https://www.facebook.com/829703566886294/

Dowlada Hoose Ee Degmada Afmadow

Home
Somalia
Afmadow
Dowlada Hoose Ee Degmada Afmadow

Contact information, map and directions, contact form, opening hours, services, ratings, photos, videos and announcements from Dowlada Hoose Ee Degmada Afmadow, Government Organization, Afmadow.

Dowladda Hoose ee dagmada Afmadow waxa ay ka shaqeysaa horrumarinta Adeegyada aas-aasiga u ah bulshada; caafimaadka, waxbarashada, nadaafadda, kaabeyaasha dhaqaalaha iyo Amniga degmada - iyadoona si siman u gaarsiisa Bulshada.

29/03/2026

Wafdi uu hoggaaminayo Wasiirka Wasaaradda Gargaarka iyo Maareynta Masiibooyinka Dowladda Jubbaland, Mudane Cabdiraxmaan Maxamed Dhiiriq, oo ay wehliyaan Wasiirka Wasaaradda Biyaha Mudane Axmed Xuseen Baraki (Zubeer) ayaa safar shaqo ku soo gaaray Degmada Afmadow

Wafdigan waxaa si diirran ugu soo dhoweeyey maamulka iyo qaybaha kala duwan ee Dowladda Hoose ee Degmada Afmadow kuwaas oo muujiyey muhiimadda ay booqashadani u leedahay xoojinta adeegyada gargaarka iyo horumarinta bulshada.

Ujeedka safarka wafdiga ayaa ahaa
Deeq raashin ah oo laso garsiye dadka danyarta ah ee kunool dagmada dhobley iyo Tuloyinka ku teedsan

Ugu dambeyn, maamulka Degmada Afmadow waxay si weyn ugu mahadcelinayaan wafdiga heer wasiir ee soo booqday degmada, iyagoo bogaadinaya dadaalkooda iyo sida ay uga go’an tahay horumarinta adeegyada bulshada iyo garab istaagga shacabka.

18/03/2026

Guddoomiyaha Dagmada Afmadow ahna duqa magalada mudane Cabdiraxmaan Macallin Cali(Xaji Maji) oo uu weheliyo Xoghaya dowladda hoose ayaa xariga ka jaray hotel ganacsi oo dhawaan lagu soo kordhiyay magaalada Afmadow, kaas oo qayb ka ah dhismeyaasha casriga ah ee laga hirgaliyay dagmada Afmadow.

11/03/2026

Wasiir Ku-xigeenka Wasaaradda Gargaarka iyo Maareynta Musiibooyinka Dowlad Goboleedka Jubbaland, Maxamad Cusmaan Jaamac (Jeemis), oo maalmahan safar shaqo ku jooga degmada Afmadow ayaa maanta kulan is-xogwareysi ah la yeeshay guddiga gurmadka abaaraha ee degmada.
Kulankan ayaa diiradda lagu saaray xaaladda abaaraha ee ka jirta degmada Afmadow iyo sidii loo xoojin lahaa dadaallada lagu caawinayo dadka ay saameeyeen abaartu, gaar ahaan qoysaska xoolahooda ay abaaruhu saameeyeen.

Wasiir Ku-xigeenka ayaa maamulka degmada iyo guddiga uga mahadceliyay sida ay isku xilqaameen islamarkaana ay u garab istaageen bulshada abaarahu sameeyeen, isagoo ku bogaadiyay doorka ay ka qaadanayaan gurmadka iyo taageerada dadka ay dhibaatadu gaartay.

Sidoo kale, Wasiirka ayaa sheegay in dowladda Jubbaland ay dadaal badan ku bixinayso sidii gurmad degdeg ah loo gaarsiin lahaa dadka ay abaartu saameysay, isla markaana ay ka go’an tahay in la xoojiyo qorshayaasha lagu yareynayo saameynta abaaraha.

Ugu dambeyn, kulanka ayaa lagu soo hadal qaaday muhiimadda ay leedahay wada shaqeynta dowladda, maamulka degmada iyo bulshada si xal waara loogu helo dhibaatooyinka ka dhasha abaaraha.

18/02/2026

Agaasimaha Waaxda Hawada iyo Duulista Dowladda Jubbaland, Maxamed Cawaale, iyo wafdi uu hoggaaminayo oo ay ka mid yihiin injineerro ka socday hay’adda Qaramada Midoobay u qaabilsan Cuntada ee World Food Programme (WFP), ayaa maanta safar shaqo ku gaaray degmada Afmadow ee gobolka Jubbada Hoose.

