Delina Consulting AB

21/09/2026

ካብ 1 ጥቅምቲ ጀሚሩ ኣብ ግብሪ ዝዉዕል ሓዱሽ ሕጊ ስድራ ጥርናፈ !

ካብ 1 ጥቅምቲ 2026 ጀሚሩ ሓደስቲ ሕግታት ምጽንባር ስድራቤት ኣብ ግብሪ ክዉዕሉ ክጅምሩ እዮም። እዞም ሕግታት ነቶም ኣብ ሽወደን ስድራ ቤት ክጥርንፉ ዝደልዩ ሰባትን፡ ዋላ ነቶም ኣብ ሽወደን ምስ ኣባል ስድራቤትካ ኣብ ሽወደን ንምንባር መንበሪ ፍቓድ ዝሓቱ ወይ ዘናዉሑን ይምልከት። እዚ ብባይቶ ሽወደን ኣብ 13 ነሓሰ 2026 ጸዲቑ፡ ካብ 1 ጥቅምቲ 2026 ጀሚሩ ኣብ ግብሪ ዝዉዕል ሓዱሽ ሕጊ ነዞም ዝስዕቡ ሰባት ይምልከት።

1. እቲ ኣብ ሽወደን ኮይኑ ስድራ ክጥናፈ ዝገብር ሰብ፡ ኣብ ሽወደን ንዝተወሰነ ግዜ ዝተቐመጠ ክኸውን ኣለዎ

ሓደ ሰብ ኣብ ሽወደን ብምኽንያት ስድራጥርናፈ ግዝያዊ መንበሪ ፍቓድ እንተለካ፡ ካብ 1 ጥቅምቲ 2026 ጀሚሩ ስድራቤትካ ምሳኻ ኣብ ሽወደን ንምንባር ፍቓድ መንበሪ ክረኽቡ ንስኻ ንኽልተ ዓመት ኣብ ሽወደን ዝተቐመጥካ ክትከውን ኣለካ። ሓደ ሰብ ግዚያዊ መንበሪ ፍቓድ ረኺቡ ብዉሕዱ 2 ዓመት ኣብ ሽወደን ከይነበረ ስድራጥርናፈ ክገብር ኣይፍቀድን።

እንተኾነ ግን ገለ ገለ ሕግገታት ዝግበረሎም ሰባት ወይ እዚ ሕጊ ዘይምልከቶም ሰባት ኣለዉ። ንኣብነት፡ ኣብ ሽወደን ዝተዋሃብካዮ ግዝያዊ መንበሪ ፍቓድ ብምኽንያት ፖለቲካዊ ዑቕባ (flyktingstatus) እንተኾይኑን፡ እቲ ኣብ መንጎኻን ኣባል ስድራቤትካን ዘሎ ዝምድና ቅድሚ ናብ ሽወደን ምምጻእካ ዝተመስረተ እንተኾይኑን።

2. ቀዋሚ መንበሪ ፍቓድ ናይ ምርካብ ዝተመስረተ ተስፋ ዘለዎ ሰብ እንተኾይኑ

ኣብ ሽወደብ ግዝያዊ ፍቓድ መንበሪ ዘለካ እንተኾይንካ፡ ንኣባል ስድራቤትካ ክትጥርንፍ እንተደሊኻ፡ ኣብ ሽወደን ነዊሕ ግዜ ዝተቐመጥካ ወይ ቀዋሚ ፍቓድ መንበሪ ናይ ምርካብ “ዝተመስረተ ተስፋ” ክህልወካ ኣለዎ። እዚ ነቶም ፖለቲካዊ ዑቕባ ዝወሰዱ ስደተኛታት፡ ነቶም ንተወሳኺ ሓለዋ ዘድልዮም ሰባት (subsidiärt skyddsbehövande) ሰባት የጠቓልል።

