, mon anvi remersye tou zonm ek garson dan nou pei, e plis ankor bann ki reste dan mon distrik, Larivyer Anglez. Zot kontribisyon dan lavi toulezour—dan lafanmir, dan travay, dan legliz, dan sport, dan sekter piblik ek prive—i enportan pour gard nou kominote inie anpe.

Dan nou distrik, mon vwar bann zonm ek garson ki travay dir, ki pran responsabilite pour soutenir zot fanmiy, e ki met zot leker dan devlopman distrik. Swa zot pe ede dan aktivite kominoter, pe met lanmen pour ed repar en lakaz, pe soutyen nou zenn, oubyen pe asire ki nou lakour i reste en landrwa sekirize—tou sa kontribisyon i bouz nou distrik devan.

Nou rekonnet zot valer, zot pasyans, zot zefor ek zot determinasyon pour fer en diferans.

Mon ankouraz zot pour kontinyen montre bon legzanpe pour reste bann model pozitiv ki zenn i kapab swiv."