Wafdigan ayaa si diirran loogu soo dhoweeyay xarunta degmada, iyadoo ay qaabileen maamulka degmada iyo masuuliyiin kale oo ka tirsan heerarka kala duwan ee dowlad deegaanka.

Intii uu socday booqashadu, maamulka degmada oo ay wehliyeen wafdiga iyo injineerrada WFP, ayaa kormeer ku sameeyay dhammaan marinnada muhiimka ah ee soo gala deegaanka Lake Dheeraa, kuwaas oo muddo dheer caqabad ku ahaa isu socodka gaadiidka, ganacsiga iyo bulshada rayidka ah. Waddooyinkan oo ay saameeyeen roobab iyo dayac soo jireen ah ayaa sababay hakad ku yimaada isku xirka garoonka iyo magaalada.

Ujeedka safarkan ayaa ahaa qiimeyn farsamo oo ku aaddan dib-u-dhiska iyo tayeynta waddooyinka halbowlaha u ah isku xirka garoonka diyaaradaha iyo magaalada Afmadow. Mashruucan ayaa la filayaa inuu door weyn ka qaato dardargelinta dhaqaalaha, fududeynta adeegyada bulshada iyo sare u qaadidda amniga isu socodka.

Guddoomiyaha degmada Afmadow ayaa ku Boggaadiyey wafdiga booqashadooda iyo dadaalka ay ugu kuurgalayaan baahiyaha ka jira degmada, isaga oo si gaar ah u codsaday in mudnaan la siiyo hagaajinta marinada gala garoonka diyaaradaha Afmadow, maadaama dhawaan la qorsheynayo in garoonkaasi loo dhiso qaab casri ah oo la jaanqaadaya baahida sii kordheysa ee duulimaadyada iyo horumarka deegaanka.

11/02/2026

Agaasimaha Guud ee Wasaaradda Gaadiidka iyo Duulista Hawada ee Dowladda Jubaland, Mudane Saacid Cabdullaahi, iyo wafdi uu hogaaminaayo oo ay qayb ka yihiin injineerro ka socday hay'adda WFP ayaa maanta soo gaaray dagmada Afmadow ee gobolka Jubbada hoose.

Ujeedka socdaalkan ayaa daarnaa indha indhayn iyo kormeer guud oo lagu sameynayo Garoonka Diyaaradaha Degmada Afmadow, kaasi oo qorshuhu yahay in dib-u-dhis iyo casriyeyn ballaaran lagu sameeyo.

Mashruucan dhismaha iyo dib-u-habaynta Garoonka Diyaaradaha Degmada Afmadow, ayaa waxaa fulinaya hay’adda WFP, halka maalgelintiisana uu bixinayo Bangiga Adduunka, taas oo qeyb ka ah dedaallada lagu horrumarinayo kaabeyaasha dhaqaalaha iyo adeegyada aasaasiga ah.

Agaasimaha Guud ee Wasaaradda Gaadiidka iyo Duulista Hawada Dowladda Jubbaland mudane Saaacid Cabdullaahi ayaa sheegay in dib-u-dhiska garoonku uu door weyn ka qaadan doono koboca dhaqaalaha, ganacsiga, isku socodka dadka iyo badeecadaha, xoojinta amniga iyo horumarka guud ee deegaanka.

04/02/2026

Munaasabad si weyn loo soo agaasimay oo lagu taageerayay mashaariicda horumarineed iyo waxqabadka Duqa Magaalada Afmadow, Cabdiraxmaan Macallin Cali (Xaaji Maaji), ayaa lagu qabtay hoolka shirarka Degmada Afmadow ee Gobolka Jubbada Hoose.

Xafladda waxaa ka soo qayb galay maamulka degmada, agaasimaha maaliyadda, ururrada haweenka, dhallinyarada, iyo qeybaha kala duwan ee bulshada.

Intii ay munaasabadda socotay, waxaa sidoo kale bilad sharaf la guddoonsiiyay Guddoomiyaha Degmada Afmadow, taasoo uu ku mutaystay howlaha horumarineed ee uu ka hirgeliyay deegaanka.

Dadkii ka soo qayb galay munaasabadda ayaa si weyn u ammaanay Duqa Magaalada Afmadow, Cabdiraxmaan Macallin Cali (Xaaji Maaji), iyagoo ku bogaadiyay waxqabadkiisa muuqda iyo qorshayaashiisa istiraatiijiyadeed ee ku wajahan horumarka degmada.

Ugu dambeyn, Guddoomiyaha Degmada Afmadow ayaa uga mahadceliyay bulshada reer Afmadow garab istaagga iyo taageerada joogtada ah ee ay la garab taagan yihiin.