3. ናይ ቀለብ (försörjningskrav) ከማልእ ኣለዎ።

ካብ 1 ጥቅምቲ 2026 ጀሚሩ: ሓደ ሰብ ኣብ ሽወደን ብምኽንያት ስድራ ጥርናፈ ግዚያዊ መንበሪ ፍቓፍ ረኺቡ እንተኔሩ፡ ዋላ ነቲ ዝጸንሖ ግዚያዊ መንበሪ ከሓድሶ እንተኾይኑ፡ ናይ ግድን እቲ ተጸዋዒ ሰብ (anknytningsperson) ስራሕ ክህልዎን ነቶም ስደራ ቤቱ ባዕሉ ናይ ቀለብ (försörjningskrav) ከማልእ ኣለዎ። እዚ ሕጊ እዚ ግን ነቶም ንመጀመርያ ግዜ ግዝያዊ መንበሪ ፍቓዶም ዘመልክቱ ሰባት ጥራሕ ይምልከት።

እዚ ማለት፡ እቲ ሰብ ቅድሚ 1 ጥቅምቲ 2026 ዝተዋህበ መንበሪ ፍቓድ ንምንዋሕ፣ እቲ ኣባል ስድራቤት እንተደንጎየ ክሳብ 1 ጥቅምቲ 2027 መንበሪ ፍቓዱ ከናዉሕ ሕቶ ዘቕረበ ሰብ እንተኔሩ፡ እዚ ግጊ ኣይምልከቶን። ንኹሎም ካብ 2 ጥቅምቲ 2027 ንደሓር ዘመልክቱ ሰባት ግን፡እቲ anknytningsperson ናይ ግድን ናይ ቀለብ (försörjningskrav) ከማልእ ኣለዎ።

4. ሓዱሽ ሕጊ መንበሪ ፍቓድ ንመንእሰያት

ብተወሳኺ ካብ 1 ጥቅምቲ 2026 ኣብ ግብሪ ዝዉዕል ሓዱሽ ሕጊ፡ ነቶም ቅድሚ ሕጂ ከም ትሕቲ ዕድመ ብምኽንያት ስድራቤታዊ ዝምድና መንበሪ ፍቓድ ዝነበሮም ገለ መንእሰያት ዝምልከቱ ሕግታት እውን ክቕየሩ እዮም።

ገለ መንእሰያት ኣብ ውሽጢ ሽወደን ፍቓድ መንበሪ ንምርካብ ዝሰፍሐ ዕድል ክረኽቡ እዮም። ዜጋ ናይ EU/EES እንተዘይኮንካ፡ ኣብ መብዛሕትኡ ኩነታት ቅድሚ ናብ ሽወደን ምእታውካ ፍቓድ መንበሪ ክትሓትትን ክትረክብን ኣለካ። እንተዘይኮይኑ ናይ መንበሪ ፍቓድ ሕቶኻ ክንጸግ ይኽእል። ካብ ሽወደን ንኽትወጽእ ወይ ንኽትስጎግ ዉን ውሳነ ክወሃበካ ይኽእል እዩ።

ድሕሪ 1 ጥቅምቲ 2026 ግን ፡ ገለ መንእሰያት ምስ ወለዶም ብምትእስሳር ቀጻሊ መንበሪ ፍቓድ ንኽረኽቡ ዝሰፍሐ ዕድል ዝህቡ ሕግታት ክትግበሩ እዮም። እዚ ማለት ነቶም ካብ 1 ጥቅምቲ 2023 ድሕሪኡ ብምኽንያት ምስ ወለዶም ብምትእስሳር (ስድራ ጥርናፈ) ኣብ መንጎ 1 ጥቅምቲ 2026ን 31 ታሕሳስ 2027ን፡ መንበሪ ፍቓድ ወሲዶም ዝጸንሑ እሞ ልዕሊ 18 ዓመት ዝኾኑ መንእሰያት፡ ኣብ ገለ ኩነታት ካብ ውሽጢ ሽወደን ፍቓድ መንበሪ ንኽትረክብ ዘኽእል ሰፊሕ ዕድል ክፍጠር እዩ።

