Ambasada e Kosovës në Slloveni

14/06/2026

Në ora 08:30, sipas planifikimit, filloi turneu tradicional i futbollit të vogël “Turneu i Lirisë 2026”, i organizuar nga Ambasada e Republikës së Kosovës në Lubjanë.

Ky turne organizohet për nder të Ditës së Çlirimit të Republikës së Kosovës, ndërsa këtë vit po mbahet në Kranj.

U dëshirojmë suksese të gjitha ekipeve pjesëmarrëse dhe një të diel të këndshme me sport, miqësi dhe atmosferë të mirë për të gjithë shikuesit!

13/06/2026

📢 Të dashur dashamirë të futbollit,

Ju ftojmë që nesër, e diel, 14 qershor 2026, të bëheni pjesë e atmosferës sportive në “Turneun e Lirisë 2026”, i cili këtë vit organizohet në qytetin e Kranjit, për nder të Ditës së Çlirimit të Republikës së Kosovës.

🏟️ Vendi: Športna dvorana Planina
📍 Adresa: ul. Tončka Dežmana 1, Kranj

Ftojmë të gjithë sportdashësit, familjet dhe miqtë që të vijnë për të përkrahur ekipet pjesëmarrëse dhe për të shijuar një ditë të bukur fundjave, të mbushur me sport, emocion dhe shoqëri të mirë.

Ejani të festojmë së bashku frymën e garës, miqësinë dhe vlerat që na bashkojnë!

Mirë se vini në “Turneun e Lirisë 2026”! 🇽🇰🏆⚽️

12/06/2026

🇦🇱❤️🇽🇰

Gezuar Kosovë!
Faleminderit çlirimtarëve dhe aleatëve strategjikë.
Lavdi dëshmorëve të lirisë së Kosovës. 🇦🇱🇽🇰

10/06/2026

Veleposlaništvo Republike Kosovo vas v sodelovanju s kinom AGRFT vabi na filmski večer s štirimi kratkimi filmi s Kosova.

Skozi avtentične zgodbe in različne umetniške pristope filmi predstavljajo filmsko ustvarjalnost in talent kosovskih režiserjev.

Vljudno vabljeni, da se nam pridružite in od blizu spoznate kosovsko kulturo in kinematografijo.
_________________________________

Ambasada e Republikës së Kosovës, në bashkëpunim me kinemanë AGRFT, ju fton në një mbrëmje kinematografike me katër filma me metrazh të shkurtër nga Kosova.

Përmes rrëfimeve autentike dhe qasjeve të ndryshme artistike, këta filma pasqyrojnë krijimtarinë filmike dhe talentin e autorëve kosovarë.

Ju mirëpresim të na bashkoheni për të njohur nga afër kulturën dhe artin kinematografik të Kosovës.

Rezervimin e biletave mund ta bëni në kinema në adresën:

[email protected]

« Vsi Dogodki Kinofilm: BURIM HALITI 17 junija @ 18:00 - 20:30 « Dnevi črnogorskega filma: OVA DOBRA ZEMLJA V sodelovanju z Veleposlaništvom Republike Kosovo v Sloveniji bomo v sredo, 17. junija 2026, ob 18.00 v Kinofilmu predvajali kratke filme kosovskega režiserja Burima Halitija. HIŠA NAROD...

06/06/2026

Të dashur shtetas të Republikës së Kosovës,

Qendra e votimit në Ambasadë është mbyllur në orën 19:00.

Falënderojmë të gjithë shtetasit tanë që ushtruan të drejtën e tyre kushtetuese dhe votuan në Ambasadë.

Shprehim mirënjohje të thellë për të gjithë ekipin, i cili me përkushtim dhe profesionalizëm të lartë mundësoi zhvillimin e suksesshëm të procesit zgjedhor.

06/06/2026

Të dashur shtetas të Republikës së Kosovës,

Kanë mbetur edhe pak më shumë se tri orë deri në mbyllje të qendrës së votimit në Ambasadën në Lubjanë.

Ftojmë të gjithë ju që jeni të regjistruar për ta ushtruar të drejtën e votës të merrni pjesë në procesin e votimit.

🪪 Votimi mundësohet me:
▪️ Letërnjoftim të Republikës së Kosovës
▪️ Pasaportë të Republikës së Kosovës
▪️ Leje vozitjeje të Republikës së Kosovës

Vendvotimi do të jetë i hapur deri në ora 19:00.

Adresa e Ambasadës është Tivolska cesta 48, Lubjanë.

06/06/2026

Të dashur shtetas të Republikës së Kosovës,

Qendra e votimit në Lubjanë është hapur në ora 07:00. Ju ftojmë të gjithëve që jeni regjistruar të vini dhe ta shfrytëzoni të drejtën tuaj të votës deri në ora 19:00.

05/06/2026