23/01/2026

Waxaa maanta Degmada afmadow imaadey wasiiro iyo wafdig la socda si ay u kuurgalaan xaaladaha abaareed ee ka jira degmada Afmadow iyo saamaynta ay abaaruhu ku yeesheen nolol-maalmeedka bulshada deegaanka, gaar ahaan dadka nugul ee ay abaaruhu si toos ah u saameeyeen.

Mayorka Degmada Afmadow mudane Cabdirahmaan Macalin Cali (Xaaji Maaji) ayaa kulan gaar ah la qaatey, hay’adaha gargaarka ee ka howlgala degmada, iyo saraakiisha hay’adaha amniga ee Jubbaland. Kulankaas aya wahelinayeen wafdi iskuku jiro Wasiiro. Wafdigaas iyo hay'adahaas ayaa warbixinno kaga dhageystay masuuliyiinta maamulka degmada iyo hay’adaha gargaarka, kuwaas oo faah faahin ka bixiyay xaaladda dhabta ah ee ka jirta deegaanka.

Intii uu kulanku socday, waxaa si qoto dheer diiradda loogu saaray duruufaha nololeed ee dadka ay abaaruhu saameeyeen, caqabadaha taagan, iyo sidii gurmad degdeg ah loo gaarsiin lahaa bulshada dhibaateysan.

Sidoo kale, Wasiirka iyo wafdigiisa oo ay weheliyaan maamulka degmada Afmadow ayaa booqday xeryaha barakacayaasha ee ay ku sugan yihiin qoysaska ku xoolo-beelay ee ka soo barakacay deegaanadoodii, kuwaas oo ku soo qulqulaya degmada Afmadow sababo la xiriira abaarta iyo roob-la’aanta.

Degmada Afmadow ayaa ka mid ah goobaha ugu badan ee ay bilihii la soo dhaafay soo gaareen dadka ku barakacay abaaraha, taas oo muujinaysa baahida loo qabo gurmad deg deg ah iyo taageero bani’aadannimo oo joogto ah.

21/01/2026

Taliyaha ciidanka hay'adda nabad sugidda dagmada Afmadow Captain Deeq Diiriye oo ay weheliyaan maamulka dagmada ayaa maanta biyo dhaamin u sameeyay qoysas danyar ah oo ku sugan kaamamka barakacayaasha ee ku yaalla duleedka dagmada Afmadow ee gobolka Jubbada hoose.

Qoysaskan danyarta ah ee la gaarsiyay biyo dhaaminta ayaa isugu jira kuwi abaaraha ka soo cararay iyo dadka ka soo qaxay dhibaataynta Argagixisada Alshabaab.

Tallaabadan ayaa qayb ka ah dedaalada bani'aadannimo ee saraakiishu ku taageerayaan u gurmashada iyo u qareemidda dadka ay abaaruhu waxyeeleeyeen.

Guddoomiyaha dagmada Afmadow ahna duqa magaalada Cabdiraxmaan Macallin Cali (Xaaji maaji) ayaa bulshada soomaaliyeed ugu baaqay iney ka qayb qaataan taageerada iyo garab istaagga dadka abaaruhu aafeeyeen.

18/01/2026

Guddoomiyaha dagmada Afmadow ahna duqa magaalada Cabdiraxmaan Macallin Cali(Xaaji Maaji) oo uu weheliyo agaasimaha maaliyadda dagmada ayaa deeq raashin ah gaarsiyay boqol qoys oo kamida dadki xoolaha ka soo xarooday, kuwaasi oo ay si wayn u saameysay abaaraha ka jira deeganada Jubbaland.

Deeqdan raashinka oo ay soo uruuriyeen guddida abaaraha dagmada Afmadow ayaa loo qaybiyay in ka badan boqol qoys oo danyar ah, dadka la gaarsiyay deeqdan oo u badan qoysas danyara oo ay abaartu saameysay ayaa uga mahadceliyay maamulka iyo guddida abaaraha.

Guuddoomiyaha dagmada Afmadow ayaa baaq u diray hay'adaha gargaarka, wasaaradda gargaarka iyo maaraynta musiibooyinka jubbaland in gurmad degdeg ah la gaarsiyo dadka nugulka ahi ay abaartu sida wayn u saameysay.

07/01/2026

Guddoomiyaha degmada Afmadow, oo gudoomiyay shir deg-deg ah oo diiradda lagu saarayay xaaladihi u dambeeyay ee abaaraha iyo saamaynta ka dhalatay.

Address

Afmadow

Website

facebook.com

Alerts

Be the first to know and let us send you an email when Dowlada Hoose Ee Degmada Afmadow posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Government Service in Afmadow?