5. ልዕሊ 18 ዓመት ግን ትሕቲ 21 ዓመት ዝኾንካን ከም ትሕቲ ዕድመ ፍቓድ መንበሪ ዝነበረካን

ልዕሊ 18 ዓመት ግን ትሕቲ 21 ዓመት እንተኾንካ፡ ከም ውላድ ናይቲ ኣብ ሽወደን ዘሎ ተጸዋዒ ወላዲ (anknytningsperson) ወይ ናይ መጻምድቱ ፍቓድ መንበሪ ዝነበረካ እንተኾይኑ፡ ኣብ ገለ ኩነታት መንበሪ ፍቓድካ ብዘይ ቅድመ ኩነት ክናዋሕ ይኽእል።

6. 21 ዓመት ወይ ልዕሊኡ ዝኾንካን ከም ትሕቲ ዕድመ ፍቓድ መንበሪ ዝረኸብካን

ዕድሜኻ ካብ 21 ዓመት ወይ ልዕሊኡ እንተኾንካ፡ መንበሪ ፍቓድካ ብዘይ ቅድመ ኩነት ክናዋሕ ይኽእል። ካብቶም ቀንዲ መዐኒታት፡ ምስ ወላዲኻ ብምትእስሳር (እቲ anknytningsperson ናይ ወይ መጻምድቱ) ፍቓድ መንበሪ ዝነበረካ እንተኾይንካ፡ ምስቲ ወላዲ ኣብ ሓደ ገዛ ትነብር እንተለኻ፡ ከምኡ ውን ምስቲ ወላዲ ፍሉይ ናይ ምድግጋፍን ዉክልናን ዝምድና እንተለካ፡መንበሪ ፍቓድካ ብዘይ ቅድመ ኩነት ክናዋሕ ይኽእል።

ተኽለወይኒ ኣስመላሽ
21 መስከረም 2026

20/09/2026

ኣብ ሽወደን ኣብዚ ዝምስረት ሓዱሽ መንግስቲ ዘሎ ብድሆታት እንታይ እዩ ዝብል ሙሉእ ትሕዝቶ ኣብ ቦታ comment ኣለኩም።

20/09/2026

ኣብ ሽወደን ኣብዚ ዝምስረት ሓዱሽ መንግስቲ ዘሎ ብድሆታት እንታይ እዩ ፧

Enjoy the videos and music you love, upload original content, and share it all with friends, family, and the world on YouTube.

17/09/2026

ደሃይ ምርጫ !

ኣብ ምርጫ 2026 ብማግዳለና ኣንደርሶን ዝምራሕ ጸጋማዊ ብሎክ 176 ብ 173 ወናብር ብንርካብ ከም ዝተዓወተ ብወግዒ ተሓቢሩ። እዚ ብጸቢብ ፍልልይ ናይ ድምጺ ምቑጻር ክካየድ ድሕሪ ምቕናይ፡ ሎሚ ሓሙስ 17 መስከረም 2026 ጸጋማዊ ብሎክ ከም ዝተዓወተ ተሓቢሩ ኣሎ።

ቀዳማይ ሚኒተር ሽወደን ጽባሕ ዓርቢ ካብ መዝነቱ ክሰናበት ሙዃኑ ዉን ማዕከን ዜና SVT ሓቢሩ ኣሎ። ብዜካ እዚ መራሒ ሰልፊ SD ዝኾነ Jimmie Åkesson ዉን ኣብቲ ኣብ ታሪኽ ናይ 16 ዓመት: እቲ ንሲኡ ዝመርሖ ሰልፊ sverigedemokraterna ንመጀመርያ ግዜ ብ-3 % ስለ ዘንቆልቆለ፡ ካብ መሪሕነት ናይ ሰልፊ SD ተኣልዩ ተኣልዩ ዕረፍቲ ክወስድ ሙዃኑ ማዕከናት ዜና ሽወደን ይጽብጽባ ኣለዋ። ገለ ገለ ምንጭታት ዉን Jimmie Åkesson እንተወሓደ ንሓደ ተወሳኺ ናይ ስልጣን ዘመን ከም መራሒ ፓርቲ ክቕጽል ይኽእል ዝብሉ ኣለዉ ።

ኣብዚ ናይ ሎሚ ዓመት ምርጫ፡ ኣብ ሞንጎ እዞም ክልተ ብሎካት ብናይ 50 359 ድምጺ ጥራሕ ተፈለልዮም ዉድድሮም ዛዚሞም። ኣብዚ ናይ ሎሚ ዓመት ምርጫ ዝያዳ ደገፍ ዝረኸበ ሰልፊ Vänsterpartiet ኮይኑ ኣሎ። ብዝሒ ወናብር ባይቶ ሽወደን ካብ 24 ናብ 30 በሪኹ ኣሎ።

ኣብዚ ናይ ሎሚ ዓመት ምርጫ ሰልፊ Sverigedemokraterna ኣብ ታሪኹ ዝኸፍአ ዉጽኢት (-3,81) ከምዝግብ ከሎ፡ እቲ ብኻልኣይ ደረጃ ብኣሉታ ዝተጸልወ ሰልፊ ኸኣ ናይታ ቀዳመይቲ ሚንስተር ሽወደን ንኽትከዉን ተስፋ ተነቢርላ ዘሎ Magdalena Andersson ሰልፊ Socialdemokraterna (-1.77%) እዩ።

ኣብዚ ናይ ሎሚ ዓመት ምርጫ፡ ካብቲ ከድምጽ ዝነበሮ ህዝቢ እቲ 84.8% ድምጹ ሂቡ። ካብዚ ዝተገብረ ድምጺ እቲ 49.5% ህዝቢ ሽወደን ናብ ጸጋማዉያን፡ እቲ 48.8% ከኣ ናብ የመናዉያን ኣድሚጹ።

መግስቲ ኣብ ምምስራት ክንደይ ግዜ ክወስድ ከም ዝኽእል እኳ እንተዘይተገመተ፡ መራሒት ሰልፊ Socialdemokraterna ከም ቀዳመይቲ ሚኒስተር ሽወደን ኮይና መንግስቲ ንምምስራት ግን ኣብ ቅድሚኣ ብዙሕ ስራሕን ብደሆታታን ከም ዘጋጥማ ተገሚቱ ኣሎ። ናይዚ ቀንዲ ምኽንያት ከኣ እቶን ክልተ ጸጋማዉያን መሻርኽታ ሰልፍታት (Vänsterpartiet ምስ Centerpartiet) ኣብ መንግስቲ ምምስራት ዘለዎም ገፊሕ ፖለቲካዊ ፍልልያት ምዃኑ እዩ።

ብዝኾነ ነቶም ደገፍቲ ጸጋማዉያን ሰልፍታታ ዝኾንኩም እንቋዕ ሓጎሰኩም!

ብኻልእ እዋናዊ ደሃይ ምርጫ ክሳብ ዝምለሰኩም............ሰላም !

ተኽለወይኒ ኣስመላሽ
17 መስከረም 2026

17/09/2026

ኣብ ናይ ሎሚ ዓመት ዝተገብረ ምርጫ ብዝሒ መረጽቲ ከም ዘወሰኸ ተሓቢሩ !

ሰምበት 13 ም3ስከረም ዝተዛዘመ ምርጫ ሽወደን፡ ምስ ናይ 2022 ዝነበረ ምርጫ ክወዳደር እንከሎ፡ብዝሒ ወሃብቲ ድምጺ ብ 0.1% ከም ዝወሰኸ ተሓቢሩ። ዋላ እኳ 99.9% ድምጺ ተቖጺሩ እንተሃለወ፡ ጌና ኩሎም መዉሃቢ ድምጽታታ ተቖጺሮም ከይተወድኡ እንከለዉ እዩ፡ብዝሒ ተሳተፍቲ ምርጫ 84.3% በጺሑ ዘሎ። እዚ ድማ ምስ 2022 ክነጻጸር እንከሎ ብ 0.1 ሚእታዊት ወሰኸ ጌሩ ኣሎ።

ጄኒ ስታድ (ሓላፊት ፕረስ በዓል መዚ ምርጫ ሽወደን) ከም ዝሓበረቶ እንተኾይኑ፡ ኣብዚ እዋን እዚ ብዝሒ ተሳትፎ መረጽቲ ካብ 2022 ክወዳደር እንከሎ ዝለዓለ ቁጽሪ ኔሩ ክትብል ሓቢራ። ምቑጻር ድምጺ ገና ስለዘይተወድአ እቲ ቁጽሪ ቁሩብ ክውስኽ ከም ዝኽእል ዉን ገሊጻ ።

ኣቐዲሙ ቅድሚ ምርጫ ዝወጸ ግዝያዊ ኣሃዝን ግምትን ኣብዚ ዓመት 2026 ብዝሒ ተሳተፍቲ ምርጫ 80.4% ከም ዝኸዉን እዩ ተገሚቱ ኒሩ። እንተኮነ ግን ካብ ዝተገመቶ ንላ ዕሊ ዕቤት ከም ዘርኣየ ተሓቢሩ ኣሎ።

ቅድሚ 4 ዓመት ኣብ 2022 ኣብ ሽወደን ዝተገብረ ምርጫ፡ካብቶም ናይ ምድማጽ መሰል ዝነበሮም ሰባት 84.2 % ድምጾም ሂቦም። ቅድሚ 8 ዓመት ኣብ ዓመተ 2018 ዝተገብረ ምርጫ ከኣ 87.2 % ድምጾም ሂቦም።

ብኻልእ እዋናዊ ደሃይ ምርጫ ክሳብ ዝምለሰኩም............ሰላም !
ተኽለወይኒ ኣስመላሽ
17 መስከረም 2026

16/09/2026

ዋዕሮታት መራሕቲ ሰልፊ ጸጋማዊ ብሎክ !

16/09/2026

ደሃይ ምርጫ !

ሶሻልደሞክራተርና ንዝርርብን ድርድርን ይዳለዉ ኣለዉ !

ሎሚ ረቡዕ በቲ ድሒሩ ክቑጸር ዝዋዓለ ድምጺ፡ኣብ ሞንጎ ጸጋማዉያንን የማንዉያንን ክግበር ዝዋዓለ ወናብር ምግምጣል ( ካብቲ ዝቐነዮ 176 ብ 173 ናብ 175 ብ 174፡ ኣማስዩ ከኣ ናብቲ ዝነበሮ 176 ብ 173)፡ ረቡዕ ምሸት ድሕሪ እቲ SVT ዝገበሮ ጸብጻብ፡ ጸጋማዉያን 176 ብ 173 ወናብር ከም ዝተዓወቱ ዳርጋ ርጉጽ ኮይኑ ኣሎ ።

በዚ መሰረት እቲ ን4 ዓመታት ንሽወደን ክመርሕ ዝጸንሐ መንግስቲ (Tidö Party) ብናይ 3 ወናብር ድምጺ ተመሪሑ ኣሎ ። እዚ ማለት ግን ዋላ እኳ ብዙሕ ለዉጢ ከምጽእ እንተዘይተገመተ ጌና ናይ 6 ዘይተቖጽሩ ነቑጣታት ተሪፎም ከም ዘለዉ ምግንዛብ ኣገዳሲ እዩ። ክሳብ ሕጂ 6620 ካብቶም ዝነበሩ 6626 መምረጺ ነቑጣታት (99.9%) ተቖጺሮም ኣለዉ።

በዚ ናይ ሎሚ ምሸት ዉጺኢት ዝተሓጎሰት መራሒት ናይ Centerpartiet ሰልፊ ኤሊሳቤት ታንድ ሪንግክቪስት፡ ‘‘ሽወደን ብናይ SD ሚኒስተራት ንኸይትምራሕ ኣድሚጻ’’ ክትብል ምስ SVT ዝገበረቶ ሓጺር ቃለመሕተት ሓቢራ።

ብዜካ እዚ ሰልፊ ሶሻልደሞክራተርና ፡ መንግስቲ ኣብ ምምስራት ንዝርርብን ድርድርን ይዳለዉ ከም ዘለዉ ዉን ተሓቢሩ ኣሎ። ሰልፊ ሶሻልደሞክራተርና ወግዓዊ ብዘይኮነ መንገዲ፡ ምስቶም ጸጋማዉያን መሻርኽቱ ፓርትታት ርክብ ከም ዝጀመረ ዉን ማዕከን ዜና ኣፍቶንብላደት ጸብጺቡ።ኣብዚ እዋን ምስ ኩሎም ተቓወምቲ ፓርትታት ርክብ ኣሎ፡ ክብል ሓደ ኣብ ውሽጢ ሶሻልደሞክራተርና ዘሎ ምንጪ ንጋዜጣ ኣፍቶንብላደት ገሊጹ።

መራሒት ሰንተርፓርቲ (C) ኤሊሳቤት ታንድ ሪንግክቪስት፡ ናይቲ ፓርቲ ዕላማ ኣብ ማእከል ፖለቲካ ሽወደን ድልዱል መሰረት ዘለዎ መንግስቲ ምቛም ምዃኑ ከም ዝቕጽል ገሊጻ። ውጽኢት ምርጫ ሕጂ እናነጸረ ምስ መጸ፡ እዚ ኣተሓሳስባ ዝያዳ ከም ዝደልደለ ንኤክስፕረሰን ገሊጻ።

ኣማስዩ ካብ ሰልፊ ቬንስተርፓርቲ (V) ዘወጸ መግለጺ ከም ዘነጽሮ እንተኾይኑ፡ ኣብዚ እዋን እዚ ወግዓዉን ብደረጃ ላዕለዎት ኣመራርሓ Vን Cን ዝተኻየደ ዝርርብ ከም ዘየለ ውዩ ዘነጽር። እንተኾነ ግን ሕጂ ክጅመር ተስፋ ንገብር ክትብል ምክትል መራሒት ሰልፊ V ኢዳ ጋብሪኤልሾን ገሊጻ።

ብሓዱሽን እዋናዉን ትሕዝቶ ክሳብ ዝምለሰኩም............ሰላም !

ተኽለወይኒ ኣስመላሽ
ረቡዕ 16 መስከረም 2026
ሰዓት 23:55

16/09/2026

ደሃይ ምርጫ !

ብመሰረት ጸብጻብ ናይ SVT prognos ኣብዚ ናይ ሎሚ ዓመት ምርጫ የማናዉያን ብሎክ 99.9% ከም ዝተሳዕሩ ዝሕብር ጸብጻብ ወጺኡ ኣሎ። ብማግዳለና ኣንደርሰን ዝምራሕ ጸጋማዊ ሰልፊ ከም ዝሰዓረ ዳርጋ ርጉጽ ኮይኑ ኣሎ።

ጸጋማዉያን ከም ዝተዓወቱ ግን ብወግዒ ኣይተሓበረን ዘሎ። Tidö Party ግን ክዕወቱ ከም ዘይኮኑ 99.9 % ርግጸኛ ብምዃን SVT ጸብጺቡ። ሙሉእ ትሕዝቶ ዝርዝርን ኣብ ናይ ኮመንት ቦታ ኣለኩም ኣንብብዎ።

ኩሉን ማዕከናትት ዜና ሽወደን ዉን ነዚ ናይ SVT prognos ምርኩስ ብምግባር ይጽብጽባ ኣለዋ። ሎሚ ምሸት ወይ ጸባሕ ሓሙስ ንጉሆ ተዓዋቲ ወገን ወግዓዊ ክኸውን እዩ።

ተኽለወይኒ ኣስመላሽ
16 መስከረም 2026